|
|
|
 Re: يا تمبس . من كلام عينيك (Re: ود العجمى)
|
يا ود العجمي ..
يا وهم ..
يا انت بعاتي .. يا انا بعاتي واحد في الاتنين..
تصدق إنو قبل يومين كنت بتذكر في حاجتين غريبات خلاص .. كنت بتذكر في بوست قديم للوكر (المهجور) والذي تظنه الوكر (المسحور) بالرغم من انو مليون واحد قالو ليك الكلام دا ما ممكن وجبناها ليك بالنوته لكن لحدي الآن قوة راسك دي ما عايز تبطله..
تتخيل ليك زول يتذكر ليهو (بوست) زول اصلو ما لاقاهــو ..؟
ويتذكرو متين ..؟
بالليل خالص ..
تتخيل يا بكري الليالي دي عجيبة خلاص .. يعني عندنا ليل هنا لما تقعد ليهو في السطوح وتتأملو براحه كدا وتفكفك شفرتو .. بتحصل ليك حاجات عجيبة خلاص .. تقدر تصدق انو ممكن تشوف ليك ناس مشتاق ليهم يجو ماشين في الليل دا ويسلمو عليك ..؟
وفب نفس الوقت هم بكونوا بيعملوا في حاجاتهم هناك واحتمال ما يكونو شغالين بيك الشغله زاتو ..
احتمال يكونو نايمين يا في عالم تاني غريب منك ..
وريني ياتو طريقة ممكن تقد توقف بيها واحد فيهم وتمسكو من يدو وتقعدو جمبك عشان يوقع ليك الحاجات في راسك .. ويأكد ليك انو دا ما وهم .. دي حقيقة.
الحاجة التانية .. اتذكرت في نص الليل دا .. وانا لو قلت ليك زول ليل ساكت طبعا ما راح تصدقني .. اتذكرت صاحبي الدافئ .. (Dafi)..
لو متذكر في بوست حكاية البت الاسمها حنين .. بعدما الشباب ديل جو كبو جرسلين بي نقاء غريب جدا .. وشفافية عالية .. وشوق عجيب .. قام قال ليهم:
Quote: فاليذهب الباندودث..الي الجحيم.
فقد هاجت اشجاني
احن الي مطره..في حافله صغيره من حافلات النص
والي خوجه..في خور من خيران..الحله الجديده..او سوق القنا
فقد سئمت المطر الموجه هذا
يهطل ليذهب الي حيث لا نعلم..في هدوء واتزان
مطر بلا دعاش
شفتوا ليكم مطره بلا دعاش!!!!!؟؟
احن..الي رؤية فتاة تقول ووب علي..وهي بالكاد تهوي من رصة الطوب وهي تعبر..شارعا مجمبغا
|
..البت الاسمها حنين
ياربي من الزمن داك لسه صابه فيهو المطرة واللا لسه بيفتش ..؟
ملحوظة:
يا دافئ .. حسع بت زي دي يلقوها ليك وين في زمن زي دا ..؟
البت فيهن:
ترص ليها في مكنة الطوب عمرك كلــو .. وعادي جدا (تنشل) .. قلبك وتقعد ساكت من غير قلب ..
مسالة الراس دي ساهلة، الراس مقدور عليهو .. البشوق القلب .. والبكتب القلب يا ود العجمي ..
بالمناسبة:
البوست بتاعك دا اقنع منو .. شكلي كدا ح املاك فقر فيهو ..
