بعيوات (المسالمه) .. بدون زعل مباراة وديه للأحتكاك .. ممكن ؟؟

بعيوات (المسالمه) .. بدون زعل مباراة وديه للأحتكاك .. ممكن ؟؟
لى فى المسالمه غزال .. (ناكر) بغنى عليهو .. معقول أقدر اخليكم .. دى معقوله دى وانتم اسباب سعادتى وفرحتى .. يا نورى يا .. يا نارى يا .. والمسالمه اول مدرسة تعلمت فيها حرفا .. وقيها صفوة الفن والجمال والطرب. فيها المرحوم ابراهيم عوض .. وفيها المرحوم (ميرغنى المامون وأحمد حسن حمعه) ماهو عارف (قدمو المفارق) أو ماعارف ليه.. دائما (مقرونين) مع بعض وما ممكن (تفرزهم يا دى جانقو) .. حتى انه قيل بأن احد التلاميذ غضب من زميله من ابناء (ميرغنى المأمون) فكتب على حائط المدرسه (منعول ابو ميرغنى المأمون وأحمد حسن جمعه) .. ودائما بيتكتب اسم (ميرغنى) فى الأول زى (الهلال والمريخ) حتى المرحوم (شاخور) ذاتو لو قالو ليهو انكلم عن (الهلال والمريخ) برضو ح يقولوها (الهلال والمريخ) مع ده كلو .. (البعيوات) اليومين ديل عندهم (عكلتة) فى (الزعامه) و(السيادة) و(حايمين) ليهم بفطعة (دلقان) والزعامه عمرها ما كانت (بالدلقان) والمرحوم (ابو العائله) لو كان حى وموجود كان (قطعها) ليهم فى رأسهم .. (الزعامه) جابوها ناس (زرقان) وود رجب والأمير/ صديق منزول، وناس عامر بشير فوراوى الكان (سكرتير للهلال والمريخ) فى وقت واحد .. وسامى المريخابى .. جار الجماعه ديل بس ناكر.. وخلى يمشى يسال العقيد (م) صديق عبادى (رئيس اتحاد العاب القوى) عن هذه المعلومه (القويه).. فعامر بشير فوراى (خالو)!! والمسالمه فيها .. عبدالرحمن الريح وفيها سيد عبدالعزيز وفيها عبيد عبدالرحمن (رحله فى طياره).. وفيها (الجابرى) .. (حدى يشعر بالسعاده ويمشى يختار البعاد) .. وفيها (خضر الحاوى) الذى قدم عروضه فى جميع مدارس أم درمان وفيها ابنه (عبداللطيف) .. و(أدينى رضاك قدامى سفر) .. وفيها (الفاتح قميحه) وفيها (عم) حمد (مفتش المدارس الأوليه) كان لمن يقعد فى الكرسى قدام باب الفصل ويتابع الأستاذ يقدم حصه تشعر بأن الأستاذ (عرق وجف).. زى عرق (سليمان عبدالقادر) و(كاوندا) لمن يجيهم يقدل ماشى بالكوره (غزال كسلا) محمد حسين كسلا، ما عارف لو كان (غزال المسالمه) الغنى عليهو الشاعر كان حصل شنو!! قلنا مباراة وديه يعنى ما فيها (فرتيق حافلن) أو (فرتيق كوره بالكنب) ودى اول حادثه (لفرتقة مباراة) كانت فى دار الرياضة بأم درمان وكالعاده بطلها ( بعيو المسالمه)!! وما زى (فرتقة) سليمان (الشينه) أو (فرتقة) زيكو الأكثر (شنا)!! معقول (زعيم) يعمل حاجه (كاكا) زى دى ؟؟ مباراة ودية .. ما زى (شلاقة) البعيو العايز ينافس فى الزعامه و(الهلال) لا زال يواصل تحقيق الأنتصارات على (ملعبه) حتى انها وصلت 95 مباراة حسب مقياس (ريختر) وده ( حالتو) ريكاردو (يشكو) من سوء الملعب .. اظنو (البرازيلى) ده ناوى ليهو على نية سوداء وشينه .. عشان كده عايز الملعب زى بتاع (ويمبلى) وحبيبنا ما هو عارف قدمو المفارق وانه لو فعلا رحل للأهلى وهذا شرف كبير لنا من حقنا أن نفخر به، فمتى فكر الأهلى فى مدرب من مدربين (البعيو)؟ ما طوالى وبعد كل هزيمه يوجه المدرب وجهه نحو (قبلة) لا نرضاها له!! المهم انه لو (ريكاردو) أصبح (مرتحل) زى طائر (بازرعه) ماح يصدق انه (الأهلى) زعيم افريقيا كلها وثالث نادى فى العالم ما عندو حتى أستاد فى مستوى (زريبة العبش) و(البعيوات) الجدد .. بشتمو زريبة العيش لأنهم ما عارفين جزء كبير من تاريخ المريخ (مبنى) من هذا (العيش) ومن تلك (الزريبه) زى الزول (البشتم مدرسه) وابوهو شغال فيها (فراش)!! اها المرحوم (شاخور) يا (بعيوات) آخر الزمن .. الأشترى ليكم (ماجد) ودفع دم قلبو فى اى لاعب لعب للمريخ كان (فراش) فى زريبة العيش .. المشكله نحنا (نلعب) ولا ندرس .. ولا (ندرش)؟ نعود (لشلاقة) البعيوات .. وهم معترفين بأنهم (شلقين) مشوا براهم (هبشوا) وما خلو (للأهلى المصرى) حاجه .. شئ تحنيس .. وشئ عزومات .. وشئ عربات .. وشئ (كنجالات) والغريبه انهم وسطوا (مصطفى يونس) اصلهم بموتوا فى اى زول بموت فى الهلال .. لأنه (مصطفى يونس) .. صاحب (الخطيب) شدييييد .. المهم فى الأمر(البعيوات) عايزين ايه؟؟ قالوا عايزين يلعبوا مباراة وديه بمناسبة احتفالات (الكاف) وما عارف علاقتهم (بالكاف) شنو والأحتفال بيهو (الهلال هل).. (والكاف) زعل ناس .. و(مرض الناس مرض) و(حته قرض) واختار وصنف (الزعيم) افضل ناد سودانى منذ انطلاقة منافساته فى عام 1964 وحتى اليوم .. واختار (جكسا) افضل لاعب سودانى .. (نحنا ساكت) ما عارفين (مقامنا) و(مكانتنا) و(وين عيونك مننا) .. ندخل فى جدل (بيزنطى) مع (الوصفاء) منذ أن (خلقهم الله)!! الأهلى زعيم مصر .. (الظاهر) فى زول (عكليت) .. قال ليهو الناس ديل مشركين ليكم بى كاس .. لأنهم عندهم (عقده) أسمها كأسات .. وديل ناس (فصيحيين لسان وقليليين احسان) هسه (بالحظ) بى (درمه) .. (بالبونيه) .. (بالشلوت) .. زى ما عملو مع الأسماعيلى فى المباراة والوديه و(الأشانتى) .. بى (تصريجه) من (الزومه) الزعلان من روحو .. اول مرة اشوف لى لاعب كوره زعلان من روحو .. يشيلو الكاس .. يقومو يملوا الدنيا (زيطه وزمبريطه) .. وأنهم غلبوا زعيم افريقيا عشان كده هم احسن منو .. وانهم هزموا ثالث العالم، عشان كده هم (اول العالم) فى السماوات والأرض ..!! ديل ما بعرفو حاجه اسمها (لكل مقام مقال)!! قاموا ناس الأهلى (التفتيحه) .. قالو ليهم (قاعدين ليه ما تقوموا تروحوا)!! اها الجماعه (لموا كرورهم) .. ومشو براهم هبشو و جابوا ليهم (كوتشينه) رويال بلاستيك اصلى 100% ما (تايوانى) مضروبه .. هسه فى زول جاب سيرة (ديوب) ولا (تانا)؟؟ وقبلوا على افريقيا بلد (دى روكبا) واريتها (دى) ما كانت (ركبه) .. دى كانت (فقره) عديل .. السيف ما يدليها .. وقاموا الجماعه اخدوا (سييييييييك) عديل فى قبولهم أقصد جوه (أستادهم) ومرتين .. اها تانى رجعوا (للخرخره) وسرقة الزعامه وقالوا لا الهلال ما فاز فى 95 مباراة ما برضو انهزم من الأسماعيلى فى مباراة وديه !!! اجى (يا برى) .. ما اقصد (برى قيت) .. مباراة فيها كاس قدر (الضربه) .. وكاس (شرك) كيفن تبقى (وديه) ؟؟ طيب ليه كاس (دبى) ما كان وديه .. وليه كاس (الشارقه) ما كان وديه .. هم ناس (السييك) ديل ما بركبو طيارات .. ولا ما عندهم (رشاشت) ببقوا ليهم فى (حلقهم)؟؟ الهلال يا (بعيوات) آخر الزمن اقصد (الزعيم) .. (سيد البلد) .. (صاحب المقام الرفيع).. عارف (عزو) ودى مباريات وديه .. اعداديه من اجل (الأحتكاك) زى (احتكاكى) معاكم ده .. هسه ده لو دورى معقول ما اجيب فيهو سيرة (العجب) أو(زولى) التانى البريدو شديد لأنه بحب الهلال زى تمام وامكن أكتر .. لكنه ناكر .. ولو ما بحب (الهلال) ما كان بحب (الأرباب) ولا كيف ؟؟ ده بره وده بره ؟؟ المهم هل (الهلال) مشى جاب ليهو كاس .. وقال ده (كاس محمول جوا) من (نجيلة) الرد كسر.. عابرا الفيافى والمحيطات والمطارات حتى (يرك) فى مقصورة (الرد كسر)، برضو؟؟ شفتو البعيوات ديل .. بحبو(المحموله جوا) دى لى ياتو درجه .. ودى براها قصة .. لكن ما عارف (طياره) ده برضو متين ح (يحمل جوا) .. اول مرة اشوف لى لاعب كلما لعب فى السودان يكون نجم المباراة و(يجضمها) وبعد 3 ايام فقط واول ما تدور الطياره تمسكو (أم هل هلا) و(الملاريا أم برد) و(لوزات) .. (ووجع اضنين) تقول الود أسمه (هيثم) ولا (حماده)، لكن ما مشكله برضو يكسر فيهو (أسهال) ويبقى اشد الناس مرضا فى السودان .. يا ريتو لو حضر زمن المرحوم (ابوالعائله) .. كان (الشلوت) دخلو تحت (عربية) هلمان موديل 62 بغسل فيها واحد (مسكين) من (المهمشين) .. همو كلو متين يكمل الغسيل عشان يلحق يشجع (المريخ) ضد (المورده) والمسكين ما كان عارف انه (المورده) جابت ليها (مصيبه) اسمو (صالح مادونا) واللللليله (جونا) .. (ياالبعيو) .. (صالح) ده قالو (حكايتو حكايه).. الشافو قالوا (بخلى) الكوره وبقعد (يرقص) .. ةوده نوع اللاعب (الدايرنو ليكم من زمان) .. رقصه منو ومع قولة (واااااى) .. عينك ما تشوف الا النور!! نواصل فى هذه المباراة (التكتيكيه) الوديه (الأعداديه) من أجل (الأحتكاك) .. و(فك العضلات) والتى لا تخلو من مفاجاءات .. ابقوا معنا !!!! تخريمه باللون الأحمر:- انا متأكد اول واحد ح يقرأ الكلام ده هو (نادر المرضى) حدى (يشعر بالسعاده ويمشى يختار البعاد)؟؟ (عدل بواسطة تاج السر حسن on 09-30-2007, 01:42 PM)

