|
|
|
 Re: ســرادق عــزاء ســاخن ( من ويـن وكـيف ..؟ ) (Re: عبدالله داش)
|
لما إبتداكـ خــدَر الفرح
يادوب تمّكـن فيــك جــواى التعب
ككْــيف عيونك كلمـنّى عن الوهم ؟
وإستوطنت قبل إحتمالات منتهــاك.. !!
ما ردتِـك إلا عشان هــواى
ما بـنتِى .. كان معروف مداكَـ
ورحلتِ فى أحـلك ظروف
وإتردد الصدى من صداك
الغـيبه بتفرزع غناى
كان يمكن أحتمل الحروف
وإمْـــكِن إذا إتسـع المكان
غُرق القلب ....
أرجاك فى ذات الوجع
أو ما يكــون
لو يغسل الغـيم الجــروح
دمع المطر ِبِدفِـق عـليكَـ
وسـئلت ماخـليت ظنون
الليل ســجْعَ
ســرف المداين بالهديل
عطشــان ومتحمّد مجييـكـ
ضُمــينى مِنــك
فى جفون عينيك عليك
أنا جــدْ بحبــك إنبهــار
قُــدره وتساريح بالجهر
طوفان وأشــواق كالصهيــل..
| |
 
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: سلمى الشيخ سلامة)
|
يعلم الله ...
وبصدق أعلمه جيداً .
بمجرد سؤالك عنى وعنها
نزلت غيوم وجعى المطر ..
حسيت كأنى براااايا مخلوق للهموم
ودلفت سكة مشيتا متوجس شديد
وبديت أرتب فى صفوف الديش ..
مرقّــت على الهتاريش وإبتديت
وكـْـت المغارب ما بعيد
والشمِس زادت حدة الريح و السموم
والهم توشحنى ومرق للناس عصر
فتران وما قادر أقيف
ككيف بقيت ..؟
ووصلت كيف ..؟
اللهُ أعلم ....
سملى العزيزه
كل هذا الإنفعال كان من سؤالك
وليك جواى الحواس
شــتْها وقامت رهاب .....
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: عبدالله داش)
|
Quote: عـينيك بوصِــيهن عليك
عارف مصيرك وبحســدك
ندمـانه بتسِـــفى التراب
أنا بحـْتمل وجـعى العنيف
سِــر المكان ...
والأزمنه المشـروره قيف
الموج رهين الإحتجاب
صوت المسادير
والخلا المارق قصادك
وأى شئ بيشبه تراتيلك شفيف
جاييك نافر موجة الرهق البشِــدك يعّزمِــك
تتذوقى الفرح الوريف
|
جمال ..عمق ..روعة فى المفردات ..
واحساس حد الوجع ..
تسلم مشاعرك.. داش كن بخير
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: هند محمد)
|
يا عبد الله
دلفت السرادق ..
و عرفت أنه صيوان ممزوج بشتى صنوف المعاني ..
و بالفعل .. وجدت في الأول و في النُص و في الطرف الأخير :
| Quote: عـينيك بوصِــيهن عليك |
زي كأنك تقول : فيك الخصام و أنت الخصم و الحكم ...
يا خوفك من العوينات ديل ...
هم جلادك .. و طوق نجاتك .. و في نفس الوكت .. ديدبان حراسة بتخلي الزول يقيف بعيييييييييييد ما يقرِّب ...
أليس كذلك ؟
ياخي إنت ..
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: هند محمد)
|
ورحـلتي فى عمقى الهناك
ناديت فِـترتَ من الحنين
مكتوبه فى جواى شَـقَف
عــورّتى جرحى صرخّت فِيك
نبرات وجـع / نبرات حـزن
مشـدُوه وناكرنى المكان
فقـران ومنتظر الزمن
يُمرقنى من وكــر البُــروق
نجم التريـات الهجَـع
سَــخرنى لى إنســان عينيك
كائن لحــبكـ مستطيع
النجده أغرق فى الحلم
أنا فينى هـْم كل الوجيع
لون الحراير فيك وشم
رسْـمِك يرجّـع للكـلام
يا أجمل الصُـدف السديم
ضميني في هــدب الشروق
اسقيني في غرقي الهُــلم
أنا لو بعيد
ما بين مسامك والأديـم
أنا فيني غـمْ
من مخادات الوحل والطين
وصول شاطيكِ كان حلمي الوهـم
هند العزيزه
طمنينى عليك كتير
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: عبدالله داش)
|
عبدالله داش\\\
ممتع أنت................جميل..كالذى أهواه فى نفسى..........
......أنا جــدْ بحبــك إنبهــار
قُــدره وتساريح بالجهر
طوفان وأشــواق كالصهيــل
...............ما زلت فارسآ..تمتطى صهوة جوادك تصارع الحب وألأشواق....سوف تنتصر بأذن الله.
