|
|
|
 Re: كيف ترضي مني تكون بعيد (Re: احمد العربي)
|
Quote: جمال شديد
شكرا هاشم
مودتي |
الأخ الحبيب احمد العربي كل سنة وانت طيب , اسعدني مروك الزاهي هذا الصباح , تخيل يا احمد هذه
القصيدة قلت كلماتها لصديقي الفنان مرزوق بالتلفون وفاجني يوم امس بالليل في حفل بورداب الرياض
بتلحينها وقريبا سانزلها لكم هنا فيديو .
| |
 
|
|
|
|
|
|
|
|
Re: كيف ترضي مني تكون بعيد (Re: احمد العربي)
|
أخي هاشم
سلام على روحك المتألقة وحرفك المتوهج
لقد أشعلت مصابيحي المطفأة بهذا القصيد الجميل .. إنه يأتي كنور القمر في مساء جميل.. عمّ نوره دروبنا لقد رويت لنا عن الحب والهيام والبعاد وقد تسللت إلى كل هذه الدروب الجميلة بكل ما أوتيت من وهج وألق ومصابيح حتى يراك الآخرون من أمثالي فكيف نردك هذا الحب يا أيها الروض الأرج وأنت توزع على كل منا قرنفلة عطره بالإبداع. كم أنا سعيد أن أكون هنا لأقرأ بوح المشاعر وأسعد حين أحس أن كلمات القصيدة هي من إفرازات هذه الدروب.. أنا ممتن لهذه الإطلالة الجميلة وأقول لك نحن دائماً نحتاج إلى هذا الهمس الحالم.. أستمتعت بنصك الذي يبقى صدقه وقوته وتميزه في صدق مشاعر كاتبه.. أسرجت خيلي لأتبعك في واحات شعرك ولأبقى معك في مضارب الصعاليك
| |
|
|
|
|
|
|
|
|
|
Re: كيف ترضي مني تكون بعيد (Re: ابوبكر يوسف إبراهيم)
|
Quote: أخي هاشم
سلام على روحك المتألقة وحرفك المتوهج
لقد أشعلت مصابيحي المطفأة بهذا القصيد الجميل .. إنه يأتي كنور القمر في مساء جميل.. عمّ نوره دروبنا لقد رويت لنا عن الحب والهيام والبعاد وقد تسللت إلى كل هذه الدروب الجميلة بكل ما أوتيت من وهج وألق ومصابيح حتى يراك الآخرون من أمثالي فكيف نردك هذا الحب يا أيها الروض الأرج وأنت توزع على كل منا قرنفلة عطره بالإبداع. كم أنا سعيد أن أكون هنا لأقرأ بوح المشاعر وأسعد حين أحس أن كلمات القصيدة هي من إفرازات هذه الدروب.. أنا ممتن لهذه الإطلالة الجميلة وأقول لك نحن دائماً نحتاج إلى هذا الهمس الحالم.. أستمتعت بنصك الذي يبقى صدقه وقوته وتميزه في صدق مشاعر كاتبه.. أسرجت خيلي لأتبعك في واحات شعرك ولأبقى معك في مضارب الصعاليك |
اخي الشاعر الفحل دكتور ابوبكر تجدني عاجز جداً عن الرد عليك فكل مداخلتك تحتاج لبوست خاص بها
وكم اتمني ان اصل لمستواك الشاعري وتدفقك الغير محدود, دائماًاجدك بجانبي مشجعاً وملهماً بالعبارات
المموسقة , دمت لنا شاعراً ومفكراً وفيلسوفاً وناقداً ومحباً للجمال والجميلين .
متعك الله بالصحة والعافية .
| |
|
|
|
|
|
|
|
|
|
Re: كيف ترضي مني تكون بعيد (Re: عادل جبارة)
|
Quote: إستمعت للقصيدة أمس في حفل بورداب الرياض واستمتعت بها
وكذلك الحضور ، نبارك لك المخاض الشعري الجديد يا هاشم |
اخي الحبيب وصديقي اللدود عادل اسعدتني هذه المداخلة واشكر لك لطفك وذوقك الشاعري الفريد.
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
خطواتي ماملّت تجيك
والسكة شوقك بسعدا
ماكان بي إيدي أكون بعيد
وروحي منّك..أبعدا
لاكان هواي أرحل وأكون
في حِتة غيرك ماخدا
ولاني برمي علي القدر
أسبابي إنتا العارفا
لكنو في قسمة هواك
شفتا الظروف متحالفة
لاتجمع الزول بي هواهو
لاتكون عليّ متعاطفة
قول ليّ أيه ينفع غُناي
وكل المقاطع شاردة
وكيف إقويني الحنين
والجفوة إنتا ترددا
غفرتا ليك ريدة عيونك
عارفني ما....بتحملا
غفرتا ليك شكك وظنّك
حتّى الظنون ماأجملا
وغفرتا ليك شوقي لغمامك
والمطرة إنتا بتمنعا
غفرتا ليك سهد الليالي
عديت نجوم متجمعة
ساعة حنيني في اولو
وفي نهايتو جات متفرقا
وجاي بتسال انتا برضو
(هل لغيرك عاشقة؟؟)
| |
|
|
|
|
|
|
|
|
|
Re: كيف ترضي مني تكون بعيد (Re: Muna Khugali)
|
Quote: سلام بعد اجازة العيد..
