|
|
|
 Re: حبيبتى البستلطفا وما عندى مانع اى زول يعرفها! (Re: jini)
|
جني سلامات..
الملوخية بأي طريقة ختيييييييييرة..
في عمان هنا أكلت ملوخية مطبوخة ما مفرومة..
أها لما تاكل اللقمة تحس زي البتاكل ليك في ملوخية مفروكة. لأن طعم الملوخية واااضح..
أما (الأنارب).. فضقتها مرة واحدة في عمري.. وبيني وبينك حسيت إني باكل لي في كديس ..
.
.
.
بعد ما سمعت صرخة الأرنب عند الفرارجي وهو بيضبًح.. تاني أصلو ما فكًرتا أقرب جنبه ..
بجد حرام.. والعجب أكل الحمام..
يعني البني آدم ما إتفولح إلا في المساكين ديل..
(البامية).. لها مكان في القلب.. و
المعدة..
تحاياك وصلن.. ولك الضعف
| |
 
|
|
|
|
|
|
|
|
Re: حبيبتى البستلطفا وما عندى مانع اى زول يعرفها! (Re: jini)
|
Quote: جنى اذيك و الله مشتاقين
و على طريقة رجاء
ا
ل
م
ل
و
ح
ه
اهارايك شنو؟؟
انشالله تكون متفلسف و ما بتاكلوها لانو انا متفلسفه باكلها و ما باكل الباميه نهااااائى!!!!!!! |
طبعا الناس الظراف ونضاف زيكم ممكن يتستمعوا بيها!
لاكين الرجال الخرق غايتوا الا يودوا جلاليبهم عند الجيران وبرضها حتتلطع!
تحياتى للاشبال وابوهم
جنى
| |
|
|
|
|
|
|
|
|
|
Re: حبيبتى البستلطفا وما عندى مانع اى زول يعرفها! (Re: jini)
|
جنى
قال شاعر عربى قديم و يعد حجة فى شعر التبحطل ( اشعار الحفبة الأرنأوطية الثانية)
Quote: دفق في البطحاء بعد تبهطلِ وقعقع في البيداء غير مزركلِ
وسار بأركان العقيش مقرنصاً وهام بكل القارطات بشنكلِ
يقول وما بال البحاط مقرطماً ويسعى دواماً بين هك وهنكلِ
إذا أقبل البعراط طاح بهمةٍ وإن أقرط المحطوش ناء بكلكلِ
يكاد على فرط الحطيف يبقبق ويضرب ما بين الهماط وكندلِ
فيا أيها البغقوش لست بقاعدٍ ولا أنت في كل البحيص بطنبلِ |
(منقول)
| |
|
|
|
|
|
|
|
|
|
Re: حبيبتى البستلطفا وما عندى مانع اى زول يعرفها! (Re: ماجدة عوض خوجلى)
|
| Quote: وقبل ديل كلهم القراصة داخله من ضمن الابستلطهم |
القراصى بوصة ونص!
رحم الله النعام آدم كان صديقا لجدى عليه رحمة الله وكانا يسكنان متجاورين فى اركويت .افطر النعام مع جدى بقراصة ملهلهبة وضع عليها كفة يده وانتزعها من القراصة لشدة سخانتها وقال لجدى مداعبا قراصتك دى جايبا من المكوجى!
فقال له جدى نجيب لك جونتات يا ابشنبات!
شكرا لك على المرور الجميل يا بت الخليفة عوض!
جنى
| |
|
|
|
|
|
|
|
|
 Re: حبيبتى البستلطفا وما عندى مانع اى زول يعرفها! (Re: jini)
|
الكمــــــــونية
من الأكلات السودانية المشهورة وتتكون من الكرشة و الكبدة والطحال والرئتين وقطع من اللحم
طريقة تنظيف مكونات الكمونية
*لتنظيف الكرشة تكشط الأجزاء القاتمة اللون وتزال القطع الدهنية وتشطف مرارا بالماء البارد وتغسل جيدا بالليفة والصابون وتشطف جيدا، ثم تدعك بالدقيق وتشطف بالماء . تقطع حسب الرغبة وتوضع في ماء بارد وترفع على النار لتغلي ثم يصفى الماء ويستبدل بآخر وتكرر مرة أخرى حتى تنظف جيدا .
*لتنظيف الطحال يغسل بالدقيق وينظف جيدا
*تدعك الرئتين (الفشفاش) بالملح وتغسل ثم تدعك بالدقيق وتشطف جيدا
*لنظافة الإمعاء يزال منها الشحم بقدر المستطاع ثم تغسل جيدا وتقلب باليد أو بوضعها في طرف صنبور المياه (الحنفية) وتفتح ليساعد اندفاع الماء على قلبها بسهولة بعد قلبها توضع في مصفاة وترش بكمية من الملح ويضغط عليها للتخلص من المادة المخاطية . تشطف وتدعك بالملح والدقيق ثم بالصابون ثم تشطف جيدا لتزول آثار الصابون تماما . تقلب ُانية وتكرر عملية إزالة المخاط حتى تنظف تماما ثم تقطع أو تضفر وتقطع
*طريقة عمل الكمونية
* خلطة من الأحشاء السابقة ,2 بصلة كبيرة ,جزرتين,ثوم,زيت,طماطم أو صلصة .
تجيب البصل وتحشو دقاقه,بعدين تجيب العفشه النظفتها ديك وبقت ليك زي الدبلان وتقطعها صغيره(لازم تعمل المصارين ضفاير) وتقطع الجزر او اي خضار بتحبو وتسوي البهارات وتلخبتهم مع بعض وتديهم النار الهاديه
ملحوظه
اذا كنت خارج السودان ولان اللحمه غير السودانيه قويه وتاخد وقت طويل, انصحك باضافة كاس ويسكي لانو بيدي الاكل طعم ويساعد على الطهيان السريع او باكنج باودر ده بيعمل ليك غازات او عطرون اذا كنت من الفافين.
مع تحيات الشيف
| |
|
|
|
|
|
|
| |
jini
Raja
نصار
Siham Elmugammar
اسعد الريفى
ماجدة عوض خوجلى
Muhammad Elamin
Rawia
bushra suleiman
Rayah
هاشم أحمد خلف الله
فيس بوك
تويتر
انستقرام
يوتيوب
بنتيريست