الشيخ: مرحب بيك ومليون سلام فى هذه المساحة السجانية الخرطومية الابو عفانية.... ارجو ان تستمتع معى من خلال النمازج التى سوف تقدم واتمنى ان تنال اعجابك واعجاب بقية الاعضاء
جمال سعيد
11-23-2007, 11:28 AM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
نحرمك كيف من المداخلات؟ أكيد انت بتهظر..تجيب لينا الأستاذ ونقوم احنا النحرمك؟ انا وكتار بنكون ساكنين هنا.. بس طلب.. اي اغنيه لازم اللينك الخاص بحفظها..
وشكرا ليك كتير مقدما..
11-23-2007, 12:29 PM
بشير دفع الله بشير دفع الله
تاريخ التسجيل: 04-04-2007
مجموع المشاركات: 214
جمال ... يسعد ايامكـ وانت تجمل المساحات باختياراتكـ البديعة .. شكر حد الطرب ..وانتظار استراحتكـ فى رحاب الاستاذ عثمان حسين.. لك الود وكل الاحترام ودم فى سلام..
11-23-2007, 07:29 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
بالمعزة بالمودة البينا بي أغلى الصلات بالهوى العشناه بأعصابنا خمسة سنين ومات بالعذاب الشفته والسر الكتمته وباقي الطيبات استحلفك أترك سبيلي وسيبني وحدي أقاسي وأبكي مر الذكريات أنا بحناني الغالي خصيتك وحبيتك بكل جوارحي وعواطفي العميقة وأنا شلت من أجلك هموم الدنيا قاسيت من جراحها وكل ضيقها لسعادتك إنت كم ضحيت وإتغربت ما خليت طريقة وفي مسيري المضني من أجل الحقيقة كل طائر مرتحل عبر البحر قاصد الأهل حملته أشواقي الدفيقة ليك ياحبيبي للوطن لترابه لشطآنه للدار الوريقة لكن حنانك لي أو حتي مشاعرك نحوي ما كانت حقيقة كانت وهم ... كانت دموع مسفوحة بي أحرف أنيقة ما بإيدي لو ضباب الغيرة أعماني وزيف لي الحقيقة إنت نبع حناني إنت كياني إنت الدنيا بهجتها وشروقها وإن حصل زلت خطايا معاك أو ضلت طريقها هل تصدق تنـتهي قصتنا يا أجمل حقيقة نحن عشناها بدموعنا وبالضنى في كل دقيقة ياحبيبي لم تزل قصتنا قصة حب أقوى من الحقيقة
11-23-2007, 10:08 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
النموزج الثالث عثمان حسين احلى البنات كلمات عثمان خالد
اضغط صباع التشغيل للاستماع والاستمتاع : لينك الحفظ
والله يا احلى البنات لو كان لقيت سر الغنا كان طرت عانقت الخيال حلقت عبر الأزمنة وقلت الخيال يصبح حقيقة ونهدي ليك خاتم المنى شان تسرحي وتتخيلي وتتوهي في بحور الخيال تتمني فيها وتسألي ويتم ليك كل المنى **** تستاهلي العرش البشيل حسنك يطوف بيك العصور تستاهلي ويمر بيك عبر الزمان شان تمرحي وتتخيلي كيفن تجيك ليلى بتغير يبين عليها وينجلي وكيفن تجيك الغيث ترش دربك ورود لو تقبلي ويطل جميل وكتير يقولوا بيوت شعر مرهف طلي وتمري بي عهد الرشيد ويغني ليك الموصلي ***** تستاهلي لو ردتي من قلبي القمر باقات أساور أو حلي أو حتى من كل النجوم عنقود مبهرج ومنطلي كان خف لي لقاك القمر منصات وقال ليك أسألي وكان حفو دنياك النجوم إتباكوا ليك شان تعزلي وأنا في هواك يا ست هواي لليلة دايب في الغنا ***** شفتيني كيف حاضن هواك غيران عليك من كم سنة شفتيني كيف ساعة الوداع أنا كنت دمعة محننة والليلة يا نعمة حياتي بذوب حنان وبذوب منى والليلة عايش أمنيات يا حليلة لو كان ممكنة أحكيك حروف أشواقي ليك وأسمع حروفك وأحضنا
11-25-2007, 05:18 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
الاخ جمال انت اتيت بكل الجمال كلمة عملاق بقت شويه فى حقه شكرا غلى الابداع . الفنان غثمان لنا مغه وقفات كتيره وهو صديق شخصى ربنا يمتعه بالصحه والغافيه . لك التحيه وشكرا .
