|
|
 الهلال البطل اقوى فريق في افريقيا ...انا مريخابي متعصب
|
بصراحة افتخر بفرقة الهلال ...
شفنا فريق متماسك في الفترة السابقة ...
و لعيبة لا ينحدرو للاستفزازات ...
لعيبة سلوكهم سلوك احتراف ...
ياريت تبقى الفرقة كما هي ..ويبقى المدرب ...وتبقى الادارة ...
ونعالج السلبيات ...
لازم حارس مرمى احتياطي قوي ...
وتكوين فريق ثاني موازي للفريق الاول ...
والخروج ليس نهاية الدنيا...وخاصة خرج بيد فريق متمرس وقوي ....
امبارح بالشارقة شفنا رجال بتبكي باسىء...ودا كله حب البلد ..
وان شاء الله المريخ ح يعوضنا ...
ومنتخب السودان ح يعوضنا ...
|
|
 
|
|
|
|
|
|
|
|
Re: الهلال البطل اقوى فريق في افريقيا ...انا مريخابي متعصب (Re: Mohammed Ibrahim Othman)
|
يديك العافية يا عمااار ...
انحنا ما عايزين التعصب السلبي الخرب البلد في السياسة يخربها في الكورة ...
شعوري انحنا في الكورة ماشين صاح ...
وشكل الفرق بتاعتنا ومنتخبنا بقو محترفين بجد ...
عشان كدا المسألة عايزة تروي في الهزيمة ...
ومعالجة اسباب الهزيمة مش هدم كل شيء ...
ناااس تقول يطيرو المدرب...
وناااس تقول يطيرو الريس...
وناااس تقول يطيرو هيثم مصطفى ...
ما نتعجل ...
| |
|
|
|
|
|
|
|
|
|
Re: الهلال البطل اقوى فريق في افريقيا ...انا مريخابي متعصب (Re: Mohammed Ibrahim Othman)
|
Quote: عشان كدا المسألة عايزة تروي في الهزيمة ...
ومعالجة اسباب الهزيمة مش هدم كل شيء ...
ناااس تقول يطيرو المدرب...
وناااس تقول يطيرو الريس...
وناااس تقول يطيرو هيثم مصطفى ...
ما نتعجل ... |
ياهو دا الكلام: برشلونة وريال مدريد وميلان ومانشستر يونايتد بطيرو من الادوار
الابتدائية للكأس الموازي لكأس الكؤوس في قارتهم ...ومع ذلك يبقي المدربون ويبقي
راؤول..وكارلس بيول..وانزاقي...في فرقهم يعالجوا مع المدربين اخطاء الزمن الفات
برافو فتية الهلال ...فبرغم هزيمتكم...وغصتنا...فقد بنتم كبارا...واخرستم كل الالسن
الافريقية والعربية...واديتو كل بلد حقها...حتي اصبح وزنكم من العيار الثقيل...واجبرتم
عصام الشوالي وربعه العرب والافارقة علي نطق ام درمان كما ينطقها أهل الهلال...
اجبرت الكل ليعمل حسابكم في قادم الايام...
برافو ريكاردو...وبرافو...فوزي المرضي...وبرافو...لكل اللاعبين
| |
|
|
|
|
|
|
|
|
|
Re: الهلال البطل اقوى فريق في افريقيا ...انا مريخابي متعصب (Re: nazar hussien)
|
كلام نزار حسين يوم الاهلى
أسياد البلد والعرضة شيتا هيلنا
حتي لبسنا سويناهو زي لون نيلنا
ما شفتونا يوم الحضري اكلو نجيلنا
وابوتريكة بصق التوبة عند تسجيلنا
بلحيل حضرتها يا ابو قوتة ومن المقصورة...ولا هسي ما شفت قون كرنقو..
شفت ...الحضري منبرش وبس...وشميت ريحة حريق العمم...
ديك كان اسمها ذات القنابل..( وبكون المصري قال: يا خبر اسويد)
انا غايتو مكتفي لا سنة 2020 كان الله مدّ في الاجل...تاني الهلال دا كان
غلبوه عشرين صفر...حا يبقي ياهو الهلال بتاع التلاتة ورقصة العرضة..
يا رجل كمية الفرح الفرحوها السودانيين...هلالابهم علي مريخابهم
يشهد الله في الاستقلال ما فرحوها...
عااااادي تمشي السوق الشعبي تلقي محلات توزع في بيبسي وشالات وعمم
وعااااااااااادي تمشي مطعم وتأكل علي حساب الحضري...
وعاااااااااادي يجيك كيس لحم...
| |
|
|
|
|
|
|
|
|
|
Re: الهلال البطل اقوى فريق في افريقيا ...انا مريخابي متعصب (Re: Mohammed Ibrahim Othman)
|
السلام عليكم ورحمة الله وبركاته
يا جماعة اخوكم هلالابي لكن ما عارف كيف يكون فريق بلدي (المريخ) لاعب مع فريق
اجنبي واقوم اشجع الفريق الأجنبي - ما بتجي صاح؟
سوف أشجع المريخ متى ماكان لاعباً في البطولات الخارجية
وحينما ينصر ويقول المذيع في قناة البي بي سي انتصر فريق المريخ _السوداني)
بتكون نشوة عجيبة امام الاجانب الباقين خصوصاً في مجال العمل.
التحية لكل شباب هلال الملايين ومريخ السودان
وإلى الأمام لرفع اسم السودان عالياً عالياً عالياً جداً في سماء أفريقيا والعالم.
أبوفتحية
| |
|
|
|
|
|
|
| |
Mohammed Ibrahim Othman
عمار يس النور
nazar hussien
abuguta
شهاب الفاتح عثمان
Elawad Eltayeb
عبدالكريم الامين احمد
نيازي عبدالله مرحوم احمد
الصادق صديق سلمان
فيس بوك
تويتر
انستقرام
يوتيوب
بنتيريست