كتب الكاتب الفاتح جبرا المتوفرة بمعرض الدوحة
|
|
 شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !!
|
كنت فى اجتماع عمل (تجارى) هام بمكتبى الكائن فى شارع شريف، ومن بين حضور ذلك الأجتماع لاعب (المريخ والأهلى المصرى) السابق (أسامه أغا)، والموضوع الذى كنا نناقشه لا علاقة له بكرة القدم أو (بالهلال والمريخ) .. فقرأت ما كتبته الزميله (ناديه عثمان) سريعا .. ولأن ما كتبته (ناديه) يهمنى كثيرا، فقد نسخت الجانب الذى يخصنى فيه وتركت الجوانب الأخرى :-
كتبت ناديه عثمان:-
| Quote: قرابة العام ونصف او اكثر وانا مبتعدة عن هذا المكان الذى أحبه واحترم جميع عضويته من بكرى ابو بكر وحتى اصغر واحدث عضو مشارك فى هذا الصرح الذى يعلم الله كم كنت سعيدة بأن جمعنى باناس قمة فى الانسانية والكرم والاخاء حيث وقفوا بجانبى فى وفاة زوجى وآزرونى بالكلمة الطيبة التى سندت (حيلى) وجعلتنى اقف بعد ماظننت نفسى اننى لن استطع الحياة دون سندى ورجلى الذى رحل عنى باكرا تاركا اياى وحدى فى هذه الفانية العجيبة !! |
|
|
 
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
وكتبت (ناديه) :-Quote: وكل من عرفونى فى هذا المنبر وخارجه يعرفون ان عملى اهم مالدى فى الحياة واحرص ان اكون امينة فيه فالرب يحاسب على مايكتبه القلم !!
وكان ان قمت بعمل تحقيق كعشرات التحقيقات والملفات التى قمت بفتحها فى القاهرة اداءا للواجب المهنى الذى يمليه على الضمير الصحفى والان ومن هول (الصدمة) أكاد لا اصدق ان يستغل احدى هذه التحقيقات التى قمت باجرائها لرصد بعض عمليات النصب والاحتيال التى يتعرض لها السودانيين فى القاهرة لتصفية الخلافات الكروية بين هلال / مريخ !! |
* القضية يا ناديه ما (هلال/ مريخ) .. القضيه أكبر من كده !!!!!
*يا حليل دكتوره (بيان) صاحبة هذه العبارة (المضحكه):-
(الله انعل ابو شناتنا)!!!!!!!!
| |
|
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
وكتبت ناديه:-
Quote: المهم فى الامر
انا ورغم اننى ولا الصحيفة لا ذنب لنا فيما يجرى هنا من تلاسن واتهامات وخلافات بين عشاق المستديرة هلال ومريخ الا اننى اتقدم بكامل اعتذارى للاستاذ تاج السر الحسن عن مااصابه جراء تحقيق صحفى قمت بنشره قبل قرابة الثلاثة اشهر ويزيد لاجده اليوم متدوالا هنا ولا ادرى لماذا الان بعد كل هذه المدة !!! |
لم تذكرى يا ناديه حتى يزال (اللبس) انه قبل 3 اشهر لم يذكر اسمى فى ذلك التحقيق، بل لم تذكريه انت .. وانما اضيف بعد تلك الثلاثه اشهر من خلال (شخص) مجهول الهويه تداخل، فى المساحه المسموح بها لأى شخص أن يكتب وأن يضيف وأن يسئ لمن يريد!!
وهنا يقع اللوم على عاتق (أخبار اليوم)، لأنها تعلم ما وصل اليها الحال من قبح، فكيف تسمح بانزال مادة على (الصحيفه) الألكترونيه دون أن تخضع (لرقابه)؟؟
سؤال اعتراضى:-
(هل كان أحمد البلال سوف يقبل ان يساء الى شخصه فى تلك المساحه المفتوحه دون رقيب)؟؟
عموما الأمر واضح جدا بأنه لا علاقة له بهلال أو مريخ .. فانا أكتب عن الهلال والمريخ منذ أكثر من 3 اعوام .. ربما يستغل هذا (الجانب) من أجل أهداف أخرى، لكن الموضوع أكبر من كده!