وجيب لينا يا هشومي التسجيل سريع..
سؤال خارج الموضوع..
مجدي وين ماظاهر..مشي السودان؟ |
منوية وسلام بردو اليك بعد العيد
والتسجيل انشاء الله يصلكم خلال اسبوع
مجدي إتصل علي وهو معيد في المدينة يعني ما مشي السودان !!!
| |
|
|
|
|
|
|
|
|
 Re: كيف ترضي مني تكون بعيد (Re: هاشم أحمد خلف الله)
|
Quote: كيف ترضي مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
ليه تنفعل وتقول كلام
اعصابي ما بتتحملا |
ومرات برضو الاعصاب مابتتحمل الغلط انت برضو اعذر
اسوء حاجه ياهاشم اخوى الغلط خاصه لمن يتكرر وفى كل مرة تسامح وكل ماتسامح
تلقاك تكرر فى الغلط علشان خاطرى حاول ماتغلط
تسلمو الاتنين يارب انت والمسافرين
| |
|
|
|
|
|
|
|
|
|
Re: كيف ترضي مني تكون بعيد (Re: tmbis)
|
Quote: يا هاشم ...
نحن طابخنــو سوا .. وأنا اعصابي حديد |
ابن اختي الوجيه تمبا 
لوكان اعصابك انتا حديد
اعصابي احسن ابردا
والجو يكون صافي وبديع
كلماتي انتا بتفهما
خليك ظريف وجر الشخيت
سندريلا عارفك بتوصلا
بس بي رواقة وبي مهل
تلقي الفصول متجهزا
خليهو احسن يكون ربيع
والدنيا غيم ورزاز بديع
اظن تاني مافي احسن من كدا
| |
|
|
|
|
|
|
|
|
|
Re: كيف ترضي مني تكون بعيد (Re: ماجدة عوض خوجلى)
|
Quote: ومرات برضو الاعصاب مابتتحمل الغلط انت برضو اعذر
اسوء حاجه ياهاشم اخوى الغلط خاصه لمن يتكرر وفى كل مرة تسامح وكل ماتسامح
تلقاك تكرر فى الغلط علشان خاطرى حاول ماتغلط
تسلمو الاتنين يارب انت والمسافرين |
اختي الحبيبة ماجدة مشكورة علي المرور انتي عارفة مشكلتي شنو بعد ما احس اني غلطتا
بكون في حالة صعبة شديد مع روحي ليه انا عملت كده , اصلي غيور شديد والغلط دا لا بد
منو , شوفي غيرتي علي الملهمة طلع شنو؟؟ نص قابل للغناء ولا مش كده يا .... مرزوق .
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
| Quote: كــيــف تــرضــي مــنــي تــكــون بــعــيــد!!!! |
بعد الميكرفون .. ما الكلام وصل من غير ميكرفون .... وما تدي مني تلفون ولا اية حاجة .. غيرت الصورة بتاعة القرد بصورة اشنا منها وكدة ....
| |
|
|
|
|
|
|
|
|
|
Re: كيف ترضي مني تكون بعيد (Re: abubakr)
|
| Quote: بعد الميكرفون .. ما الكلام وصل من غير ميكرفون .... وما تدي مني تلفون ولا اية حاجة .. غيرت الصورة بتاعة القرد بصورة اشنا منها وكدة .... |
أبو بكر..
هي الكاميرا كده..تحطلها قرد يطلع قرد
| |
|
|
|
|
|
|
|
|
|
Re: كيف ترضي مني تكون بعيد (Re: abubakr)
|
| Quote: بعد الميكرفون .. ما الكلام وصل من غير ميكرفون .... وما تدي مني تلفون ولا اية حاجة .. غيرت الصورة بتاعة القرد بصورة اشنا منها وكدة .... |
اسعدني مرورك يا خال , نعم الكلام وصل لكن فجاءة لقيت الميكروفون في ايدي اها اسوي شنو ؟؟
بعدين مني بتعرف ترد عليك وطبعاً هي من زمان شالت صورة القرد وختت مكانها صورتها هي .
| |
|
|
|
|
|
|
|
|
|
Re: كيف ترضي مني تكون بعيد (Re: محمد عثمان)
|
| Quote: تعميك تشوف حسن الخصال تكويك عديل بالشكل دا |
لكن ده ما لوم بي دموعه ياهاشم..
إبداع ..
منتظرين نسمع اللحن ..
بفول لقريبي أظبط الدو.. ري .. لحد ما صاحبى ده يتخج ..
| |
|
|
|
|
|
|
|
|
|
Re: كيف ترضي مني تكون بعيد (Re: محمد على طه الملك)
|
Quote: Quote: تعميك تشوف حسن الخصال تكويك عديل بالشكل دا
لكن ده ما لوم بي دموعه ياهاشم..
إبداع ..
منتظرين نسمع اللحن ..
