|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
أخونا كيجا:
رمضان كريم ..
| Quote: للفريق القومي السوداني الذي يمثل المريخ 90% |
ياخ انا لمن أقول ليك إنت زول متهجم على الكورة ساي ما قاعد تصدقني ..
كدي انا بدّيك تشكيلة الفريق القومي وإنت قول لي النسبة حا تطلع كم وهل نسميهو المريخ القومي ولا الهلال القومي (الله يستر ما تكون قادّي رياضيات )..
هاك التشكبلة الأساسية وكتيبة النصر اللي قادت معظم إنتصارات الفريق القومي في التصفيات
المعز في حراسة المرمى
ريتشارد جاستن علاء الدين جبريل علاء الدين يوسف وهيثم مصطفى وعمر بخيت وحمودة بشير من الهلال .
سفاري - قلق - العجب - طمبل مجاهد من المريخ ..
مع ملاحظة إنو علاء الدين يوسف تم إستبداله بمجاهد بعد ما سجلأ رسمي في الهلال ليلعب إحتياطي لمجاهد ..
معظم التغيرات التي تتم في شوطيّ المباريات تقضي بدخول مهند الطاهر وحالياً سيف مساوي .
مع العلم أن جوليت وحتى وقت قريب كان هو الأساسي وسفاري الإحتياط..
يعني يا ابو 90% إنت الهلال بيلعب بي 7 لاعبين في التشكيل الأساسي بينما يلعب المريخ بي 4 لاعبين في التشكيل الأساسي وراجع مع جماعتك تشكيلات الفريق القومي في التصفيات والتبديلات وأبدا أحسب..
شكلك كده النوع الحضر الشوط التاني بس في كورة تونس ولمن شفت بهاء وعلاء الدين بابكر قلت دي تشكيلة مازدا ..
يا اخوي مازدا ما لعّب الجماعة ديل إلا بعد ضمن التأهل ..
مش قلت ليك إنت بالجد من جمهور الصفوة 
| |
 
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: عمر الفاروق)
|
Quote: المعز في حراسة المرمى
ريتشارد جاستن علاء الدين جبريل علاء الدين يوسف وهيثم مصطفى وعمر بخيت وحمودة بشير |
ديل قلنا كفة عين ساكت عشان مايسحروهم اخر تشكيلة فازت على تونس 90 في المائة من المريخ وين ريتشارد ووين المعز الخاف من المباراه ودخل بدل عنه بهاء واي حموده دا احتياطي رغم 1
الكوره انا والله العظيم لعبته ماشجعتهاالنوع المن الروابط مشى درجة طوالي يازول ها انت بتكلم مع منو انت رايحه ليك كوره ولاشنو...
نحن بتكلم كلام علم وفهم وكاننا بنعلب والكوره قدامنا
هذا اساليبكم الاساءات والكلام الفارغ ... متهجم قال
انت بتفهم شنو في الكوره شنو خليني انا
نحن النوع لما نقول الهلال بركب التونسية على طول بركب التونسية
الايام دي انتو معذورين وفي ذمتنا
ربنا يهديكم للصراط المستقيم
ابومصطفى
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
| Quote: الكوره انا والله العظيم لعبته ماشجعتهاالنوع المن الروابط مشى درجة طوالي |
يا كيجا سيبنا من ونسة السودانيين العاضّة دي ..
ناس لعبتها ونقطتّها والعجب كان بيقعد لي كنب وناس الهلال جوني وانا براي أبيت ..
عشان أوريك إنك بتتكلم ساي هاك الدليل التاني بعد ما إقتنعت إنو المريخ كان يمثل 90% فقط في مباراة تونس ..
أها هاك الكلام الجد والبيفقع مرارتك بس إنت أبقا زول واعي وأقبل بيهو وانا حا أديك على حسب فهمك في الحتة دي..
| Quote: ديل قلنا كفة عين ساكت عشان مايسحروهم اخر تشكيلة فازت على تونس 90 في المائة من المريخ وين ريتشارد ووين المعز الخاف من المباراه ودخل بدل عنه بهاء واي حموده دا احتياطي رغم 1 |
طيب يا اللخو تعرف 90% دي معناها شنو ؟
معناها المريخ كان لاعب بي 8-9 لاعبين في المباراة بينما الهلال لعب بي 2-3 كده..