فصاحب هذا (البوست) مواقفه معلومه فى الحياة العامه العاديه أو فى المنابر، وانت كنتى احد (الشهود) فى الندوة التى أقيمت بجريدة (الأهرام)، وشاركت فيها بالحديث من ضمن المتحدثين.
مرة أخرى اعتذارك مقبول .. ولا لومك واللوم على عاتق (اخبار اليوم)!!
| |
|
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
الأخ/ سمندلاوى
أنزل مداخله فى بوست الأخت / ناديه .. تحتوى على كلمة حق .. لا يستطيع الأدلاء بها كثير من الرجال فى زمن (الخوف) و(المجامله) و(الصهينه) :-
Quote: على العموم لا ار سببا واحدا فى سحب البوست (طبعا دا لو افترضا
انو صاحب الموقع سحبو) الموضوع كان جدير بالقراءة ليظهر مدى
خبث بعض الافراد هنا وانتهاز فرصة موضوع منشور صحفيا واستخدامه
واستغلاله للطعن فى ظهر صاحبته ونشر بذور الفتنة والعداء بين جمهور المستديرة ... والوقوع بها
فى براثن الحقد والكراهية وهى براء من ذلك ..... او قد يكون قد اختفى تحت ظروف غامضة....
ولذلك جاء ردى للوقوف سويا هنا ومناهضتهم حتى يستقيم الحال.. |
| |
|
|
|
|
|
|
|
|
 Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
الأخ الفاضل تاج السر
تحياتي واحترامي
رغم مريختي الشدييييييييييييييدة ورغم ان كل ما تكتبه سواء
كان اطراءاً على الهلال أو ذم للمريخ .. ورغم ان كل كتاباتك بتغيظني
جداً جداً شأني شأن احساس اي هلالابي تجاه كتابات المريخاب .. إلا ان الموضوع
الذي نشر اياً كانت مصادره بالجد زعلني جداً وساءني جداً بالرغم من اني ما بعرفك
الا من خلال كتابات (البتغيظني) في المنبر ده.. بالجد الموضوع سخيف جدا وعشان كده انا
ارجوك ان تخاطب صحيفة اخبار اليوم وتطالب بنشر تكذيب للموضوع وايضاً بنشر اعتذار واضح
وصريح .. ونحن صراحة ما بنقبل حاجات زي دي ..
وخلونا في حدود مناكفاتنا العادية في (مريخ - هلال) واهي بتكون في الغالب (زعلة وبتفك)
وانا متأكد يا تاج السر ان اي واحد من المريخاب الفي المنبر لو جاك يوم في القاهرة ودق
باب المكتب او باب البيت وقال ليك انا فلان الفلاني حا تقوم وتاخدو بالاحضان وتنسوا سوياً
كل المهاترات الكانت حاصلة في المنبر وده ديدنا كلنا بالتأكيد.
بصراحة انا اترددت كتير جدالً في اني اتداخل معاك في البوست لكن بالجد الموضوع كان حارقني
حتى قبل يومين كنت بتناقش مع صديقك (معتصم دفع الله ) وحكيت ليهو عن الموضوع ولقيتو ما عنده فكرة
وقلت ليهو اول حاجة المكتوب تاج السر حسين وبعدين اعتقد ان الموضوع فيهو حاجة غلط وفعلا هو أكد لي معرفتو الكبيرة بشخصك .. وان المكتوب ده اكيد فيهو (إنّ).
ما عايز اطيل عليك واتمنى انو فكرتي تكون وصلتك ..
مريخابي (عملاااااااااااااااااااااق)
| |
|
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
الأخ / تاج السر
تحياتي
أرفع قبعنى لك احتراما .. هذه صفات شرفاء المريخ.
اشكرك لك احترامك ونعتك الكريم لي بصفة الشرف.
لكن هذا كله لم يجعلنى فى يوم من الأيام أن ابدأ وأوجه اساءة شخصية لمن كتب على هذا المنبر .. مهما كتب، غاية ما افعله أن ابتعد عن موضوعه ولا ارد عليه.
والله هذا ما نتمناهو يا تاج السر ونتمنى أن يجلس الجميع مع ذاته قبل جلوسه مع الآخرين لنتخطى
كل معيقات النقاش الإيجابي .. وحتى المهاترات والمناكفات تكون في حدود المقبول ولا تتعداه بأي حال من الأحوال ..
