|
مش غريبة الردود..في بوستات الجكس..اكتر من بوستات الرجال!!!.. وهاكم السبب.
|
لييييييييه الردود والمداخلات في بوستات انسات ونساء البورد اكتر من بوستات الرجال ؟
مع ان هنالك بوستات رجالية هادفة (لمن غلط) ما بتتعبر لحد ما تلحق امات طه.
ولا انصار(طرحة نفر) في المنبر كيمان كيمان.
او القلم النسائي(ما قلم الدلال) في البورد اجمل وامتع من القلم الرجالي..
ولا اخواتنا البوردابيات ديل بعرفن ظبطة البهارات للبوستات اما الشباب محلك سر بوستاتهم القطر قام
سااااااكت.
نفسي بس اعرف لييييييييييييييييييييه؟؟؟؟؟
والحكاية ما جندرة..لكن اسئلة تخلو من خبث عشان كده يا الجندريات الكلام ده دعاية مجانية للجنس
اللطيف..ما المديدة حرقتني..
كده نسمع منكم
وبما ان البوست ذكوري الهوية اتوقع اختفاءه السريع..
رمضان كريم
|
|
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: سيد محمد احمد سيدنا)
|
Quote: الاخ محمد خليل
كل عام وانت بخير
كلامك فى محله والسبب بسيط بعض البورداب
لو اختلفت معاهم انت عدوهم.
لكن الجكس ممكن رد فعل بالتلفون ويكون
مشروع مستقبل ناجح لو اتفهموا الاراء.
|
العزيز ابو السيد
كل عام وانت كما تود وتشتهي
لو كل الناس بتؤمن بأن اختلاف الاراء لا يفسد للود قضية لما كان هناك عداوة ضد الفكر وانا ملاحظ حتة
عدو وصديق وشلليات وكر وفر وكلها ظواهر ما صحية..اتمني ان تزول وينتبه الجميع لها حتى لا تضيع
اهداف هذا المنبر.
لكن قول لي كده تلفونات الجكس دي بتلم فيها وين
لك كل التقدير
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: عواطف ادريس اسماعيل)
|
Quote: حموووووووووودي !!!
مش بقولو ليديز فيرست ؟؟؟
بتصدق في سويسرا في فندق إسمه ليديز فيرست كل نزلائه من النساء وحتى العاملات أيضا من المديرة إلى
االغفيرة يا ريت لو يطبق مثل هذا الفندق في دولة عربية أو إسلامية !!! |
عطووووووووووفة
حبابك عشرة..فندق سويسرا ده ما داير ليهو بواب متطوع ساااااكت بدون مرتب..
ده كلام مدهش وفيهو انتهاك لحقوق الرجال في البصبصة وسرقة اللعب من بعيد لي بعيد نرفض بشدة
وجوده في بلادنا
والتحية ليك عطوفة
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: تاج السر حسن)
|
Quote: التعامل مع البوستات فى المنابر على طريقة:- (دى الردود يا حلوه دائما لى عيون حلوه بتجيبنا) مع الأعتذار للأغنيه الجميله!! يا اخى فى زول ما بحب الجمال ؟؟ صدقنى وتنكر اتمنى اى بوست لى يمشى ويغطس ويحتل .. مهما كان مهم وأن يرتفع بوست (الحلوين) الشوفتهم بتسر زى الراكب (اسانسيرات) دبى لا (القاهره) .. حتى لو كان بوست (طروره)! |
تاج السر اديبنا الهلالابي الكبير بالغت طبعا في دي..يعني انت نطلق عليك بعد كده عاشق الجنتين (الهلال والجمال) ياخ الجمال والله مريح ومافي زول ما بحبو قدرة الله نعمل شنو ما بتتغير.يلا يا اديبنا ربي عضلاتك وابقى علي بوستات الحلويين رفع شديد ما تدقس عشان ما ينزلو تحت اما بوستاتك انت وكيلها الله
تسلم يا هلالابي يا زين
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: نادية عثمان)
|
يا محمد خليل انا قصدت ادخل كلامي جوه الصندوق عشان ما تقدر تعمل ليهو كت وبست
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: mohmed khalail)
|
محمد خليل يا رهيب بالطريقة دي حاتجيب كل الجكس هنا , اما انا وصراحة بحب بوستات الجكس لعدة اسباب نمرة واحد بوستاتهم كلها محبة ونعومة ونمرة إثنين بيعرفوا يكتبوا متين وليه نمرة ثلاثة عليك الله ماشايف بوستات الذكور كلها مشاكل وشلاليت وعكاكيز حتي الكورة فيها نبذ اعوذ بالله منو اها عاد نقعد لمتيل ده لمتين ؟؟؟ ياخي ادخل بوستات الشعر والجمال والحكايات والشمارات , نحن عايزين ننفس عن نفسنا مش كفاية ضغط العمل والغربة !!!!!!
