|
|
|
 Re: شــــكراً لأنـك خرجــت الآن ... (Re: ابو جهينة)
|
Quote:
فشكرا أيها الطارق داش
|
الريس
أبوجــهينه
أنت تعرف كل القواسم المشتركه الكبرى ومتاعبها.
هى لم تتغير أبداً
ولم تكفنا عنها المحاذير
فظلننا نبحث عنها
ولا نبالى من أوجاعٍ قد تصاحب رحلة البحث
لا توارب الباب
أفســح للروح براحا
تقيها شــر الكتمان
لك الشكر
| |
 
|
|
|
|
|
|
|
|
Re: شــــكراً لأنـك خرجــت الآن ... (Re: عبدالله داش)
|
Quote: تعال عــلمنى
وأعــرفنى الصلابةَ
والعــزيمة َفى ربوع الماء
بحــاراً تعـوّدَ
إرتياد الموج غصباً فى البحـار
تعال نحــوى بالتلاشــى
أيــها اللا شــئ
لا شــئٌ يهــزْ مساكنى
شــكراً لأنك قد خرجت الآن
دثَرنى التعافى
فالثناء عليك
شـــكراً |
تحية للكلمات وللروح المرهفة
كل عام وانت بخير يا عبد الله
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: tmbis)
|
علاء
يا تمبس
تعرف يا صاحب
فى ناس كتار هنا بهزمونى تماماً
وبفرح بيهم لما يغلبنى الكلام
إنت واحد من هؤلاء ...
يعنى ...
والله مالاقى لى كلمه
توفيك معزتى بيك
كل الكلمات بحسها قاصره
وصغّيره وما بتوصل إحساس الأخاء العميق العايز اوصلو
للناس الجميله دى كلها
كدى خلينى أفتش القواميس وما شابه .
مع العلم ما ظنيت ألقى ...!
وبجد ...
كل يوم أتيقن
أن الدنيا
بيكم أجمل وأجمل
ليك الموده
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: tmbis)
|
خـــيل الحواس
بعد قليل من التعديل
أو كما كتبتها هنا من قبل
خــيل الحــواس
إتهجســنى كان ساهل عليك
داهمــنى فى الخاطر غناك
أطــرانى لما أغيب بعيد
علمنى شِقـيش أفهمــك
غصباً سـقيتك رشـفه من طبعى الكعب
ياحادى طول الليل
تعال إتمــدا
زي مابيعمل الضو فى الصباح
من مُــدّه إتحــدانا
) كش ش ش ش ش) خفـس القــزاز
عجلان وبالحيـل مجتهد
خليتنى زى مجــروح
وفى آخــر رمق
أو آخــر الشهقات
قبُـل ماتمرق الروح
فى البرازخ وتلحقك
أحسن أحسك وانتبه للصحـصحه
أنا ماغِـشِـيتك
لما فارقنى الثبـــات
غنـــت معاى الوحــوحــه
أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله......!!!! )
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام
داســت حواس الرحمه
شوفى الليل لبس طاقيتو
يتجسس علّى
مســكون مــوّدر ذاتى
فى اللحظه البقـــت مرهونه
بالودِع الوجيعه الجاتنا
كاشفه الضحكه فى صلب السنون
( مجنـون ... ومسـتعبط مساحاتك غلط)
مسكون بفارغ صبري
في ديس من سبايبك
ما الضلام مفجوع
يطنطن وسوسه ونتيف
يمشط فى الجريـد
مطبوع شراعك
والضفاف شرقانة بالطوفان
ختيت ملامحك لما يدركني البعيد
خاطرت بيك
والهول قيامة على مشارف حافة الإحراق
من المسؤول ..؟؟
وما ذنبى انا ..؟؟
وكوارث العالم تحاصر إتجاهاتى
ومآساتى .. أنا
فى العالم الرابع
أنا راجع
لأرصد ما هوى من السّما السابع
أنا تابع
وأفلاك الكواكب
دوخت سكك المدار
كان الحصار بالجــد
وبللنى العرق بالخُـدره
بالندى فى الصباح
بى لفحه نشفنى الهوى
بالمنتهي وموجــود متاح
ستفت فكرتى فى الرحيل
شفق المغارب وما حوى
بالصدفه حاولنى البـكا
وعدمان من الموجــود
وحـد أصــرخ مباح
مشيتك خطوتين ورجعت
استغرابي ليه ..؟!!!