بفول لقريبي أظبط الدو.. ري .. لحد ما صاحبى ده يتخج .. |
ود الملك كل سنة وانت طيب الدموع ياخوي بتغسل الشوائب بس انتا ارخي اضانك لسماع الأغنية
بعد التلحين وقريبك مرزوق ده والله فلته عديل كده وعندو ذاكرة ماشاء الله عليهو .
تخريمة :-
هل تصدق يا ود الملك انا بقيت اعتقد في الناس الرطانة , ياخي عندهم احاسيس مرهفة بشكل
غير عادي وناس حلوين بشكل ياخي انا بموت فيهم عديل كده ( اخص الروح اكتر ).
| |
|
|
|
|
|
|
|
|
|
Re: كيف ترضي مني تكون بعيد (Re: محمد عثمان)
|
Quote: هااشم..
كل عام و انت بخير
قصيدة بطعم العيد...
يديك العاافية... |
الرجل الفنان الأنيق محمد عثمان ياخي والله مشتاقين كتير وكل سنة وانت طيب وبالله ما تطول الغيبة
ومشكور كتير علي المرور .
| |
|
|
|
|
|
|
|
|
|
Re: كيف ترضي مني تكون بعيد (Re: Shayma)
|
Quote: تسلم يا ابو شَيْماء
على الابداع ...
تحية لشاعريتك
وفوق جدا |
بنتي العزيزة الغالية شـيـمـاء أشكرك علي المرور والشاعرية في إحساسك الجميل يا غالية .
| |
|
|
|
|
|
|
|
|
|
Re: كيف ترضي مني تكون بعيد (Re: Alsa7afa_30)
|
Quote: مالك علينا يا أبو أحمد !!!
Quote: القصيدة قلت كلماتها لصديقي الفنان مرزوق بالتلفون وفاجني يوم امس بالليل في حفل بورداب الرياض
بتلحينها وقريبا سانزلها لكم هنا فيديو .
في الإنتظار على نار .. |
حسام الدين الجميل ولا تزعل ياخي نخليها ( خليك قريب مالدنيا عيد ... يلا كمل الباقي )
ووعد مني تسمع الأغنية فيديو قريب إنشاء الله .
| |
|
|
|
|
|
|
|
|
|
Re: كيف ترضي مني تكون بعيد (Re: أبوذر بابكر)
|
تخيل
وانا بستمتع بي الجمال دة
وبحس انو الاشياء هي الاشياء
ومع ذلك ومع ذلك
جواتنا الجروح منوسرة من زمن آدم وحوة
والغريبة أنك عايزة تبقي خوة
الوجع مع الفرح ببقي وجع لذيذ
والجروح مهما تزيد
بكرة تكبر تصبح قصيد
وحاجات كدة!
جيت أبارك ليك النشيد
أنشاء الله فرحك يبقي عيد
شكرن كتيرن!
| |
|
|
|
|
|
|
|
|
|
Re: كيف ترضي مني تكون بعيد (Re: حبيب نورة)
|
Quote: تخيل
وانا بستمتع بي الجمال دة
وبحس انو الاشياء هي الاشياء
ومع ذلك ومع ذلك
جواتنا الجروح منوسرة من زمن آدم وحوة
والغريبة أنك عايزة تبقي خوة
الوجع مع الفرح ببقي وجع لذيذ
والجروح مهما تزيد
بكرة تكبر تصبح قصيد
وحاجات كدة!
جيت أبارك ليك النشيد
أنشاء الله فرحك يبقي عيد
شكرن كتيرن! |
حبيب نورة بركة الجيبت بركة الجيت عسل انتا وبسكويت
كل سنة وانت طيب والقابلة علي امانيك ياعسل .
| |
|
|
|
|
|
|
|
|
|
Re: كيف ترضي مني تكون بعيد (Re: أبوذر بابكر)
|
Quote: هاشم فى العيد، الشوق ليك أكيد، والريد ليك شديد، ما إنت فى كل يوم جديد
زاهى وسمح
جايب معاك ورد النشيد
ايامك كلها أعياد يا هاشم ومليانة سعادة وجمال وعافية
قول آمين |
شاعرنا الأنيق ابو ذر الظريف عارفك رهيب وحبك شديد لكن كمان ما تكون عنيد قرب تعال
ماالدنيا عيد والفرحة في إنك معانا لو من قريب او من بعيد .
اسعدني مرورك الزاهي يا ابو ذر شكراً جميلاً .
| |
|
|
|
|
|
|
|
|
|
Re: كيف ترضي مني تكون بعيد (Re: khaleel)
|
Quote: هشومي
كل سنة وانت طيب
القصيدة تشبه رقة زيدان ابراهيم وعذوبة حمد الريح وروعة عبد العزيز
عليك ان تختار واحد من هولاء العمالقة ليتغني بها |
العزيز الغالي خليل اشكر لك حسن ظنك فيني لكن كمان ما قدر ده
مشكور علي المرور وكل سنة وانت طيب يا شفيف .
| |
|
|
|
|
|
|
|
|
|
Re: كيف ترضي مني تكون بعيد (Re: مجدي عبدالرحيم فضل)
|
Quote: يعني ما قلت لي أنك بعيد لآخر مدي
كان جبرت الندي يرضي وكده كيفن ندك
عبً المكان وصداح يابلبل قطر الشذي.