| |
 
|
|
|
|
|
|
|
 Re: يا تمبس . من كلام عينيك (Re: محمد عثمان)
|
ود العجمي
تمبس
طلحة
محمد عثمان
مساءكم الله بالخير
وكلامكم حلو ،،، لكن تعالوا أديكم المر
تعرفوا أكتر شئ محزن شنو؟؟؟
كم مرة شفتا سهرات فى التلفزيون ،، ليالي النغم أو سهرة النيل الأزرق الشبيهه
تخيلوا كبار فنانيننا بقي جمهورهم قليل جدا
مثلاُ سهرة صلاح إبن البادية كان جمهورها قليل لدرجة كان المصور بتحاشي يجيب الكراسي الفاضية
وهي الأغلبية وكان نفس الحال في سهرات تانية
أما سهرات الفنانين الشباب ،، القاعة بتكون فل
أنا ما عارف الناس إتبلد إحساسها
ولا هموم المعيشة
ولا الناس اصبح ما عندها رغبة فى الحياة ،، زي ما قال منصور خالد أول ما رجع السودان؟؟؟
هسه أغنية زي من بهاك دي
أو رجع الصدي لصلاح مصطفي
أو تباريح الهوي لمحمد ميرغني
أو أدي رضاك قدامي سفر لإسماعيل حسب الدائم
أو أغاني عثمان مصطفي
عبدالله محمد
إبراهيم حسين
التاج مكي
وغيرهم وغيرهم ممن ربوا فينا الإحساس والتفاعل
البسمعهم منو؟؟
إلا نفر هناك وإتنين هناك
غلبني التعبير عديل
| |
|
|
|
|
|
|
|
|
|
Re: يا تمبس . من كلام عينيك (Re: ود العجمى)
|
محمد عثمان
استئذان شنو ياخى الجمال دا كلو وداير تستأذن ؟؟
تشكر على الهدية القيمة دى .. وبالمناسبة طرحك فى المنتدى جميل جدا وتأكد أنه عندك من يتابع بوستاتك . من خارج وداخل البورد
* تعرف لو ما إنت تمبس كان حيزلنى بأسئلة زى تدفع كم ؟ وعندنا تسجيل جديد سعرو أعلى وكلامو الميت المعروف لدينا داك
طلحة عبد الله
لك التحية يا فضولى البوستات . وبالله ورينى شى أفضل من العيون عشان أعشقو
فضل كرار
فعلا هناك مبدعين كبار ما أخدوا حقهم كويس
وكل واحد منهم لازم تلقى فيهو ميزة ما بتتوفر فى غيرو
بعكس الأيامات دى تشعر بأن الفنانين الشباب بيتأثروا ببعضهم لدرجة تجعلك تظن أنك تستمع لفنان واحد أو بصورة أشمل لونية واحدة
لازم يغلبك التعبير
تسلموا
| |
|
|
|
|
|
|
|
|
|
Re: يا تمبس . من كلام عينيك (Re: ود العجمى)
|
تعرف يا حبيب وطالما الموضوع جاب سيرة المرهف دافى
أقول ليك ؟ إتذكرتكم فى دولة مجاورة فى الهزيع الاخير من الليل انت ودافى اتذكرت البوست بتاعو الاسمو (راهييل) على ما أظن
والدنيا ليل ماشى على الفجر وطبعا لا فى عساكر بيقبقبوك ولا حاجتين وكنا بنتأرحج بين الملائكة .. فى سرى قلت لى نفسى أمانة فى زمتك يا عجمى ديل عالم تطراهم في الليلة ديك ؟؟
ملعون أبو الغباش البيغنى ليهو أبوعركى
لكن دافى فعلا فنان . ايوة فنان وانزوى أظنو خاف من التلوث الحاصل فى الدنيا الايامات دى
تمبس ما تصيهين بالله
| |
|
|
|
|
|
|
|
|
 Re: يا تمبس . من كلام عينيك (Re: ود العجمى)
|
يا بكري ..
ياخي البوست دا والله طلع من بالي عديل كدا ..
التحية لكل الشباب المعانا هنا دا ..
انا خلاص يا بكري فضيت ليك نفسي .. يا انا يا إنت في البوست دا ..
الله يجيبك يا دافي .. ولو بالصدفة..
| |
|
|
|
|
|
|
|
|
 Re: يا تمبس . من كلام عينيك (Re: ود العجمى)
|
ودالعجمي ازيك يا زول يا لذيذ من الزمن الجميل ..