كل الدروب متحــده
فى واحد يوصلنى ويقيف
والرجعه كانت ليك وفــا
مشيتك ..
حلمي ابقى المافي في وصف العصور
وين اليبل عِرق الصبر؟
وين .......؟
والشموس مدت ضفايرا ليك
صالحتي المكان
تعالى نفّـلى هذا الكون
نونّس ماتيسـر من حضور
ويقينـى إنك إعتـماد للفـكره
أقـرب للجنون
يا أمرقــينى من الهواجس
من متاريس الزمــان
تفــرح إذا نقـرت
دلاليك المدى الخمجان
وغــناكِ السكون
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: عبدالله داش)
|
ماساهل عليّ أبقاك هواجس..
لاكنتا في الغيم منتظر
تتلبّسك منِّي العواصف
انتا ياعودة نوارس
محمّلة باللقاءات المطر
ماكنتا قايل الليل بطول
لمّا تعلن انتا ياسيدو الهطول
ماكنتا فاكر الضو بغيب
يضارى في بسمة حبيب
وعايز أقول..
انا ناوي عن دربك عدول
أصلي ماقادر أشيل
الخطوة لو تلقاك وصول
بالشوفة لبست هي الخدر
إستصعبت بعدو الرحول
وريني بس ألقاك كيف؟؟
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: تماضر الخنساء حمزه)
|
فتشّــــت ليك
وعِــرفْت مِنــك ما يكون ممّكن
إذا سَــمح الزمن
ما الذكرى بتْهجـــس مجِــيك
وعِـرفت كيف درب المسـاسقه والبعاد
ضدْين ومُتحــدين علّي
وفى لحظة أطــراك بشــتهيكِ
تفوحى زى شذى من قرنفله
تبقى لىّ ... غنوه ولحن
خلينى فى وجعى القديم
لون الســديم
العــطّن الكلـمات عليك
يشدهنى مشروق من عنيك
أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: awad okasha)
|
صــــــاح يا صاح
تعرف يا عوض
دا كلو من العجله
بتدّخل الزول فى الأخطاء المطبعيه الزى دي ..
لو بتلاحظ حتى فى العنوان برضو ناقص كلمة ( قــد )خرجت الآن
دى يحلوها كيف ..؟
ياصديقى
كل عام وانت بألف خير وعافيه
| |
|
|
|
|
|
|
|
|
 Re: شــــكراً لأنـك خرجــت الآن ... (Re: عبدالله داش)
|
Quote: أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك |
الله عبدالله كلامك جميل كلو جميل لكن الفقرة دى تحديد بتدى احساس
بالحياة والوعد والامل مليانه بيهم وفى نفس الوقت كلها رجاء .
تسلم يارب انت
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: ماجدة عوض خوجلى)
|
Quote: فسأحــرق أشواقى قرابــيناً
على شرف الخــلاص
وبأيّمــا سحر يشق طريقه الإلهام
عـلْمنى التســلّق للمناص
كما النزيف الجرح لا يفتر
تنادت همْـهــمات الصمت
أعماقى تداعت بالحنين إلى الشجن
بديعٌ أيها العملاق
لاتنفذ إلى وجعى وهفــوات الزمن
يا حزن هـوناً
أنســنى الأوهــام
أتركنى أجُوبــك فى التنفس شهقةً
تعلو القياس لأســتريح
وأنتهــى بســلام
فالأحزان كهف الإحتراق
الصيف راحلة الفصول
الصوت يسبقنى
إلى هول المعارك إســتباق
وقبلة الأنحــاءُ عاريةٌ
تمـزق صبر أكتافى من الأحمال
فالأهوال عابثةً
تقاوم رشــرشات الماء
من وحــى الرذاذ
السحب عاصمة المدى
حجبت تفاصيل البشارةَ
وإهــتدت سُــبل الملاذ
الغـيْم يشرح سبرنا التكوين
أثـناء الغمام
تعال نحــوى
إنفــلاتٌ لا يتوب
لا يتوب من السقوطِ
إلى السمــوات العَـليةُ فى المقام
|
داش..