أحلي عيد ياهاشم
والتحايا لكل بورداب الرياض بالعيد السعيد
،،،،أبوقصي،،،، |
ابو قصي الشفيف كل سنة وانت طيب وربنا يحقق الأماني , مشكور علي المرور
زيارتك تبهجني .
| |
|
|
|
|
|
|
|
|
|
Re: كيف ترضي مني تكون بعيد (Re: Sadig Sati)
|
Quote: (إن من البيان لسحرا)
شكرا أخي هاشم علي هذا الجمال
والله إنه من السحر الدافي
وكل عام وأنت والجميع بخير |
الحبيب الغالي صادق ساتي شرفني مرورك الكريم واشكر لك جميل كلماتك الصادقة وكل عام وانت بخير.
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
Quote: كيف ترضي مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
ليه تنفعل وتقول كلام
اعصابي ما بتتحملا
لو راضي لي انت العذاب
ارحم رويحتي المخلصةãÏí |
ده عتاب رقيق جدا يا هاشم يسلم حرفك
وتسلم من الاذية
مودتي
| |
|
|
|
|
|
|
|
|
|
Re: كيف ترضي مني تكون بعيد (Re: bushra suleiman)
|
Quote: العزيز هاشم
كلماتك تتنفس عذوبة.. وقاموسك ساحر
لك منى الف نجم وسوسنة .. ومحبتى |
شاعرنا الجميل جداً بشري سليمان , حضورك شرف عظيم لي ويضفي علي البوست
رائحة المسك والصندل ولك مني الف زهرة مفرهدة .
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
| Quote: حسام الدين الجميل ولا تزعل ياخي نخليها ( خليك قريب مالدنيا عيد ... يلا كمل الباقي ) |
خليك قريب مالدنيا عيد
بهجة و سرور بسمة و مرح
عمّ الأماكن .. إلا قلبي
بلاك ما زارو الفرح
ليه الخصام و الناس هناك
تتصافى تتناسى الجرح
و أنا جرحي منك جد غريق
جورك عليّ ده ما بصـح
.
.
.
| |
|
|
|
|
|
|
|
|
|
Re: كيف ترضي مني تكون بعيد (Re: Alsa7afa_30)
|
Quote:
Quote: حسام الدين الجميل ولا تزعل ياخي نخليها ( خليك قريب مالدنيا عيد ... يلا كمل الباقي )
خليك قريب مالدنيا عيد
بهجة و سرور بسمة و مرح
عمّ الأماكن .. إلا قلبي
بلاك ما زارو الفرح
ليه الخصام و الناس هناك
تتصافى تتناسى الجرح
و أنا جرحي منك جد غريق
جورك عليّ ده ما بصـح
.
.
. |
حسام الدين الجميل والله محاولة جيدة جداً بس حاول نقح النص ده شوية
واكيدحايظبط معاك .
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
الفنان هاشم خلف الله
تحياتي وانحناءتي امام ابداعك الثر
حقيقة قرأت القصيدة من يوم امس ولاعجابي الشديد بها لم استطع الرد
فلم أرتقي بعد لمرتبة التعليق على عمل بهذا الجمال وبهذه الروعة
كم تنبأت بأننا على موعد مع شاعر فذ وهاهي تنبؤاتي تصدق بل وتعلو على حلمي وتفوق
شاعريتك كل توقعاتي ..
كم انت جميل ايها المرهف ابو احمد .
تخريمة : من المكالمة التلفونية امبارح حسيت بيك
زعلان شوية لكن والله مشغول شديد يا هاشم انالكن معلش واقتبس من رائعتك ما يلي :
Quote: لو كان غلطتا عليك انا
زلاتي ليه ما بتغفرا |
| |
|
|
|
|
|
|
|
|
|
Re: كيف ترضي مني تكون بعيد (Re: امير عوض الجمري)
|
Quote: الفنان هاشم خلف الله
تحياتي وانحناءتي امام ابداعك الثر
حقيقة قرأت القصيدة من يوم امس ولاعجابي الشديد بها لم استطع الرد
فلم أرتقي بعد لمرتبة التعليق على عمل بهذا الجمال وبهذه الروعة
كم تنبأت بأننا على موعد مع شاعر فذ وهاهي تنبؤاتي تصدق بل وتعلو على حلمي وتفوق
شاعريتك كل توقعاتي ..
كم انت جميل ايها المرهف ابو احمد .
تخريمة : من المكالمة التلفونية امبارح حسيت بيك
زعلان شوية لكن والله مشغول شديد يا هاشم انالكن معلش واقتبس من رائعتك ما يلي :
Quote: لو كان غلطتا عليك انا
زلاتي ليه ما بتغفرا |
آمير الجميل ياخي زعلنا منك لاننا بنحبك وبس .