ياخي مالو الكلام الطاعم ما هو كويس وبزيد المكان رونق ..
عارف يا صاحبي مشكلتنا نحن بقينا نتكلم في كل حاجة وأي حاجة حتى إختلط الحابل بالنابل لذلك نحن شعب الكلام الكتير ..
أظنك تقصد بأغنية الوكر المهجور لعثمان حسين وكلمات حسين بازرعة ياخي الأغنية دي مبالغة ..
كانت لنا أيام ..
في قلبى ذكراها ..
مازلت أطراها ..
ياليتنا عدنا .. أو عادت الأيام
إن أنسى ما أنسى .. ذكراك يا سلمى
فى وكرنا المهجور والصمت قد عم
تحلو لنا الشكوى .. والحب والنجوى
لن أنسى نجواكى والهمسة والبسمة
وحرارة الانفاس ... فى قبلتي لما
ضمتك يمنايا .. يا سعد دنياي
وغفوتى في صدرى .. نشوانه بالأحلام
كيف أنسى أيامى وفكرتى الكبرى
يا وحى الهامى أنا عمت بالذكرى
ذكرى لياليكى .. في خدر واديك
الليل أهواه في شعرك الناعم
لكن تباعدنا دهرا .. وما عدنا
الوكر يا سلمى .. او عادت الأيام
بجيك بيها بصوت أبوعفان تسجيل قديم بس ما يجي صاحبك يقول ليك تدفع كم 
نرجع لأغنية من بهاك لودالبادية وكمية الشجن الفيها والكلمات لعبدالله النجيب شاعر العيون ودا مقطع منها ..
يا حبيبي كنت فاكر من زمان
إني عندك وفي فؤادك لي مكان
كل طيبة وكل دافع بالحنان
من مشاعر ومن مودة ومن أمان
ده من كلام عينيك وسحرك من بهاك
شكراً للحبيب محمد عثمان انو أنزل الاغنية دي هنا ..
بالله يا ودالعجمي خلي الزول دا يجمع هنا ويعمل تمام ..
يديك العافية وكل الهنا ..
| |
|
|
|
|
|
|
|
|
|
Re: يا تمبس . من كلام عينيك (Re: معتصم دفع الله)
|
أمازح الوالد كلما اتصلت عليه .... ويمازحني أكثر بمودة تعيد لي طبيعتي وحياتي وحنيني !!!!!
حياتي التي تاهت بين (الظلط والظلط الجنبو ) ...
من ظلط لي ظلط ... حتى (تظلطط )طريقة حياتنا بترتيب ما به إلا الملل والتكرار والبحث عن (ثروة)  ضلت طريقها حتى من أصحاب البلد ...
المهم
شكوت له قبل يومين من الحمى والسهر بسبب انفلونزا (مقدمات ) شتاء الرياض الأكثر من جاف ..
قال لي (ممازحاً) يا ولدي حسة كان (إتكركعت) ليك كاسين عرقي حار كده تاني بتجيك نزلة الحناكيش دي !!!!!!
قت ليهو والله يا أبوي أكان ما حرام كان قالوا ليك ولدك كلوا يوم واقف (لط) ...
والسبب إضافة إلى (الظلط) ...الحاجات الزي دي :
Quote: تتخيل يا بكري الليالي دي عجيبة خلاص .. يعني عندنا ليل هنا لما تقعد ليهو في السطوح وتتأملو براحه كدا وتفكفك شفرتو .. بتحصل ليك حاجات عجيبة خلاص .. تقدر تصدق انو ممكن تشوف ليك ناس مشتاق ليهم يجو ماشين في الليل دا ويسلمو عليك ..؟
وفي نفس الوقت هم بكونوا بيعملوا في حاجاتهم هناك |
رغم أنك في قمة وعيك ...
والله العظيم بيحصل !!!!!!
أها يالحبيب الجبت لينا ود البادية هنا ...
