|
شبكة راديو وتلفزيون العرب ART تقدم إعتذاراً رسميا لجمهور المريخ
|
قدمت شبكة راديو وتلفزيون العرب ART اعتذاراً رسميا لجمهور نادي المريخ على تحيز معلق مباراة المريخ والإسماعيلي بالبطولة الكونفيدرالية الصارخ للنادي المصري. وقدم الإعلامي عدنان حمد نائب رئيس القنوات الرياضية بالشبكة إعتذاره لكل محبي نادي المريخ السوداني عبر اتصال هاتفي مع الإذاعة الرياضية إف إم 104 وصرح بأن إدارة القناة لن تفوت هذه الحادثة وسوف يتم عمل تحقيق لكشف ملابسات ما تم من قبل معلق المباراة البحريني. وشدد عدنان حمد على احترام الشبكة الكامل للجماهير السودانية وأن ما تم لا يمثل سياسة القناة أو توجهاتها الساعية والرامية دوماً لتوحيد الصف العربي وتقريب وجهات النظر بين الشباب العربي عبر الرياضة . وقد تسبب تحيز معلق المباراة الصارخ للفريق المصري حالة من الاستياء الشديد في الشارع الرياضي السوداني وصلت إلى حد المطالبة بمقاطعة قنوات الشبكة.
|
|
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: Rakoba)
|
فوق ... فوق ... مريخنا ... فوق ....
العزيز راكوبه ... تحياتى لك يا أصيل و دائما فى قلب الحدث ... بالمناسبة اسم المذيع ده منو ؟ لانى سمعت جزء من تعليقو فى البوست بتاع فيصل نوبى و فعلا كان حاجه تقرف و تطمم البطن و من لهجتو اظهر عليو خليجى إكسر فى التلج عشان إرضى ( صفاء ابو السعود ) ... قناة ART AMERICA لم تبث لنا اللقاء بل نقلوا لينا مباراة ( أهلى القاهرة ) X ( اتحاد طرابلس ) ( كانت أمسخ من موية الرز ) و كالعادة عندهم مصر أولا و ثانيا و ثالثا !!!!! عبدالماجد
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: ABDELMAGID ABDELMAGID)
|
Quote: قناة ART AMERICA لم تبث لنا اللقاء بل نقلوا لينا مباراة ( أهلى القاهرة ) X ( اتحاد طرابلس ) ( كانت أمسخ من موية الرز ) و كالعادة عندهم مصر أولا و ثانيا و ثالثا !!!!! |
المباراة أعلاه نقلت لانها في بطولة الكبار البطولة الأولي هل رأيت استدبو تحليلي لأي مباراه في الكونفدرالية؟؟ الهلال وصل دور الأربعة ومجموع جوائزه حتي الان مليون دولار المريخ لو فاز بالبطولة سينال 300 ألف دولار الهلال في دوري الأربعة تال ثلاثة نقاط أضافية في تصنيف الكاف للأندية المريخ لو نال البطولة سينال أيضا ثلاثة نقاط فقط يعني بالعربي كدة رابع الأبطال وأول الكونفدرالية واااااااحد فلا تلوم الART لكن لوم الكاف علي هذه التفرقة و التهميش
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: ALGARADABI)
|
Quote: المباراة أعلاه نقلت لانها في بطولة الكبار البطولة الأولي هل رأيت استدبو تحليلي لأي مباراه في الكونفدرالية؟؟ الهلال وصل دور الأربعة ومجموع جوائزه حتي الان مليون دولار المريخ لو فاز بالبطولة سينال 300 ألف دولار الهلال في دوري الأربعة تال ثلاثة نقاط أضافية في تصنيف الكاف للأندية المريخ لو نال البطولة سينال أيضا ثلاثة نقاط فقط يعني بالعربي كدة رابع الأبطال وأول الكونفدرالية واااااااحد فلا تلوم الART لكن لوم الكاف علي هذه التفرقة و التهميش |
ALGARADABI كان كدى خم و صر ... تتخيل برضو مباراة ذهاب الهلال و أسيك ما كانت منقوله عندنا و بدلا منها نقلوا مباراة الزعيم مع الاسماعيلى و كذلك مباراة الهلال و الترجى ... و كمان ما تنسى انو الزعيم و الاسماعيلى ديل مصنفين لدى الكاف ضمن ضمن الفرق من الفرق الكبيرة ( فعلا ) لا قولا يعنى ما ( لبط ! ) وحققت بطولات : الزعيم فاز بكأس الكؤوس ( مانديلا ) عام ١٩٨٩ الاسماعيلى فاز بكاس الأندية عام ١٩٧٠ .... أما نا س ( توب الزراق ! ) ديل ! اعلقو ليى فىأضانى ... بابح ...
