|
|
 الاقل حظا .............
|
التعبير دا شد انتباهي و عجبني جدا و حسيت انه هو المفروض
نتداوله بيناتنا عوضا عن كلمة فقير او مسكين او محتاج اعتقد انه
بتعاملوا بيه في الدول الاجنبية وهو بالانجليزي Less Fortunate
و اذا نظرنا لمعني التسمية وهي الاقل حظا بيعني ببساطة انه الانسان
مش فقير ولا مسكين ولا محتاج زي ما نحن بنقول ولكنه انسان حظه اقل من
شخص تاني ربنا من عليه بحظ افضل , يعني اسه في حالات كتيرة تلقى انسان
مؤهل و عندو كل الخبرات و المهارات المطلوبة عشان يشغل وظيفة معينة
لكن ربنا ما يسهلها و يقسم الوظيفة لشخص تاني اقل تاهيلا و خبرة
و تقفل مع اخونا الاول دا محل ما يقبل و يبقى محتاج للمساعدة ما عشان
اي حاجة بس عشان هو كان اقل حظا .......
و التعبير بشمل اي انسان محتاج مساعدة حتى المرضى هم اقل حظا
لو ما اقل حظا يكون الزول ماشي في امان الله و كافي خيره شره و موفر
قوت يومه فجأة يصاب بمرض يكون محتاج لقروش كتيرة اكبر من امكانياته
و يبقى محتاج للمساعدة عليكم الله زي ده مش اقل حظا .....
و على شاكلته الايتام و كل القطاعات البتحتاج المساعدة .
و التعبير بخلينا نفكر في انفسنا يعني بدل ما نقول و الله
الزول دا مسكين ولا فقير ولا محتاج و كانها دي غلطة الزول مش حاجة
اتفرضت عليه , لما نقول انه الزول دا اقل حظا بيخلينا نفكر في
نفسنا يعني شوية الحظ الماشيين بيه دا و مخلي الزول مطمئن في الدنيا
دي ممكن يتفقد في لحظة و ينضم الانسان للاقل حظا... كفانا الله و اياكم
اها بعد الكلام دا كله مش بالله نعمم التعبير دا و نبدا استعمالة
رسميا في الاشارة لكل زي حوجة انه ببساطة اقل حظا.......
و لا رايكم شنو.....
|
|
 
|
|
|
|
فيس بوك
تويتر
انستقرام
يوتيوب
بنتيريست