|
|
 نسرين سوركتي والطشاش في بلد العمي ( شوف)
|
طبعا يا اخوانا عشان لسع بعض الاسر السودانية لا تسمح لبناتها بالعمل في التلفزيون
عشان كدة الناس شايفين مذيعات النيل الازرق سمحات ناس نسرين وتسابيح ( الجنها تقول كلمة اكيد)
ورشا وغيرهم .
لكن والله لو بعض الاسر تديني خمستاشر تفويض امشي اغطس في الاحفاد ومامون حميدة والتقانة
اجيب ليكم خمستاشر مذيعة احرقوا الدم
طول اضافي وشعر اضافي ولون اضافي
ووممكن بعد كدة ننافس ناس ايمان بنورة وبت قنة وحتي اوبرا ( ام قدوم ديك)
|
|
 
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
وا مغستى المابقيت سمحة تتشاكل فينى الناس
لكن يا خليل اخوى هى السماحة دى شنو ؟
خلقة ياربى ولا وش ملون ؟ولا سماحة الداخل ولا شنو ؟
اوبرا مثلا اعتبرها ملكة متوجة على راس مذيعات الدنيا رغم انك قلت عنها ام قدوم
مذيعة شكلت مدرسة اعلامية كاملة لعقدين ويزيد
ليس بجمالها لكن بحضورها ومعرفتها ورصانتها
والحضور يمثل نصف المذيعة
المعرفة والاتقاد الذهنى
كل هذه صفات تفتقدها مذيعات العالم العربى
ويعتبرن الحكاية (لون وقميص ـ فصل الدين عن الدولة ، وملابس زى بنات المولد وبس )
بلا معرفة اكاديمية او حياتية حتى
وهذا ما تتفوق به اوبرا رغم انها ما جميلة
لكنها تعرف
من ولماذا ومتى وكيف واين؟
وهذه هى اسئلة كل برامج التلفزيون والاذاعة والصحافة
حين تكون ملما بهذه الخمسة فى كل مرة على اختلاف الموضوع فانت موضع ثقة المشاهد، المستمع،القارئ
وللاسف فان مذيعاتنا كما اسلفت الموضوع لديهن (موضوع قشرة والسلام )
مرة التقيت مذيعة جميلة وسالتها كيف تعد برامجها فابكتنى اجابتها
ومن خلال حديثها عرفت انها اخت احد الناس (المهمين) فى التلفزيون وانها (سمحة ) وهذا كل راسمالها
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: سلمى الشيخ سلامة)
|
Quote: اوبرا مثلا اعتبرها ملكة متوجة على راس مذيعات الدنيا رغم انك قلت عنها ام قدوم
مذيعة شكلت مدرسة اعلامية كاملة لعقدين ويزيد
|
استاذة الاجيال
نعم اوبرا احسن مذيعات العالم ومن اعلاهن دخلن
الموضوع انا ما كنت عارفو لكن عبد الكريم قال لي موضوع سوركتي عامل جوطة في المنبر
عشان كدة عملت هذه البوست
Quote: كل هذه صفات تفتقدها مذيعات العالم العربى
ويعتبرن الحكاية (لون وقميص ـ فصل الدين عن الدولة ، وملابس زى بنات المولد وبس |
وما تنسي المسيقور
نحن عائزين مذيعة فاهمة وحلوة مش سماحة جمل الطين
| |
|
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: هاشم أحمد خلف الله)
|
Quote: وا مغستى المابقيت سمحة تتشاكل فينى الناس
لكن يا خليل اخوى هى السماحة دى شنو ؟ |
استاذة سلمي : السماحة جوهر والسماحة روح والسماحة كلمة والسماحة حرف ..الجمال الظاهري مؤقت وزائل.....وزي الكورة {ماداير اقول زي السكرة} ممكن تفك في اي لحظة وتبقي صاحبته زي كابتن كابو
اقرأ لك متي ما سنحت الظروف....تحياتي
وتحياتي لصاحب البوست
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
نسرين سوركتى شخصية تمتاز بحضور وذكاء وإضاءة ذات لون خاص إستطاعت أن تلفت نظر وتثيرإعجاب وتلج قلوب معظم المشاهدين لبرامجها بالرغم من حداثة عهدهاأمام الأضواء وليس هذا بالأمر السهل أو الممكن لقريناتها...سيبك من الطشاش والعمى ...فليس الأمر مجرد جمال لنبحث عمن هن أجمل منها!!!!
