يا عبدالباري كل سنة وإنت طيب .. طيب الشباب ديل الله رحمهم بالمونتاج والقص والتلذيق .. ونحن ما شايفنهم .. حسع ناسكم بتاعين التلفزيون .. ( في المباشر ) .. البحلنــا منهم شنــو ..؟ غايتو قبل كم يوم كنت بحضر في برنامج الووو مرحبا.. والله المسالة إنتهت بي ( كرامة البليله ) ,,, خاصة وأنتو كان اتصال مباشر .. لانو المتصل قررب ياخد راحتو عل الآخــر .. غايتو ناس الاذاعة يحمدو الله انو مافي واحد شايفهم .. بعد موجة انعدام المقدمين ومذيعي الربط ( المفتحين ) البعالجوها وهي طايرة قبلما المستمع يفهم الحاصل شنــو ...
10-13-2007, 06:04 PM
عبدالبارى العجيل عبدالبارى العجيل
تاريخ التسجيل: 03-02-2005
مجموع المشاركات: 268
وكل سنة وإنت زي ما عاوز. قصة الحضور بالنسبة للمذيعين سواء كانوا في الإذاعة أو التلفزيون مهمة جداً جداً وعنصر أساسي من عناصر المذيع الناجح. وأنا بوافقك إنو في واحدين تسمعم جِزَا عدييييل كده. والحكاية فيها ما فيها.
شوت ضفاري: مذيع شغال على الهواء الفني كتب ليه في ورقة " الأغنية بعد ما أديك إشارة" فما كان من المذيع الفهلوي إلا وأن يسارع وينتقي العبارات الطنانة من شاكلة "حينما ندوزن الحروف تنبجس الأوتار ونستمع وإياكم إلى أغنية بعد ماااا أديك إشارة" ... .. .
10-14-2007, 12:34 PM
tmbis tmbis
تاريخ التسجيل: 10-19-2002
مجموع المشاركات: 24862
كيفك يا عبد الباري .. زمان كان عندي ( مرضه ) اسمها احضر ( التلفزيون راديو ) .. ودا اكتشاف اكتشفتو بمحض الصدفة .. الكلام دا كم وتمنين قبل ثورة الديجيتال .. والاطباق والقنوات الفضائية . التلفزيون طبعا كان بيبدأ البث فيهو يمكن الساعة اربعة يا حاجة بالشكل دا .. يوم ما عندي موضوع قمت فتحت التلفزيون زي الساعة عشرة بالنهار قلت اشوف الحاصل شنو .. لقيت ( ضلمه ) حتى الخطوط البجيبوها بعد وقبل نهاية الارسال مافيشة .. قعدت انتظرت التلفزيون وهو مفتوح وشاشة سوداء ... المهم يمكن بعد نص ساعة كدا جاني الكلام وانا مستغرب شديد جدا .. يللا تعال شوف .. طبعا اكتشفت انو في بعض البرامج بيتم التحضير ليها زي الوكت دا وبيتم المونتاج برضو بسرعة علشان تبث بسرعة ويلحقوها السوق .. طبعا خستكات شديدة جدا .. متذكر لحدي الآن واحد قال لي زميلتو القعدت جمبو في الكرسي : قومي .. تقومي سابقه الطوبة حسع مدردمه كدا الكرسي دا بيشيلني ويشيلك ؟ وخستكات كتيرة جدا .. بقت المشروع بتاعي اليومي .. وطبعا بجي بالليل علشان اتابع البرنامج الكان بيسجلو فيهو بالنهار .. وبقيت اقدر افرز بين الاصوات الكانت قبيل بتخستك .. وحسع عامله فيها جادة جدا اكتشفت بعد فترة أنو موجة البث كان السهل التقاطه نسبة لقرب المسافة من بيتنا للإذاعة .. طبعا المسالة دي سالت منها وقتها الأستاذ الريح عوض .. رايك شنو في الحته دي إنت ..؟
Quote: ونستمع وإياكم إلى أغنية بعد ماااا أديك إشارة"
دي قوية جدا .. تعرف..؟ عندي عمي .. لما كنت صغير ما قاعد افارقو ـ عندو صاحبو مزعج جدا .. بيداهمو في اي لحظة وكلامو كتير .. المهم يوم عمي دا بعد الغداء ضرب ليهو كباية شاي .. ورخم الترخيمه بتاعت العصرية ديك .. قام جا صاحبو، دق الباب .. قمت فتحت ليهو أنا .. قال لي عمك في .. قلت ليهو دقيقه اشوفو ليك .. مشيت هزييت عمي دا وهو بدا خلاص ينوم .. قلت ليهو صاحبك فلان منتظزرك بره قام قال لي: أعمل نايم .. قمت شلت الكلام زي ما هو .. مشيت لي صاحبو دا في الباب .. وقلت ليهو: عمو قال ليك أعمل نايم..