أشكرك أخى أمير، وعليك أن تعلم بأن اقرب صديق لى مريخابى متعصب أكثر منى،
والله ياهو ده حال الجميع كل شلة فيها المريخاب وفيها الهلالاب ولا تحلو الصداقات الا باختلاف الانتماءات لأن حتى في النقاش والمهاترات ما يعتبر ايجاباً ويستفاد منه .. وانا مثلاً ايضاً من اصدقائي الهلالاب المتعصبين تعصباً جميلاً امثال اعضاء المنبر عامر تيتاوي وعبد الغفار وبدر الدين يعقوب ومعتصم دفع الله وتمبس .. وياخي البيت الواحد فيهو هذا الانقسان الى الشقين وصدقني لا مريخ بلا هلال ولا هلال بلا مريخ ولا مريخاب بلا هلالاب ولا هلالاب بلا مريخاب .. نحن في بيتنا كنا منقسمين 4 مريخاب و4 هلالاب وتوفى الى رحمة الله ثلاثة والدي المريخابي وشقيقي بابكر المريخابي وشقيقي عثمان الهلالابي الله يرحمهم جميعاً ولازلنا في مهاترات دائمة ومعليش اسمح لي احكي قصة جميلة حصلت اثناء مباراة الهلال والوداد المغربي في نهائي 1992 في المباراة الأولى الكانت حتى الدقيقة 85 تعادل سلبي كان هاشم اخوي المرخابي راقد في السرير وانا وفتحي الهلالابي قاعدين قدامو في الأرض وكلنا اعصابنا بايظة فتحي دايره متين تنتهي وانا وهاشم خايفين من الدرون وفي لحظة كان في هجمة على مرمى الهلال ومفروض مهاجم الوداد يهدّف في مرمى الههلال فهاشم راح شايت معاهو ورجله جات في راس فتحي قام قال ليهو ده شنو يا هاشم انت شايت مع مهاجم الوداد قال ليهو لا ياخ انا شايت مع جلال كادقلي ووطلعنا من جو بوظان الأعصاب مع الطرفة دي وضحكنا ملياً ..
وطبعاً نحن في النهاية بيني وبينك ضحنا كان زايد حبتين وهاشم قال لي والله لو كانت انتهت درون الا نشوف لينا بلد نمشي عليها ..
وهذا هو حال الكورة عندنا .. اجمل ما فيها تلك المهاترات والنقاشات وان كانت في الفترة الأخيرة الكورة بقت احسن شوية من المهاترات وذلك بفضل المريخ والهلال (كل على حده) .. والمريخ والهلال ممزوجان في (الفريق القومي).
نتمنى التوفيق للجميع ..
شكرا كتير.
| |
|
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
شكرا يا عوض يا اخى وكتر الف خيرك.
والقصة يا اخوى ما ها (هلال/ مريخ) .. شكل (هلال/ مريخ) بنعرفو .. كلو فى (الكوره) وعن (الكوره) حتى لو طلعت (سكاكين) .. القصة يا عوض يا اخوى .. انه فى ناس فاكره نفسها (شاطره) .. وعندها (دكتوراة) فى الشيطنه .. وانها بى متل العمل ده ممكن توقف شغل الناس .. وتقطع رزقها .. و(تطفش) زبائنها .. وده لأنهم ما عندهم ايمان بانه (الرزق) من الله .. ما ممن زول .. والطير بطير جعان وبرجع شبعان .. والذى لا اله الا هو .. كلما سعى ضعيف ائمان وقليل احسان لمثل هذا العمل .. كلما زاد باب الرزق بى صورة لا يعلمها الا الله .. حتى اصبحنا ننتظر (الخير) كلما حاول احدهم فى مثل ذلك العمل (القبيح) .. يعنى زى قصة اسطورة (القهوة) البتندفق .. مش فى كلام بقول انه فى قروش جايه ؟؟ اها ده البحصل لمن واحد ضعيف ائمان بفتكر انه بى عملو ده قادر على ايقاف رزق لا يمكن أن ينقطع لأنه بتوزع على العشرات !!!
