|
في حالة زي دي .......... أعمل شنو ؟!
|
إذا لقيت نفسك قاعد ما عندك أي حاجة تعملا في فراغ حاصل دخلت نت مواقع كتيرة شفت الحاصل فيها شنو واطلعت على بوستات كتييرة في سودانيز أون لاين شاركت في بعضها واكتفيت بقراءة أخريات دخلت ماسنجر واتونست لمن فترت
وبعد دة كلو لقيت برضو ما في حاجة تعملا
خت نفسك في مكاني حتسوي شنو ؟
|
|
|
|
|
|
|
|
Re: في حالة زي دي .......... أعمل شنو ؟! (Re: Mubarak Eltayeb)
|
سلامات يا باشمهندس,
هنالك عدة خيارات منها على سبيل المثال لا الحصر,
تعمل ميت!!
تعمل مجنون!
تعمل نايم!!
تعمل جمعية!!
تعمل Parking)
أو تعمل شخيت زى ده -------------------------------------
أمثلة أرجو أن تجد فيها ما يناسبك ويملا الخواء الذى تعيشه
وإنعدام مايمكن عمله والإفادة منه,,
فقط إذا ذهبت للتسكع ما بين خور عمر أو النشيشيبة والإعدادية حتما ستجد مايفيد.
أخوك كان عندو عشرة دقايق وكباية شاى صاموتى وما كان عارف يعمل فيها شنو وجيتو
إنت وقال يساهم معاك شوية
تحياتى.
| |
|
|
|
|
|
|
Re: في حالة زي دي .......... أعمل شنو ؟! (Re: haroon diyab)
|
الأخ أيمن الطيب كان عملت شخيت معناها حأقيف بعيد وأنا ما عاوز هروب عاوز المشاركة في قلب الأحداث (مع إنو ما في حدث) خور عمر ... يا حليلا الله يرحما .. نحن بنحاول بث الروح فيها من جديد (الله يجازي اللي كان السبب) النش والإعدادية ما يهم العرفناهم زمان تغيير شامل ليس في المبنى بل حتي في المعني أقولها صدقاً وأسألوا إي زول من الدفع القديمة مشى الجامعة في السنين الفاتت
إنشاء الله كباية الشاي عدلت مزاجك؟ تحياتي وشكراً على المرور
| |
|
|
|
|
|
|
Re: في حالة زي دي .......... أعمل شنو ؟! (Re: Mubarak Eltayeb)
|
أذكر الله يامبارك ألا بذكر الله تطمئن القلوب .
والباقيات الصالحات خير عند ربك ثواباً وخير مردا .
سبحان الله والحمد الله ولا إله الإ الله وألله أكبر .
حسبي الله لا إله إلا هو عليه توكلت وهو رب العرش العظيم (أذكرها سبعاً ويكفيك الله ما أهمك من أمر الدنيا والآخرة ويشرح صدرك ) .
ربي بجاه من بيته في طيبة حرم وأسمه قسم من أعظم القسم إشرح صدر أخونا مبارك .
آمين
| |
|
|
|
|
|
|
Re: في حالة زي دي .......... أعمل شنو ؟! (Re: Mubarak Eltayeb)
|
سلامات يا بركة,
ياخ معقولة إنت لسة مذهلل وما لقيت ليك شغلة تملأ زمنك!!
وإقتراحات الأخوان الفوق دى كلها ما خارجت معاك!!!!!!
قوم شتت الدباغة وأمعط الأقاشى وأغشى لينا معاك عبدالحق!
لكن يبدو إنو البوست ساعد قضيتك وملأ الأماكن الشاغرة لحد
ما اليوم يكمل ولسة ولسة يافردة.
تعرف لو كنت صاحبى شديد كان ردمتك ردم الفيلة لكن معليش ! !
معقولة كباية الشاى التانية وإنت لسه لايص ودربك رايح! !
كان القصة إتعقدت ليك شديدإستعين بصديق وكان ما لقيت أدينا
سلك وربك أبا كوستى وبالعكس!
باتش كم أنت يا هندسة؟
| |
|
|
|
|
|
|
Re: في حالة زي دي .......... أعمل شنو ؟! (Re: أيمن الطيب)
|
Quote: قوم شتت الدباغة وأمعط الأقاشى وأغشى لينا معاك عبدالحق!
كان القصة إتعقدت ليك شديدإستعين بصديق وكان ما لقيت أدينا سلك وربك أبا كوستى وبالعكس!
باتش كم أنت يا هندسة؟ |
بعد ما فارقنا مدني ورجعنا الكلاكلة رجعنا لي ود الريح ومشتاقين لي عبد الحق الجيد يا سيد
الأصدقاء تفرقت بهم السبل وبعضهم أخذته المنافى الاختيارية ... وهذا ما تفعله الهجرة (الطوعية-الإجبارية)
17 تكنو
| |
|
|
|
|
|
|
|