11-25-2007, 05:28 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
بس البوست من تلاتة بقى تقيل ما بالك 15 رغم شكل البوست كدة أحلا الإكتفاء فقط بلنكات الحفظ يكون عملى أكثر
وشكرآ مرتين
شكرآ على الإبداع والجمال ومداخلاتك الممتعة
وشكرآ غلى نكتك حبيبنا المحرب من ثباته الشتوى
Quote: الاخ جمال انت اتيت بكل الجمال كلمة عملاق بقت شويه فى حقه شكرا غلى الابداع . الفنان غثمان لنا مغه وقفات كتيره وهو صديق شخصى ربنا يمتعه بالصحه والغافيه . لك التحيه وشكرا .
محبتى
11-25-2007, 11:54 AM
جمال سعيد جمال سعيد
تاريخ التسجيل: 09-18-2005
مجموع المشاركات: 464
آمنت بيك يا ناير لانو مافى مثالك انا حكمي لو كان جاير حكم سواى في جمالك للناس عقول وبصائر عن حكمي غاضب مالك انت الجميل ومدلل وأنا قلبي ليك اتذلل وعيوني فيك تتأمل.. ثانية..... ما بتتحمل لو جلست حيالك..شعوري ما بتمالك
11-25-2007, 06:02 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
.... وهكذا يتدفق الجمال على جنبيك يا جمال سعيد، يارائع .. وهكذا يكون الجمال أينما حللنا وأينما نكون ... فهو بحق فنان الأجال ، بل لكل الأجيال والحقب .... ، تعبر ألحانه الآفاق لتصل الى كل أذن ذواقة وحس مرهف رصين .. أحييى عبرك كل المتداخلين ( السمحين ) .. لم أر إنسان يعجب بعثمان حسين ، إلا وتأكد أنه يمتلك خاصية الإختيار والتذوق تلكم هو عثمان حسين زرياب أهل الفن فى السودان ، لم أر فيه إلا هامة المعبد ..... وتحيــــــــــــتـى .. محمـد مختـار جعفر
الراقي جدا الاستاذ جمال والله ماعارفة أعبر ليك عن مدي إعجابي بهذا البوست الدسم الذي شمل جميع أغنياتي المفضلة للقامة عثمان حسين وبالأخص أغنية قصتنا....ياسلاااااااام عليك ...سلمت وسلم ذوقك وربنا يديك ألف عافية... مودتي وتقديري
ليه تقول ايامنا راحت وانتهينا يا حبيبى والله كانت ديك سحابة لوحصل فى العمر مرة وافترقنا عى غلطة ونحن نتحمل عذابها كنت عايش كل ايامك محنة وانا بحرق كل عمرى فى الصبابة يا حبيبى ليه ماتبقى حياتنا جنة ننسى ظلم الدنيا ناخد من شبابها نبعد الشك من قلوبنا والمظنة ونمشى فى دروب الامانى المستطابة لست ادرى هل عذابى ام عذابك كان اكثر حين شق الدهر بينا والفراق المر اجبر غير انى كنت ادرى حبى كان اكبر فلماذا كنت تخشى انت ماضى المسير كل واحد ليه فى تاريخه ماضى اى ماضى ليهو ذكرى حب قديمة وانت عارف لما اخترتك حبيبى كان فى قلبى جرح يندى بالهزيمة لكن انت صرت اغلى حب عندى وكنت راضى معاى بظروفى الاليمة وكنت راضى بالشقا البتبع خطاى والماسى المرة فى طفولتى اليتيمة ليه ما نتحمل ونصبر يا حبيبى بكرة نلقى الدنيا بى خيرها ونعيمة
11-26-2007, 07:07 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