مودتى...إسماعيل محمد احمد عباس.....ز
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: Nasr)
|
نصـــــــــار
ليك الموده يا رجل
( يا الفى الضلام ما طوطــحك صوت ا لغُنا
كيف يشــدهوك بالبسكويت )
الشاعره اميره الترك
Quote:
شاكبين في غناء المراحيم شديد كدها ليه؟؟؟
|
دا ما الحــيّر بوبى ..!
Quote: بعـرِف مـداك ..
( ما ظِــن ) يجــى
|
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: Aymen Tabir)
|
داش
Quote: قــدام خُــطاك
بترجْــزِك بين المتاهــه اترقـبِك
زمن النــدي البللّ خُطـاى ماودّرِك
فارقتها وعانيت صنوف الإنتظــار
بعـرِف مـداك ..
|
هذا طًــل نديان بروحك ،،،
وعند السرداق متمدده عينيك ونواصيهن مشرقات عليك
من وين؟ وكيف..؟ أنظرك ياأجمل طيف نديان وظلك وردة.
،،،،أبوقصى،،،،
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: Aymen Tabir)
|
عطشانة.... محنانة.... وسهت
مخلوقة من طينة حلم
طفشانا تردي علي الجروف
لا مرة ضاقت مويتا
وبلت سحابا علي النجم
لا قالوا دفقت في الحلق
ماعون شقاها الاندفق
لا ساهي عرفت كيف تلم
عينيها من عين البشر
والموية ان لونا انبهت
وتشر نعاس ليله الحلم
(من وين وكيف) وعلي شنو؟
وشان ليه يضوقا العرفتو
وعينيها من كتر النضم!!!!
ضاقت عليها الوسعتا
وضايع شقاها علي الرهاب
من بدري ضاع فيا الاسم
والراح كيتر.. زي كل شيء
ما اصلو من طين الاسى
مخلوقة ذاتا و زي وشم
والروح تشحتفا بي سفر
لو فيهو عرفت سرها
وعرفت معاني المنكتم
ما كان روت مليون سؤال
جواها... ضاعات بالاسف
وضاعت خطوطا علي الرسم
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: عبدالله وداعه الامين)
|
زازت طـيـوفا
علي المنام إتمــرّدت
خيل الجــهاديه الزمان
ما عــفـّرت ...
ذات المعارك وإِنتــهت
أســـفان وممـْـتنِع الكلام
الإحتقان ولـّـد عــزوفــا إتشــتّت
كانت بتمــرق من دحــين
ندمانه تخســر للرهان
سِــعة المجال إِتعــلمت
كل الحــجّج
والضو سرق وجــه الشروق
غطــاها شان يحرس سُــموك
ككيف وكان ..؟
يوم ينّســـرق بالعافيه
يهزم هزة الخوف واللــجّج
خافـِـت ..
أخاف الضيعوك
الخدروك بالراحــه
من تحت المســام
يا شــادى فى الليل البراك
نار الهشــيم إتلسْــنت
ما راضيه تدينا السلام
ما إنطفت ....
يا دابا إلتهــبت حريق
إتنبْهــك بستان هواك
أوكلت ليك كل المهام
وأرجاك منتصف الطريق
| |
|
|
|
|
|
|
|
|
 Re: ســرادق عــزاء ســاخن ( من ويـن وكـيف ..؟ ) (Re: عبدالله داش)
|
ما بين خطاي ..
وأحلامي البشتهيك ..
أتوجسك ..
أحزم حقائب الرجعة منك ..
وبلتقيك ..
ناديت عليك ..
رجع الصدى ..
والخوف بتاوق في الدروب ..
ساساقة الشقاء ..
من طاقة الغيم دخل ..
الصبر والحنين منك ..
وليك ..
هدهد دواخلي ..
وفّتر زمن الرحيل ..
وجايي ليك ..
عبدالله داش ..
ما أجملك وحروفك ..
| |
|
|
|
|
|
|
|
|
|
Re: ســرادق عــزاء ســاخن ( من ويـن وكـيف ..؟ ) (Re: معتصم دفع الله)
|
أتوهّجــت فارقتها
أبْحــرت عكس الموج براي
إتنهّــدت ســرحَت بعيد
ناولتها الممكن معاي
تاوقــتها ...
فجّــت إحاسـيي وشــدَتّ
غنت ترانـيم النشــيد
إتعلّمــت زادت أســاى
أتصنّعــت زي إنها
المتوهجــه ..
ونِســـت دروب عشقى العنيد
أبكيك عشان ألحق عزاي ..!!
معتصـــم الوريف
تعال فرتِق
هشاشة الشوف
| |
|
|
|
|
|
|
| |
سلمى الشيخ سلامة
هند محمد
ابو جهينة
ismeil abbas
خضر حسين خليل
اسعد الريفى
Nasr
د.محمد حسن
Aymen Tabir
مجدي عبدالرحيم فضل
هاشم أحمد خلف الله
المسافر
HAMZA SULIMAN
معتصم دفع الله
فيس بوك
تويتر
انستقرام
يوتيوب
بنتيريست