|
|
 الخُلعة ..
|
زي ما عودناكم دايماً ننظر للأمور بزاويا مختلفة تصل (لأربعة) زوايا..
تحليل المباراة وما صاحبها والنتيجة و و و و و ده كلللو بنجيهو في وقتو لكن انا بصدد تناول الخُلعة التي أصابت الجميع وبالله ساعدونا بي اي قصة حصلت ليكم امبارح بسبب الخلعة ..
الناس كلها إتكلمت عن النتيجة ونست تتكلم عن إنو في الدقيقة خمسة بس الكورة كانت 2/0
أول خلعة حصلت مع صديقي عضو المنبر(زول ساكت) وهو هلالابي مرضان وتشاء الظروف إشتراكو يخلص أمبارح مع ناس ART ويمشي الساعة 8 إلا ربع عشان يجدد الإشتراك ..
دفع الرسوم في مكتب الART والموظف بدا يجرب ليهو في الكرت عشان يدخل الشبكة وكده ..
أها قوم يا الموظف جيب ART SPORT والكورة يادوب في الدقيقة 5 وقوم يا زول ساكت شوفا 2- صفر وقول لي الموظف بعفوية :
لالالالا دي ما كورتنا كورتنا ملعوبة في السوداب ويااااااادووووووووووووب بدت ..
الموظف يشيل ويحلف ليهو والله العظيم دي الكورة ودي القناة اللي ناقلاها ..
شمطة السنين وعباس مخلوع لحدي ما إقتنع وشال الكرت ومشى البيت ..
أها قوم يا زول ساكت أول ما تصل البيت (مسافة السكة) شغّل الكرت وتقووووووووم كده تقراها 3 - صفر !!!!!
نطط عيونو وقاعد يكورك لي ولدو يا ولد يا ولد تعال أقرا لي النتيجة دي !!
يا أبوي 3-صفر للصفاقسي..
زول ساكت أصرّ على إنو في تلاعب والكرت ضارب وإتمقلب في الإشتراك وكان جادّي جداً إنو يرجع الكرت لحدي ما ضرب لي تلفون والله العظيم وقال لي الكورة دي صحي تلاتة ؟؟؟
إيهاب صديقي المريخابي قال يجيب الهندي يظبط ليهو الطبق عشان الكورة ..
الهندي طالع في السطح ومعاهو التلفزيون الصغيير وإيهاب واقف معاهو وظابطين قناة ال ART ..أها الهندي لفّ الطبق كده ظهرت الكورة في البداية وإيهاب قال ليهو أيواااااا جات ياها دي ..
شويتين وطشت ..
الهندي لفّ الطبق ولمن رجع الكورة بقت واحد صفر ...
طشّ تاني ..
الهندي لفّ الطبق ولمن رجع للكورة بقت 2-صفر ..
الطبق طش تاني قام إيهاب طرد الهندي وقال ليهو علي بالطلاق ما بتظبطو ولا بتلفو تاني ..
ونزل وما تم الكورة وعرف باقي النتيجة بالتلفون ..
تخريمة :
أخلعني وتفنن ..
|
|
 
|
|
|
|
|
|
|
|
Re: الخُلعة .. (Re: عمر الفاروق)
|
ياخي ..
خلعتي أشد من ديل كلهم .. انا مشيت اجيب كباية موية لـ( عوضابي ) ..
جيت لقيتهم بحللوا في ( القوون الاول ) ..
ونظام ( قووون سريع ) وكدا ..
ويا عمك قالوا لي دقيقة هسع ( الاعادة ) بجيبوها ..
لمن جابوا ( الاعادة ) .. قلت ليهم لكن دا ما ( قوون عكسي ) ..
ما جابوهو ناس ( الصفاقصي ) .. انتو يا اخوانا بتحللوا في شنو ..!!
