|
|
 الكوزنة
|
الكوزنة
مصطلح دخل عبر اليساريين السودانيين مستهدفين به غرمائهم الإسلاميين فى الجامعات والمعاهد العليا وحتى طلاب الثانويات وهى كلمة أستخدمت ضدهم للأقصاء السياسى فى الثمانينات وخصوصا فى فترة الديمقراطية الثالثة ,حتى أن طلاب الأتحادات الإسلامية لم يغضبوا منها كثيرا فلهم اللقاب يطلقونها ايضا على بقية اعضاء التجمعات السياسية الأخرى فى ذلك الوقت ,مستفدين من الجو الديمقراطى العام للسودان.
بعد إنقلاب الأنقاذ وإشتداد حملات التعذيب فى بيوت الأشباح وبالذات اليساريين وخروج المعارضة الى خارج السودان شاع إستخدام المصطلح ليشمل كل من كانت له علاقة بالتنظيم الإسلامى او كل من عارض الاحزاب او كلا من سولت له نفسة السلام على إسلامى او السكن معه او مصاهرته .أذكر عندما خرجنا كطلاب جدد فى العام 1990 وبداء هذا المصطلح فى التداول يحذرنا الأخوان فى الجبهة الديمقراطية او الاخرون من مباراة الكيزان او زيارتهم او التحدث اليهم ومن هنا تضخم الأسم ليشمل كل من تخرج وعاد الى السودان لينخرط تحت لواء الخدمة المدنية فكان لزاما علينا أن لانعود الى السودان حتى لا يطر الكيزان من التحكم فى مصيرنا او زجنا فى حروبهم الجهادية.
بعد المفاصله الأخيرة بين الإسلاميين والإنشقاق التاريخى الذى فرق بينهم ,أصبح الكيزان هم أعضاء المؤتمر الوطنى لأنهم إستأثروا بالثروات والخيرات اى زول مروق أصبح كوز ممكن تكون شيوعى وأترقيت إنت كوز عملت صفقة تجارية كبيرة إنت كوز مدعوم حتى لو كنت حفيد السيد على .
أنقسم السودان الى أبناء مركز وهامش ودارت رحى حرب دارفور هنا ايضا أستخدم الأسم جماعة العدل والمساواة كيزان وجماعة عبد الواحد يساريين أبناء ,بعد ظهور مصطلح جلابة وغضب أبناء الشمال من الأسم بدأت حملة شمالية لتغير كلمة جلابى فما كان من أبناء الهامش ان يردوا عليهم بكلمة ياكوز او كوزة
|
|
 
|
|
|
|
|
|
|
 Re: الكوزنة (Re: حسن الجيلى سعيد)
|
إذا تم تفريغ الكلمة من محتواها و إستخدمت فى غير مواقعها,فلا يمكن أن نختتم اى نقاش بيننا بكلمة كوز او كوزة لأنو كلام الزول دا ما عجبنى او الزوله ديك مفلهمة ومقرضمة.
إذا إتفقنا فالكوز وعلى حسب فهمى الضيق هو الشخص المنبوذ من المجتمع يحمل أخلاقا غير حميدة يتاجر بأسم كل شيئ لا دين له ولا أخلاق.
الكوز ليس له قبيلة معينة او عرق معين او توجه سياسى معين كلمة للأقصاء السياسى والأجتماعى
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
طيب فى زول بأستفيد من وضع شرق السودان إمشى الأمم المتحدة إطلب لجوء حق طبيعى إذا كانت الإدعاءات حقيقية وإقول كتلو أمى ونهبو بيتى وانا مهمش وعليكم الله فكونى من السودان دا...
طيب دى ما كوزنة
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
هناك ناس شايلين شنط وحايمين بتاجروا بقضاء أهاليهم وبرضو وارااااا والحال ماشى الزول يستحيل ما إكون كوز لانو رزقى ولا أنا غلطان...
برضو دا سلوك كيزانى
| |
|
|
|
|
|
|
|
|
|
Re: الكوزنة (Re: mayada kamal)
|
يا ميادة ,
يتذكر إنى اول ما إنضميت للبورد إتهمت بالكوزنة وطبعا إنى إنسان مدسوس من عصابة الكيزان فى اواسط الشرفاء ,طلع كلام بيش الزول البقول النصيحة الزمن دا ما كوز دا زول شريف يا ميادة.
إنت نفسك لمن دخلت المنبر هاجموك وقالوا كوزة وطيب أثبتوا ,دا كلو عشان ماتستمرى فى خط معين او إكون عندك فكر معين....
