كتب الكاتب الفاتح جبرا المتوفرة بمعرض الدوحة
|
|
 تراجي، العبيد، جني، بشاشا ودينق الهامش والجلابة حتضيعوا البلد بالطريقة دي
|
منذ فترة انتشرت كتابات هنا وهناك على هذا المنبر للاسف كلها عنصرية وتدعو بقصد او من دون قصد لتفتيت السودان وتمزيقه اربا اربا وهو هدف النظام الحاكم الذي يريد اقامة امارته الظلامية برئاسة امير المؤمنين ومعاونة قادته من جيوش الفتح الذين لا يرون في البلد الا مشروع حاكم ورعية ان اطاعوا الحاكم اطاعوا الله وان لم يطيعوه فقد خرجوا وحق عليهم القتل.
اولا لفظ الجلابة لفظ مرفوض جملة وتفصيلا فهل النظام الحاكم في السودان هو نظام حكم الجلابة؟ اللهم الا اذا كانت الجلابة تعنى الشايقية والجعليين فاين بقية عرب السودان؟ يعنى مثلا انا بطحاني وقبيلتي مضهدة اكتر من قبائل ليها 28% من حكم الشمال و100% من حكم الجنوب وروحنا طالعة فهل يجب ضمنا الى صفوف هؤلاء الجلابة؟ المناصير مثلا فرقهم شنو من ناس دارفور فهل ديل برضه جلابة؟ الاحامدة وبقية القبائل العربية المهمشمة والمظلومة فلا اصحاب الدم الملكي الازرق الحاكمين الخرطوم معترفين بيها ولا ناس الهامش رضيانين عليها نمشى وين يعني؟ نطير؟
بعدين تعالوا ناس كبر وهارون ديل جلابة؟ لام اكول جلابي؟ مناوى جلابي؟ خليكم حقانيين ولنتفق ان المشكلة ليست قبلية بل هى مشكلة سياسية استخدمت فيها القبيلة والعرق والجنس اسوا استغلال في الوقت الذي كان فيه سابقا دور القبيلة وشيوخها ونظاراها وشرتاياتها ورثوثها هو دور الاطفائي وهو الدور الجامع وهو دور العقل وحكم الجودية ودور الوحدة حتى خرج به البعض عن هذا السياق الى دور عنصري مقيت هدفه زعزعة فهدم فبقاء السلطة في اليد حتي لو تكسر البلد كله.
ولعلم ناس الهامش فان الحكومة الان تعبى الناس بصفتهم عرب وغير عرب وانهم اذا ذهبوا فان ناس الهامش حيسوا فينا ما لم يفعله ناس تنزانيا في عرب زنجبار وصراحة بدوا يكسبوا اصوات الجهلة والحاقدين والعنصريين الاصلهم قبيل جاهزين لمثل هذه الدعوة.
من الجانب الاخر في واحدين وصراحة نقولها يعتبروا ان ناس دارفور عبيد ومافي ابادة ودي كلها وهمات، اما الجنوبيين فهم اس الشر وهم الغنم والبهائم وهم العملاء والى ما اخره من صفات، وهذا ظلم وافتراء فاهل دارفور لم يحرقوا بيوتهم ولم يذهبوا الى المخيمات ترفا واستجماما او لقضاء فترة نقاهة ولم يتساجروا اليوشنات لقصف بيوتهم وابادة شعبهم ولم تكن مشكلتهم يوما في المراعي وناس الجنوب ما اظن حاربوا 21 سنة مزاج كدا ساكت او لله في الله وكفاهم ما اصابهم في فترة بداية التسعينات على يد الشهداء والدبابين ومعاهم ناس ساحات الفداء من نعوت كالصليبية والخوارج والمتمردين والكفرة وما ادراك من صفات ونعوت.
