|
|
|
 Re: انت الزعيم يا مريخ .. رائع المدرب مازدا .... (Re: waw)
|
إنه الفخر ان تكون من الصفوة
انه المريخ
إنها كبوة الجواد
قدم المريخ مباراة راقية ورائعة
كتم أنفاس الصفاقصي وكل توني لمده 87 دقيقة
وبرهن ان هزيمة الخرطوم كانت كارثة حلت بالمريخ
كارثة بغض النظر عن السبب
سواء أن كان المدرب أو اللاعبين
هذا هو المريخ الذي نعرفه
ونقول لمعتادي الهزيمة بخمسة وستة في تونس فشلت توقعاتكم
والقادم أجمل مع المريخ
| |
 
|
|
|
|
|
|
|
|
Re: انت الزعيم يا مريخ .. رائع المدرب مازدا .... (Re: waw)
|
Quote: يا ترى كم دفعتم حتى لا تهزموا بال 6 ؟؟
كلما واجهوا فريقا قويا اغروا احد أخطر لاعبيه بضمه مقابل ملايين الدولارات!! |
تاج السر حبيبنا
كيييفك يا زول
ياااخ إنت طلعت حنكك بيش وضااااااااارب
طيب سؤال
بكم أغريتم إدريسو لاعب ساحل العاج ليكتفي أسيك بهدف البدالة في ساحل العاج
مش بديتو تفاوضوهو قبل الرد ؟؟
بكم إشتريتم مباراة الترجي في تونس حتى لا تلاحقكم فضائح شمال أفريقيا ؟؟
وفي المحلي مشهوريييييين
قبل كل مباراة بتفاضو خمسة من لاعبي الخصم
زهير زكريا
سولي شرف
علاء الدين يوسف
والموردة بقت دكان الهلا الصغير
إختشي ياااراجل
قلت المريخ لو إتهزم ستة يكون ما قصر مش ؟؟
طيب إتهزم بهدف وحيد وفي نهاية المباراة رايك شنو ؟
إنت عندك المريخ لو غلب مشتري المباراة ولو إتهزم حمام ميت
ده بسموهو في علم النفس عقدة الدونية
عقدة عدم أحراز بطولة طول عمر فريقك .. وخذها مني ستطول هذه الفترة
ستطول جداً .. مش جدا بس .. جداص جداً
الخمسة في تونس أخدتوها وترباس ما كمل كوز الموية
اخدتوها في ربع ساعة .. بتتذكر ؟؟
تصدق يا تاج السر عندي إحساس إنو إنت ممغوص عشان المريخ ما إتغلب كتير
عليك الله احساسي ده صاح ولا غلط ... قول النصيحة يا تاج السر
مش أدهشوك شباب المريخ ؟؟
إنت قلت بتعرف كورة صح ؟؟
عليييك الله الصفاقصي بستحق يفوز في مباراة اليوم ؟؟
بس والله بيني وبينك ما بلووومك .. حااااااارة
تمشو إنتو الجهات ديك تاخدو من خمسة وفوق
ومرات البتنقص بتموها براكم
يجي المريخ يزنق صفاء بتاعتك دي لحدي باقي دقيقتين ؟؟
وفووووق هذا وذاااااااااااك أباتطكم والنجم .. ( مش النجم الساحلي )
ياكااافي البلاء لا بطولة خارجية تفرح جمهوركم ولا سترة من الفضائح المحمولة جواً
ناس تجيب كاسات محمولة جواً وناس تجيب فضائح محمولة جواً
والله يا تاج السر الأخدتوهو في تونس والمغرب عاوز ليهو عشرين شوال
غايتو البتذكرم أنا بس ستة وعشرين قون في خمس مبارايات
أكيد بكون السكر عندك عالي هسي
الجااااي أحلى مع مريخ الصفوة
إنت تتفرج بس .. وتنتظر الكاردينال
| |
|
|
|
|
|
|
|
|
|
Re: انت الزعيم يا مريخ .. رائع المدرب مازدا .... (Re: waw)
|
.
بعد الأداء الجيد لشباب المريخ نتوقع أن يقوم الهلال السوداني وبعد خروجه قبل المبكر بالبطولة العربية واحتفائه بلقب " ما
دون الوصيف أن يقوم الهلال بهجمة كبيرة على لاعبي المريخ.
و....
و ....
و ....
التوقيع: راكوبة مضروب لون أزرق....
قلنا ما تحكموا على الناس من كورة واحدة قلتو حافظنها.
الهم خفف عنهم يا رب.*
* دعـــاء مأثور.
.
| |
|
|
|
|
|
|
|
|
|
Re: انت الزعيم يا مريخ .. رائع المدرب مازدا .... (Re: Rakoba)
|
يوم سوداني رياضي خالد
المريخ يتوج بفضية الكونفيدرالية
أبطال ألعاب القوى يتوجون بذهبية 1500 رجال وفضية 4×400م
بطلات السودان يحصدن ذهب 4×400 سيدات
السودان يحلق عالياً اليوم وهو منتشي بتتويجات قارية وعربية " ألف مبروك للسودان ومليار مبروك للصفوة"
| |
|
|
|
|
|
|
| |
keiga2000
amir jabir
tmbis
ثابت محمد
Rakoba
شهاب الفاتح عثمان
mo
فيس بوك
تويتر
انستقرام
يوتيوب
بنتيريست