|
|
|
 Re: فطور بورداب الخرطوم (Re: ADIL FAIT)
|
نواصل شنو يا اخي نبدأ من الاول احسن ..
وطبعا في ثوابت :-
1- الافطار يوم 10 رمضان ( بعد آذان المغرب مباشرة ) 
2- مكان الافطار حدائق الهيلتون ..
| |
 
|
|
|
|
|
|
|
|
Re: فطور بورداب الخرطوم (Re: ADIL FAIT)
|
وتاني بنذكر الزملاء بتفاصيل الفطور كالآتي:
Quote: أولاً: شكراً لكل الزملاء والزميلات القالوا أي حاجة بخصوص هذا الإفطار..
ثانياً: يمكن تلخيص كل ما ذكر فيما يلي:
* تاريخ الإفطار: 10/ رمضان
* مكان الإفطار: حدائق الهيلتون
* الذين أكدوا على الحضور هم:
- ود الباوقة
- عاصم أبوبكر
- أحمد موسي
- محمد غلامابي
- ناجي الملك
- ناهد علي
- ابو يسرا
- دوت مجاك
- صلاح عوض
- إبراهيم بقال
- إشراقة حمورا
- سامر عثمان
- سيد أحمد قدورة
- نستا
- أميرة الحبر
- إسماعيل حميم
- صفية محمد
- عادل فايت
* منسقين الإفطار هم:
- أحمد موسي تلفون: 0121892347
- أبو يسرا تلفون: 0923968223
- ناجي الملك تلفون: 0912254150
* المطلوب من الحضور: علي كل فردالحضور لمكان الإفطار قبل وقت كافي ومنح الإخوة المنسقين مبلغ (10ألف) وذلك حتي يتثني لهم القيام بالمواجب علي أكمل وجه ... |
هبشة: طبعاً في ناس كتيرين جونا لاحقاً وقالوا جايين جايين حتى ولو ما صايمين ...
كل الود،،،
عادل فايت
| |
|
|
|
|
|
|
|
|
|
Re: فطور بورداب الخرطوم (Re: اميرة الحبر ادريس)
|
بتنا الغالية
ياخ رأيك شنو ندفع الـ 10 وبعد الفطور تعزميني أوزون بالخمسطار المحرقة روحك دي
أنا جايب معاي اربعة بتيخات (وليس بطيخات) يعني من أبو 5 لأنو البطيخ ده من 7 ألف وانت طالع
...
في نوع تاني بي الفين اسمو بتيغ عشان بشتروهو الشفع السغار وبشربوا مويتو وبكونوا لهاطين وعندهم كروش ولباساتم ناصلة ومخاخيتم سايلة
انتو عاوزين من ياتو
مودتي
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
.....
بالغت ياسي سامر..
......
رمضان كريم ياخ
....
الاقتراح مرفوض (أقصد بتاع الخمسة وعشرين الف)
....
مش القصة ديمقراطية؟؟
وفي إحترام للجيب الآخر، أقصد الرأي الاآخر
...
دا مع الود..
...
كسرة:
قالوا جا يكحلا عماها..
والله المثل برئ
...
أها أقعدوا عافية
...
غلامابي
| |
|
|
|
|
|
|
|
|
|
Re: فطور بورداب الخرطوم (Re: محمد غلامابي)
|
Quote: ياجماعة انتو عشرة جنيه دي ما شوية
عايزين تاكلونا فول ولاشنو ..
اقترح تكون" 25" جنيه |
يابت إنت مالك عاوزة تطفشي مننا بورداب الخرطوم ديل؟
كل الود،،،
عادل فايت
| |
|
|
|
|
|
|
|
|
|
Re: فطور بورداب الخرطوم (Re: محمد ابو القاسم)
|
أخونا ناجي الملك بيقول:
Quote: خبر عاجل"النجيلة بتاعت حدائق الهيلتون" ممتلئة بالمياه
نتيجة لعمل تخريبى |
وبإعتباروا أحد المنسقين لهذا البرنامج قام بزيارة تفقدية للموقع ..
وإحنا بنقول ليك شكراً يا مدير ودا مؤشر جميل لنجاح البرنامج..
Quote: تحياتي وسلامي
انشاء الله حاضرين
مع ودي وسلامي
وتمتد الرؤيابعد الرؤيا الي الابد |
الجميل/ محمد أبوالقاسم ..
إزييك ..
ومشتهين شوفتكم ..
يعني إلا يجي رمضان عن نشوفكم .. الكلام دا عيب يا هندسة.