وحتى يموتوا بغيظهم .. والله اليومين ديل من كترت الشغل لمن ما قادر (احك) راسى، ووالله العظيم الجريده أشتريها لى تانى يوم ما القى وكت اقراها فيهو.
بس الشئ المحزن انه فى ناس الواحد كان واضع ليهم مكانه .. غلبهم يقولوا كلمة حق، وانه (الأختلاق) والفبركه (العملوها) مرضى النفوس لا تشبه هذا الشخص .. ولو كنا وجدناهم فى مثل هذه الظروف ما كنا صمتنا عشان يقولوا علينا مؤدبين وطيبين .. منعول ابو الطيبه (الوهم) !!
فيا خساره .. ويا الف خساره !!!!!
| |
|
|
|
|
|
|
|
|
|
Re: شكرا (ناديه) .. اللوم ما عليك .. اللوم على أخبار اليوم .. والقضيه ما (هلال/ مريخ) !! (Re: تاج السر حسن)
|
| Quote: شكرا يا عوض يا اخى وكتر الف خيرك. |
الأخ الفاضل / تاج السر
الشكر كل الشكر لمناداتي باسم اعظم رجل عرفته (والدي المرحوم عوض)
وكم تمنيت أن أكون مثل هذا الرجل رغم أن أمنياته لي كانت بأن أكون
أفضل منه (ولم تتحقق الأمنيتان) فلم أرتقي لقامته الّا بمناداتك لي باسمه.
| Quote: انه فى ناس فاكره نفسها (شاطره) .. وعندها (دكتوراة) فى الشيطنه .. وانها بى متل العمل ده ممكن توقف شغل الناس .. وتقطع رزقها .. و(تطفش) زبائنها |
وااااااااااااهم من ظن انه يتحكم في منح او حجب الرزق عن الخلائق وربنا سبحانه يرزق كل مخلوقاته بدون حساب .. ولم افكر يوم في حياتي في أن انتظر رزقي من أحد غير الله .. والبشر لا يتجاوزوا أن يكونوا أسباباً لهذه الأرزاق وأهو زي ما بتقول انت :
| Quote: والذى لا اله الا هو .. كلما سعى ضعيف ائمان وقليل احسان لمثل هذا العمل .. كلما زاد باب الرزق بى صورة لا يعلمها الا الله |
فهم أسباب للرزق مهما كان سعيهم ..
وانا رغم اختلافي معاك في الانتماء .. ويغيظني جداً اسلوبك في الكتابة عن المريخ العظيم الا انني لم اتمنى لك يوماً أن تكون في محنة .. ولا لأي أحد بمجرد اختلافه معي في تشجيع نادي كرة قدم (معقولة ياخي!!!!!) .
| Quote: وحتى يموتوا بغيظهم .. والله اليومين ديل من كترت الشغل لمن ما قادر (احك) راسى، ووالله العظيم الجريده أشتريها لى تانى يوم ما القى وكت اقراها فيهو. |
قول ماشاء الله .. (ما يحسدش المال الا اصحابه) زي ما بقول اولاد بمبا.
| Quote: بس الشئ المحزن انه فى ناس الواحد كان واضع ليهم مكانه .. غلبهم يقولوا كلمة حق، وانه (الأختلاق) والفبركه (العملوها) مرضى النفوس لا تشبه هذا الشخص .. ولو كنا وجدناهم فى مثل هذه الظروف ما كنا صمتنا عشان يقولوا علينا مؤدبين وطيبين |
معليش كل البشر خطاؤون .. ولازم نحن نغفر ونسامح عشان الناس تتعلم من الأخطاء ولمن كل واحد يتمسك ويصر على موقفه اكيد الكل حا يتمادى و(يعنقد) .. لكن الكلمة (الطيبة) مردودها دائماً إيجابي عشان كده ما نستسلم لأي (عراقيل) في الاتجاه الصحيح .
| Quote: منعول ابو الطيبه (الوهم) !! |
ما قلت ليك ما نستسلم .. و(الطيبة) دي هويتنا ولو فقدناها صدقني حا نكون بلا هوية
اشكرك مثنى وثلاث ورباع ..
| |
|
|
|
|
|
|
| |
امير عوض الجمري
فيس بوك
تويتر
انستقرام
يوتيوب
بنتيريست