مشكلة السودان مشكلة سياسية نرجو الا يتم حرفها الى مشكلة قبلية وطائفية وعنصرية فالاحزاب الوطنية السودانية كالاتحادي والامة والشيوعى في قياداتها خليط من كل ابناء السودان وهى نماذج لما يجب ان يكون عليه حزب المستقبل في السودان.
الاتفاق السياسي ولياتي من ينفذه فقط سواء كان شمالى جنوبي فوراوي بجا شيطان ابليس بس يكون سوداني وسوداني فقط عنده جزمة الجنوبي فوق رقبة الشمالي اذا كان له الحق عليه وعنده مركوب الشمالى فوق راس الجنوبي اذا كان الحق عليه، ان كان شماليا يثق فيه الجنوبي قبل الشمالي وان كان فوراوي يثق فيه زول البطانة قبل ود عمه الساكن في الفاشر.
تعالوا الى كلمة سوا نحن سودانيين وبس العنده قبيلة وعند عقيدة وعنده راي يلمه لنفسه او يشوف حزب يميني ويمش ينلم عليه وخلينا نشوف هو وحزبه اليميني حيجيبوا كم صوت في اي انتخابات. الحل انضمام الناس في احزاب سودانية ذات برنامج سياسية هدفها الاصلاح وليس في احزاب جهوية طائفية عنصرية هدفها جنسي وقبيلتي وجلابي وهامش.
القبلان الكلام دا من جانب ناس السودان العربي اهلا وسهلا اما الرافضه فليورينا البديل ولياخذ لنا العبرة من العراق ومحافاظاته السنية التى استقبلت كل من هب ودب من العربان بحجة التحرير من الامريكان والشيعة فاكتشفوا بعد فوات الاوان انهم استبدلوا احتلال باحتلال وانهم باعوا الاخ في الوطن بالامير والارهابي عابر الحدود ويا دوب فتحوا وعرفوا انه الله حق لكن بعد ما تشرد منهم قريب الاربعة مليون فهل نحن محتاجين لكوم الخسائر هذا حتى نعي ونعقل؟
وناس الهامش الذين يظنون انه يمكنهم استلام الحكم وعزل الجلابة والانتقام باثر رجعي فاننا نقول لهم الانقاذ ليست دولة الجلابة كما لم يكن نظام صدام نظام السنة وفي النموذج العراقي خير مثال لما يمكن ان يصير اليه حالنا لا قدر الله فمن منكم مستعد لحكم منطقة خضراء في الوقت الذي نسمع فيه بسقوط قذائف المورتر والدانات على الوحدة وجبرونا والذبح والاختطاف والقتل حتى ينجبروا على الجلوس مع الجلابة تماما كما يفعل المالكى الان مع السنة (جلابة العراق)
بالله ريحونا ووفروا علينا الزمن والمشقة وكفى الخلاف النحن فيه وعايزين نربى اولادنا و عايزنهم يعيشوا مستقبلهم في سودان واحد ديموقراطي مستقل يصةن كرامتهم وكفاية تضحياتنا نحن الاتشرد فينا من شرد وقتل فينا من قتل وهجر فينا من هجر .
والله من وراء القصد.
|
|
 
|
|
|
|
|
|
|
 Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: محمد عمر الفكي)
|
محمد عمر رمضان كريم
فطرت وشبعته زظبت قهوتك واتفكيت فينا.
انا وحياتك مصدعه وخرمانه لقهوة تهبشني اكتب لك كلام عجب.
يا محمد عمر لو الناس كلها زيك
كان السودان بخير,لكن....الناس ما كلها زيك.
امشي تابع بوست دوت مجاك عن فظائع الحرب الجبنوب عشان تخجل من نفسك انه اسمنا سودانين
وكلهذه الفظائع ارتكتب من حكوماتنا,وبكره بجوكم ناس المخيمات الاصلين
مش ناس تراجي ومحمد سليمان وحيكتبوا العجب برضو
فكيف تقول نحن العايزين نودي البلد في داهيه
من الذي يقوم بالفعل فعلا نحن ام هم؟؟؟؟
وبجيك بعد الفطرو لو مد الله في الاعمار
خلين اشوف دشمان ود العبيد حسه.