درويش والله درويش شعر..مجنون عدييييل كده وعاوز تجننا معاااك...والله يا عبد الله ده اجمل شعر اقراهووو في المنبر من مدة طوييييييييييلة وانا بي هنااك اقول ليك انت ويين تاريييك مدفق بي هنا ..القصيدة دي فيها نضمي كتيييير جمال ما بتقال في تعليق واحد..والاقتباس في الكوت ده هلوس بي عديييل..وزاد درجة حرارتي تتخيل حاجة عجيبة لما تعجبني حاجة حد الدهشة بتجيني حمى..عندي ملاحاظات شوية كده ..مافي بناء القصيدة لان الوزن والبناء ما فيهو كلام لكن التشكيل داير مراجعه شوية انا مسنجري ما برسل الا زول ارسل لي وارد عليهو وكلمت بكري دق طناش ما بلومو مسؤلياتو كتااار..كده رسل لي على الماسنجر عشان اديييك الملاحظات..
ياخ تسلم عبدو ده كلااااااام بخش الدواخل بدون استئذان
وكن كما الدراويش يهيمون في عوالم جمال مطلقة
ولنا عودة
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: mohmed khalail)
|
بو حميد بن خليل
ياخليل ...
لم أقوى على كتابة توازى حديث العجيب ..
بنفس القدر لم أحتمل أبدأ رهانك
لأنه يورطنى ولا شك انى فى التورط ( مستكين بالحيل )
وفيما يخص ملا حظاتك تأكد يا صديقى أنى أحتاجها فعلاً
وسأفصح لك عن عقبات تحول دون تطرقى لهذا النهج
أولها ما ذكرت ( شدّه وسكون كســره وفتحين )
كدى خلينى أرسل ليك أول شئ
لأجنى ثمار الربيع
ولى عوده
ــــــــــــــ
تكتمل سعادتى عندما يقومنى العارفون .
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: عبدالله داش)
|
Quote: أنا عينى فى طيفك صبغ ريحة المطر
وإنشر نجمـكِ فى الضحى
جـرّدتِ كتان النجــوم عُريانه كيف؟
أنا أخشى إنى فقدت إحساسى البديل
( معقــوله......!!!! )
معقوله حالاً حصحص المدى
بإعترافاتى وعشقتك
وإنتفضت من البيشبهنى
ونسيتك فى المكان بالراحه
براحة أقرى معاى حروف القصه
فى عمق الطريق
خلى البريق بيناتنا
خيلك لجَّمت فينى الكلام |
دائما مدهش ياداش..
دخلت كتير وفى كل مرة يخذلنى الكلام ..
تسلم ..
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: أبوذر بابكر)
|
لمحتك فى خاطر رويان شوق
زى طيف
ورعــود ...
من مطــره قِــبلي
يا بســتان ..
يا غـابه ..
يا روعة حضورك
فى مواسم الدنيا
يا زول يا وريف
إتوهــط ...
حيل القدره
وأبســط فينا مراتع قولك
قولك ..