والله يا هاشم عندك حق ودابكدوك
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: mohmed khalail)
|
Quote: محمد خليل يا رهيب بالطريقة دي حاتجيب كل الجكس هنا , اما انا وصراحة بحب بوستات الجكس لعدة اسباب نمرة واحد بوستاتهم كلها محبة ونعومة ونمرة إثنين بيعرفوا يكتبوا متين وليه نمرة ثلاثة عليك الله ماشايف بوستات الذكور كلها مشاكل وشلاليت وعكاكيز حتي الكورة فيها نبذ اعوذ بالله منو اها عاد نقعد لمتيل ده لمتين ؟؟؟ ياخي ادخل بوستات الشعر والجمال والحكايات والشمارات , نحن عايزين ننفس عن نفسنا مش كفاية ضغط العمل والغربة !!!!!! |
كده كيف يا هاشم؟
تحيات لصاحب البوست والمحبين للواحات الظليله....
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: نادية عثمان)
|
Quote: مممممممممممممم !!
اها قلت هاكم السبب ومااديتنا شئ لسة لكن !!
تفتكر السبب شنووووووووو ؟!!! |
نادية ..
ازيييييك وحمد الله بسلامة الرجوع..ناس عادل رفعو البكائية ولا لسه فارشين ؟؟
شايفك زنقتيني شديييييييييد وممممممممممممممم دي معناها حتمشي مني وين!!! طيب حاضر حأقول ليك روقي المنقة شوية لو لاحظتي الجماعة ادلو بدلوهم وما قصرو اما انا اوردت تلاتة احتمالات
1-الجماعة الساكين الطرح في البورد اغلبية 2-القلم النسائي اجمل وامتع من الرجالي 3-الجكس بظبط بهارات البوست احسن من الشباب
وبين الخيارات التلاتة انا مع نمرة اتنين
انت رايييك شنووووووووووووووووو؟؟؟؟؟
منظر ردك ما تزوقي
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: نادية عثمان)
|
Quote: مممممممممممممم !!
اها قلت هاكم السبب ومااديتنا شئ لسة لكن !!
تفتكر السبب شنووووووووو ؟!!! |
الخرابي ده خليه .... أنت تفتكري السبب شنو؟؟؟؟ يعني راح يكون دي:
يعنى بعد دخولى المنبر بسنة (يطش) اول بوست لى بعد خمسة دقائق يابكرى ؟!! [ 1 2 ] 188 1965 نادية عثمان 27-10-07, 06:44 م بواسطة نادية عثمان (188 مداخلة) (1965) قراءة - ما ميلادية) _________________________________________________________________ ولا دي:
خلونا من الأسئلة الماعندها إجابة!!!!!! الشايقي
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: علاء الدين حيموره)
|
علاء الدين حيمورة
سلامات..
لقد اوردت يا صديقي ما يلي:
Quote: حسي يا محمد اخوي في بنت بتكتب جنس كلامك ده ؟ الا اتنين ولا تلاتة وهن عارفات نفسهن ..
بوستات البنات حنينة وبلقى فيها الرجل نفسو( طبعا غير الزميلات المشار اليهم دون ذكر الاسماء )
وانا قصدت بجنس كلامك هو طريقتك واسلوب معالجتك للفكرة في جمل ركيكة ((لامن غلط))
ابحث انت عن ردودك للبنات وان قلت ... ابحث عن طريقة الرد في فكرة الموضوع ..
