|
|
 Re: بعد فشل تُكُلنا الرمضاني :بوست الخبيز و كحك العيد يناديكم (Re: Raja)
|
بت حلال يا لنا
تصدقي فكرتا اعمل بوست للخبايز
بعنوان (اها يا لنا ركن الخبايز كيف)
لكن زي ما قلتي
لما لقيتك حردانة انا ذاتي حردت البوست
وكنت حأحرد خبيز العيد ذاتو في بيتي
الا بركة اللحقتيني 
المهم يا ستي عندي وصفة كعك جميلة جدا وساهلة
تعمليهو بسرعععععععععة زي الكيكة
وهاك قولي واحد
كعك شوشو
2 كوب كبير سمن (او واحد سمن وواحد زيت للما بيحبوا السمن)
1 كوب حليب (سائل)
ملعقة كبيرة مسطحة خميرة
ملعقة كبيرة كافور مطحون (دة مهم شديد وموجود في العطارات للناس الفي الخليج)
ملعقة كبيرة مسطحة باكنج باودر
ذرة ملح
ملعقتين سمسم (دة طبعا حسب الرغبة لكن الكعك الذ بيهو)
السمن والحليب مع بعض بعدين نضيف كل الباقي
بعدين الدقيق شوية شوية لغاية ما تكون عجينة معقولة للقطع
وما تكون قوية شديد
تقطع وتدخل الفرن ليستوي من اسفل بالاول وبعدين الشعلة الفوق دقايق للون فقط
عاد يا لنا شدي حيلك ما معقول نطلع فاشلين في رمضان والعيد الاتنين
| |
 
|
|
|
|
lana mahdi
د.محمد حسن
Raja
..
Shayma
فيس بوك
تويتر
انستقرام
يوتيوب
بنتيريست