|
|
|
 Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: keiga2000)
|
عزيزي المباراه لم تكن عادله تماما لكن التحكيم معقول !.
لاعبنا اخرج الكره بيده فالحارس ظل قبلها مرتين في قمه الارتباك مع الركنيه
واحرزنا هدف نادر وسط سلبيه وعدم هجوم من قبلنا تماما ..
والثالث الاندهاش و تفرج الدفاع ..
عذرا هذا بيدنا لا بيد عمرو ..
المريخ شوط اول بلا روح وشوط ثاني اصابنا بالسل ,عقم في تفكير المدرب
وعقم في الهجوم وسقم حاد في متوسطي الدفاع وفي الحارس هذا الفريق تنقصه
الثقه وثقافه الفوز حتى عندما سيطر وكان الافضل نسبيا تمسكنا بالكره
العاليه المقطوعه مع ان الارضيه كانت اجمل لكن لم تكن خطره على
الاطلاق 3-1ولوحه جديده نعلقها مع خيبات الامل ..
| |
 
|
|
|
|
|
|
|
 Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: abdelwahab hijazi)
|
Quote: عزيزي المباراه لم تكن عادله تماما لكن التحكيم معقول !.
لاعبنا اخرج الكره بيده فالحارس ظل قبلها مرتين في قمه الارتباك مع الركنيه
واحرزنا هدف نادر وسط سلبيه وعدم هجوم من قبلنا تماما ..
والثالث الاندهاش و تفرج الدفاع ..
عذرا هذا بيدنا لا بيد عمرو ..
المريخ شوط اول بلا روح وشوط ثاني اصابنا بالسل ,عقم في تفكير المدرب
وعقم في الهجوم وسقم حاد في متوسطي الدفاع وفي الحارس هذا الفريق تنقصه
الثقه وثقافه الفوز حتى عندما سيطر وكان الافضل نسبيا تمسكنا بالكره
العاليه المقطوعه مع ان الارضيه كانت اجمل لكن لم تكن خطره على
الاطلاق 3-1ولوحه جديده نعلقها مع خيبات الامل .. |
والله يادكتور شهــاب احييك
لو في شووووية وعي زي وعيك دا .. كان الأمور مشت زي السير ..
بصراحة:
إنت القاعد تخليني اتردد مية مرة قبلما اكتب كلمة في حق الناس المكابرة السقتنا المر هنا دا وحسع قاعدين نرد ليهم كيدهم في نحرهم ..
هاردلك يا د. شهـــاب .. لو قلبني القلب من الناحية التانية بتلقانا بنتآلم لي خروج المريخ زي ما خرجنا ..
الفريق دا تعبان والمتابع السراب ما ح يجني إلا السراب .. ما العيب في اننا نتغلب لكن العيب في اننا عينا لي الخلل واضح .. بنداريهو بي الاعلام المضلل والكلام المغلوط
كل الدنيا دي شافت الزول دا طلع الكورة من القون بي يدو دي ما عايزه اتنين يتغالطو فيها
مالو الحكم عمل شنو تاني ..؟
| |
|
|
|
|
|
|
|
|
 Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: keiga2000)
|
Quote: هاردلك يا د. شهـــاب .. لو قلبني القلب من الناحية التانية بتلقانا بنتآلم لي خروج المريخ زي ما خرجنا ..
الفريق دا تعبان والمتابع السراب ما ح يجني إلا السراب .. ما العيب في اننا نتغلب لكن العيب في اننا عينا لي الخلل واضح .. بنداريهو بي الاعلام المضلل والكلام المغلوط
|
تمبس شكرا على اوالموازره والرقي ..
ولا ادري ..فهذه بسن وهذا بسنتين ..الالمبي وخمسه و المريخ خمسه ثلاثه واثنين
و الهلال وخمسه ..
وتبقى في نفوسنا ونبقى شعب مترع و مولع بكره القدم نحفظهاو نحفظ تاريخها
وانجازاتنا كبقيه الانجازات في سودان التشرزم مخجله ...