حفظها الله وأقر بها عين زويها وأطال عمرها ومتعها بالصحة والعافيه
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: sourketti)
|
خلي / تحياتي
دخلنا مرة من المرات مبنى الاذاعة وعند الاستقبال جلسن العشرات من البنات فنظر صديقي لاوجه البنات بمرور سريع وسأل موظف الاستقبال :_
الحاصل شنو عندكم كمية بنات قدر دي في الاستقبال ؟
رد موظف الاستقبال والله في معاينة الليلة ..
دخلنا المبنى وخلصنا من عملنا داخل المبنى وخرجنا مرورا بالاستقبال لنجد منتظرات المعاينة قابعات في كراسي الاستقبال وعندما خرجنا من المبنى وفي طريقنا للعربية توافدوا علينا ستات الفول ( من الاخوات الفلاتيات ) كل واحدة تريد الشراء منها ..
نظر اليهم صديقي وقال لهن :_
انتو ما سمعتو بالمعاينة دي ؟؟؟ أجروا الحقو المعاينة وخليكم من بيع الفول ده ..
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: الطاهر عثمان)
|
خليل تحياتي و بمناسبة البكا هاك دي:
في بداية اغترابنا التحق للعمل معنا واحد من اولاد الخرطوم تلاتة و هو حديث التخرج و كان يحمل معه باستمرار صورة لمحبوبته الخطيرة جدا ، صاحبك يجي المكتب نعسااان و العيون حمر ، سألنا واحد من اولاد كوستي يشاركه السكن عن الحاصل ، قال الزول دا يعاين لصورة حبيبتو للساعة تلاتة صباحا قلت ليهو اصلو الحكاية شنو ياخي لي تلاتة صباحا؟ رد علي : بيني و بينك ليهو حق أمبارح اول يوم يوريني الصورة أنا ما نمت لي أربعة صباحا:
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: Safia Mohamed)
|
Quote: مغستى المابقيت سمحة تتشاكل فينى الناس
لكن يا خليل اخوى هى السماحة دى شنو ؟
خلقة ياربى ولا وش ملون ؟ولا سماحة الداخل ولا شنو ؟
اوبرا مثلا اعتبرها ملكة متوجة على راس مذيعات الدنيا رغم انك قلت عنها ام قدوم
مذيعة شكلت مدرسة اعلامية كاملة لعقدين ويزيد
ليس بجمالها لكن بحضورها ومعرفتها ورصانتها
والحضور يمثل نصف المذيعة
المعرفة والاتقاد الذهنى
كل هذه صفات تفتقدها مذيعات العالم العربى
ويعتبرن الحكاية (لون وقميص ـ فصل الدين عن الدولة ، وملابس زى بنات المولد وبس )
بلا معرفة اكاديمية او حياتية حتى
وهذا ما تتفوق به اوبرا رغم انها ما جميلة
لكنها تعرف
من ولماذا ومتى وكيف واين؟
وهذه هى اسئلة كل برامج التلفزيون والاذاعة والصحافة
حين تكون ملما بهذه الخمسة فى كل مرة على اختلاف الموضوع فانت موضع ثقة المشاهد، المستمع،القارئ
وللاسف فان مذيعاتنا كما اسلفت الموضوع لديهن (موضوع قشرة والسلام )
مرة التقيت مذيعة جميلة وسالتها كيف تعد برامجها فابكتنى اجابتها
ومن خلال حديثها عرفت انها اخت احد الناس (المهمين) فى التلفزيون وانها (سمحة ) وهذا كل راسمالها |
يا سلام عليك يا أستاذة سلمى دائما كتاباتك جميلة زيك، شكرا ليك
سيد الحوش خليل ازيك تعرف كلام سلمى من شدة ما هو جميل نساني السلام
غايتو انا عندي كم سؤال:
1. اا كان الجمال معيار للمذيعة التلفزيونية فما هو معيار زميلها الرجل هل هو الجمال ايضا؟ وهو جمال الرجل معاييره شنو يا ربي (الراجل عيبه جيبه ولا شنو)
2. ليه نحن دائما بنتعامل مع النساء بصورة فيها تاكيد على حضورهن الانثوي حتى في مجال العمل لماذا لا يكن اناس يسعين لتحقيق انسنانيتهن بغض النظر عن نوعهن.
