|
Re: حمـــام الوالي يا راحــــــل .. (Re: abuguta)
|
أبوقوته يا رشاشا .. لكن نسوي شنو مره في العراضة ومره في القائم .. الناس دي الفكي بتاعها قوي وكاربنها شديد .. لكن برضو كلاتشي في ومهند الطاهر في وكرنقو دا خليهو يظهر لي ما كان لاعب زاااته أهداف كلها ملعوبة وجميلة ..
نعود للتحليل بي رواقه ..
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
Quote: مبروك عليك يا محمد .. الناس دي فضة بره وجوه .. المره الجاية نعمل ليهم مدياليات ملح ملح ..
بنجيكم بالفيديو أنتظرونا .. |
عليك الله يا معتصم شوفو لينا الصور بتاعت لعيبة الهلال فوق خشبة المرمى مع الاعلااام و الكاس...
راجينكم...
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
معتصم الجميل
ألف مبروك الفوز مع أن الأداء لم يكن بالمستوي المطلوب و الفوز على المريخ لم يعد من طموحات الهلال ( طبعاً لأنو حمام ميت و كدة اللهم لا شماتة) و المطلوب مزيد من الجهد لإعداد فريق يحرز اللقب الأفريقي السنة القادمة.
| |
|
|
|
|
|
|
Re: حمـــام الوالي يا راحــــــل .. (Re: خالد عبد الله محمود)
|
خالد يا صاحب كيفك يا حبيب .. ومبروك ليك انت ولكل الهلالاب ..
Quote: ألف مبروك الفوز مع أن الأداء لم يكن بالمستوي المطلوب |
حقيقي لم يعجبني أداء فريق الهلال ولكن في النهاية حقق ما يصبوا إليه ونال كأس الدوري الممتاز ودي حصيلة موسم كامل بذل فيه اللاعبين كل ما عندهم .. ولابد من الإستعداد للموسم الجديد بعد أخد راحة وتغذية الفريق بتسجيلات جيدة تعينهم في مشوارهم الخارجي ..
شكراً جميلاً ..
| |
|
|
|
|
|
|
Re: حمـــام الوالي يا راحــــــل .. (Re: عمران حسن صالح)
|
والله يا عمران حنيت في حال محمد ولدك .. متأثر أكتر من العجب والوالي لا عشاء اتعشى ولا نوم جاهو .. بعدين صاحبك أساسي طوالي قافل جوالو في اللحظات دي ..
مبروك ليكم يا رشاشات .. لكن بيني وبينك الضرب على الحمام الميت حرام ..
| |
|
|
|
|
|
|
Re: حمـــام الوالي يا راحــــــل .. (Re: د.محمد حسن)
|
وكانت ساعة النصر إكتمال الهلال .. ياهم ديل أولادنا دائماً يزرعون الفرح فينا .. لقد أكدوا جدراتهم ونيلهم بطولة الدوري الممتاز للمره الخامسة على التوالي .. عارف يا دكتور محمد مباراة الأمس دي كان لها وقع خاص في نفوسنا .. وعادت البسمة لشفاه الهلالاب بعد أن فقدوا بطولة أندية أفريقيا وهم الأقرب لها ..
مبروك مجدداً ..
| |
|
|
|
|
|
|
Re: حمـــام الوالي يا راحــــــل .. (Re: مزاحم الضوي)
|
كيفك يا باشمهندس مزاحم .. ألف مبروك الفوز الغالي .. دي بعيدوها في قناة الشروق بس التاريخ لسه ما اتحدد
إتصل على الصديق والصحفي الهلالي ياسر فضل المولى متسائلاً .. في حالة الحمى النزفية المهددة البلاد أي من الحمام يفضل اكله .. حمام ميت .. حمام مشوي .. أم حمام مظبي ..