كل الود،،
عادل فايت
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
بيان رقم {1} من اللجنة المنظمة
لقد ظلت اللجنة المنظمة {المتوسعة} في حال رصد وترقب لعمليات تجهيز الفطور
ورصدت اللجنة محاولات إختراق من قبل بعض أعضاء البورد ــ ودون ذكرأسماء يا أمير الحبر!!! ــ والذين حاولوا {جهجة} قراراتها الخاصة بموضوع العشرة جنيه بموضوع جديد {25} جنية والذي أحبطته قوات أمنا الباسلة بصرف المذكورة للأُوزون ... وتحاول الآن لجنتكم المحترمة معالجة {إشاعة} الموية المبلولة بتكليف لجنة مصغرة للتحقيق في الإشاعة ومصدرها وأسبابها وإلى ذلك نرجوا ربط الجأش وتفويت الفرصة على أصدقاء الفطور أما أعادئه فنحن كفلاء بهم ومواعيدنا عشرة رمضان السبت ومكاننا حدائق الهلتون وبس !!!
ولا نامت أبطن الجياع
وما النصر إلا من عند الله
اللجنة العليا
عنها {أنا}
| |
|
|
|
|
|
|
|
|
|
Re: فطور بورداب الخرطوم (Re: Ahmed musa)
|
Quote: لقد ظلت اللجنة المنظمة {المتوسعة} في حال رصد وترقب لعمليات تجهيز الفطور
ورصدت اللجنة محاولات إختراق من قبل بعض أعضاء البورد ــ ودون ذكرأسماء يا أمير الحبر!!! ــ والذين حاولوا {جهجة} قراراتها الخاصة بموضوع العشرة جنيه بموضوع جديد {25} جنية والذي أحبطته قوات أمنا الباسلة بصرف المذكورة للأُوزون ... وتحاول الآن لجنتكم المحترمة معالجة {إشاعة} الموية المبلولة بتكليف لجنة مصغرة للتحقيق في الإشاعة ومصدرها وأسبابها وإلى ذلك نرجوا ربط الجأش وتفويت الفرصة على أصدقاء الفطور أما أعادئه فنحن كفلاء بهم ومواعيدنا عشرة رمضان السبت ومكاننا حدائق الهلتون وبس !!!
ولا نامت أبطن الجياع
وما النصر إلا من عند الله
اللجنة العليا
عنها {أنا} |
ندين ونشجب كل الهطرقات التي تهدف الي الجهجهة وتشتيت الشمل ..
هبشه: عاش كفاح الطبقة الكاملة ..
كل الود،،،
عادل فايت
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
.....
يمين الله
ماضيّع البلد دي غير
الشجب والإدانة..
لابد من خطوات عملية لتأييد الثورة المباركة التي أعلنها قائد عمليات الفيلق الافطاري
الرفيق( احمد موسي) والقائد الميداني(ناجي الملك)..
واللاءات جاهزة
لا صلح
لا مهادنة
لا لاتفاوض
لا شنو تاني؟؟
مع البرجوازية الصغيرة
(أميرة الحبر)
التي تريد حرف الثورة المباركة التي أطلقها الرفيق القائد عادل فايت
الاسبوع الماضي
وسنعتبر الدعوة التي أطلقتها البرجوازية (الاميرة) محاولة لصرف جماهير الحركة المباركة
عن أهدافها المعلنة..
مالو الفول؟؟
عيبيه لي؟؟
سيبك من الفول..
جزم لولا (مويته) لما عاشت جماهيرنا تنتظر ثورة القائد الهمام عادل الفايت (ما
الفايد) !! طبعاً في فرق بين الاثنين..
....
خطوات عملية لهزيمة الرجعية:
سنسير غداً مظاهرة تجوب شوارع العاصمة والولايات إسمها(مسيرة الردع الكبري) رداً علي
تصريحات
(الاميرة)، والمرجفون في المدينة، وأعوان الامبريالة، والصهيونية، والماسونية، (الخرابل)
أهم ناس نسيتم(الطابور الخامس)..إنتو الطابور الخامس دول شنو؟؟ إخربني لو عارفن!!
...
تم الاتفاق مع الخطاط الاستاذ بقال لكتابة الشعارات الاتية للمسيرات:
(عائد عائد يافائت)..
(ثورة كبيرة ضد أميرة)
(مامعقول.. مامعقول..نأكل اللحمة نخلي الفول)
(نأكل الفول بالجرادل.. نحن وراك ياعادل)
(مالو الفول ..ومالو البوش..ربي رجال وعملو كروش)
....