خضره توشــح جدب
الأرض الرمله
وأهلاً بيك معاى
أبو ذر
يا صاحب
لك كامل الشوق
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: عبدالله داش)
|
Quote: فتشّــــت ليك
وعِــرفْت مِنــك ما يكون ممّكن
إذا سَــمح الزمن
ما الذكرى بتْهجـــس مجِــيك
وعِـرفت كيف درب المسـاسقه والبعاد
ضدْين ومُتحــدين علّي
وفى لحظة أطــراك بشــتهيكِ
تفوحى زى شذى من قرنفله
تبقى لىّ ... غنوه ولحن
خلينى فى وجعى القديم
لون الســديم
العــطّن الكلـمات عليك
يشدهنى مشروق من عنيك
أرجينى فى نبضك بجيك
فى سكه تمشى وترتجـيك
فى أي ساعه ومحتمل
ألقاك فينى وألتقيك |
ماتفتش ال برَّاك كتير
لاتضيِّع الوكت النريدو
نحنا يبقالنا التواعد
في المكانات البراح
فتش ال جوَّاك أكيد
تلقاني في نبض الدواخل
واحنا بيناتنا التوارد
وليلنا ماقابل صباح
طوّالي بطراك ..بحتويك
وحالي دايماً مشتهيك
ومابقول عطرك قرنفل
او باقة من انفاس شذاهو
شهقة الأنفاس معاهو
هيَّ.. عِطري .. المحتمل
تتسارع الآهات وراهو
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: تماضر الخنساء حمزه)
|
ودرت فــيك جواى
وكاســيانى إخـضرار
دروشْــت قارش صوتى
نص الليل ...
إذا فــتر الحنين للمافى
لو غاب النهار ...
ســمْينى عِــز الشهقه
أو خــلّينى قابل للحريق
والإشتعال ...
أوْحـــينى ذروة صبرى
فى النفَـس البغــيب
بين إنبهــار الدهشـه
والحلم القريب
بردان ومنتظرك دفا
بالصدفه قابلتك جواى
وفضحــت أســرار المغيب
وقـلبْت بيك السهر جهار
وفرحْـت بيك
ياعافيه بتدثر قواى
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: تماضر الخنساء حمزه)
|
مفروض علي أبقاك
معروض قلم رصــاص
زعلان كتير فوق كمْ
أفرح معاى وأحلم
وأدى السما طــلقه
إكسيرى إتكســر حزن
غناك حفيف الروح
يا عافيه الزمن القبيح
بقدر عليك ...
وبحمْلك وزرى إرتداد
تعالى معاى
قبُل يفتر مزاج صحوك
ما بوصلك ...
درب المسافات الكسيح
فجــأه إتفقنا على الرحيل
شوفى المحنْ يقت إمتداد
للباقى من عمرى الجميل
ما ذكروك الخدّروك
مفتكره جداً
جملة الما خبروك
انا نجمه ما لوزة قطن
انا ممتهن وجعك خلاص
يا إرتهاص الغايه .. والخوف ... والوهن
لونك يخصل وبالصريح
بتولد النار الرماد
ذات العماد
زى غمضة العين فى السهاد
يا نوبه تتقســم صدى
زى طار وما حلّق بعيد
قايلة نهار
حاق المدى
| |
|
|
|
|
|
|
|
|
 Re: شــــكراً لأنـك خرجــت الآن ... (Re: عبدالله داش)
|
أكانت بعد الحديث أم قبله أم أثناء هد حنينك للتي وهبتك ما في وسعها من فاجع الذوبان في لاشئ غامضة نهاية طيفها بالإحتراق ... ولا أود الخوض أكثر إكتفيت الآن من تحديد قلبي بالنبات الموسمي والفتيات الفتات ... أعليك أن تهتم أكثر لعينيك وهي تزجيك البكاء مساء لا تهذبه العبارة أم تكتفي بالسير تناوشك الأغاني وهي تخدع حسك البدهي بالأشياء ( لو كنت ناكر للهوي زيك ) هل كل البنات أمونه ... يا أمونه والموت الدسيس في ضحكة الكلمات تبع لون الصباح في رسمه ... وبينما أكلمك كنت أستحضرها وهي بغيمها المسيح تتنزل آخر الأزمنه.. تحاورني الملجمه شاده سرج الليل علي ساسقا ووقدت نار سؤاله الباب جوابه متاكا بي وبالعلي من الظروف العاقا والظن السمح والشين وهاك يا مقاقا لا عند الدغيش ما انفك من خناقا...أرأيت تسلك ذات الطريق او تختصره والنتيجه واحده
بينماالحالة تأخذك اكثر مماأتوقع وما تهديه لك أقل من المتوقع أكتفي بهذا التوقيع
يا صبري المر سلوان
الي حين إشعار آخر
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: mustafa egaimi)
|
ثمــة حــدود فاصله بين هذا وذاك
وفى المنتصف تحددت المعالم بالوضوح . وعلا الصــراخ
لا أعرف أين ..؟ وكيف ...؟ ومتى..؟ ولكنه الإنحياز لخصوصية ما يخص الأمر
زعمى أنه الآن يصارع الضجيج من أجل العوده إلي القلب
إلي فاجعة الحدث الفجائيه
كيفما كان مقدراً له ... فليكن بسلام وليخــرج الآن .