|
اولا موضوع البوست ليس بالجديد بل تم تداوله بصورة او بأخرى من قبل مراراً...ولكن ظلت الظاهرة كما هي لم تبارح مكانها .وظلت الكثير من البوستات ذات الثقل المعرفي تمر مرور الكرام حتى تتوارى بخجل عن الانظار بدون ان تنال حظها من الزمن , التداول اوالنقاش المثمر لتعم الفائدة اكبر قدر ممكن من متصفحي هذا المنبر والذي احسبه صار من الانتشار بما لا يصدقه حتى اكثر المتفائلين.وعندما اثرته هنا مرة اخرى كان الهدف حقاً سماع المزيد من الاراء حول هذه الظاهرة. اما لغة البوست (الركيكة)على قولك فهي لغتنا السودانية الدارجية او بمعني اخر تجاذب لاطراف الحديث بدون تصنّع (ونسة يعني) وانت ترى بأم عينك اريحية المداخلات والتلقائية في النقاش بدون تكلف فما بالك اذا كنت قدابتدرت هذا الموضوع بخطبة عصماء لا تخلو من استشهاد بأيات واحاديث وما تيسر من عيون الشعر العربي واقوالنا المأثورة!!من وربك سيدلي بدلوه؟؟؟مالكم كيف تحكمون!!!
اها يا علاء يا اخوي رديت ليك باللغة الدايرها انت ولو داير زيادة تعال نفتح بوست خاص انا وانت واختار الموضوع الدايرو و في اي نوع من انواع المعرفة ومستوي اللغة الانت عاوزه سواء كان شعر, نثر او غيرو..عشان تعرف حاجة اتفقنا يا حبيب انا في الانتظار. اما البوست ده بدا تلقائي وبدون تكلف وزوارو حلويين وتلقائيين ونحن بيهم بالحيل مبسوطين ..
مودتي وتحايانا لكل الحيموراب
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: Tragie Mustafa)
|
حبيبنا القرضابي : تحياتي
تعرف بوستات تراجي الناس بدخلو عشان يجيبو كثافتها ويقرأوا الكلام ذو الطابع الحماسي ..
فهي تحمل هموم وطن وقضيايا شعب ..
بوستات تراجي طعمها تاني ..
العجب كان قامت للشكل .. عينيك ما تشوف الا النور ودائما بتخيلها كهذه الانثى :
ياربي بكرة بنتوقع من تراجي تجينا بقصيدة همسة شوق ولا حناني ليك يا ابو اولادي ؟؟
وكان ده حصل بتغيروا المتداخلين تلقائيا يجونا جارين ناس هاشم خلف الله ويشيلو ويكسرو في التلج ويكونو ما عارفين تراجي بتشوي الثلج زاتو
مودتي
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: علاء الدين حيموره)
|
الاخ محمد خليل
الشلليات دى اصبحت ظاهره لكل المتسلقين
ومنطقها ارفع بوستى ( لحب الظهور ) وانا
اساند بوستك ولولاها لتمكن الفكر من اخذ
دوره الطليعى وانتظمت الامه.
التلفونات دى التحصيل عليها مش صعب مع
التقنية ومرات بتجى ماشه براها لان الحب
اعمى .
ولعلمك نحنا فاتتنا التقنيه وبقينا نجامل
عشان رفع المعنويات ، اما مواضع الخلاف والاختلاف
اصبحت لبعض الناس حاله لا يمكن العيش بلاها ولولاها
كان السودان جنة الانسان .
الاخت عواطف شكرا على المعلومه عن الفندق النسائى ( ليدز فيرست )
والجماعة اظنك همستى فى اذنهم عشان كده فى اخبار
الام بى سى امس منتصف الليل اعلن عن اول فندق نسائى
بالرياض وعقبال الدول العربيه.
تحياتــــــــــى
ســــــــــــيد
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: سيد محمد احمد سيدنا)
|
Quote: الشلليات دى اصبحت ظاهره لكل المتسلقين
ومنطقها ارفع بوستى ( لحب الظهور ) وانا
اساند بوستك ولولاها لتمكن الفكر من اخذ
دوره الطليعى وانتظمت الامه.
التلفونات دى التحصيل عليها مش صعب مع
التقنية ومرات بتجى ماشه براها لان الحب
اعمى .