قالوا لي بنحلل في ( القوون الاول ) ..!!!!!!!
| |
|
|
|
|
|
|
|
|
|
Re: الخُلعة .. (Re: humida)
|
الاستاذ عمر
سلام
انا دايما عندي مشكلة مع مبارات المريخ في البيت مع البنات
لانو بأضطر اشيل كرت الإي ارتي من التلفزيون بتاعهم و ادخل بيه في غرفتي الخاصة.
و دايما امهم بتقول لي ما تمشي تشوفها في القهوة، طبعا عشان مباريات الهلال بنمشي و نقعد و نتحكر و عينا قوية و نعمل السبعة و زمتها.
بحاول دائما اشرح لزوجتي إنو ما بقدر امشي اشوف مباريات المريخ في القهوة بسبب الفضيحة لينا كسودانين.
اهه اليوم ده كمان عزمت معاي صديق مريخابي و جبتو البيت.
الولية قالت لي اليوم ديك حرمت البنات في يوم إجازته ((تقصد يوم مباراة الرجاء)) من التلفزيون بتاعهم.
و هسع كمان عامل لي جوطة.
السبب إنو لازم احول الرسيفر بتاع غرفتي للصالون عشان الرسيفر الفي الصالون ما فيه نظام الكروت.
المهم صديقي جالس و انا بركب في الرسيفر و أشيك على التوصيلات الصورة جات.
قال لي بس ياهي دي القناة و الكورة شغالة !
و طبعا زولك شاف ال 1/صفر
و انا بي خلف التلفزيون بللم في السلوك ، الظاهر هبشت حاجة قطعت الصورة.
قال لي الصورة إختفت لكن القناة الجبت اول دي ما ياها
قلت ليهو ياهه ذاتها و انا كنت ظابتها من جوة قبل ما اشيل الرسيفر من اوضتي للصالون.
المهم أعدت التوصيلات سريعا و رجعت قعدت معاه
اشوف ليك 2/صفر
قال لي لا في حاجة غلط الظاهر دي مبارة الرجاء البيضاوي
قلت ليه كيف مبارة الرجاء القون التاني جاء في الدقيقة 23 إمكن.
قال لي : في حاجة ما صاح في توصيلاتك دي. أنا هسع شفتها كانت 1/صفر.
المهم الراجل إستهدى بالله و ظبتنا قناة الصوت على صوت المزيع التونسي.
و سمعنا تعليقو على الفضيحة.
المهم المدام نادتني بعد شوية عشان امشي اجيب الشاى للضيف بعد ما جهزته
أمشي و اجي القى ليك زولي متمحن.
أهه اكب ليك كم معلقة سكر : إثنين
ارفع راسي اشوف ليك النتيجة 3/صفر.
الحاصل شنو
قال لي جابو الثالث.
قلت ليهو يازول بعد ده تخدم نفسك بي نفسك
انا السكر ده حتى ما ح اكبو ليك ، ممكن انا بحرك في المعلقة يفوتني قون. و الكورة اقوان.
و الله زولك إتخلع جنس خلعة.
و مساكين البنات دائما في مباريات المريخ الدولية (على قلتها) بنحرمهم من قناة كارتون نت وريك المفضلة عندهم.\
تحياتي
عمار يس النور
عاشق بخت الرضا
عاشق الهلال
| |
|
|
|
|
|
|
|
|
|
Re: الخُلعة .. (Re: عمر الفاروق)
|
يا نوبي:
عمر ده زول قليبو رهيف وما بيقدر على الهبباي في عز الصيف..
الزول ده ما تخليهو يشوف أفلام الرعب دي !!!
مهدي صادق :
فليمدد أبا حنيفة رجليه ..
