|
|
 كورتنا ما بين ارضية الملعب و رداءة الفنادق و ارهاق السفر
|
الهلال و المريخ و كمان الاولمبي في كل رحلة نسمع قبل المباراة الشكية من ارهاق الطيران و لحظة الوصول رداءة الفنادق
و بعد المباراة الشكيه من ارضية الملعب مع انو اسواء ملعب خارج السودان ارضيته بتكون احسن من ملاعبنا على حسب زعمي
و انا و الله شايف دي ما اسباب
الناس ديل اصلا ماشين يلعبو كوره ما شهر عسل يعني اي اوضه جنبها حمام مناسبه بالنسبه لينا كسودانيين و دي ما حاجه بتمنع الكوره
لو جينا لي البايغرافي بتاع لعيبتنا ح نلقاهم كلهم اما من الولايات او ساكنين امبده و الحاج يوسف (يعني شبه كاكا ود العز ما فيهم)
لكن واضح انو الشكيه دي بتجي في الاول من الاداريين امثال الوالي و الدقير و الارباب لانو ديل طولو في حياة العز و الرفاهية و جربو فنادق الدنيا دي كلها خمسه و سته و سبعه ليهم حق يشتكو لكن ناس بهاء الدين و سفاري و حموده بشتكو مالهم من الفنادق
بالنسبه لموضوع السفر و ارهاق الطيران دا دايما بيحصل لينا جوه الخرطوم ناهيك عن السفر لي خارج السودان و السفر لي تونس عن طريق الدوحه اريح من السفر لي الحاج يوسف شارع واحد لمن تركب هايسات الوحده و ينزلوك جنب بيت الامين دفع الله
اما حكاية ارضية الملعب دي فمبتدعها ريكاردو
في البدايه كان بيشتكي بعد المباراة تبريراً للهزيمه لكن في الفتره الاخيره لمن الناس كشفو الحكايه صاريشكو قبل و بعد المباراة
وممكن ريكاردو يكون معزور لانو من البرازيل لكن ناس هيثم مصطفى مشكلتهم شنو في الارضيات دي
يا ربي مشكلة كورتنا في شنو
* اللاعب عندنا فاقد تربوي طيب الحاج ضيوف دا قرا متين
* التغذيه و بنية اللاعب و ثبت ان بنية اللاعب السوداني تتفوق على الاخرين
و هناك من يقول التخطيط السليم وناس الكنغو الديمقراطيه ديل خططو لي كورتهم متين ما زمنهم كلو حروب و هم افضل مننا
يا ناس مشكلة الكوره عندنا في شنو ؟
|
|
 
|
|
|
|
|
|
|
|
Re: كورتنا ما بين ارضية الملعب و رداءة الفنادق و ارهاق السفر (Re: Ali Alameen)
|
أبو علوة حاجة حلوة
اسئلتك مشروعة
* اللاعب عندنا فاقد تربوي طيب الحاج ضيوف دا قرا متين
* التغذيه و بنية اللاعب و ثبت ان بنية اللاعب السوداني تتفوق على الاخرين
و هناك من يقول التخطيط السليم وناس الكنغو الديمقراطيه ديل خططو لي كورتهم متين ما زمنهم كلو حروب و هم افضل مننا
يا ناس مشكلة الكوره عندنا في شنو
لا تخطيط ولا غيرو علي حسب راي اللاعب السوداني منهزم داخلياً تماما
وما عندو استعداد يعمل اي حاجة
كل همهم......
لبس نضيف وعربات وحاجات تانية وبفتكر انو الحاجات انتهت وإنو لغاية هنا هو خلاص
في حاجات غريبة لاحظتها وما قادر افهما: أديك مثال
بدر الدين لاعب المريخ: لاعب تحس انو موهوب وصاحب مجهود وافر جداً يمسك الكورة ويحاور كم واحد ويمشي لي قدام ويلعب باص خطا (زول ساكت ما ممكن يلعبو) أها دي حالة حيرتني تماما
شفنا الكورة وشفنا الفكر الاحترافي:
بنية اللاعب السوداني ضعيفة عكس ما بصوروا لينا الناس التانينن
بالله شوف كريعننم كيف؟ رقاااااااق واي التحام قابل لي انو لابعنا يتعوق
وعندنا مشكلة برضو في الضربات الراسية (الحريفة) مافي لاعب واحد بعرف ليها: الواحد لما يضرب راس بي بطنو وصدرو في حين انو بتكون محتاجة لمسة بي جنبة الراس بس
اجيك تاني للفكر الاحترافي : دخل فينا قون في البداية : اها اتوقع تاني اربعة خمسة
ده في الكورة الاحترافية مافي
من الحاجات المهمة: ما عندنا مهاجمين بتاعين وزن تقيل: قلو لي كيف؟
اقول ليك
الواحد البمشي بالكورة لي قدام وبسحب اتنين تلاتة وبسرعة وتهديفة: كلام زي ده مافي كلو كلو
اححححححححح
اقول شنو واخلي شنو
اخوك كان مسافر غانا : بس غيرت راي امبارح بس
شفت ساحل العاج مع قطر
وشفت نيجيريا مع سويسرا
وشفت توجو مع الامارات
وبطني طممممممممت
يا زول الكلام كتير
ودعتك الله
| |
|
|
|
|
|
|
|
|
|
Re: كورتنا ما بين ارضية الملعب و رداءة الفنادق و ارهاق السفر (Re: طلحة عبدالله)
|
Quote:
وإلا فكيف نفسر أن يدفع اداري الملايين الملينة في لاعب عجوز الفكر والبدن ويستخسر بضع الوف من اجل تسيير نشاط براعم ونأشئين ينتظر أن يمثلون كل المستقبل ..
|
وكيف تفسر لى ان يستأجر إداري طائرة كاملة ويتحمل نفقات ومصاريف عشرات المشجعين ويزوغ من دفع (عدادات) لاعبي الناشئين الصغار ..
حاشية : العدادات هي حق المواصلات والباسطة الذي يدفع للاعبين بعد نهاية التمرين ..
| |
|
|
|
|
|
|
| |
Ali Alameen
إدريس البدري
طلحة عبدالله
فيس بوك
تويتر
انستقرام
يوتيوب
بنتيريست