تخيل باقي السيناريو بنفسك
10-14-2007, 08:12 AM
عبدالبارى العجيل عبدالبارى العجيل
تاريخ التسجيل: 03-02-2005
مجموع المشاركات: 268
ياعلاء .. انك تتحمل وزر الساعات التي قضيتها في رمضان خارج نطاق اغاني واغاني وانا متظر اغاني واغاني لا سد خانتك وزوغتك الشهيرة باسم الانفلونزا .. ساعات وانا اشوف البدع وناس البيت يجو يلقوني متحفز وبعاين لعجايب يعاينو لي شذرا ويفوتو ساااي " ابونا الله يرد غربتو " ..معقولة دي .. المصيبة دي ما عندها بواب وبعدين انتو حصص العربي القصمت ظهرنا ( دي عربي ) احنا الرطانة ما مرو بيها العيال دييل .. اشمعنا بس لغير الناطقيين بها ...؟..منو القال للعيال دييل يهوبو ناحية القنوات دي هم قايلنها خيران بيس يجلبطو فيها ساااي ...انت المسعول يا تمبس وحتي لو رميت الكاميرا الكنت معتلا في رمضان برضو مسعول .. تاني توبة ولا قنوات ولا خيران بس بي بي سي اذاعة وكت دقة بيق بن ..الله يرحمك ياجدي ..
10-14-2007, 11:38 PM
tmbis tmbis
تاريخ التسجيل: 10-19-2002
مجموع المشاركات: 24862
Quote: ياعلاء .. انك تتحمل وزر الساعات التي قضيتها في رمضان خارج نطاق اغاني واغاني وانا متظر اغاني واغاني لا سد خانتك وزوغتك الشهيرة باسم الانفلونزا
.. يا هندسة كيفك ..؟ وكل سنة وانت طيب .. أن نشكلتي يا باشمهندس مافي زول بفهمني .. وإنت اكتر زول فهمني أنا عملت زغبير بإسم الانفلونزا اللعينة .. وبالمناسبة هي (الزواغه) بتاعتي الشهيرة من ايام المدرسة.. .. بعدين طبعا بعدما رمضان دخل العضم في الأيام الأخيرة .. شيلت الكاميرا زاته بقت ( تعسم ) الواحد .. وقعدت الجهــاز قربت تعمل لينا ( موية بيضا ) بلاي شفت الحاجة دي حارة كيف ..؟
Quote: ساعات وانا اشوف البدع وناس البيت يجو يلقوني متحفز وبعاين لعجايب يعاينو لي شذرا ويفوتو ساااي " ابونا الله يرد غربتو " ..معقولة دي ..
.. طبعا يا باشمهندس انا استغليت الموقف دا .. بقيت اخد راحتي وامشي افطــر بره .. واجي نهاية اليوم ادخل البوست .. ( واللقط الملفات ) والشكر لي حماد .. ولي ( شــذرا ) ... طبعا لازم يكون في خفة يد كمان .. وأنا يدي خفيفه في الحاجات دي واعجبك ..
Quote: انت المسعول يا تمبس وحتي لو رميت الكاميرا الكنت معتلا في رمضان برضو مسعول .. تاني توبة ولا قنوات ولا خيران بس بي بي سي اذاعة وكت دقة بيق بن ..الله يرحمك ياجدي ..
.. ما بيحلك يا باشمهندس .. تاني لما تكون في حاجة في التلفزيون إنت المسؤول وتبقى مشكلتك كبيرة جدا .. لو فكرت مجرد تفكير إنو تجيك انفلونزا
10-15-2007, 10:16 AM
عبدالبارى العجيل عبدالبارى العجيل
تاريخ التسجيل: 03-02-2005
مجموع المشاركات: 268
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالبارى العجيل
tmbis
abubakr
فيس بوك
تويتر
انستقرام
يوتيوب
بنتيريست