| |
|
|
|
|
|
|
|
|
|
Re: الخُلعة .. (Re: عمر الفاروق)
|
قالوا البالون.. انفع
,,,,,بعد ما طار..وقع
بسم الله ,, نبداء الهلع
من قام البعيو وهبــع
سموه النجيم السطع
وصيفا يسوى ..البدع
لكن الاعلام الدلع
صورو بعبع.... جدع
القطن.. فريق ... البجع
بالخمسات و الاربعات طلع
الشباب التنزانى الولع
قلبنا راسو شيب وصلع
جانا دولفين مجدع
ستات والفجر هجع
كوارا للريق.... بلع
السلطان والملك شبع
فريق الاسماعيلى اللمع
فى استادنا سوى البدع
لو لا البتسوانى اللخدع
هزمنا والفجر.. طلع
فى كاس العرب تجدع
مريخنا والبحرينى طلع
الاميرة رجاء ام ودع
كشفت من بدرى الوضع
لكن المدرب... الالمع
قلبو على الكمرون قطع
النفطى سوى... البدع
قبل رجل الخط يطلع
سجل الهدف ....الوجع
الجمهور الموجود انهلع
من الصباح للتذاكر قطع
وفوق راسو النهار ..فقع
راجى... مريخ...... الدلع
والنصر الموعود فى الصحف
الصدى الاعلام ,, الوجع
والنيل الازرق ما قصرت
الدقير الوجـــه .اللمع
ياربى راجين ....الفزع
زيل الم الصداع والوجع
ابقوتة الرواى..يلمع
يكتب كلاما .... يسمع
| |
|
|
|
|
|
|
|
|
 Re: الخُلعة .. (Re: عمر الفاروق)
|
والله يا عمر (يخلع) من الشبه أربعين .. اوووب سوري .. يخلع من الشبه اربعة ..
تعرف:
النضارة عفصتها ليك قبل كم يوم قامت اتكسرت .. وكانت كويسه محضراني كور الهلال كلها وبغلب لي طوالي .. يلالا الكورة بتاعت الرجاء المرة الفاتت كنت شايفه ليك رهاب .. رهــاب، امبارح مشيت ليك .. لي ناس المغربي .. قلت ليهم يا شباب انا عندي كورة الليلة بالليل تجضمو لي النضارة قامو قالو لي تعال ليها بعد يومين .. قلت ليهم طيب اشوف ليكم الكورة كيف حسع دي ..؟ انا الرش دا البيحكيهو لي منو ..؟
قام الولد (التونسي) الشغال في المحل ركب لي (عدسات لاصقة ) بقت عندي ( اربعة ) عيون شفت كيف ..؟
.. قال لي فترة مؤقته .. وحيات خوتك جيت طالع شايف ليك الدنيا دي بي ( منظار وردي ) عديل كدا .. اقول ليك حاجة:؟
شايفه رتينة عديل كدا
المهم
وصلت البيت واتمحركته لي في كم محريكه كدا قبل بداية الكورة .. قومي يا كورة ابتدي .. بلاي من الاستديو التحليلي اشوف ليك تووووف .. والله اتخلعته ، واصابني الوجوم ، حكيت ليك عيوني وعدساتي الملصقة دي .. أقول ليك حاجة..:؟
يازول مشيت غسلت وشي عديل كدا .. جيت راجع اشوف ليك الجماعة جاريين .. وقاعدين يرقصو .. والجماعة بطقعو ليك فيهم بالقصب .. وبي قزازات الموية .. قلت:
الله .. العدسات دي جنت واللا شنــو..؟
والله قعدته في الكرسي علشان اشوف الخلعه دي حدها وين ..
يازول بعد شوية جابو ليك التالت .. تاني قلت:
الله العدسات دي جنت واللا شنــو ..؟
قلت خلي بالك التونسي دا رشاشة .. يكون اداني عدسات الناس الغالبين .. قرقررقرقرقر
هيي الليلة .. والليلة ..
يلالا بعداك .. ياعمك والله قمته طوالي ملصت ليك العدسات دي وجيت حضنت ليك الكمبيوتر والتلفزيون .. حتين عرفت انو العدسات دي ما مجنونة..
بلاي عليك الله دي ما خلعه حسع دي ..؟
| |
|
|
|
|
|
|
|
|
|
Re: الخُلعة .. (Re: عمر الفاروق)
|
أجمل خلعة كانت خلعة أبراهومة ..
عليكم الله عاينو الزول ده كان قاعد وين ومن الخلعة مشى وين ..
قبل الخلعة ..
