|
|
 عيب يا تلفزيون السودان
|
صدفة والله مجرد صدفة لقيت اليوم مشهد فيه حسن يوسف ومعاه واحد بيتكلموا في مشهد درامي عن نعمة الشكر وانها تستوجب الزيادة فقام الاخير باعطاء يوسف 100 جنيه وقال له انشاء الله بتكفيك فقعد يطنطن فقال له الواعظ لا فض فوه وهو يشير برزمة من الجنيهات "الجديدة" لو قلت الحمد لله فكل هذه القروش كانت لك.
المشكلة وين ان الرجل الواعظ يرتدي دقن ولابس جلابية بيضاء مكوية ويلتحف شال تلاتة خطوط المميز للكيزان.
سؤالنا الي السادة الافاضل في تلفزيوننا الحبيب الذي لا نعرف هل هو تلفزيون الجبهة ام تلفزيون السودان هل هذا نموذج صالح للرجل التقى الورع الزاهد؟ الكوز؟!!!!! انتوا جنيتوا ولا شنو؟ هل تتوقعون من العامة ان يقتنعوا بهذا النموذج؟
الكوز معروف بانه بلف رضاخ ياخذ ولا يعطي وبانه لص وحرامي وان صفة التدين والورع ابعد ما تكون عنه وهي بعيدة عنه بعد الشمس عن بلوتو.
الكوز يا قطاع دراما التلفزيون هو الذي يزني في رمضان الفائت بمطلقته التى تزوجت رجلا اخر وهو الانوفليس الذي امتص دماء شعب السودان وهو الذي لا يعرف فضيلة فضل الظهر الا في انصاص الليالي وللنساء فقط وهو الروح الطيبة في الجسد النتن والكل يعرف حقيقته فلا تضيع زمنك في محاولة تنميط صورة سوريالية في عقول اطفالنا عن كوزكم الكبير المقدود لان هؤلا الاطفال يرون ويسمعون ما فعله هذا الكوز الخير بهم وبابائهم ووطنهم.
ثم تعالوا حكاية الدقن شنو والجلابية شنو؟ يعني الخير مربوط بس با ابين دقان واللابسين جلاليب بس؟ يعني الافندية اولاد حرام؟ والناس الما عنده دقن ديل ما عندهم دين؟
بالمناسبة الرجل الطماع الذي تلقى النصح من مولانا الكوز هو شخص يرتدي بنطلون وقميص وليس له دقن.
عيب الضحك على عقولنا وعلى فهمنا.
|
|
 
|
|
|
|
|
|
|
|
Re: عيب يا تلفزيون السودان (Re: محمد عمر الفكي)
|
Quote: سؤالنا الي السادة الافاضل في تلفزيوننا الحبيب الذي لا نعرف هل هو تلفزيون الجبهة ام تلفزيون السودان هل هذا نموذج صالح للرجل التقى الورع الزاهد؟ الكوز؟!!!!! انتوا جنيتوا ولا شنو؟ هل تتوقعون من العامة ان يقتنعوا بهذا النموذج؟
الكوز معروف بانه بلف رضاخ ياخذ ولا يعطي وبانه لص وحرامي وان صفة التدين والورع ابعد ما تكون عنه وهي بعيدة عنه بعد الشمس عن بلوتو.. |
محمد عمر
كيفك اخوى
نيابة عن الكيزان ساجيبك (انا)
التلفزيون حق الكيزان
الكيزان يعطونك جنيه باليمين ويقعلو منك الف جنيه بالشمال
الدين الاسلامى لا ينتمى اليها (هؤلا) فقط هى وسيلتهم للسيطرة على عواطف الشعب المؤمن
التدين ليس بعيدة عن الكيزان مثل بلوتو بل ابعد من الكواكب التى لم نكتشفها بعد
| |
|
|
|
|
|
|
|
|
|
Re: عيب يا تلفزيون السودان (Re: دوت مجاك)
|
والله ديل بعدهم من الدين السنين الضوئية ما تحسبه، بعدين يا دوت انا زعلى من الحركة الشعبية لسه في محله ولا يضاهيه الا زعلى من تلفزيون السودان.
تصدق التلفزيون دا كل ما اجي نازل بالريموت من قنوات السياسة لقنوات الرياضة والافلام وقناتنا الطاهرة محشورة في النص بيناتهم كل ما امر عليها القى فىها كوز بيدينا في نصائح ووعظ وخصوصا المغربية وما عارف سر المغربية دا شنو؟
غايتوا حبوبتي الله يرحمها زمان لما اجى مارق اجيب اللبن بتقول لى يا تطلع العصر يا بعد المغرب لكن المغرب ما تمرق الشواطين بيفكوهن في الوكت دا.
الله يرحمك يا حاجة ويزيدك رحمة ببركة هذا الشهر يا دوب عرفتك قاصدة ياتوا شواطين
| |
|
|
|
|
|
|
|
|
|
Re: عيب يا تلفزيون السودان (Re: محمد عمر الفكي)
|
| Quote: عيب يا تلفزيون السودان |
بالله انت فاكر انو في تلفزيون للسودان ؟؟
هذا التلفزيون المسماة زوراً وبهتاناً بالتلفزيون القومي
فهو لم يعد يمثل قوميات السودان ولا ثقافاتهم
تلفزيون موجه لثقافات معينة , تلفزيون يعرض صور
ولقاءات لاناس محددين
هذا تلفزيون موجه وخاص بالجبهة وقبائل منسوبي الجبهة
وليس تلفزيوناً للسودان وليس تلفزيوناً قومياً
| |
|
|
|
|
|
|
| |
محمد عمر الفكي
دوت مجاك
ابراهيم بقال سراج
فيس بوك
تويتر
انستقرام
يوتيوب
بنتيريست