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
Quote: اختي الحبيبة ماجدة مشكورة علي المرور انتي عارفة مشكلتي شنو بعد ما احس اني غلطتا
بكون في حالة صعبة شديد مع روحي ليه انا عملت كده , اصلي غيور شديد والغلط دا لا بد
منو , شوفي غيرتي علي الملهمة طلع شنو؟؟ نص قابل للغناء ولا مش كده يا .... مرزوق . |
هاشم الاخبار خلاص صافية لبن ولالسه الزعل حاصل عموما ياهاشم ابعد من الغيرة والله العظيم كعبه ومابتقدم
وغير تفقدك مابتكسبك حاجه قلنا نسال منك ونشوف الاحوال كيف معاك ويارب الجميع بخير عندك !!
| |
|
|
|
|
|
|
|
|
|
Re: كيف ترضي مني تكون بعيد (Re: ماجدة عوض خوجلى)
|
أخى الحبيب هاشم
ما زلنا نجتر ذكريات أماسى الرياض الحالمة ،،،
على صدح المبدع الفنان مرزوق ،،،
وها أنت تأتى لتنعشها بهذه الرائعة ،،،
التحية ليك على رقة الحرف ،،،
ورجاء خاص جدا تبلغ تحياتى للاخ الفنان مرزوق ،،،
وكل عام وانت بألف خير وعافية ،،،
| |
|
|
|
|
|
|
|
|
|
Re: كيف ترضي مني تكون بعيد (Re: الفاتح الجنيد)
|
Quote: أخى الحبيب هاشم
ما زلنا نجتر ذكريات أماسى الرياض الحالمة ،،،
على صدح المبدع الفنان مرزوق ،،،
وها أنت تأتى لتنعشها بهذه الرائعة ،،،
التحية ليك على رقة الحرف ،،،
ورجاء خاص جدا تبلغ تحياتى للاخ الفنان مرزوق ،،،
وكل عام وانت بألف خير وعافية ،،، |
الأخ الحبيب ود الجنيد شرفني حضورك كثيراً واحب ان افيدك بأن الفنان مرزوق
سبق له ان لحن وغني من كلماتي مين بشبهك وتجدها في بوست اختي الغالية
ماجدة عوض خوجلي ( برضو مشتااااقين ) وبآذن الله ابلغه تحياتك العاطرات .
| |
|
|
|
|
|
|
|
|
|
Re: كيف ترضي مني تكون بعيد (Re: ماجدة عوض خوجلى)
|
Quote: هاشم الاخبار خلاص صافية لبن ولالسه الزعل حاصل عموما ياهاشم ابعد من الغيرة والله العظيم كعبه ومابتقدم
وغير تفقدك مابتكسبك حاجه قلنا نسال منك ونشوف الاحوال كيف معاك ويارب الجميع بخير عندك !! |
اختي الحبيبة ماجدة كتر الف خيرك وما قصرتي ابداً بالسؤال علي وإنشاء الله اعمل
بنصحيتك واخفف من الغيرة والحمدلله كل الجماعة بخير وعافية وربنا يمتعك الصحة
والعافية يارب .
| |
|
|
|
|
|
|
|
|
|
Re: كيف ترضي مني تكون بعيد (Re: ابوحراز)
|
شاعرنا هشومي
رغم انو اسمك بسبب لي قشعريرة
لأنو عديلي يحمل نفس الاسم
وعامل لينا وجع 24 ساعة
والنسيبة طايرة بيهو السماء
لأنو بتاع نقة وكذب
وغلبنا والله 10/صفر
نحن نشتري الهدايا من باب شريف
وهو يشتريها من قزاز ومحمود سعيد ومجوهرات الفارس
والبيت كلو يكورك حتى ست النفر بتاعتي
هشام جاء
هشام مرق
هشام قال عاوز ينوم
هشام ما بحب ملاح القرع
هشام قال ماعاوز الازعاج 00
ونحن والله العظيم مهما تقول زول واحد يصدقك مافي
اها بعد الشوت الضفاري والخروج عن النص الذي لابد منه
اها نعود للقصيدة الجميلة
Quote: كيف ترضي مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
ليه تنفعل وتقول كلام
اعصابي ما بتتحملا
لو راضي لي انت العذاب
ارحم رويحتي المخلصة
Quote: انتو ياناس مالكم الواحد لمن { مرتو } تكون بعيدة منو بتجرس كتيير كده ليييييه ؟؟
قال رويحتي المخلصة قال !!!
نهائي ماقابلني راجل مخلص
أكتب أنا كثيراً في النثر
ولكن الشعر أحبه كثيراً
وأحب القائه
ولكن لم استطع أن أكتب بيتاً واحداً حتى هذه اللحظة
كنت استعيض لمحبوباتي بالأغاني
فقد كتبت لإحداهن { البرتكان نهدك مدردم }
ولكن للأسف ضلت الرسالة طريقها بالخطا
وذهبت لوالدي الذي كان يهيؤني لإمامة المسجد من بعده
بينما ذهبت رسالة الوالد للحبيبة الموقرة
وعندما قرا الوالد الرسالة اصيب بالذهول والغثيان
قال مدردم قال !!! |
الحبيب الغالي ابو حراز اولاً كل سنة وانت طيب ومشكور كتير علي المداخلة الطريفة والله احب كتاباتك
كتير جداً يا ابو حراز وبعدين الحياة دي ما قسم انت قايل شنو ؟ فيها الغني والفقير وفيها الشاعر
وفيها الملحن وفيها المطرب وفيها الكاتب وانتا من النوع الثالث ده , صراحة تستهويني كتاباتك
كتير جداً وموضوع هشام ده احسن تخليهو علي جنب كده عشان تشابه الأسماء وكده وبصراحة انا ما زي
عديلك البتحكي عنه ده .