تحياتي.
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: Tragie Mustafa)
|
تراجي كيفك
مشكلتك كبيرة مع الناس البيفطروا قدامك ديل الواحد شبعان ورويان ويجي يفور دمكم انتوااللسه بينكم وبين الفطور كم ساعة.
انا ما قليت انكم ضيعتوا البلد او وديتهوا في داهية انما قصدت اسلوب الطرح الذي تستخدموه هو الذي سيؤدي الى الضياع والداهيةز
انتم الطبقة المثقفة الواعية المستنيرة لما تتعاملوا بهذا السلوب وهذه المصطلحات فماذا تتوقعون من المواطن البسيط المحسوب عليكم او المحسوب على الطرف الاخر غير شيل بندقيته او سيفه او سكينه في وجه اخيه؟
ناس الحكومة نحن عافيين منهم لوجه الله تعالى وما عليهم ملامة فدا برنامجهم من يوم الله ما ابتلانا بيهم اما انه نحن نباريهم ونباري الخال واسحق فهذا مرفوض وهو استدراج خبيث يرعوا فيه وكله يصب في النهاية لصالح المشروع الحضاري الذي لا يهمه اين يقام بل كيف يقام اين دي ما مشكلة انشاء الله في اوضة بالايجار تكفي للمنظر عشان يكتب مقالاته المسمومة وتكفي للشيطان اب وش قبيح داك عشان يستلهم من مفرداته ما يخاطب به غرائز الجهلة والتكفيريين واصحاب السوابق وحالمي الامارات كما تكفي لمعتوه غريب بتصنيع متفجراته.
دا سوداننا الجديد العايزنه؟ مؤكد لا ويجب ان نعمل كلنا على تجنب هذا السيناريو ولا نساهم فيه بقصد او بدون قصد.
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: Tragie Mustafa)
|
الأخ محمد عمر الفكي
لك التحية و الإحترام
دائما الحروب الكبيرة تبدأ صغيرة ...
فالحرب العالمية الأولي بدات بمقتل شخص واحد .. الملك ( أو امير ) فرديناند .
عادة قبل إطلاق الطلقة الأولي يكون للمتحاربين خيار الإتفاق و تفادي فظائع الحرب .
و لكن بعد الرصاصة الأولي يفقد كلا الفريقين المقدرة علي السيطرة علي مجريات الامور و لا يدري أي منها متي و كيف ستنتهي الحرب .
مشكلة السودان أن هناك كثير من المرارت و التظلمات تراكمت عبر الزمن و تعمقت بفعل القتل و الحروب .
لقد وصل السودان الي نقطة اللاعودة .... إذ لا يمكن بإنهاء الخلافات بإرجاع عقارب الساعة الي الوراء ...
الخلافات و النزاعات التي بدأت بمطالب بسيطة و واضحة للأخوة الجنوبيين و التي كانت أقصاها الحكم الفدرالي .... اليوم أصبح الحديث عن الإنفصال و نشوء دولة للجنوب مستقلة ... أصبح هذا الحديث من المسلمات .
قضية دارفور التي بدأت بمطالب بسيطة من المشاركة المنصفة في الحكم و القسمة العادلة في الثروة ... باتت الآن تهدد كيان دولة السودان كله ... و أمر دخول قوات دولية و كل ما يتبعها من فقدان كامل للسيادة الوطنية و إعادة حكم الوصاية الأممية بات من حكم الواقع .
من نلوم في كل هذا ؟؟؟
بالطبع سيكون إختزالا مضحكا لو وضعنا اللوم علي كتابات بشاشا و تراجي و دينق ...