يحول السؤال لأهل الإختصاص ..
| |
|
|
|
|
|
|
Re: حمـــام الوالي يا راحــــــل .. (Re: مهدى الصادق السيد)
|
مهدي سلام وهاردلك ياخ .. حاشى لله أن نسي لفريق المريخ بل بالعكس نحترمه ونقدره كفريق ند للهلال .. التعبير عن الفرح ياتي بأشكال كثيره بعيداً عن التجريح والإنتقاص من قدر الآخر .. ولك أن ترجع لما يكتبه اعلام المريخ أو صحفيي المدرجات والإنتقاص من قدر الهلال وتبخيس إنتصاراته ووصفه بأشياء أنت كمريخي تخجل لها .. درجت على أن لا أنجرف للمهتارات التي تحدث حين تكون فرقنا لاعبه خارج الوطن وفي منافسات دولية بل بالعكس حاولت أن أكتب ما يفيد الفريقين من باب متابع من بعيد تهمه مصلحة الوطن وتسعده إنتصارات فرقنا فيها .. النصر والهزيمة صنوان يوم لك ويوم عليك، يفوز الهلال اليوم وغداً ينتصر المريخ ودا شي مسلم بيهو وطبيعي في كرة القدم والعبره من يتخذ من هزائمه دافعاً لتصحيح الأخطاء وليس تبريرها .. وحتى في حالة الفوز هذا نقول أن هناك أخطاء حدثت في المباراة وتراخي في معظم فتراتها من فريق الهلال ونعترف بها ونساعد لإبرازها كي تعالج ولا تعمينا الفرحة عن قول ذلك ..
وعذراً إن أصابك شيئاً من ما كتبنا .. ولك العتبى حتى ترضى ..
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
سلام يا هندسه مبروك الفوز كوم حظ ؟؟؟؟؟؟؟؟؟؟؟ الزعلنى اكثر موضوعكم مع ريس الهلال واتصاله من قاهرة المعز على الطلاق لو فى محلكم كلكم (طرفنا ) كنت تركت تشجيع الهلال والى الابد معليش الما بيعرفك ما بيقيمك والعلاقات الشخصيه لعبت دورها وابراهومه لعبها صاح
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
يا الشرفاء ياناس الهلال مبروك الكاس مع انو شى طبيعى بالنسبة و عادى لنا . لنو هذا حالنا من خمسة سنوات و الحمد لله الهلال عظيم برجالة و لاعبية و مشجيعية فالف مبروك لكم و لنا يا يا مشجيعى الهلال هنا و خارج المنبر التحية للجهاز الفنى و الى ادارة النادى و و الى اللاعبين الاشاوس . بعدين ملحوظة و الشى الجميل فيكم انكم لا ترمون هزائكم على بعضم زى ناس المريخ مرة المدرب مرة التحكيم و مرة اللاعبين و كمان اخر مرة قال من رئس النادى جمال الوالى هل جمال يدفع و يلعب ؟؟؟؟ يا اخوان قولو ليهم و يا معتصم قول اختشو
| |
|
|
|
|
|
|
Re: حمـــام الوالي يا راحــــــل .. (Re: الناظر)
|
الناظر سلام وألـ1000ـف مبروك هذا الإنتصار الكبير .. ياخي نحن فريقنا غالب مغلوب بنقيم أدائه ونشوف علله وين ونحاول نساعد في علاجه .. ولا يخفى عليك قد ظهرت بعض الجوانب التي يجب النظر فيها بعين الإعتبار وتلافي الأخطاء .. وياهو دا الهلال زارع الفرح في قلوب الملايين .. وحصوله على بطولة الدوري جاءت بعد مجهود وتعب طوال هذا الموسم .. التحية لإدارته وجهازه الفني ولاعبيه وجمهوره الكبير الوفي الذي لم يبخل بالوقوف معه في أحلك الظروف ..
والتحية لك وين ما كنت ..
| |
|
|
|
|
|
|
Re: حمـــام الوالي يا راحــــــل .. (Re: ملكة سبأ)
|
يا ملكي سلام .. ومبروك عليك أضعاف هذا الفوز المستحق .. هسي في محاولة نسمي شارع العارضة بشارع كرنقو .. وبي تحت تحت سمعت إنو ناس الأمم المتحدة عايزه تحقق في صواريخ كرنقو دي .. في ناس قالوا دي صواريخ نووية
| |
|
|
|
|
|
|
Re: حمـــام الوالي يا راحــــــل .. (Re: سلمى الشيخ سلامة)
|
سلمى ازيك .. ومبروك عليك هنا وهناك .. اليومين دي أيام الأفراح إن شاء الله دائمة عليك .. كثيرون هم الفنانون الذين يشجعون الهلال ولا شك فيهم من مريخاب .. والمريخاب منهم ديل هلالاب زعلانين نعزيهم معاك ..