شجن كلمات حسين بارزعه ******************** لى متين يلازمك في ... هواك مر الشجن ويطول بايامك سهر ... ويطول عذاب يا قلبـــى لوكانت ... محبتــــه .. الثمن يكفيك هدرت عمر ... حرقت عليه شباب لكن هواه أكبر ... وما كــــان ليه ثمن والحسرة ما بتنفع ... ومــــا بجدى العتــــاب أحســـــن .. تخليـــه ... لـــى الليالى والزمن يمكن يحس ضميره ... ويهديه لــــى الصواب لكنى اخشى عليه ... مــــن غـــدر الليــــالى وأخشى الامانى تشيب ... وعشّنا يبقى خالى وهو لسع في نضارة ... حسنه فى عمر الدوالى ما حصل فارق عيونى ... لحظة او بارح خيالى اغفـــر لــه يا حنيــِّن ... وجــاوز لـــو ظلم ما اصلها الأيام مظالم والعمــر غمضة ثواني واصبر على جرحك ... وإن طــــال الألم بى جراحنا بى أشواقنا ... بنضوى الزمن انا عارفه بكره بيعود ... فى رعشـــة ندم ننسى الحصل بيناتنا ... والسهر اللى كان تصبح حياتنا نغم ... وعشنــــا يبتســــم وتعود مراكب ريدنا ... لـــــى بر الأمان
11-27-2007, 07:05 AM
الشيخ إبراهيم الشيخ الشيخ إبراهيم الشيخ
تاريخ التسجيل: 11-02-2006
مجموع المشاركات: 705
أنا والنجم والمساء ضمنا الوجد والحنين حف في كأسنا الرجاء وبكت فرحة السنين آه يا شاطئ الغد أين في الليل مقعدي أين بالله موعدي ***** يا خطاها على الربا عطر أنفاسها صبا تحمل الشوق والصبا أنا عادني الهم والضنا انا والنجم والمساء ***** في الدجى شاق مسمعي صوتها الملهم النغيم في الهوى هاج مدمعي حبها الخالد الأليم كلما لاح بارق من محياها خافق خلدت لحن شهرتي ألهبت ليل وحدتي بالأسى والصبابة **** يا ربا البحر أشهدي هاهنا كان موعدي وهنا كان مقعدي أنا والنجم والمساء
11-30-2007, 10:15 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
جاي تترجاني أغفر ليك ذنبك ما كفاية الشفتو من نارك وحبك أنت فاكر تاني أرجع لك واحاسبك لا يا ناكر دربي أصبح ما هو دربك كنت تحلم بالسعادة في كلمة مودة وهي غير ما إنت فاكر وهي في نبضة مشاعر في القلوب الما بترد أي طارق أي زائر شايلة هم الدنيا زاده ومالية كل الكون بشاير إجتمعنا علي المحبة في ثواني في طريق مفروشة بي حبي وحناني وافترقنا كل واحد في طريقه انا ضائع وإنت مخدوع بالأماني كل زادي في ضياعي قلبي مفتوح للأحبة للجمال الأشجى روحي في شعوري سحره شبه ورسالة فني سامي تدعو للخير والمحبة إلا قلبك يا حبيبي لسه ما أدرك وشبه
11-30-2007, 10:29 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
الوكر المهجور كلمات : حسين بازرعه ********************
كانت لنا أيام ... في قلبى ذكراها مازلت أطرها ... ياليتنا عدنا ... أو عادت الأيام إن أنسى ما أنسى ... ذكراك يا سلمى فى وكرنا المهجور والصمت قد عم تحلو لنا الشكوى ... والحب والنجوى لن أنسى نجواكى والهمسة والبسمة وحرارة الانفاس ... فى قبلتى لما ضمتك يمنايا ... يا سعد دنياي وغفوتى في صدرى ... نشوانه بالأحلام كيف أنسى أيامى وفكرتى الكبرى يا وحى الهامى أنا عمت بالذكرى ذكرى لياليكى ... في خدر واديك الليل أهواه في شعرك الناعم لكن تباعدنا دهرا ... وما عدنا الوكر يا سلمى ... او عادت الأيم
مصدر كلمات الاغانى منتدبات مزيكا سودانية
11-30-2007, 10:37 PM
جمال سعيد جمال سعيد
تاريخ التسجيل: 09-18-2005
مجموع المشاركات: 464
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جمال سعيد
الشيخ إبراهيم الشيخ
Muna Khugali
بشير دفع الله
عزيز
mulhim
يوسف الولى
عبد الدائم سيد أحمد
محمد أبوالعزائم أبوالريش
خالد المحرب
رأفت ميلاد
محمد مختار جعفر
نها محسن أبورأس
Saber Abdelhadi
Munir
فيس بوك
تويتر
انستقرام
يوتيوب
بنتيريست