بعد الخلعة ..
| |
|
|
|
|
|
|
|
|
|
Re: الخُلعة .. (Re: عمر الفاروق)
|
حضرت الكرة مع مجموعة مريخاب حاولت أعمل فيها قومي والمريخ يلعب باسم السودان فجأة وبطريقة لاشعورية وجدت نفسي أهتف للهدف الرابع 0 أظن وقتها تذكرت صديق الموج وبوست المحلي داخل عطبرة 0
تحياتي الفاروق 0
| |
|
|
|
|
|
|
|
|
|
Re: الخُلعة .. (Re: mahmed alhassan)
|
والله ياعمر
بالغت فى لقطة ابرهومة دى,,,,
قالو امس مشى البيت بدرى
والله لو انا من المريخاب المشجعين فى الاستاد ديل,,
اجلد مزمل ابو القاسم
مامون شببة
جلالد الدقير
شاكوش المشجع
ومقدم برنامج البحث عن هدف
البت ميرفت,,,,
لكن النقى فاهم اللعبة وعارف الناس ديل بفرعو فى اى لحظة
| |
|
|
|
|
|
|
|
|
|
Re: الخُلعة .. (Re: عادل جبارة)
|
والله دا احسن بوست يا عمر ممكن ان يعنون لهذه المباراة
ابوي مريخابي...وأنا هلالابي...جاني يوم الجمعة المساء مفتكر الكورة ملعوبة يوم الجمعة
قلت ليه يا حاج المباراة يوم السبت باكر الساعة 8 مساء بتوقيتنا المحلي: قام جاني
تاني يوم (يوم السبت) الساعة 6 مساء وفتح قناة النيل الازرق وانبسط من محمد خضر بشير
وعوض بابكر وكل مرة يمشي يتاوق لي ال ايه آر تي سبورت ويرجع لي قناة النيل الازرق..
لما قربت الكورة فتح التعليق الرياضي في ايه آر تي وتهكم علي المعلق ال قال الكورة
حا تكون 2/1 للصفاقصي..
اثناء ما انا بجهز في الشاي...لأني متوقع كمية من الشباب يحضروها معاي ولاحدي ما بدت الكورة
ما جو...في الفترة دي الحاج مشي يصلي في الاوضة التانية ودخلنا انا وهو سوا والكورة بادية ليها
سبعة دقائق وما سامعين الصوت...الحاج اشوفو يتمر في نظاراتو...واتنينا ما انتبهنا لي النتيجة
المكتوبة فوق في زاوية الشاشة...أها بعد ما فتحت الصوت الشوالي جاب لينا الخبر...
اتنين...ابوي طوالي شال الريموت وبدأ يقلب في القنوات: بحثا عن الكورة...وقال لي
البتكلم عنها الشوالي دي كورة قديمة في تونس...لما فتر من القليب وما لقي كورتو رجعنا
لي كورة الشوالي ولقيناها بقت تلاتة...قال لي غير لي المذيع التاني جبت ليه حاتم التاج
طوالي شال عمتو في كتفوا وطلع الطلعة الياها...والشباب المريخاب العايزين يحضروا الكورة ومعاهم
واحد هلالابي (بتعرفو يا عمر (صديق احمد بابكر) ضربوا لي قلت ليهم الشوط الاول الباقي
فيه زمن كتييييير والكورة تلاتة للصفاقصي...ودي آخر مكالمة معاهم لاهسي ما سمعت منهم شي
والشاي ياهو داك قاااااااعد بي كبابيه وترمستو جغمة ما شلتها منو...
ولاهسي لا الوالد سألني عن النتيجة انتهت كم ولاهم ضربوا لي تاني
الغريبة جماهير المريخ من الخلعة بقت تشجع في الصفاقصي
| |
|
|
|
|
|
|
|
|
|
Re: الخُلعة .. (Re: عمر الفاروق)
|
عمر الفاروق
شنو يعني
خلعتنا دي ما لك فطيتها
الظاهر إنك لسع مخلوع
Quote: الاستاذ عمر
سلام
انا دايما عندي مشكلة مع مبارات المريخ في البيت مع البنات
لانو بأضطر اشيل كرت الإي ارتي من التلفزيون بتاعهم و ادخل بيه في غرفتي الخاصة.