أها تعال نحسب ليك الناس اللعبو في المباراة ونحسب ليك كمان الإحتياطي الحسبتو لينا بي دخول بهاء الدين ده !!!
المريخ لعب ليهو سفاري - الزومة - قلق- مجاهد - العجب - علاء الدين بابكر
أها ديل ستة من حداشر يعني الهلال الوقت داك عندو خمسة لاعبين مقابل ستة لاعبين ..
التغيرات اللي تمت في المباراة قضت بي دخول بهاء الدين من المريخ ومساوي ومهند الطاهر من الهلال ..
يعني كورتك الوحيدة الفرحان بيها وقلت المريخ لعب فيها بي 90% من المنتخب كانت مناصفة بين لاعبي الهلال والمريخ بمشاركة 14 لاعب في المباراة 7 من الهلال و7 من المريخ !!
وبرضو تقول لي روابط ودرجة وتووووشك ومنقطا ومفرتقة ؟؟؟
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: أبو عبيدة البصاص)
|
مازدا مدرب وطني يمتلك سجلاً حافلاً بالإنجازات لا يقارعه فيه أي مدرب آخر، وعلى الرغم من الاجتهادات والمجاهدات طيلة الفترة الماضية ظل إعلام الضلال ينادي بضرورة تنحيته عن منصبة دون إيجاد بديل له.
وهم يعلمون ان الاتحاد العام أعلن انه لا يستطيع تحمل نفقات مدرب أجنبي، وعلى اي جهة ما تنادي بإقالة مازدا توفير نفقات مدرب أجنبي بديل له، وهنا سكتت كل الألسن.
مازدا حائز على كأس الكؤوس الأفريقية كمساعد مدرب واستطاع قيادة منتخبنا من الحضيض ليصل به إلى نهائيات الأمم الأفريقية بعد غياب 32 عاماً، وفي الطريق نجح في الفوز ببطولة سيكافا للمنتخبات والتأهل لنهائيات بطولة العرب من لبنان.
وبرهن مازدا في أكثر من مناسبة عن حياديته ورؤيته العميقة في اختيار اللاعبين ، بإضافة لاعبين من خارج القمة إلى كلية المنتخب أمثال أحمد عادل والعوض بابكر وزهير زكريا.
التحية لهذا المدرب الكبير وهو يتحمل ما لا يطيقه البشر، مدرب يعمل من أجل رفعة السودان ويجازى بالتقليل من مستواه الفني صباح مساء من إعلام الفول فقط لأنه مريخي الهوى!.
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
عشان تعرفو اللخبطة وشغل الواسطات ..
الإتحاد الهولندي رفض للمدرب ماركو فان باستن مدرب المنتخب الهولندي بتدريب فريق أياكس أمستردام !!!
يعني يا منتخب يا فريق لكن الجمع بين الإتنين ماف..
مع إتحاد مجدي وشداد مازدا مدرب في المريخ (مساعد ياي) ومدرب في المنتخب..
يريح العايز يريحو ويجهز العايز يجهزو ..
مازدا لا يستحق أدنى تكريم والتكريم لريكاردو وأوتوفستر فهما من صنعا اللاعبين ..
مازدا زيو زي أي مدرب سوداني تاني يقول للاعبين :
خشّوا العبو كورتكم البتعرفوها..
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: عمر الفاروق)
|
Quote: عشان تعرفو اللخبطة وشغل الواسطات ..
الإتحاد الهولندي رفض للمدرب ماركو فان باستن مدرب المنتخب الهولندي بتدريب فريق أياكس أمستردام !!!
يعني يا منتخب يا فريق لكن الجمع بين الإتنين ماف..
مع إتحاد مجدي وشداد مازدا مدرب في المريخ (مساعد ياي) ومدرب في المنتخب..
يريح العايز يريحو ويجهز العايز يجهزو ..
مازدا لا يستحق أدنى تكريم والتكريم لريكاردو وأوتوفستر فهما من صنعا اللاعبين ..