ونعلق الامل في الجبين وعد بزمان قادم حالم .
حبابك يا غالي ولا حباب لهكذا نتائج و مهازل
| |
|
|
|
|
|
|
|
|
 Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: humida)
|
التحكيم دا شماعتكم انتم الحكم تحامل على المريخ في كثير من تحايلات لاعبي المغرب وتاخيرهم للوقت ودا ماموضوع البوست ياحلويين ولا كلمة الزعيم
وموضوع البوست انو المذيع بعد ان ذكر ان الاغلبية العظمى من السودانين يشجعون الزعيم المريخ
وهو الفريق الذي فاز بالدوري بدون هزيمة او تعادل
وبالدوري بتعادل واحد
وكرر المتوالية الثمانية في الوصيف الهلال
واحرز كاس سيكافا مرتين
وكاس مانديلا ويعتبر الزعيم الاندية السودانية
وما اظنه يلقه ليه مساعد
جاء وذكر الهلال بهزيمته من الوداد بالخمسة
وكأنه أراد ان يؤكد انو المريخ فعلا زعيم لوحده في السودان
يارب يكون قاعد جنبو مزمل ابوالقاسم ولاشنو
طبعا هزائم الهلال دي بقت معروفه في المغرب وتونس
الهلال جاي خلاص خمسه او سته
وفوووووووووووق فووووووووووق مريخنا فوووووووووووق
الزعيم فوووووووووووووق
ابومصطفى
| |
|
|
|
|
|
|
|
|
|
Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: keiga2000)
|
دكتورنا شهاب
المريخ عابه بعض اللاعبين واخص بهاء الدين والدرويش الزومه
وفرحنا لخروج ايفوسا لكن مازدا كانه اراد ان يقول سوف اعيش في جلباب ابي بادخاله باولينو ورغم انه قدم مستوى لكن نعيب عليه بحثه على الفاولات مما خلى اتجاهه واحد
حميده طالما ان مريخابي ويجري في دمي المريخ الاحمر وهو نفس لون الدم ما اظن اصيب بمرض
بس نحن خايفين عليكم انتو بعد سنين شويه كدا مانلقى ناس نناكفهم من كثرة وفيات السكري والضغط وربما القلب
وطالما انت في المريخ اكيد سعييييييييييييييييييد
الاخوة المريخاب المتداخلين هكذا المريخ زعيم زعيم رغم انف الحاقدين
يالله المذيع دا سوداني مريخابي غير لهجتو ولاشنو
هذا معلومات معروفة لدى العالم العربي والافريقي ولدى تلفزيونات وراديوهات العرب
مافيها تزوير ولاتصنيفات قوووووووووون
ابومصطفى
| |
|
|
|
|
|
|
|
|
|
Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: abuguta)
|
المريخ إتهزم لأنه ذهب للمغرب ليتهزم وللخروج بهزيمة شرفية وحتى بعد أن أحرز العجب هدفه كان المريخ يلعب ليخرج بأقل خسارة والكورة تعادلية بهدف لكل مازدا يخرج إيداهو المهاجم ويدخل لاعب وسط ليحافظ على نتيجة التعادل وتخيلت لو أن أتوفستر هو الذي أجرى هذا التعديل كيف كان سيكون رد الفعل وما هي عنوان كتابات مشجعين المريخ ولكن لأنه مازدا لم يهاجمه أحد ومازدا هو سبب خسارة الأمس
