|
|
 (بورداب الخرطوم) عايز أديّنكُم 500 ألف !
|
بورداب الخرطوم سلام
لم أكن والى أمد قريب افكر ان اتنازل عن المبلغ المذكور أعلاه ولو على سبيل الدّين.
فماذا ترى دفعنى الى ذلك ؟
إبتدأ عّداد الصرف دورانه مع أول ايام الإجازة وكنت حريصاً جدا على (تصفيره) حتى أكون مًهيئاً وقريباً من ما يقوله الكثيرون عن دوامة الصرف فى السودان .
لن أحكى لكم تفصيلاً عن كيف تسربت تلك الدراهم الكثيرة حتى أصبحت قاب قوسين او ادنى من آخر ما أملك وهى ال500 الف .
بصراحة صرف خيالى فى هذه البلاد وأرقام فلكية ، حوائج الحياة اليومية تتصدر قائمة الصرف فى ظل الغلاء الطاحن . ثم تأتى الإتصالات وهى تلتهم ما فى جيبك وال pre- paid لا يرحم وبدونه يصعب كل شئ حتى صارت شركات الإتصالات تجنى المليارات وهى تجود ب (الكورلات) التى تعد نقطة فى بحر أرباحها. أنا شخصياً وبصراحة لا أحتمل ان أرى الرصيد (0) فمنذ بداية الإجازة وانا اتبع روشتة (Zain) (إسكرتشين صباح وإسكراتشين مساء) وكان لابد من (فرملة) اى (إسكراتش) عند اللزوم الشدييد حتى صار البعض يشكو من (مسكولاتي).
عموما ال 500 الف الآن أخر ما املك وحرصاً عليها قررت ان (أديّنها) لواحد من بورداب الخرطوم عضواً كان ام عضوة على ان يردها لى فى اخر خمسة ايام من نهاية الإجازة كاملة مكملة على ان يكون الشخص ذو صبر وجلد ويملك الموهبة فى الإحتفاظ بها بعيداً عن مصاريفه الشخصية وهو فى قمة الفلس والديون.
فمن هو القوى الأمين؟
|
|
 
|
|
|
|
|
|
|
|
Re: (بورداب الخرطوم) عايز أديّنكُم 500 ألف ! (Re: walid taha)
|
ياخي والله انت صبور
اخوك عامل فيها مقددها واخد اجازة شهر قال ماشي يتجدع في السودان ومالي جيبه ورق اخدر ابو صلعة وازرق ذاء عقال مربوع
اخوك اخد ليهو عشرة يوم بس من العيد وبقي جسمه كله كاروشة
يتحكحك بي سبب وبدون
اخوك ما حريف
سوق اشاعة سريعة انه الشركة طالبني يوم السبت لامور طارئة لا تتحمل سفري
واتخارج اخوك من تلك البلدة الظالم جنيهها
وهو يضمر في جيبه خمسون ريال حق التاكسي من المطار
الان اخوك يجابد في ديونه القديمة والتي معظمها تعديات وغلاط
ولكن بالامكان هنا الحياة الكريمة بالغلاط
| |
|
|
|
|
|
|
|
|
|
Re: (بورداب الخرطوم) عايز أديّنكُم 500 ألف ! (Re: walid taha)
|
موش قتا ليك يا خينا
ياخ دي بلد ام بدا فيها اغلي من بفرلي هيلز
بلد فيها الخضار مستورد من السعودية شوف عيييني و الله ( خضار السنبلة ) تاني داير بيها شنو ؟
بلد اغلي من طوكيو و العياذ بالله
بلادك حلوا ارجع ليها
دار الغربة ما بترحم
ترارا را رار لم
تعال بس تعال
| |
|
|
|
|
|
|
|
|
 Re: (بورداب الخرطوم) عايز أديّنكُم 500 ألف ! (Re: ريهان الريح الشاذلي)
|
يا وليد ..
امشي برج البركة فرع المغتربين ..
حوله لي ..
الايامات دي عندي فكرة بتاعت استثمار .. حول الكنجالات دي علشان استثمرة ليك لحدي ما تكمل اجازتك دي وتجي راجع بالسلامة ..
طبعا بيناتنا ميثاق شرف حق الغربة والزمالة والعيش والملح ..
بس اوعك تقول لي اكتب لي وصل امانة .. إنت زول من ما قمته كلس وشجاع وبتدي من غير حساب 
| |
|
|
|
|
|
|
|
|
|
Re: (بورداب الخرطوم) عايز أديّنكُم 500 ألف ! (Re: tmbis)
|
تمبس إزيك
| Quote: حول الكنجالات دي علشان استثمرة ليك |
يا تمبس دى 500 الف يعنى 1000 ريال دى حتستثمرها لى فى طبلية ولا شنو؟
| Quote: إنت زول من ما قمته كلس وشجاع وبتدي من غير حساب |
أنـا؟!!!!
بالنسبة لوصولات الأمانة ما تخاف يا حبيب بس قوم تعال
عبرك التحية لكل بورداب الرياض
| |
|
|
|
|
|
|
|
|
|
Re: (بورداب الخرطوم) عايز أديّنكُم 500 ألف ! (Re: walid taha)
|
وليد تاها..
قاعد شهر لحدي هسي ولسع باقي ليك 500 الف؟؟
انتا قاعد تأكل ناس البيت فسفس ولا شنو؟؟
بعدين سكرتشات بتاعة شنو يا كضاب ..
سمع اضاني دي انتا قتا لي قول ليهم اضربو لي...
يعلم الله مشتاقين ..بس رجاء خاص ماتحاول تبل شوقنا ده وتجي..
رزقك لايزال ينتظرك في (حامنارتي)..
| Quote: على ان يردها لى فى اخر خمسة ايام من نهاية الإجازة |
نهاية شنو ياخوي؟؟؟
You are just dreaming
| |
|
|
|
|
|
|
| |
walid taha
احمد معتصم الطيب
ابو جهينة
حمد فتح الرحمن
ريهان الريح الشاذلي
tmbis
انعام عبد الحفيظ
معتصم محمد صالح
فيس بوك
تويتر
انستقرام
يوتيوب
بنتيريست