عبدالماجد
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: Rakoba)
|
Quote: الهلال وصل دور الأربعة ومجموع جوائزه حتي الان مليون دولار المريخ لو فاز بالبطولة سينال 300 ألف دولار
|
ياقرضابى
نحنا من غير فلوس الاتحادات سوى ان كانت عربيه او افريقيه بنينا استاد اصبح مفخره للسودان كله اها انتوا القروش بتسوا بيها شنو ؟ هل ستاهلوا زريبة العيش ام ماذا ستفعلون بها ؟
Quote: الهلال في دوري الأربعة تال ثلاثة نقاط أضافية في تصنيف الكاف للأندية المريخ لو نال البطولة سينال أيضا ثلاثة نقاط فقط يعني بالعربي كدة رابع الأبطال وأول الكونفدرالية واااااااحد فلا تلوم الART لكن لوم الكاف علي هذه التفرقة و التهميش |
مبروك عليكم النقاط اما نحن فلن نرضى بالنقاط والتصنيف والكلام الفارغ نحن لا نرضى الا بكاس يكتب ويسجل لنا فى سجل التاريخ
ومبروك عليكم الصفر الكبير
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: hatim ibrahim)
|
المذيع البحريني ده كان من الاستوديو وليس من السودان
وانا وانتو ولكنا سمعناه قال ضربة الجزاء ظالمة والحكم تحامل على الاسماعيلي
الحمد لله المذيع كان من خارج السودان
غايتو لو كان جا السودان وذاع المباراة من الاستاد
كان بيحصل الحكم البتسواني ظاااتو وتلاقيه بيصيح في ضربة الجزاء الاولى ( ضرررررررررررربة جزاء صحييييييحة وواضحة وما فيها اي كلام )
وزي ما قال المثل
المريخ بيغلب والشكر لي الحكام
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: جمال السنوسي)
|
اعتذار شنو يا راكوبة ... ده مذيع حقير ووضيع وتافه جد جد وخلانا نطلع من طورنا وبيخ علينا المباراة كلها! والمشكلة ما فيهو هو ... المشكلة يا سيدي فينا انحنا زاتنا السودانيين وفي أعلامنا وأجهزتنا الرسمية! يجي أي واحد تافه من ديل السودان يعلموا ليهو قومة وقعدة ويستقبلوهو استقبال رسمي وشعبي يدخل البلد من صالة كبار الزوار لتجرى له بعد ذلك الاحتفالات والمهرجانات وتتفتح له القنوات التلفزيونية عشان يقدنا بطلعتو البهية ... وربما فتحت له حتى أبواب القصر الجمهوري ليلتقى برئيس الجمهورية ونائبه الأول والتاني والتالت والعاشر ومعتمد العاصمة القومية ومحافظ محافظة شرق النيل .. عشان يكرموهو ويحتفلوا بيهو رسمي ويأخد الفيها النصيب ... متناسين إنو الشيء المعولق ده لا هو كوفي عنان ولا حتى كوندوليزا رايس وإنما مجرد مذيع حاقد، بليد وجاهل وحقير ووضيع كمان ليس إلا ... وقائمة الجرابيع طويلة من زمن ناس فؤاد مطر والهاشمي الحامدي مروراً بي بتاعين قناة الجزيرة وضاح خنفس ولا خنفر ما عارف ولحدي ناس الكورة الأسي ديل عدنان حمد ومصطفى الآغا والشوالي والبقية الباقية من الخراف من مذيعي قناة صفاء أبو السعود. أسي عليك الله شوف الممثلات المصريات ديل الواحدة فيهم بعد ما تعتت وعدادا يقيف يلبسوها توب ويدوها برنامج طويل عريض في تلفزيون السودان عشان تجي تقدنا.. تقول نحن اولاد حرام!
| |
|
|
|
|
|
|
Re: شبكة راديو وتلفزيون العرب ART تقدم إعتذاراً رسميا لجمهور المريخ (Re: Rakoba)
|
التحايا لكل المريخاب واهل الصفوة و مبرووووك مبرووووك للمرة الالف التاهل للنهائي
لكن والله يا اخوانا المذيع دا شوية كدة كان بيدو كان لعب معاهم والله لو انا المسؤل كان تاني ما يذيع ليوم ال_____________________ اعتذار شنو وكلام شنو
بعدين ناس الصفر الدولي الكبيييييييير شايفم ناطين في شنو يا اخوانا
قمنا تاني التصنيف والكلام الكتير دا
ولا المشاركات دي عشان التصنيف ونحن ما عارفين
يا اخوانا جبتو كاس تعالو واتكلموا وقولو البعجبكم وتاني مره لما تجي سيره كاسات ولا انجازات تسمعوا بس
_________________________________________
يا علي محمد علي ليك وحشة ومشتاقين الناس ديل يا اخوي بفكرو في القروش دي قروشا كم ودي قروشا كم
الدناوا
ويجو يقولو ليك كاسات
حكم........
| |
|
|
|
|
|
|
|