وبعدين الأعمى شاف بدرالدين قلق طلع الكورة بي يدو الإحتجاج لي شنو ما عارف نكلم شداد يسمح للمريخ بحارسي مرمى في المباراة الواحدة بهاء ملوص وبدرالدين قلق وصاحب البوست يفتخر بأنه خسر بالثلاثة فقط بينما الهلال خسر بالخمسة همهم في الدنيا الهلال الذي لن يطالوه والرجاء وتونس والمغرب وشمال وشرق ووسط وجنوب أفريقيا كلهم جاؤا إلى أمدرمان من قبل ولم يخرجوا بغير الهزيمة والآن هزيمة الهلال في بلادهم تعتبر من المهام المستحيلة ولتسأل الوداد الذي تتحدث عنه آخر لقاء بين الهلال والوداد كان في دور الثمانية من البطولة العربية وكان في الدار البيضاء معلقل الوداد والرجاء وليس في الرباط والملعب الخالي من الجماهير كما الامس وإنتهى اللقاء بثلاثة أهداف للوداد مقابل هدفين للهلال أحرزهما كلتشي وقودوين وكانت هذه المباراة اول ظهور لكلتشي مع الهلال وغادر الوداد البطولة لأنه خسر في المقبرة بهدفين نظيفين وأرجع للأرشيف يا زول نحن مباريات الهلال حافظينها حفظ خليك في مريخك ونحنا هلالانا قويين عليهو إتغلب ولا غلب وامبارح إنتهى فكر في يوم 23 و 29 وحاول المرات الجاية بي نفس الخطة يمكن تطلع بي أقل الخسائر 3ّ صفر أو واحد
| |
|
|
|
|
|
|
|
|
|
Re: أبت نفس مذيع ART الا أن يذكر أسم (الهلال) السوداني في هذه المناسبة الحزينة للمريخ؟؟؟؟؟ (Re: Zomrawi Alweli)
|
ابوقوته
اذا كان في نظرنا ان المريخ به لاعبين ففي نظرنا ونظركم انتو (لكن مابتقولوا النصيحه) انو الهلال لايملك اي لاعب والدليل على ذلك خروجه بطريقه هزيلة امام فريق المجد السوري اما المريخ فخروجه امام الرجاء او الهزيمة من الصفاقصي هذه فرق الصغير والكبير بعرفها لكن والله العظيم المجد اول مره اظن اسمع بانو في سوريا في كوره ذاتو خلي فيها فريق اسمو المجد
والدليل على ان الهلال ليس به لاعبي ولم يكن له يوم من الايام لاعبين عدم تحقيق اي انجاز يذكر له خارجيا وحتى الداخليات حققها بعد ان حققها الزعيم واستغل كبوة الزعيم ومشكلته في الحراسة وتصدر الممتاز لاربعة مرات لاول مره في التاريخ لكن هذه السنة كون المريخ يحقق ثاني الكونفدرالية فهذا انجاز يحسب للسودان اول وللمريخ ثانيا
المريخ ملئ باللاعبين الجديدين فقط لم يجدوا الفرصة مع المحترفين وهذا عيب اللاعب السوداني عامة لايفكر بأن يلعب ويدخل التشكيلة من الاول اللاعب عاوز يقعد خمس وسته سنين كنب بعدين يلقى الفرصة بعد مايبقى سنير ليس هناك شجاعة لاقتحام التشكيلة والامثله كثيرة في الهلال زرياب وعبدالمنعم يوسف وحتى كرنقو هدفه في الاهلي هو الشجعه
اخيرا يا أبوقوته نحن مريخنا دا عاجبنا وفرحانين بمركزنا الثاني دا وهزائم الاربعات والثلاثاث ما قدر الخمسات والستات
زمراوي
اكرر البوست لان المذيع زكر الهلالاب (الشمات) القاعدين والمساهرين عشان يشتموا على المريخ بهزائم الخمسه وكانه يقول ليهم قوموا نوموا ابو سن بضحك على ابو سنين وهذا اجمل مافي المباراه ذكره لتلك الفضائح من الوصيف
ودا مريخ العزه برضوا بنريدوا
ابومصطفى
| |
|
|
|
|
|
|
| |
keiga2000
محمد البشرى الخضر
شهاب الفاتح عثمان
tmbis
waleed dawash
بشير حسـن بشـير
humida
قلقو
نادر محمد الراضي
Fadl Karrar
abuguta
Zomrawi Alweli
حسين يوسف احمد
فيس بوك
تويتر
انستقرام
يوتيوب
بنتيريست