|
Re: و لما تغيب عن الميعاد بفتش ليها فى التأريخ و اسأل عنها الاجداد ..... بناااااديييييها ! (Re: Nadia Elsir)
|
بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لي شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا وبناديــــــــهــا وبناديـــــهــا
ندوية الزولة البهية حبيبة القلب كل سنة وإنت زاهية محبتي
| |
|
|
|
|
|
|
Re: و لما تغيب عن الميعاد بفتش ليها فى التأريخ و اسأل عنها الاجداد ..... بناااااديييييها ! (Re: عمرو كمال ابراهيم)
|
تلك محبوبة الدوش ومعشوقتنا فيما بعد هى زوجته الاولى التى حين سافرت عنه الى السودان من براغ صاح بناديها وبعزم كل زول يرتاح على ضحكة عيون فيها ولو عرفتيها فستحبينها هى انسانة معجونة بالفرح انسانة مفرهدة كما ورق الخريف لا تنطفى ورافتها انها اسماء السنوسى الفنانة التشكيلية الدافئة تخرجت فى كلية الفنون وتزوجت استاذنا الدوش وسافرت معه فى دروب الحياة فاحبها وكتب لها الحزن لقديم وكتب لها الود وتغنى بها ولها دوما كانت ولعمرى ما تزال تلك الوريفة ابدا فلها الحب ولنا الصبر فى غياب سيد الحروف عمر الدوش وحين تغنى بها وردى صادفت معنى اخر وتاولت الحروف الى ثورة غنائية حتى اسماهاالراحل عمر الحاج موسى وزير الاعلام حينذاك (الياذة) وردى والدوش
| |
|
|
|
|
|
|
|