الأمر إنفلت من التحكم و خرج من السيطرة من يوم تراخي الجميع و ظنوا أن ما يحدث في الأطراف سوف لن يجد طريقه الي قلب الوطن .
مجريات الأحداث اليوم ليست كمياه تجري في ماسورة يمكن وقفها بقفل الصنبور .
الذي يجري بالسودان هو حريق هائل خرج عن السيطرة و سيتأثر به الجميع ..... و الأمر الآن هو ليس في تجنبه و لكن في كيفية الخروج منه بأقل الخسائر الممكنة .
الآن لأننا تجاهلنا أسباب الورم الخبيث ينمو في جسم الوطن ... علينا أن نتحمل آلام عملية جراحية لإستئصال هذا الورم ... أو سيموت رجل أفريقيا المريض علي طاولة العمليات .
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: عصام علي أحمد)
|
دحين التوفيل لسع ما جاك ...
لا أقصد اللوتري ...
في واحد قدمنا ليه وما جايب للدنيا خبر وكل مرة شابكنا ليك
التوفيل ما جاء...
تصدق جاهو التوفيل والآن متأمرك ومتوفل ... هناك ونسى إسمه وتخلص من عذابات سخريتنا له
===============
بس لا ضير فيمن يرى أنه عربي أن يكون عربياً...
ليس العيب في أن تنظر لنفسك انك عربياً
ولكن العيب أن ترى أنك متفوق عرقياً على الآخرون ...
سوى رأيت أنك عربياً أو أفريقياً...
بالطبع نحن سودانيون يجب أن تكون في المقام الأول
سودانيون لا غير...
لكن يجب ان نتحرك وننهض لنستغل مواردنا بصورة جيدة جداً بدلاً من الجلوس والبكاء والنحيب والعويل ....
والظهور بشكل الضحية دائما. كما أن تهذيب النفوس والتوعية من أجل إحترام الآخر واجب كبير يقع على عاتقنا
درءاً للفتن من أجل مصلحة الوطن وحقنا لأي إتجاه لكره الآخر.
أما العرب مسألتهم بسيطة نحاول ان نفهم ذهنيتهم وأن نفرق بينهم، فليس كل العرب عنصريون او أعداء لنا ....
فهنالك منهم من يود مد يد الأخوة ومستعد للتعاون معنا والتعامل معنا، وخير مثال على ذلك أن الكثير من....
الدول العربية تأوى الملايين من ابناء بلادي " السودان" .... يعني ذلك أنهم عمقنا الاستراتيجي ولا نقبل فقدانهم سياسياً
و بالطبع هنالك العنصري منهم من يرى أننا لا نستحق عروبة تجاه مسألة انضمامنا للجامعة العربية وهناك الأحباء منهم
الذي يتصرف بشكل جدي نحوها....
واهلنا الكبار ورونا "الدار قبل الجار"
فنحن من أجل الجيرة عرب وافارقة ومسلمون ومسيحيون واصحاب ديانات أخرى وفوق ذلك سودانيون
يلا ياأخوانا يجب علينا أن نكون الكل ونترفع عن الصغائر ....
وفوق ذلك نحن سودانيون ....
والسلام عليكم ورحمة الله ..
ورمضان كريم ...
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: othman mohmmadien)
|
الاخ محمد عمر
تحية طيبة
أرى انك تنطح فى الصخر ، فحمد سليمان وتراجى ومن لف لفهم لهم أجندة خفية وإستطاعوا أن يصرفوا نظر السودانيين
كلهم من قضية التخلص من الانقاذ وأعلنوها حربا ضد اولاد البحر لتكون المهمة صعبة فى التخلص من الانقاذ
لانهم قاعدين ينفذوا أجندة الإنقاذ حرفيا، شبكونا زغاوة وفور وبطيخ وحنقلع حقنا زى قلع الضرس وهكذا تهديدات فارغة
وكأن الجلابة لابسين طرح وقاعدين .