بعدين ذكرتني صديقي العزيز صديق الموج الرجل الساخر لان صديق الموج لا يكتب الشعر علي حسب زعمه
ولكنه يلقي الشعر بشكل جميل ورائع لابعد الحدود وهذه ايضاً موهبة لا تتوفر عند كل الناس وحتي
بعض الشعراء لا يملكون موهبة الإلقاء علي الرغم من جمال شعرهم.
وبعدين يا ابو حراز اخوي شكلك زول قديم من سنة ما حفرو البحر ( من زمن البرتقان نهدك مدردم )
والله يرحم الوالد اكان حي او ميت , فاهمك اظنو كويس جداً وعارف عينك زائغة , ابو حراز والله سعدت
جداً بمداخلتك ونشوفك قريب إنشاء الله .
| |
|
|
|
|
|
|
|
|
|
Re: كيف ترضي مني تكون بعيد (Re: omer abdelsalam)
|
Quote: اخي / هاشم
Quote: كيف ترضي مني تكون بعيد
والسكة لسه في اولا
والعيد بدايتو تكون رهاب
وخطواتي انتا بتبعدا
لو كان غلطتا عليك انا
زلاتي ليه ما بتغفرا
عيدك مبارك
نورت المنبر
وكل سنة وانت طيب |
الزعيم عمر عبدالسلام ياسلالالالالالالالالالالالالالام كل سنة وانت طيب وربنا يحقق
الأماني وينك ياراجل من زمان ما شوفناك بالله طمنا علي اخبارك وبعدين
النور نورك انتا يا رجل يا عظيم بالله خليك قريب .
| |
|
|
|
|
|
|
|
|
|
Re: كيف ترضي مني تكون بعيد (Re: سمية الحسن طلحة)
|
Quote: الأخ الحبيب / هاشم
والله ماكت بصدق الحبايب يزعلوا
وكمان في العيد !
إنشاء الله تكون عادت المياه لمجاريها
بعد الحديث العذب دا الفاض بالمواعين |
اختي الحبيبة سمية مشكورة علي المرور وابشرك المياه عادت لمجاريهاوالعيد
اصبح احلي واحلي خاصة بعد حفل المعايدة بتاع بورداب الرياض , يا ريت لو
كنتم معنا يا سمية .
| |
|
|
|
|
|
|
|
|
|
Re: كيف ترضي مني تكون بعيد (Re: هاشم أحمد خلف الله)
|
الملكة
لو رضوهو وهش هشو
كات ضاع شدوالكلام
والسكة لو طال مداها
تشد تمد حبل الحنين
ويطول يطول ... يبقى سلبة
ويبل الصبر
مناديل الحبيب ويسوي رغوة
زبد بحر يهدر يجض
وبرضنا نرجع نقول لا لا لا
هاشم حبيب
ما بنتمنى ليو
صبر السنين
والألم الدفين
وغي الحبيب
الديمة سادر
لأنو هاشم
الزول الجميل
في كل التفاصيل
سلام وعيدك سعيد
وشكرا للمتعة
| |
|
|
|
|
|
|
|
|
|
Re: كيف ترضي مني تكون بعيد (Re: nourelhadi awad)
|
وليه انت ترضى بعيد؟
خليك قريب والدنيا عيد
والدنيا زى ما انت قلت يوم تكون بين السحاب ويوم تكون دمعة وعذاب
معليش لانى حفظت القصيدة بغير ترتيب
لكنها قصيدة غنائية جدا
بتشبه فنان واحد اسمه ترباس
رسلها ليهو وما حتندم
لانه ذكرتنى بقصيدة عمنا الراحل عوض جبريل
(ما تهتموا للايام ظروف بتعدى)
ويارب حبيبك ما يكون الا معاك ودايما بيناتكم عمار
خالص ودى
| |
|
|
|
|
|
|
|
|
|
Re: كيف ترضي مني تكون بعيد (Re: سلمى الشيخ سلامة)
|
Quote: وليه انت ترضى بعيد؟
خليك قريب والدنيا عيد
والدنيا زى ما انت قلت يوم تكون بين السحاب ويوم تكون دمعة وعذاب
معليش لانى حفظت القصيدة بغير ترتيب
لكنها قصيدة غنائية جدا
بتشبه فنان واحد اسمه ترباس
رسلها ليهو وما حتندم
لانه ذكرتنى بقصيدة عمنا الراحل عوض جبريل
(ما تهتموا للايام ظروف بتعدى)
ويارب حبيبك ما يكون الا معاك ودايما بيناتكم عمار
خالص ودى |
اختي الحبيبة سلمي , كل سنة وانتي طيبة وربنا يعيد علينا العيد ونحنا تامين ولامين وفي حضرتكم
دائماً فرحانين , اسعدتني مداخلتك اختي سلمي وانشاء الله بعد سماع اللحن سنري ان كان يصلح للنشر
هنا ولا لا , عموماً حتي ولو لم يصلح هنا سارسله لك علي الايميل بتاعك عربون محبة .