تحزير
أوعي المظاهرة تجي للرأي العام (الجريدة) من جهة السفارة
...
في خشومنا الزفارة..
....
تخريمة للخروج
....
حرم اجيب معاي قدرة الفول، ومتصور معاها كمان..
مش القدرة بقت رمز للثورة؟؟ ولا انا غلطان؟؟
...
محمد غلامابي
مسؤؤل الحشد والتعيئة في الجناح العسكري المدني للثورة الظافرة بإذن الشعب
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
Quote: حرم اجيب معاي قدرة الفول، ومتصور معاها كمان..
مش القدرة بقت رمز للثورة؟؟ ولا انا غلطان؟؟ |
غلامابي
فعلاً هو الفول رمز ثورتنا المباركة ولكنها ثورة كما قال المفكرالهندي الذي غاب إسمه عني بسبب العطش
{سأفتح نافذتي لتهب عليها كل المشويات بشرط إلا تقتلعني من فولي}
ونشيدنا الوطني مازال خالدا ًبوجداننا
{الفول فولي ... زرعته وحدي ... وحصدته وحدي ... وسآكله وحدي }
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
Quote: تخريمة:-
أميره أشرحى لى ديل شنو
Quote: أوزون
Quote: عشرة جنيه
|
يسري
كلامك ده ذكرتني سؤال سأله مذيع لثلاث سفراء من العالم حول {ما هو رأيك في إنقطاعات التيارالكهربائي}
فرد الذي هو من الدول الكبريدول العالم الأول {ماذا تعنيبإنقطاعات التيارالكهربائي ؟؟}
ورد سفيرالدولة التى هي من دول العالم التاني{ماذا تعني بكلمة :رأيك؟؟؟}
ورد الذي هو من العالم الثالث {ماذا تعني بالتيار الكهربائي؟؟!!!!}
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
والله مشتاقين لشوفتكم
بس فى ناس ما ظاهرة فى الافطار دى
مع انهم من بودراب الخريتيم
كنت ناوى اشوفهم (شوفة الله ساى)
ونقارن (الكتابة) مع الواقع
اكيد ساصاب (بالدهشة)
وبعدين يا جماعة شنو كلكم بطيخ وانناس وتفاح
يا جماعة الله البجيب
العصيـــــــــــــــدة منو
العصيدة يا ناس الله هوى
ولا كلكم كدة ما بتاكلوها
ولا اجيب عصيدتى براى
| |
|
|
|
|
|
|
|
|
|
Re: فطور بورداب الخرطوم (Re: دوت مجاك)
|
يا دوت ..
والله انا قصة جايب بطنك وجايي دي ما ريحتني .. يا اخي انشاء الله جيب ليك بتيخة ولا بتيغة واكان جبتها بطيخة يكون مية المية ..والعصيدة هينة اقرب ركن بتناولا ليك وبجي
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
يا جماعة الله
ازيكم
شنو عملتوها لينا بيانات واتهامات وبطون جاية
السؤال المهم اشراقة وين على ما اتذكر انها وزعت مهام للناس لكن يبدو انه في ناس خافو من المشاوي قامو عملو طناش
وناس ال 25 الف ديل قولو ليهم كان عندكم قروش محرقة روحكم اعملو بيها صندوق وادوني الصرفة الاولى عشان هدوم العيد للشفع.
ويحيا الفول حبيب الشعب
صفية
| |
|
|
|
|
|
|
|
|
|
Re: فطور بورداب الخرطوم (Re: Safia Mohamed)
|
مع الجؤ دة حقو تفتشوادرب المشويات وين.. مجرد اقتراح لانه خايفة الناس البكونه جنبكم يجيبو خروف مشوي تدخلونا في ضفورنا ساي
اميرة يمشو ويجو لي كلامك ياها(25)
العصيدة والبطيخ والفول النصيحة مايوما
ياناجي انشاء الله نجيله واحدة ماتتلقي عشان قالو ليكم دار سوداتل قلته بتجر حاجات
مابتخلونا نمشي خطوة لي قدام مكسرين مقاديفنادايمن واطة واطة
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
يا دوت في الثورات والثورات المضادة في حاجات إسمها ثوابت
ومن هذه الثوابت إنه العصيدة والنعيمية على إنعام حيمورة
ما تخاف .... بس إنت تيجي
سامر .. أنا عايزة "بطيخ"
أميرة الحبر عشان تاني ما تتفاصحي .. جيبي لينا صحون وكبابي وملاعق من أقرب بقالة ليك
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
| Quote: العدة على أميرة الحبر |
حيمورة
اللاااااه مالك يا اختي دايرة تبوظي اليوم
اميرة دي واحد من اعداء الثورة وتانياً هي قالت الجريدة
والعيلفون ... يعني عدتها إلا جرايد تختي فيها سمك من البربري
نيستا
قندهار ؟؟!!!