مازدا زيو زي أي مدرب سوداني تاني يقول للاعبين :
خشّوا العبو كورتكم البتعرفوها.. |
حاااااااااااااااقد .. قلبك أسود زي صاحبك تاج السر
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
| Quote: حاااااااااااااااقد .. قلبك أسود زي صاحبك تاج السر |
قبلناها وبلعناها ..
يلا تعال إنت يا الما حاقد وقول لي التنظيم البيلعب بيهو منتخبنا القومي شنو ؟
الخطة المعتمدة لي فريقنا القومي شنو ؟
يا نادر يا اخوي كل منتخبات العالم يتعقد مؤتمر صحفي وتعلن فيهو صرااااااااااحة طريقة اللعب التي سيعتمدها المنتخب في لعبه وتسمية الخطة يعني فلان يقول ليك انا حا العب 4-4-2 وعلان يقول ليك انا حا العب 3-5-2 ..
نحن كل يوم بي شكل وكل كورة بي تشكيلة وكل مباراة بي وضع ..
ياخ يكفينا فضيحة إنو منتخبنا حتى هذه اللحظة ما عندو شعار موحد كل يوم بي طقم حسب البيرسلوهو المغتربين ..
ياخ أقول ليك كلام ؟
انا عندي نية أرسل ليهم طقم أزرق وشوف كان ما لعبو بيهو ..
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: عمر الفاروق)
|
| Quote: انا عندي نية أرسل ليهم طقم أزرق وشوف كان ما لعبو بيهو .. |
ياربي علم السودان فيهو لون أزرق ..
ونحنا ما عارفين ؟!!!
Quote: كل منتخبات العالم يتعقد مؤتمر صحفي وتعلن فيهو صرااااااااااحة طريقة اللعب التي سيعتمدها المنتخب في لعبه وتسمية الخطة يعني فلان يقول ليك انا حا العب 4-4-2 وعلان يقول ليك انا حا العب 3-5-2 ..
نحن كل يوم بي شكل وكل كورة بي تشكيلة وكل مباراة بي وضع .. |
ما إنتا والزيك هم المستهيفين بالمنتخب
وما شايفين فيهو شي كويس ... عقدة الدونية
والإحساس بإنو العالم كلو منظم إلا نحنا دي
الجايباكم ورا ... أرحمونا يرحمكم الله ...
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: عمر الفاروق)
|
Quote: بالرغم من كرهي للمريخ
والذي لا أخفيه
إلا أن إعجابي بمازدا يزداد يوماً بعد يوم
فقد استطاع خلق توليفة ممتازة من اللاعبين
|
يعطيك العافية والله وماقلت الا الحقية
ودالفاروق زمااااااااااااااان كنت بعتبرك هلالابي فاهم وانك من افهم الهلالاب لكن اراك ماشي في نفس درب تجتوج ياخي خلاص الهلال يمثل 90% والمريخ 10% وين هيثم طمبل الذي كان له القدح المعلى في الصعود وين امير دامر ووين بهاء الدين الشجاع الذي حل محل المعز بعد الرجفه
القومي دا حقنا ملك
ومدربه حقنا برضو
وشعاروا ظاااااااااااااتو حقنا
وغصبا عنك تشجع الاحمر الوهاج
ومازدا مدرب وطني قدير جدير بالاحترام والتقدير من الهلالاب قبل المريخاب مفروض تكرموه انتو اولا لانو كان بشرك ليكم جوليت وفي الهلال ماقاعد يلعب .؟
بعد يومين بترجعوا للكلام في الممتاز وهيييك وعوووووووووك وتنسوا المشاوي السورية والركوب بالتونسية
رمضان كريم وكل عام وانتم بخير
ابومصطفى
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
الاخ قيجا مشكور على البوست النوعي ليس لأن محمد عبدالله مازدا قريبي لكن لأنه يستحق بالفعل التكريم ولأننا في حاجة ماسة للغاية لهذا النوع من الرياضيين المتعلمين والذين ينطلقون من علم وفهم حضاري لممارسة كرة القدم.