الله إسهل
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
استاذ حسن
ولا يهمك كلامهم ولايأثروا عليك
اي واحد صاحب مبدا وبيعمل لي مبداءه
وانا في راي زي ما هم بيدوا نفسهم انهم اصحاب مبدأ فالمانع شنو انو الكيزان انفسهم عندهم مبدا
انا شخصيا بتعامل بي مبادي الاتربيت عليها وما عندي علاقة بي دا ولا دا
واذا تطابق سلوكي ومبدا مع مبدا احد وتم وصفي باني كذا اوكذا فمرحب به وانا اقبله
برضوا عن طريق مبدائي
وارجوك لا تتوقف وسير وعين الله ترعاك
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
انا يافططى جاهزة وبركب ليها لمبات النيون
| Quote: تعريف الكوزنة الجديد: الكوزنة مصطلح سنطلقة على كل المنتفعين من حالة الغيبوبة العايشها السودان |
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
| Quote: مصطلح دخل عبر اليساريين السودانيين مستهدفين به غرمائهم الإسلاميين فى الجامعات والمعاهد العليا وحتى طلاب الثانويات وهى كلمة أستخدمت ضدهم للأقصاء السياسى فى الثمانينات وخصوصا فى فترة الديمقراطية الثالثة ,حتى أن طلاب الأتحادات الإسلامية لم يغضبوا منها كثيرا فلهم اللقاب يطلقونها ايضا على بقية اعضاء التجمعات السياسية الأخرى فى ذلك الوقت ,مستفدين من الجو الديمقراطى العام للسودان. |
الكلام ده جبتو من وين
سؤالي ليك كلمة كوز دي اصلا جات من وين
و منو اول زول اطلقها
| |
|
|
|
|
|
|
|
|
|
Re: الكوزنة (Re: waleed dawash)
|
لا علاقة لحسن البنا رحمه الله بها !
وإلا لكانت مقبولة عندهم ولكن حسب ما علمت من بعض القدامي من الجيل الثاني للإسلاميين فهو لقب أطلقه المناوئين لهم
وفي الحقيقة فلا أظن أن المصطلح أو الكلمة شائعة لدي المصريون فكيف تنسب إذاً إلي رجل مصري ؟؟
مجرد سؤال
| |
|
|
|
|
|
|
|
|
|
Re: الكوزنة (Re: Muhammad Elamin)
|
| Quote: وإلا لكانت مقبولة عندهم ولكن حسب ما علمت من بعض القدامي من الجيل الثاني للإسلاميين فهو لقب أطلقه المناوئين لهم |
والله يا محمد الأمين أخوى انا زاتى عارف كدة لو فى زول عاوز إضيف لينا إتفضل.
شكرا للمرور
| |
|
|
|
|
|
|
|
|
|
Re: الكوزنة (Re: حسن الجيلى سعيد)
|
الكيزان أسم يطلق على أعضاء تنظيم الأتجاه الإسلامي في الجامعات و المعاهد العليا السودانية و في التجمعات الطلابية السودانية خارج السودان و يشيع استخدامه في الأوساط الطلابية أساسا إذ يندر أن يستعمل سياسي محترف هذا الأسم في الأشارة إلى أعضاء الجبهة الإسلامية أو المؤتمر الوطني أو الشعبي ..
و إذا كان لهذه الكلمة دلالات سالبة أو أنها تشير إلى نمط مستهجن من السلوك يميز الأشخاص الموصوفون بها ففي أعتقادي أن هذه الحمولة السالبةاستمدتها الكلمة من السلوك الفعلي لهم و مسوؤليتهم عن أدخال ممارسات جديدة و مستهجنة في العمل السياسي الطلابي و العام مثال: تزوير الأنتخابات , جعل النقابة واجهة لخدمة أهداف التنظيم و أستغلال مواردها لمصلحته , الكذب في الخطاب السياسي , و أستغلال الدين من خلال الشعارات في العمل السياسي و غيرها من الممارسات التى أدت لأن تخلق هذه الكلمة شعورا منفرا عند سماعها و أستحالت إلى ما يشبه الشتيمة.
الكيزان هم الكيزان و من أفعالهم تعرفونهم..لا يمكن -في رأيي- أن تتسع هذه الكلمة لتشمل غيرهم.
| |
|
|
|
|
|
|
|
|
|
Re: الكوزنة (Re: سيف النصر محي الدين محمد أحمد)
|
الأخ.سيف النصر ,
| Quote: جعل النقابة واجهة لخدمة أهداف التنظيم و أستغلال مواردها لمصلحته , الكذب في الخطاب السياسي , و أستغلال الدين من خلال الشعارات في العمل السياسي و غيرها من الممارسات التى أدت لأن تخلق هذه الكلمة شعورا منفرا عند سماعها و أستحالت إلى ما يشبه الشتيمة. |
إذا ما إختلفنا يعنى إنت بتقول الإنسان البستخدم اى يافطة دين مشكلة قومية مشاكل البلد لتحقيق مكاسب شخصية هو كوز إذا لنعمم الفكرة إذا فعلا كلمة كوز بتسبب حرج للناس ونقول لأى إنسان منتفع من وراء شعبنا الغلبان وبلدنا التعبانة كلمة كوز ...لأنو كلو باطل فى باطل ولا أنا غلطان
شكرا للمرور
---------------------------------------------------------
تعريف الكوزنة الجديد: الكوزنة مصطلح سنطلقة على كل المنتفعين من حالة الغيبوبة العايشها السودان
| |
|
|
|
|
|
|
| |
حسن الجيلى سعيد
mayada kamal
محمد اشرف
waleed dawash
Muhammad Elamin
فيس بوك
تويتر
انستقرام
يوتيوب
بنتيريست