09-30-2007, 01:15 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
حتى اعود لهذا البوست عايز (البعيوات) وبى امانه يجيبوا على هذه الأسئله:- باعتبارك مريخابى وكده :- مكان الميلاد ؟ مكان الأقامه الحاليه ؟ متى بدأت تشجيع المريخ ؟ من هو اول نجم مريخى لفت نظرك؟ من هو اللاعب المفضل عندك فى المريخ على نحو عام؟ من هو لاعبك المفضل حاليا؟ : وده ح اجاوب عليه بدلا عن الجميع (العجب) من هو الأدارى المفضل عندك: برضو حا اجاوب واوضوح السبب لاحقا : جمال الوالى _____________ تخريمه:- (البعيو) الما بجاوب يتحمل وزره بيده لأننا ح نجاوب ليهو نحنا!!

09-30-2007, 03:26 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
نواصل فى هذه المباراة الوديه من أجل الأحتكاك (وفك) العضلات. كنت واثق لأسباب عديده انه لن يتجرأ اى (يعيو) من الأجابه على الأسئله المطروحه .. لأنها محرجه .. وسوف نكشف السبب لاحقا !!!! لكن دعونا نتحدث عن (الزعامه) التى يسعون لسرقتها!! قلنا من قبل : نعترف أن المريخ بأسمه (المريخ) لا (قوارير فكتوريا) أو (الأهلى )أو (النحمه) أو (العمده) قد تأسس فى عام 1927 بينما تاسس نادى الهلال فى عام 1930، لكننا واصلنا وسالنا: هل (الزعامه) تحدد بالعمر وتاريخ الميلاد؟؟ يعنى هسه لو فى واحد بكر و(ريالتو) سايله .. بخلو يكون (زعيم) بيتو ؟؟ بل ذهبنا الى ابعد من ذلك وقلنا أن عمر الحضرى فى الملاعب المصريه ربما كان بقدر عدد سنين عمر (ابوتريكه)، فمن هو الزعيم فى الأهلى الآن ؟؟ انه (أبو تريكه) .. دون شك وبدون منافس!! ولهذا فأن (تيم الأفنديه) الذى تاسس فى عام 1930 من النخبة التى اسست نادى الخريجين هو (زعيم) السودان الأوحد و(سيد البلد) وبدون اى منازع!! لكن دعونا نرى (الجا يكحلها فعماها) .. ماذا قال ؟؟

09-30-2007, 06:21 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
ولا زالت المباراة وديه .. (بث) شوية مناظر من مباراة (الأشانتى) :- زعيم الأفك والضلال فى الأعلام المريخى كتب مرة معلومات مضحكه توضح عدم معرفته بالمريح وتاريخو .. بل توضح حداثة صلته بالمريخ !! قال ايه ؟؟ قال التاريخ المسجل لتاسيس المريخ وهو 1927 ما عاجبو ويجب اعتماد أسمه حينما كان (المسالمه) !! بالله شفتو غباء وجهل أكثر من هذا ؟؟ خلونى (اجضمو) ليكم شويه !! طيب ليه ما نعتمد أسم الأهلى أو النجمه أو العمده وفى الحاله دى كان عشعار المريخ يكون زول عندو شنب كبير وعصايه فوق الكتف؟؟ بدلا من هذا كله لماذا لا نعتمد (قوارير الملكه فكتوريا) .. ليه المسالمه براها؟؟ طيب نجى لموضوع المسالمه. اندية العاصمه المثله فيها كم فريق باسم احياء:- - ابو سعد - ابوروف - بيت المال - شمبات العباسيه - المهديه - ام بده - القوز - التعايشه - توتى - الرميله - الشجره - حى العرب دى كلها اسماء احياء .. كلها لم تنجح ولم تقوى على المواصله وأفضل فريق فيها فى الدرجة الأولى، فهل كانت المسالمه سوف تستمر بنفس قوة المريخ ونكهته رغم وصافته الدائمه؟ طبعا (البعيوات) الجدد لا يفهمون كيف أن المريخ وصيفا وهو حاصل على كاس محموله جوا اسمها كاس مانديلا أو كاس الكوؤس الأفريقيه !! سؤال أكتر من وجيه !! لكن الرد عند ناس (سيدا) موجود !! ماذا يسمى من حصل على كاس فى بطولة (وصيفه) غير انه (زعيم الوصفاء)!!