و دايما امهم بتقول لي ما تمشي تشوفها في القهوة، طبعا عشان مباريات الهلال بنمشي و نقعد و نتحكر و عينا قوية و نعمل السبعة و زمتها.
بحاول دائما اشرح لزوجتي إنو ما بقدر امشي اشوف مباريات المريخ في القهوة بسبب الفضيحة لينا كسودانين.
اهه اليوم ده كمان عزمت معاي صديق مريخابي و جبتو البيت.
الولية قالت لي اليوم ديك حرمت البنات في يوم إجازته ((تقصد يوم مباراة الرجاء)) من التلفزيون بتاعهم.
و هسع كمان عامل لي جوطة.
السبب إنو لازم احول الرسيفر بتاع غرفتي للصالون عشان الرسيفر الفي الصالون ما فيه نظام الكروت.
المهم صديقي جالس و انا بركب في الرسيفر و أشيك على التوصيلات الصورة جات.
قال لي بس ياهي دي القناة و الكورة شغالة !
و طبعا زولك شاف ال 1/صفر
و انا بي خلف التلفزيون بللم في السلوك ، الظاهر هبشت حاجة قطعت الصورة.
قال لي الصورة إختفت لكن القناة الجبت اول دي ما ياها
قلت ليهو ياهه ذاتها و انا كنت ظابتها من جوة قبل ما اشيل الرسيفر من اوضتي للصالون.
المهم أعدت التوصيلات سريعا و رجعت قعدت معاه
اشوف ليك 2/صفر
قال لي لا في حاجة غلط الظاهر دي مبارة الرجاء البيضاوي
قلت ليه كيف مبارة الرجاء القون التاني جاء في الدقيقة 23 إمكن.
قال لي : في حاجة ما صاح في توصيلاتك دي. أنا هسع شفتها كانت 1/صفر.
المهم الراجل إستهدى بالله و ظبتنا قناة الصوت على صوت المزيع التونسي.
و سمعنا تعليقو على الفضيحة.
المهم المدام نادتني بعد شوية عشان امشي اجيب الشاى للضيف بعد ما جهزته
أمشي و اجي القى ليك زولي متمحن.
أهه اكب ليك كم معلقة سكر : إثنين
ارفع راسي اشوف ليك النتيجة 3/صفر.
الحاصل شنو
قال لي جابو الثالث.
قلت ليهو يازول بعد ده تخدم نفسك بي نفسك
انا السكر ده حتى ما ح اكبو ليك ، ممكن انا بحرك في المعلقة يفوتني قون. و الكورة اقوان.
و الله زولك إتخلع جنس خلعة.
و مساكين البنات دائما في مباريات المريخ الدولية (على قلتها) بنحرمهم من قناة كارتون نت وريك المفضلة عندهم.\
عمار يس النور
عاشق بخت الرضا
عاشق الهلال
|
| |
|
|
|
|
|
|
|
|
|
Re: الخُلعة .. (Re: عمر الفاروق)
|
والله يا عمار وما طالبني حليفة خلعتك وخلعة نزار ضحكوني لمن قربت أقع ..
لكن قلت أجي أرد على الناس بالدور بس نسوي شنو مع الدوام والزنقة ..
ما نسيتكم لكن مخلوع لمن ما قادر أكتب..
ضحكت شديييييد في حكاية راجع التوصيلات دي ..
تخريمة :
تاني بالله يوم كورة المريخ ما تتعب روجك وسيب البنات يستمتعوا بي ابطال الديجيتال وتوم اند جيري..
| |
|
|
|
|
|
|
|
|
|
Re: الخُلعة .. (Re: عمر الفاروق)
|
الجماعة شايفهم صحوا يافاروق
خلى بوستك دا يكون فووووووووووق
معقولة....