| |
|
|
|
|
|
|
|
|
|
Re: كيف ترضي مني تكون بعيد (Re: nourelhadi awad)
|
Quote: الملكة
لو رضوهو وهش هشو
كات ضاع شدوالكلام
والسكة لو طال مداها
تشد تمد حبل الحنين
ويطول يطول ... يبقى سلبة
ويبل الصبر
مناديل الحبيب ويسوي رغوة
زبد بحر يهدر يجض
وبرضنا نرجع نقول لا لا لا
هاشم حبيب
ما بنتمنى ليو
صبر السنين
والألم الدفين
وغي الحبيب
الديمة سادر
لأنو هاشم
الزول الجميل
في كل التفاصيل
سلام وعيدك سعيد
وشكرا للمتعة |
نور الهادي يالرهافة إحساسك الجميل ياخي والله بفرح كتير بمداخلتك المعبرة والرائعة جداً
وعيدك كمان سعيد وبخيت .
| |
|
|
|
|
|
|
|
|
|
Re: كيف ترضي مني تكون بعيد (Re: خالدة البدوي)
|
قالت له :
عندما أكون بعيدة عنك .. أكون أكثر هماَ وعناء .. جرح وعذاب .. أحلام وسراب .. عندما تكون بعيد ترحل أفراحي وتسافر أحلامي ... تتعلق نظراتي .. لا اذكر ولا أنسى !!
عندما تكون بعيد عني تتحد لدي غربة المكان بغربة الروح ووتتحقق المعاناة !!
وتلك هي المعاناة .. كل سنة وإنت قريب منهم ومعهم دوماَ ...
وصال عالم
| |
|
|
|
|
|
|
|
|
|
Re: كيف ترضي مني تكون بعيد (Re: وصال عالم)
|
سلالالالالالالالالالالام
Quote: فيها الغني والفقير وفيها الشاعر
وفيها الملحن وفيها المطرب وفيها الكاتب وانتا من النوع الثالث ده , صراحة تستهويني كتاباتك
كتير جداً وموضوع هشام ده احسن تخليهو علي جنب كده عشان تشابه الأسماء وكده وبصراحة انا ما زي
عديلك البتحكي عنه ده .
بعدين ذكرتني صديقي العزيز صديق الموج الرجل الساخر لان صديق الموج لا يكتب الشعر علي حسب زعمه
ولكنه يلقي الشعر بشكل جميل ورائع لابعد الحدود وهذه ايضاً موهبة لا تتوفر عند كل الناس وحتي
بعض الشعراء لا يملكون موهبة الإلقاء علي الرغم من جمال شعرهم |
.
تعرف لو لقينا { الغني } دي والله لاعاوزين شعر لاكتابة ولايحزنون
أنا واحد من الناس كان الله أداني قروش
والله الجريدة كان قابلتني في الشارع مجان ما تباريني
حالف بس { أجيب } عنقريب واقعد في الضل
واي { مرة } جاية ماشة بالطريق اسألها 00 ماشة وين جاية من وين شايلة شنو معاك منو
بعدين أنت لن تكون كهشام اياه
لن تكون ولن تكون ولن تكون ولن تكون
هشام الذي اعنيه شيء آخر
أول مرة اعرف انو صديق الموج بيلقي شعر
والله حاجة غريبة جدا
ياخي الزول دا مرة اتصل علي هنا صوتو حاجة شينة جدا
ولو حاول يكون فنان الا يعزفوا ليهو بجركانة بلاستيك وصحن مطرقع
يعني عامل ليكم فيها سيف الدين الدسوقي
والله أمانة يا الالقاء ما وقعت
ياخي بالله عليك الله قول ليهو امشي شوف ليك حراج بتاع سيارات وللا بعارين
قال لأبعد الحدود قال !!!
أعجبني حديث وصال عالم
مليء باحساس مرهف
وينزف عطرا والقاً
كلام من الأعماق
وفيه صدق غير عادي
| |
|
|
|
|
|
|
|
|
|
Re: كيف ترضي مني تكون بعيد (Re: ابوحراز)
|
Quote: تعرف لو لقينا { الغني } دي والله لاعاوزين شعر لاكتابة ولايحزنون
أنا واحد من الناس كان الله أداني قروش
والله الجريدة كان قابلتني في الشارع مجان ما تباريني
حالف بس { أجيب } عنقريب واقعد في الضل
واي { مرة } جاية ماشة بالطريق اسألها 00 ماشة وين جاية من وين شايلة شنو معاك منو
بعدين أنت لن تكون كهشام اياه
لن تكون ولن تكون ولن تكون ولن تكون
هشام الذي اعنيه شيء آخر
أول مرة اعرف انو صديق الموج بيلقي شعر
والله حاجة غريبة جدا
ياخي الزول دا مرة اتصل علي هنا صوتو حاجة شينة جدا
ولو حاول يكون فنان الا يعزفوا ليهو بجركانة بلاستيك وصحن مطرقع
يعني عامل ليكم فيها سيف الدين الدسوقي
والله أمانة يا الالقاء ما وقعت
ياخي بالله عليك الله قول ليهو امشي شوف ليك حراج بتاع سيارات وللا بعارين
قال لأبعد الحدود قال !!!