ياخوانا كفاكم تحانيس وترضية ، ولو كان أى زول فى دارفور بيفكر زى محمد سليمان و تراجى وجوغة الاوركسترا المصاحبة
فليستعد الجلابة لسن سكاكينهم لمواجهة هؤلاء الإنتقاميين ، وليكن لهم حق التصويت فى فصل دارفور من هذا الجسم
ويا دار ما دخلك شر ، لانو التعايش بالطريقة دى أصبح مستحيلا وصراحة الناس بتضيع فى الزمن لانو الانفصال حاصل حاصل
لو المثقفين الدارفوريين بيفكروا كدة وحلال عليهم دارفور ببتروله وكمان اليورانيوم وبدل ما يطالبوا بحكم فيدرالى وهلم
يشيلوا دارفورهم ده ويمشوا بلا وجع راس
ناس حايمة فى الفضاء وهم شابكننا الترجم ضربوا الهبانية والزغاوة هجموا على الفور وشيخ البرتى مشى الحج
يا خى بالله فكونا .
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: عصام علي أحمد)
|
الاخ محمد
لا اتفق معك في هذه النظرة التشاؤمية، فالسودان غني برجاله وغني بحكمائه ومؤكد مانديلا ما مات وكل ممغوص في السودان الله اعلم تكون مراراته اكبر من سكان جنوب افريقيا الذين من اجل الوطن ومن اجل بقائه غفروا وتسامحوا ولكم كان منظرا مؤثرا احتضان الجنوب الافريقي الاسود للجنوب الافريقي الابيض عند اعلان فوز بلدهم باستضافة نهائيات كاس العالم .
يعني نحن بلدنا دي كلها ما فيها اتنين زي مانديلا وفريدريك دى كليرك ولا نحن يا كافي البلاء ما بنخرج الا نوعية صمويل دو وتشارلز تايلور وعواليق رواندا وبوروندي والعراق؟
بعدين الناس يا محمد ما يفهموا الموضوع غلط وانه المقصود الناس ديل بذاتهم، لا الناس ديل مؤثرين في وسطهم وهي دعوة لهم للتوقف عن هذه الدعوات التى لن توصل الى شى والاستعاضة عنها بتبصير الناس وتنويرهم بحقيقة ان الوطن دا حق الجميع وليس فيه فضل لاحد على الاخر الا بمقدار ما يقدمه هذا الفرد لهذا الوطن، يا اخي ما نجرب نعيش اخوان، نحن قبل عشرين سنة حاجات زي دي ما بنعرفها، اقسم لك بالله انا كان في فور شغالين مع ابوي من اكتر من 25 سنة لحدي اليوم علاقتهم بيه ما انقطعت ولما يشوفوني بيبكوا لانه اتربيت معاهم ولانه صحن فطورهم هم وصاحب العمل واحد ونحن بيخلونا نقعد بعيد لحدي ما ياكل الكبير وبعدين ناكل نحنا.
هل تتوقع منى ان ادع شخصا حتى باقل الايمان ولو بقلبي ان يخرب على مثل هذه العلاقة؟ وهل تتوقع منى ان ادع شخصا يشوش على اعمامي الذين يسالون عنى في كل وقت افكارهم وان يقنعهم اننى مجرد جلابي؟
الاخ عصام
شكرا على المرور ونحن فاكرين نفسنا مافي زينا، وحقول نستغل فرصة انه العالم بينظر لنا وحل مشاكلنا لانه العالم لو ادانا ضهره حنبقي زي الفلسطينين واسواء، كم وخمسن سنة تشرد وقبل الدنيا كلها ما لقوا فيها قبلة
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: محمد عمر الفكي)
|
Quote: أرى انك تنطح فى الصخر ، فحمد سليمان وتراجى ومن لف لفهم لهم أجندة خفية وإستطاعوا أن يصرفوا نظر السودانيين
كلهم من قضية التخلص من الانقاذ وأعلنوها حربا ضد اولاد البحر لتكون المهمة صعبة فى التخلص من الانقاذ
لانهم قاعدين ينفذوا أجندة الإنقاذ حرفيا، شبكونا زغاوة وفور وبطيخ وحنقلع حقنا زى قلع الضرس وهكذا تهديدات فارغة
وكأن الجلابة لابسين طرح وقاعدين .