3. ليه دائما في اغلب المحافل الناس بتتناسى المؤهلات العلمية والخبرة والتركيز على معايير اخرى من بينها (الجمال) لمذيعات التلفزيون مع انه يمكن تحقيق نجاحات كما اسلفت أ/ سلمى دونما التركيز على الشكل وانما المعرفة والحضور.
غايتو انا ما بقدر افتي في نسرين ولا غيرها لان القنوات السودانية (واغلب وسائل الاعلام السودانية) من ألد اعدائي لانها في الغالب الاعم لا تحترم عقولنا. عشان كدة لا بقدر اقول على نسرين الطشاش في بلد العمي شوف ولا اقول هي كويسةزي ما ذكر اخونا .
| Quote: البيقول لي "الجمال نسبي" ده أنا بحترمو جداً .. بس جنّي وجن اللي يقول ليك "الجمال جمال الروح" والكلام ده. لأن البيقول كده في الزمن ده ما متصالح مع نفسو وما أمين أبداً |
اخونا هشام اتفق معاك في الجزء الاول من حديثك حول نسبية الجمال ولكن الجزئية الأخيرة الخاصة برؤية احدهم للجمال بانه جمال الروح في رائي بتتعارض مع طرحك الاول حول النسبية فباعتبار ان النسبية تفسح المجال لكل انسان ان يضع معاييره الخاصة للتقييم اذا قد يرى احدم ان معاييره ترتكز على الجمال الروحي فهو محق على حسب معاييره ولا شنو رايك .
عذرا اخي خليل قد اطلت ولكن غايتو دي ياها حالتي كل ما القى موضوع بيتكلم عن النساء اقعد انق وانق فاعذرني على النقة.
صفية
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
تحياتى خليل
نسرين سوركتى متمكنه لدرجة قف تامل
بس بتتكلم بعيونها اكثر وده الجنن عبد القادر
اما ناس اكيد لا يملكون ما يملكون
اوبرا يا استاذة سلمى جابت الشغلانيه بفلوسها لا اكثر
ولو لا ذلك لما وجدت كل هذا القبول
نسرين عليك الله ما تتكلمى بعيونك
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: waleed500)
|
اوبرا يا استاذة سلمى جابت الشغلانيه بفلوسها لا اكثر
ولو لا ذلك لما وجدت كل هذا القبول
هذا لانك تجهل انها صنعت نفسها بنفسها
كانت معدمة
وحين بدات عملها التلفزيونى ونجحت كان عمرها لم يتجاوز العشرين عاما بعد
استطاعت طوال سنوات ان تمشى على الجمر مثلها مثل اى عصامى
استطاعت كامراة ان تقف ليس على ابواب السلاطين بل جعلت العكس
قل لى اسم مذيعة واحدة فى العالم العربى استطاعت ان تقف ندا لوزير ناهيك عن رئيس
وحين قدمت برنامجها لاول مرة كان حدثا وبات مرجعا الان لكل البرامج المشابهة لها
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
الاحفاد، مامون حميده، التقانه!!!
علاقتم شنو بالاعلام؟
____________________
الاستاذه نسرين سوركتى بداية ليست غريبه على المجال لانها متخصصه فى الاعلام.
واعتبرها منذ ايام الدراسه شابه طموحه وذات امكانات جيده ولديها ثقافه جيده.ومنفتحه وذات درايه بالعلاقات العامه.