09-30-2007, 06:35 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
لحد هسه نقدر نقول حملة الأنتقام (الدفترداريه) والقصاص من اعلام الأفك والضلال المريخى وزمرته قد أتت اكلها وحققت اهدافها وعادت طائراتنا الى قواعدها سالمه!! بعد كده عزيزى القارئ نقدر نضر (البعيوات) بى مزاج ونقدر نطرح افكارنا بعد أن ضمنا عدم التشويش من اعلام الأفك والضلال المريخى وطغمته الفاسده. وشدوا حالكم !! انا غير القارئ خارج المنبر ده ما عندى هدف تب مع احترامى لجميع الهلالاب والمريخاب الشرفاء لا (المريخاب) الجدد أو (بعيوات) المسالمه و(قوارير) الملكه (فكتوريا)!!

09-30-2007, 06:52 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
بعيوات المسالمه .. أو (قوارير) الملكه فكتوريا !! لأنهم اجبروا على المحاوره بأدب ، بالمنطق وبالحجه .. وبالضربه الوقائيه أو أن يكفونا شر مداخلاتهم المشوشه. المسيئه الخارجه عن حدود الأدب واللياقه، كعادتهم كذبوا وادعوا ان صوت الحق يشتمهم ويسخر من (بعيوهم) .. نعم اعترف أسخر من (البعيو) لأنه (مسخره) ووصيف ابدى حاولو أن يمنحوه زعامة بالوهم .. حاشى الله ..فانا لا الجا للأساءة لأن المنطق والحجه نملك ناصيتها لم يحدث أن شتمت اى عضو الا اذا اصر على الأساءة والأستفزاز والخروج عن الأدب !! هذا دأبهم مثلما يسعون لسرقة الزعامه من سيد البلد (بدلقان) سعوا لترويج الكذب والأفك ضد (صوت الحق) !! خاب مسعاهم فهذا القلم لا يهدف الا مخاطبة القارئ الكريم وتوعيته وتثقيفه وأكثر من استفاد من هذا التثقيف هم (البعيوات) الشرفاء فى منابر (البعيوات) نفسها!! سوف نستعرض ما يكتبه (الشرفاء) هناك .. فابقوا معنا.

09-30-2007, 10:33 PM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
معلومه مهمه:- أنهزم الهلال وحده .. وليس السودان !!!!!! _________ نحن نعلم أن بعيوات المسالمه هم افضل من يحصل على نتائج المباريات خارج المستطيل الأخضر .. وهم افضل من يحصل على كاسات (الشماته) المحموله جوا !! فهنئا لهم اليوم حصلوا على كاس جديده!!

10-01-2007, 10:40 AM

تاج السر حسن

تاريخ التسجيل: 03-23-2004
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
يا اخوانا (البعيوات) ما لهم ما عايزين يكشفو عن هويتهم !! اتضح انه الموضوع ما مقاطعه وبطيخ. اها انا ح ابدا ليكم سامى المريخابى: مكان الميلاد أم درمان وليد المبارك : مكان الميلاد أم درمان عايزين باقى المعلومات طبعا قلنا افضل لاعب بالأجماع : العجب وأفضل ادارى : الوالى (طوالى)!!

10-01-2007, 10:53 AM

سامى عبد الوهاب مكى

سامى عبد الوهاب مكى
تاريخ التسجيل: 01-06-2005
مجموع المشاركات: 4971

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: بعيوات (المسالمه) .. بدون زعل مباراة وديه للأحتكاك .. ممكن ؟؟ (Re: تاج السر حسن)
المجد المجد المجد المجد للمريخ والهوبا للتشليـــــــح!! تاج السر اخير القون ابهوبا ولا الشوتا البي هبوبا؟؟؟

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]