ياخوانا كفاكم تحانيس وترضية ، ولو كان أى زول فى دارفور بيفكر زى محمد سليمان و تراجى وجوغة الاوركسترا المصاحبة
فليستعد الجلابة لسن سكاكينهم لمواجهة هؤلاء الإنتقاميين ، وليكن لهم حق التصويت فى فصل دارفور من هذا الجسم
ويا دار ما دخلك شر ، لانو التعايش بالطريقة دى أصبح مستحيلا وصراحة الناس بتضيع فى الزمن لانو الانفصال حاصل حاصل
لو المثقفين الدارفوريين بيفكروا كدة وحلال عليهم دارفور ببتروله وكمان اليورانيوم وبدل ما يطالبوا بحكم فيدرالى وهلم
يشيلوا دارفورهم ده ويمشوا بلا وجع راس
ناس حايمة فى الفضاء وهم شابكننا الترجم ضربوا الهبانية والزغاوة هجموا على الفور وشيخ البرتى مشى الحج
يا خى بالله فكونا .
|
بالساهل كدة يا سيد ننسى وانفصال ننسى ناسنا الماتوا ونقول عفى الله عما سلف والله كلام خاتى يدك فى موية باردة انته والله ...
الحاصل فى العراق ارحم يازول البحصل فى السودان صعب
| |
|
|
|
|
|
|
|
|
|
Re: تراجي، العبيد، جني، بشاشا ودينق الهامش والجلابة حتضيعوا البلد بالطريقة دي (Re: ترهاقا)
|
الاخ جني
وين الاتهام بالعنصرية لاى واحد من المذكورين فوق؟ معاذ الله ان اتهم احدا بذلك، الناس الفوق ديل كلهم ديموقراطيون ويؤمنون بالتعددية بس يروقوا المنقة ويقتنعوا ان هناك مجال للتعايش في وطن واحد اسمه السودان مساحته مليون ميل مربع وبدل من هسي نمهد لانفصالات مريرة ليه ما نعمل كلنا من اجل ترسيخ الوحدة الحافظة لحقوق الكل،
بعدين يا جني مافي شماعة ولا يحزنون وما معقول الحصل كله يكون مسؤولية الناس الفوق ديل بس، لكن دي الطبقة المثقفة لما تدعو للانفصال وواحدين يدعو للانتقام طيب فضل شنو للمواطن البسيط غير سل السكاكين؟
بعدين يا اخي عندك تفاؤل عجيب بعد انفصال الجنوب ودارفور لا قدر الله انه يحكموك الميرغني والصادق والترابي انت قايل نفسك سعيد دارين ولا شنو؟ طيب نافع والجماعة يحكموا شنو؟ يحكموا الهوا؟ السودان قعد السودان اتفرتق الجماعة ديل قاعدين قاعدين ولو ما عاجبك امش اشرب من ابحر، والله ديل لو لقوا طريقة يحموا ليهم نفرين في صالة جلوس ويشيلوا منهم الزكاة والضرائب والعوائد والنفايات ودمغة الجريح ورسوم التراخيص والتصاديق وغرامات الحركة ما بيفارقوهم.
حسبنا الله ونعم الوكيل في سودانا الرايح بسرعة الريح.
| |
|
|
|
|
|
|
| |
محمد عمر الفكي
Tragie Mustafa
mayada kamal
Mohamed Suleiman
عصام علي أحمد
othman mohmmadien
ترهاقا
amir jabir
jini
فيس بوك
تويتر
انستقرام
يوتيوب
بنتيريست