ربما على مستوى الطرح ما ذالت فى البدايات وهذا يحتاج فقط لتعدد التجارب ومدى امكانية الاداره فى اخراج المواهب.
ولكنها تمضى بخطوات ثابته تجاه الصحيح اتمنى لها مساحه افضل فى الشروق والمذيد من التاهيل .
واعتقد ان قناة النيل الازرق طفره فى مجال الاعلام مقارنه بواقع المجال فى السودان.
__________________________
العنوان مجحف فلا تبخسوا الناس اشيائهم.
______________________________
الاخ خليل لك التحيه والاحترام.
والتوفيق للاستاذه نسرين.
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
حفظ الله الخت نسرين من كل عين ..
بحق هي نموذج رائع للمذيعة التي يحتاجها المشاهد .. حشمة ... حضور ذهني .. خفة دم ... لباقة ..
عيني باردة عليك ..
والله يا خليل لو مشيت مدارس الواغ الواغ مش حا تجيب واحدة بمواصفاتها ...
ربنا يحفظها ...
ود الباوقة
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: ود الباوقة)
|
Quote: بحق هي نموذج رائع للمذيعة التي يحتاجها المشاهد .. حشمة ... حضور ذهني .. خفة دم ... لباقة ..
|
ود الباوقة
نحن ما عائزين مذيعة واحدة وفرمالات
عائزين كمية من المذيعات الجميلات المحتشمات وهكذا دواليك
مش تجي نسرين نبكي
تجي هبة المهندس نبكي
عشان ما يكون الطشاش في بلد العمي شوف
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
Quote: والله انا خائف شارع التلفزيون بعد المذيعات الكاريبيات ابقي من كترة الناس
زي تمرين الهلال |
حليل يوهانس والله تمارين الهلال المكرسح بشيل العميان..!!
وين بنات الكاريبي ديل..؟؟
بالله عجل لينا بالقصة دي(اصلي طولت من تمارين الهلال)
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: khaleel)
|
الاخ خليل
كل سنة وانت بخير ..
الجمال خشم بيوت كما يقولون وعن نفسي أجد ان اخريات بقناة النيل الأزرق والتلفزيون القومي يفقن نسرين سوركتي جمالا وبهاءا وجاذبية هذا من الناحية الشكلية ..
من الناحية المهنية فالأخت نسرين تحتاج للكثير حتى ترتقي بستواها فهي تفتقد للحضور الذهني المطلوب خاصة في البرامج الحوارية فضلا عن تواضع ثقافتها في الكثير من المجالات كما وأنها تتميز بعيب تلفزيوني فظيع وهو (التكلف )والبعد عن التلقائية وهذه صفات من شانها أن (تقبر مهنيا) أي إعلامي تلفزيوني ..
عليها الخضوع لدورات تدريبية إن أرادت الإستمرار والتفوق ..
ارجو لها التوفيق .
| |
|
|
|
|
|
|
|
|
|
Re: نسرين سوركتي والطشاش في بلد العمي ( شوف) (Re: haroon diyab)
|
Quote: ياكيكي وياشباب
عيدكم مبارك
خليكم من الكاريبي
حسع سلمي السيد ده ماله.....؟
ولا عشان مريخابية....( دي من عندي ...!) |
هلا يا هارون وعيد سعيد
وعيني باردة وماشاء الله للمريخابية
لكن يا هارون كلام خليل بتاع الكاريبي ده انا وقع لي في راسي تب..
واخوك زول كاريبي ساكت مادام القصة فيها (ايييييييه)
| |
|
|
|
|
|
|
|
khaleel
حيدر حسن ميرغني
سلمى الشيخ سلامة
هاشم أحمد خلف الله
jini
sourketti
علاء الدين حيموره
فيصل نوبي
عبدالكريم الامين احمد
خالد حاكم
الطاهر عثمان
hajhamad
هشام آدم
Abd-Elrhman sorkati
waleed500
محمد الأمين موسى
haroon diyab
فيس بوك
تويتر
انستقرام
يوتيوب
بنتيريست