ولعلمك نحنا فاتتنا التقنيه وبقينا نجامل
عشان رفع المعنويات ، اما مواضع الخلاف والاختلاف
اصبحت لبعض الناس حاله لا يمكن العيش بلاها ولولاها
كان السودان جنة الانسان .
|
اخي الكريم سيد
نعم هنالك شلليات ورفع بوستات (وكسير تلج) وربما نتج ذلك عن روابط اجتماعية تنامت بين بعض اعضاء المنبر ويرى البعض انه شئ محمود ان يتم التواصل والتحاور بين الاصدقاء عبر المنبر..ولكن بذات الوقت هنالك وجهة نظر اخرى تري بعدم تحويل المنبر الى غرفة للشات وتحويره عن مساره الفكري وتحميله فوق طاقته فيصبح بطيئاوطاردا للمتصفحين وبين الرأيين هنالك من ليس مع هؤلاء او اولئك. ام الاختلاف انا لا اري غضاضة فيه ما دام لا يفسد للود قضية ويرسي لادب الديمقراطية واتمني ان يمارسها الجميع حرية لهم ولسواهم.
شكرا سيد كم كانت مداخلتك ثرة واتمني ان يكون الفكر سيدا لهذا المنبر
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: محمد البشرى الخضر)
|
Quote: ما يدفعني للرد في بوست ما - بغض النظر عن كاتبه - هو الموضوع و الفكرة المطروحة وطريقة التناول من صاحب البوست أو المتداخلين وعموما إهتمام صاحب البوست بالرد على جميع المتداخلين وعدم التجاهل و الذوق في التناول يعطي البوست نوع من الحياة و يدفع من تداخل مرة لتكرارها و يشجع الآخرين
|
الاخ الفاضل محمد البشرى
لقد اصبت كبد الحقيقة فيما يجذبك للدخول الي البوستات. اما الرد على البعض وعدم الرد على الاخرين فهذه ظاهرة ليس جيدة بل تنفر من تم تجاهله من التداخل مع صاحب البوست مستقبلا مهما كانت قيمة ما يتناوله..واعتقد ان اي متداخل يعتبر ضيفا على صاحب البوست وان كان ثقيلا يجب ان تحترم وجهة نظره ويقارع بالحجة والمنطق.
شكرا على هذه المداخلة الجميلة
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: حسن الطيب يس)
|
Quote: بوست دمه خفيف ذى الجكس عشان الناس ترد علي بوستك عليك بي موية السكر و الريحة الحلوة و الصوة المنورة |
حسن الطيب مرحب بيك والله وشكرا يا زوق ..
سويت موية السكر والحمام وصل..قامو يا صاحبي عشاق الحمام كمان وصلو نشّفو ليك موية السكر .اهااكان
عندك رطل رطلين تسلفنا ليهم لامن صرفتني تجي الاسبوع الجاي تكون ما قصرت .اما الريحة الحلوةوالصورة
المنورة دي ما بلقاها الا بوجودكم وطلاتكم الحلوة
دي.
مودتي
| |
|
|
|
|
|
|
Re: مش غريبة الردود..في بوستات الجكس..اكتر من بوستات الرجال!!!.. وهاكم السبب. (Re: سلمى الشيخ سلامة)
|
Quote: انت يا محمد خليل اصلك ما بتجى عندنا ولا عشان بقينا خمسينات ؟
اول مرة سمعت كلمة جكس فى امريكا كنت قايلاها حقتنا القى ليك جكس يعنى العيال الصغار حقين الجداد وكتين جابت ليها سواسيو نحنا بره وبرضو بستخدموها للبنات يعنى الكلمة بقت دولية مسكين الجكس (اتدول ) وقالو الكون (اتدول ) |
استاذة سلمى
يا سلااااااااااااام خطوة عزيزة ونورتينا
والله ضحكتيني ضحك شديد الله يسعدك يا رب. وخمسينات شنو يا زولة ..بسم الله انت لسه بنكهة وحيوية جمال
العشرينات + نضج الخمسينات. اها وجبتي لينا الخبر الاكيد ومعلومة غايبة عن الكثيرين يعني تاني لو
قلنا للواحدة جكس تقول ليك قاصد ياتو معنى
وبالمناسبة متابع كتاباتك الجميلة وداخلتك كم مرة (مالك كده فجأة بقيت نساي)
بالمناسبة وين عزة الموهبة؟؟ الشابة دي عندها موهبة جميلة وصوت عزب وبتختار غناء جميلا إستمعت ليها
في نورث كارولاينا وادهشت الجميع في ذلك اليوم (ابن الوز عوام)..الموهبة دي ما تضيع الله بسعلك
بعدين منها..
مني ليها الف تحية ..وليك كمان استاذة سلمى
| |
|
|
|
|
|
|
|