والله خايفين نوافق يجي واحد صديقنا هنا بوردابي بتاع اخبار اسموا{نيستا} غريبة زي اسمك يقول ليك
قندهار محاصرة وما عارف ليك شنو يبوظ الليلة
نولا
والله وشك اب غيبوبة ده دخل فيني خُلعة
(قلب مخلوع بقى أكبر من سيدوا... أضان مدلدلة تدخل قطرين وسفينة ...عقل شغال سريع ياربي الزوعة كيف ... ياربي الزوغة كيف ... ياربي الزوغة كيف... )
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
اشراقة .. شنو الثورات والثوابت .. انتي سيستي المسألة ولا شنو .. ما كانت نعيمية وعصيدة ..
ولنا الثبات ايها الثوار .. عصيدة عصيدة .. نعيميمة نعيمية .. أنا لها ..الملاعق على منو ؟؟
..
عادل فايد كل سة وانت طيب ورمضان كريم .. اهة جاي ولا حركة ساي .. منتظرنك اوعى ما تجي
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
يا أميرة الحبر
العدة الأنا قاصداها دي ولمعلومية أحمد موسى بيشتروها من البقالة -يعني عدة بلاستيك- ممكن تجيبيها من أي بقالة (قولي السوق العربي ما فيه بقالات)
نولا
إنتي تسكتي خالص يا بتاعة هيلتون وتجيبي معاك البلح
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
الاخ العزيز نستا
يا اخوى انا جايب ليكم بطنى ساى
بعدين بس باكل عشرة عيشات بس وخمسة بعد الاكل يعنى ما كتيرة خالص
يا اشراقة اوعى تجيبى لينا عصيدة صغيرة عشان ما اغلط معاى والناس تتلم علينا
وبعدين شايف فى زول قال 100 الف ليه بس كدة انا لو عندى 100 الف كنت مشيت فطرت فى الصين
ناس الحكومة والمعارضة هوى انا لا منكم ولا ضدكم انا زول (لهط ساى) اختونى
| |
|
|
|
|
|
|
|
|
|
Re: فطور بورداب الخرطوم (Re: AmroKamal)
|
اها خلاص بدينا .. شلتي مني القهوة وبعدين تعال لينا فاضي .. يا اشراقة بالله سريييع وبالتحديد كل زول اسمو والشئ العليهو قدامو ..
مثلا
انعام عصيدة دخن بملاح روب وملاح نعيمية ..
عمروكمال عدد (2) خروف محشي ..
يلا سريييع يا اشراقة
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
سلام للجميع و رمضان كريم ...
من زمن مشتاقين للمة الناس دي في خير .. و الحمد لله جات و في شهر الخير
إن شاء الله لمة في الحرم و ربنا يجمعنا كلنا في مستقر رحمته ...
* حاسي أنو الترتيبات و التجهيزات ما ماشة تمام و الباقي زي خمسة ساعات !!!
عموما أنا حكاية الشيرنق دي ما معاكم لأنو شغال لي وقت متأخر و يادوب حألحق أجي قبل الإفطار بي شوية
أجيب معاي شنو ؟
رد سريع بالله من أحد المنظمين ... قبل ما....
| |
|
|
|
|
|
|
|
|
|
Re: فطور بورداب الخرطوم (Re: wadismail)
|
Quote:
اها خلاص بدينا .. شلتي مني القهوة وبعدين تعال لينا فاضي .. يا اشراقة بالله سريييع وبالتحديد كل زول اسمو والشئ العليهو قدامو ..
مثلا
انعام عصيدة دخن بملاح روب وملاح نعيمية ..
عمروكمال عدد (2) خروف محشي ..
يلا سريييع يا اشراقة |
هيييييييييييييييييييييييييع
على الطلاق إلا تلاتة خرفان محشيين ومن القوصى تحديدا .....
عشان تانى ما تضحكوا
| |
|
|
|
|
|
|
|
|
|
Re: فطور بورداب الخرطوم (Re: Samer Osman)
|
يا جماعة معليش جيت من العيلفون هسه ..