أبقي طيبة يا غالية ..
| |
|
|
|
|
|
|
Re: حمـــام الوالي يا راحــــــل .. (Re: Nasruddin Al Basheer)
|
نصرالدين سلام ومبروك بحجم المليون ميل مربع .. هسي الهوبه دي يجو الجماعة يمسكو فيها ويقولو ليك الهوبه السورية غايتو طريقة تسجيل تاني مافي لينا .. لكن خلي الوالي يشوف ليهو طريقه في الخرد ديل .. سؤال عابر كده .. انت دحين أليجاتانا دا موووش مسجل في المريخ ؟
أبقى طيب يا حبيب ..
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
معتصم يا جميل تهانينا الحارة
Quote: تعرف يا معتصم من زمان خليت كلام الكورة حقت السودان لكن فى ناس كده عاوزة اعزيهم وهم اصحابى جدا يلا خلينى اعزى اولن شى جعفر سعيد الريح محمد نعيم سعد وعمر الشاعر وسؤال ليه الفنانين معظمهم مريخاب؟ |
سلمى الشيخ سلامة تحياتي يكفينا فقط كرومة ومحمد وردي..
| |
|
|
|
|
|
|
Re: حمـــام الوالي يا راحــــــل .. (Re: عواطف ادريس اسماعيل)
|
غايتو يا عواطف حمامكم دا إلا تسوهو شوربه .. وكان (ركّ) نقول يحيي العظام وهي رميم .. منتظرنكم من هسي لي كاس السودان والموسم القادم .. بعيداً عن أي حاجة فريقكم عايز تجديد دماء ومدرب محنك يعرف واجباته جيداً ولا يجامل في عمله ومن خلفه إدارة فنية تسهل كل معوقاته ولا مجال للمجامله في هذا الشي ..
تقديري يا غالية ..
| |
|
|
|
|
|
|
Re: حمـــام الوالي يا راحــــــل .. (Re: مجدي عبدالرحيم فضل)
|
والله دي الروح العايزنها يا أبوقصي .. لا هلال بدون مريخ ولا مريخ بدون هلال .. ويا ريت البقية يساعدونا بالفهم دا والعمل على مصلحة الكرة في بلادي وتطويرها .. بدون تصفية الحسابات والحساسية المفرطة والتعصب الأعمى الذي أضر بنا كثيراً ..
هاردلك يا حبيب .. والقادم أكيد أحلى ..
| |
|
|
|
|
|
|
Re: حمـــام الوالي يا راحــــــل .. (Re: معتصم دفع الله)
|
ألأخ/معتصم
مبروك الفوز..
وتخيل لو المريخ ده لاسمح الله إتشتت..بتقدر تناكفهم بالحلاوة دى..........
عمومآ نأمل ان يعود الحمام للقفص ولصغاره..ويجهز نفسو للجاى....
ألأخت/سلمى :
وسؤال ليه الفنانين معظمهم مريخاب؟
لآن الفنون جنون..وهناك إرتباط بين ألأوان والفن..وحبهم للأوان الشاذة زى ألأحمر وألأصفر....رأيك شنو فى التحليل ده..أموت فى ألأزرق..
مالو بوستك ده كلو ريش كده؟
مودتى..إسماعيل محمد احمد عباس........
| |
|
|
|
|
|
|
Re: حمـــام الوالي يا راحــــــل .. (Re: ismeil abbas)
|
اسماعيل ازيك يا حبيب .. مبروك عليك الفوز الكبير وعقبال الجمع بالكاسين ..
Quote: عمومآ نأمل ان يعود الحمام للقفص ولصغاره..ويجهز نفسو للجاى.... |
بس لو يشيلو إبراهومة ومازدا ديل ..
Quote: مالو بوستك ده كلو ريش كده؟ |
ريش .. كباب شيش طاؤوق .. ما دا كلو عشان القفص العاملنو دا ..
يديك العافية ونشوفك قريب ..
| |
|
|
|
|
|
|
|