واحد قريبى ساكن مع العذابة ,,رفض يحضرة الكرة معاى,,,قالو سمعها من الراديو
شاهد عيان قال ليه يازول,,ناسك ديل مغلوبين من الدقيقة خمسة,,2/صفر
فرد وقال العجب اسى بخمهم ب ستة اهداف,,
فرد عليه الاول وكان لاعب كرة,,,قال ليه والله فى الحوارى والدافورى
زول من اول المباراة بنهزم بهدفين مستحيل يقوم من الصدمة,,مش عجب حتى لو كان
مارادونا ظاتوووووووووا
لكن شايف ناسك قاموا من الصدمة,,,
ياريت ياعمر لو كانت دى المباراة النهائية,,كان ممكن يركبو التونسية جاين
لكن يمشو هناك,,,,والله عوجة كبيرة,,مش ممكن يستلفو المعز,,,عشان يحرس القون
بدل الولد الملوصصصصصصصص دا
| |
|
|
|
|
|
|
|
|
|
Re: الخُلعة .. (Re: عمر الفاروق)
|
يا ود الفاروق
انا مخلوع ،، بضحك ،، كل اليوم بضحــــك
ولى يومين او اربعه ايام منتظر بوستك هذا ،، وفجأة أكتشفت نفسى
وعرفت سر الضحـكه الماسكانى دى واكتشفت انى مخلــــوع ،،
المطلوب
1/ علاج سريع لهذة الضحــكه
2/ تحليلك للمباراة من الاركان الاربعه
3/ تلحين أغنيه لبوست جمال السنوسى
| |
|
|
|
|
|
|
|
|
|
Re: الخُلعة .. (Re: عمر الفاروق)
|
شباب الاهلة تحيات
والله يا جماعة رغم انه في الاخر ده تمثيل للسودان
لكن صراحة البوست ده خلاني اضحك براي واتخيل في خلعة المريخاب الما خمج
غايتو اي مباراة سواء دولية ولا محلية شارع بيتنا في بري بيكون مهجج والناس تسمع الجوطة جوه بيوتها
يوم كورة المريخ صراحة ، حتى الركشات اختفت ، وحتى صوت العربات بقا ما في
كانت في صنة غريبة كدا!!!! ، تكون ياها دي الخلعة القلتوا عليها ؟؟
اختكم هلالابية حتى النخاع
| |
|
|
|
|
|
|
|
|
|
Re: الخُلعة .. (Re: عمر الفاروق)
|
الرفاعي يا ابو النسب..
ليك وحشة والله ..
ناسك ديل لا محلي ولا سفري ما حاي لموا فيهو إن شاء الله ..
بس قول يا هادي وما تتخلع
يا بيلي:
تحريم الفرحة ما جديد عليهم وإستباحة الألم كمان ما جديدة ..
تحياتي..
| |
|
|
|
|
|
|
|
|
|
Re: الخُلعة .. (Re: عمر الفاروق)
|
أخي عمر الفاروق وجميع المشاركين في هذا البوست
والله لقد أحزنني اليوم خبر وفاة إبن عم الزميل صديق الموج
زميلنا المميز في هذا البورد بسبب نتيجة هذه المباراة المشئومة
وحدوث ذبحة صدرية له ...
نعم كلنا نشجع ونفرح كما نغضب ونتبادل الشماتة .. فقط في جو من الفكاهة
ومن غير تعصب ،
أقول لا وألف لا لمثل هذه العصبية المضرة القاتلة ،
وأسأل الله تبارك وتعالى لذوي المرحوم وللأخ صديق الموج الصبر وحسن العزاء
| |
|
|
|
|
|
|
| |
عمر الفاروق
humida
فيصل نوبي
عمار يس النور
الرفاعي عبدالعاطي حجر
MOHAMED EL-BEELI
إسماعيل وراق
abuguta
tmbis
mahmed alhassan
وليد محمد المبارك
nazar hussien
manubia
فيس بوك
تويتر
انستقرام
يوتيوب
بنتيريست