أعجبني حديث وصال عالم
مليء باحساس مرهف
وينزف عطرا والقاً
كلام من الأعماق
وفيه صدق غير عادي |
| |
|
|
|
|
|
|
|
|
|
Re: كيف ترضي مني تكون بعيد (Re: ابوحراز)
|
Quote: تعرف لو لقينا { الغني } دي والله لاعاوزين شعر لاكتابة ولايحزنون
أنا واحد من الناس كان الله أداني قروش
والله الجريدة كان قابلتني في الشارع مجان ما تباريني
حالف بس { أجيب } عنقريب واقعد في الضل
واي { مرة } جاية ماشة بالطريق اسألها 00 ماشة وين جاية من وين شايلة شنو معاك منو
بعدين أنت لن تكون كهشام اياه
لن تكون ولن تكون ولن تكون ولن تكون
هشام الذي اعنيه شيء آخر
أول مرة اعرف انو صديق الموج بيلقي شعر
والله حاجة غريبة جدا
ياخي الزول دا مرة اتصل علي هنا صوتو حاجة شينة جدا
ولو حاول يكون فنان الا يعزفوا ليهو بجركانة بلاستيك وصحن مطرقع
يعني عامل ليكم فيها سيف الدين الدسوقي
والله أمانة يا الالقاء ما وقعت
ياخي بالله عليك الله قول ليهو امشي شوف ليك حراج بتاع سيارات وللا بعارين
قال لأبعد الحدود قال !!!
أعجبني حديث وصال عالم
مليء باحساس مرهف
وينزف عطرا والقاً
كلام من الأعماق
وفيه صدق غير عادي
|
تعرف يا ابو حراز المثل بيقول شنو !! الغني غني النفس , وبعدين تعال هنا مالك
مستهتر بصاحبي صديق الموج دا والله لو سمعتو وهو يلقي في قصيدة تحتار عديل كده
اما وصال عالم فهي كتلة من المشاعر والأحاسيس وقد سعدت جداً بلقاءها في السودان
وهي اكثر رقة وعاطفة من كتاباتها الأنيقة ندعو لها بالسعادة والرفاهية وربنا
يحقق ليها امانيها , مشكور اخوي ابو حراز وبيني وبينك خلاس انت تعبت من البوست
دا وعايزو يمشي من هنا .
| |
|
|
|
|
|
|
|
|
|
Re: كيف ترضي مني تكون بعيد (Re: وصال عالم)
|
Quote: قالت له :
عندما أكون بعيدة عنك .. أكون أكثر هماَ وعناء .. جرح وعذاب .. أحلام وسراب .. عندما تكون بعيد ترحل أفراحي وتسافر أحلامي ... تتعلق نظراتي .. لا اذكر ولا أنسى !!
عندما تكون بعيد عني تتحد لدي غربة المكان بغربة الروح ووتتحقق المعاناة !!
وتلك هي المعاناة .. كل سنة وإنت قريب منهم ومعهم دوماَ ... |
اختي الشفيفة وصال كل سنة وانتي طيبة واشكر لك كلماتك الجميلة والمهذبة جداً , ربنا إنشاء الله
يسعدك ويديك علي قدر نيتك السمحة يا بركة العيد السعيد .
| |
|
|
|
|
|
|
|
|
|
Re: كيف ترضي مني تكون بعيد (Re: خالدة البدوي)
|
Quote: الجليل هاشم
شنو الجمال ده والهام هويدا دة خطير ،،،
Quote: ماالغيرة يا حنين كدا
ده موضوع محتاج لرأي العديد
الحب والغيرة ،،،
في انتظار مذيد من
الجمال ،،، |
الأستاذة الرائعة خالدة اخيراً بقيتي تظهري , نحنا بنحاول كده نكتب شعر وانشاء الله نقدر نوصل
مشكورة علي المرور وتعطير هذا البوست
| |
|
|
|
|
|
|
| |
هاشم أحمد خلف الله
احمد العربي
Muna Khugali
ماجدة عوض خوجلى
tmbis
abubakr
محمد على طه الملك
Alsa7afa_30
Shayma
أبوذر بابكر
حبيب نورة
مجدي عبدالرحيم فضل
khaleel
د.محمد حسن
bushra suleiman
امير عوض الجمري
الفاتح الجنيد
omer abdelsalam
ابوحراز
سلمى الشيخ سلامة
salma subhi
هند محمد
خالدة البدوي
وصال عالم
فيس بوك
تويتر
انستقرام
يوتيوب
بنتيريست