وبالطريقة الشركته بيها لي تمبس دي !!!
بقول ليك بصراحة الكاسين الفوق ديل بنعوضم بالزي ده !!!
عشقي لهذا الرجل بيوصلني الميس عديل كده ...
ولا يفوتني تسجيل هذا البكاء الذي ما زال يكرره من أكثر من 40 سنة ...
غنا بيتواصل من 40 سنة .. بذات اللحن والحنجرة ..
بذات الحنية والحنين ..مع إَضافات موسيقية جديدة كل عام ...لا تخل بالأصل
...
غنانا سمح ..وزولنا ده سمح بالجد ....
...
حاجة تانية
Quote: سهرة صلاح إبن البادية كان جمهورها قليل لدرجة كان المصور بتحاشي يجيب الكراسي الفاضية
وهي الأغلبية وكان نفس الحال في سهرات تانية
أما سهرات الفنانين الشباب |
صدقني كان فتحت البيوت كلها في اللحظ ديك ستجدالعكس ..
خليني من الكراسي الفاضية ..
تعرف متعة السمع لي جنس ده لمن تكون الكراسي فاضية ..
بلا صفافير وكترة (تي شيرتات وتسريحات موهومة ) ...
قاماتنا يا عزيزي (أنفاسنا) ...
الكبار هم فقط من يفعلون فينا (ألم الحنين) ...
وألم الحنين ده ما بفكوا إلا الحار الفوق داك ..
أو السمع الجنس ده ...
(ومزَة) السمع الجبتو ده يا شباب ... هو تمبس ...
الولد ده حكاية تانية خلوها بس ...
ووالله يا ود العجمي أنا عايز أطلعوا من (الزقاق ) الهناك والهنا ....
.............
أنا شكلي سكرت أقوم الحق فول المدام ما يكمل ...وتفوت فينا قرحة أكتر من العندنا دي ....
| |
|
|
|
|
|
|
|
|
|
Re: يا تمبس . من كلام عينيك (Re: ود العجمى)
|
| Quote: انا خلاص يا بكري فضيت ليك نفسي .. يا انا يا إنت في البوست دا . |
تمبس
الكلام دا نت ما قدرو والتاريخ يشهد بأنك فى كل معارك الجمال بتطلع مهزوم وبالكثير بتتعادل فى الدقيقة الأخيرة
بعد ما تجيب الوساطات ( القديمة )
| Quote: أظنك تقصد بأغنية الوكر المهجور |
يا معتصم .. تاااااااانى المهجوور ؟؟؟ يا عالم ما دايرين تقتنعوا مالكم ؟؟ ما علينا
أما أنت يا عمران كلامك فى السلك لكن بأجيك بى مهلة بعد ما
نرحب بالوجوه النسائية الشرفتنا دى
مرحبتين نادية عثمان وشكرا على الطلة
المخضرم عمك تنقو وين الزمان بيك
| Quote: وصلنا النت ممكن نبدأ من هنا ؟؟ |
تبدأ شنو يا عمك إنت أكبر واحد فى البوست دا
قال نبدأ قال
تاريخ التسجيل: 04-02-2002
مجموع المشاركات: 2033
| |
|
|
|
|
|
|
|
|
|
Re: يا تمبس . من كلام عينيك (Re: ود العجمى)
|
Quote: التحية لكل الشباب المعانا هنا دا ..
انا خلاص يا بكري فضيت ليك نفسي .. يا انا يا إنت في البوست دا .. |
الكلام دا قبل الجمعة الحزينة طبعا
البوست خليهو . يا ريت نشوف اسمك فى شاشة بكرى الصفراء دى قريب
هارلك يا حبيب
| |
|
|
|
|
|
|
| |
ود العجمى
tmbis
طلحة عبدالله
Fadl Karrar
معتصم دفع الله
عمران حسن صالح
الشيخ إبراهيم الشيخ
فيس بوك
تويتر
انستقرام
يوتيوب
بنتيريست