اشراقة قلتي علي عدة بلاستيك من السوق ماشي..
وشكرا لكل من فهمني غلط بخصوص الفول ..
و يا غلامابي الكمل البوش في كافتيرة قانون منو؟
انت وسامر اخر ناس ممكن تقولوا كده ..
بالمناسبة الجريدة تجاور الفوال اشهر مكان فول في اخر وسط الخرطوم ..
تخريمة
اوع تتكلموا في لون العدة البلاستيك الانا حاجيبها .
اميرة
| |
|
|
|
|
|
|
|
|
|
Re: فطور بورداب الخرطوم (Re: Nesta)
|
| Quote: على الطلاق إلا تلاتة خرفان محشيين ومن القوصى تحديدا ..... |
والخرفان محشية جداد .. والجداد الجوه الخرفان محشي سواسيو .. والسواسيو الجوة الجداد الجوة الخرفان محشية زرازير .. والزرازير الجوه السواسيو الجوه الجداد الجوة الخرفان محشية ..... بتيغ
| |
|
|
|
|
|
|
|
|
|
Re: فطور بورداب الخرطوم (Re: Nesta)
|
والله بالرغم من إجتهادي الكبير لقيام وحضور هذا الإفطار..
الــ بنفتكر إنو حا يلاقينا بي ناس كتير حلوين ..
لكن وللأسف داهمي إلتهاب حاد وملاريا لعينة يوم أمس الي أن أعلنت إفطاري مبكراً ..
غايتوا أهو إتحركنا الليلة، وإن شاء الله نقدر نجي ونشوف الحلوين ..
هبشة:
يا جماعة الفطور دا بنفقد فيه وجوه كتيرة كانت حضورا في أغلب الملمات، متل:
- نجود
- عبدالفتاح محمد
- سفيان
- وديدي
-عبد العزيز (عزو)
- ناذر الخليفة
- هميمة
- إيزبيلا
- والقائمة تطول
هبشة تاني: والله مشتاقين كتير
كل الود،،،
عادل فايت
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
Quote:
أجيب معاي شنو ؟
رد سريع بالله من أحد المنظمين ... قبل ما.... |
د إسماعيل يا لحقتك يا ما لحقتك جيب التجيبوا وأسرع وركز على الأكل
عن اللجنة المنظمة
{أنا}
| |
|
|
|
|
|
|
|
|
|
Re: فطور بورداب الخرطوم (Re: ADIL FAIT)
|
Quote: ذمن الفطور قرب
ابقوا جاهزين
انا حأجيب معاي ثلاث قدح عصيدة دارفورية |
بقال
مادة {67} فقرة 5 بند ج
ممنوع زج الأجندة السياسية في الفطور الإجتماعي {ليه مندارفور تحديداً ؟؟} مجرد سؤال
| |
|
|
|
|
|
|
|
|
|
Re: فطور بورداب الخرطوم (Re: Ahmed musa)
|
سلامات يا حلوين ..
الواحد كل ما يقول يجى ويساهم ويقضى لحظات حلوة الأمور تخستك ..
لو ما المرض .. على اليمين يا غلامابى إلا إحتو معاك قرض .. عايز تفرض عبوديتك على الآلهة بالغسب؟!!
والله كلام ..
أنا أطالب بى تأكيد من اللجنة المنظمة إنو حيكون فى برنامج فى العيد عشان الواحد يضمن إنو حيشارك ..
سلاماتى ..
| |
|
|
|
|
|
|
|
|
|
Re: فطور بورداب الخرطوم (Re: الملك)
|
يعني هسه اخر كلامكم
الفطور:-عصيدة
فول
بطيخ
وعدة بلاستيك
وبكرة نصبح صائمين
لو ماجيت اعذروني
ولا بقدر اجامل دة صيام ماسماية نقوم جعانين
تخريمة:
صحتي مابتساعدني(خاصةابويسرا احمد موسي)
| |
|
|
|
|
|
|
| |
ADIL FAIT
Safia Mohamed
اميرة الحبر ادريس
Samer Osman
الملك
محمد ابو القاسم
Ahmed musa
يسرى معتصم
ابراهيم بقال سراج
دوت مجاك
ناهد علي
Ishraga Haimoura
عبير خيرى
وائل طه محى الدين
Emad Abdulla
ريهان الريح الشاذلي
ابو يسرا
انعام حيمورة
AmroKamal
فيس بوك
تويتر
انستقرام
يوتيوب
بنتيريست