حينها جاش الحنين
إلي التى علمتنى من السِــفر
أقرأ أفراحها ...
التي زودتني ...
(خلينى أبدأ الهرجله
وعلي كل حــال )
أنا إحـْـتكمت على إحتمالات ما يكون
حاصل نتاج حزنى القديم
كل الإناث بارود سريع الإشتعال
( وأمونه ما كل البنات )
والليل ضفيره من الســواد
وإبتهالات المساء لها
لها الله وهى كالطيف فى اللون
فى الرسم فى غاية الإكتمال
( بتحضرنى المسافات المشيتا براى
مع ضلاً مخالف الضلله
لاهو وراى وكت تبقى الشمش فى وشي
ولا قدامى ...
وكت تبقى الشمش فى قفاى
يغالط فى ظواهر الضو
خسوف وكسوف
طويل شقيش يبين فارع
حفيف رحراح
أخاف الريح تشيلو ويغير الشارع
الشاعره أميره الترك ...
( الله يا أميره الأميره )
أميره الترك ...
عالم من الكلمه المترفه بالجمال والتفرد
وهى تحاور الروح القزاز
تعال لنكتب عنها شيئا
فى بوست منفصل
ســأتفرغ لذلك إنشاء الله
عجيمى الوريف ..
فالنفتح مسارات التعجب
إلى لحظة الإشـعار
| |
|
|
|
|
|
|
|
|
|
Re: شــــكراً لأنـك خرجــت الآن ... (Re: عبدالله داش)
|
| Quote: شــــكراً لأنـك خرجــت الآن ... |
أخ عبدالله ..اولاً حمدالله على السلامة أن خرج الحزن من الأنفاق....
احترت عن أي مقطع اتحدث لكن اعجتني قمة الاحساس لكاتب مميز فاخترت هذه.
Quote: فالأحزان كهف الإحتراق
الصيف راحلة الفصول
الصوت يسبقنى
إلى هول المعارك إســتباق
|
| |
|
|
|
|
|
|
|
|
|
Re: شكراً مشاوير ما بتتم (Re: Osman Musa)
|
يا عمثان
يا آيه السر
بذرة فى رحم الأرض
خانتها المياه ..
فضل سبيلها للموت
إتكأت على كتفك ( فكانت )
فى خضم العطش
خضراء يانعه
تسر الناظرين
( إنى أجاب فى المدى الواقف
حدا النظر الهناك
أقراك وأمرق للمطر
حامد رقاريق البلل )
| |
|
|
|
|
|
|
| |
هاشم أحمد خلف الله
Osman Musa
abubakr
Amir Omer
ابو جهينة
Shayma
Alsa7afa_30
tmbis
awad okasha
اعدت ...الى ... توازني ... 
سلمى الشيخ سلامة
معتصم دفع الله
ماجدة عوض خوجلى
mohmed khalail
هند محمد
أبوذر بابكر
bushra suleiman
فيصل عباس
humida
salma subhi
فيس بوك
تويتر
انستقرام
يوتيوب
بنتيريست