الكثير من الناس لا يعرف أن الكابتين محمد عبدالله أحمد مجذوب (مازدا) خريج جامعة الخرطوم كلية الآداب قسم اللغة الفرنسية، وقد نال عشرات الدورات التدريبية في مجال التدريب وفي أشهر مراكز التدريب العالمية المشهورة، واشهرها الدورة الكبيرة التي نالها في ألمانيا في منتصف الثمانييات، حيث يحمل الكابتين مازدا فكرة عمل مدرسة لتعليم كرة القدم للأطفال وقبل أكثر من 15 سنة ناقشت معه هذه المسألة وأكد أن هناك أفكارا كثرة تجول في خاطره لتطوير الكرة السودانية.
أخي كيجا..
أشد من أزرك وأبارك هذه الفكرة الجميلة بأن نعطي للذين منحونا السعادة القليل من الشكر والتقدير، والاحساس بجميل ما قدموه لبلادهم..
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
..
كيقا 2000| Quote: بقلبو الحار دا اكيد جعلي .... وخلينا في هلال مريخ انسى حكاية الجعليين والشوايقة بتدخلك في كلام ماقدرو |
من ناحية ( قدروا ) ما في كلام اقولو ما بكون قدرو ..
خليك من كلام الشفع ده ( مصطفى ما بيقولوا يا أبو مصطفى ) ..لانو ما الجعليين براهم القلبهم حار
( خلينا نقلب الصفحة البايخة دي )
اما ( خلينا في هلال مريخ ) فهو ده بالظبط الأنا قصدتو من سؤالي الاستنكاري
لانو لاحظت مؤخرا حكاية ( مريخابي .. وجعلي ) مكررة كتير
كونكم مريخاب حاقدين ما عندكم وطنية بتعريفة دي عرفناها وفهمناها
بس حكاية ( جعلي ) البتربطوها دائما مع ( مريخابي ) دي صراحة ما قدرت افهم المغزى بتاعها شنو
عشان كده لما شفتك بتمدح في اللاعب ( المخضرم ) سابقا والمدرب ( الفاشل جدا ) حاليا الأخ مازدا قلت يمكن كمان مازدا مريخابي جعلي ..
خصوصا وانو سبق ومدحتو كتير ( شيخ الحقاد )وكبيركم الذي علمكم السحر مزمل أبو القاسم وقلتو انو ( مريخابي جعلي )...
عبارة ( مريخابي جعلي ) دي قلتها انت يا كيقا .. وقالها الأخ عبد الماجد وقالها الأخ مهند حيمورة ولمح ليها الأخ هجو الأٌقرع وقلتوها عن الأخ مزمل .... ( ده حالتو دخولي للمنبر قليل)
يا ريت ( تنورني ) بالمقصود بهذا المصطلح ..
وأكون لك شاكرا
| |
|
|
|
|
|
|
|
|
 Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: hatim ibrahim)
|
| Quote: بس حكاية ( جعلي ) البتربطوها دائما مع ( مريخابي ) |
اولا جعلي دي انا ماداقي ليها لافته
Quote: خليك من كلام الشفع ده ( مصطفى ما بيقولوا يا أبو مصطفى ) ..لانو ما الجعليين براهم القلبهم حار
( خلينا نقلب الصفحة البايخة دي )
|
طيب انت ماعقلك كبير مالك بتجيب سير كلام الشفع يا ابو ....... ولا لسع ماوصلت المرحلة دي...
| Quote: كونكم مريخاب حاقدين ما عندكم وطنية بتعريفة دي عرفناها وفهمناها |
ياها اساليبكم دائما ومشكور وربنا يزيد فهمك عنا زيادة حبيتن
Quote: عبارة ( مريخابي جعلي ) دي قلتها انت يا كيقا .. وقالها الأخ عبد الماجد وقالها الأخ مهند حيمورة ولمح ليها الأخ هجو الأٌقرع وقلتوها عن الأخ مزمل .... ( ده حالتو دخولي للمنبر قليل)
|
الجعلين مابتفخروا بانفسهم الناس البتفخروا بيهم وانت سوداني وعارف كلام زي دا
بعدين نحن برضوا ماساكنين في المنبر وزي ماقلنا وبررنا قبل رودنا بانها حماقة جعلين ومكايدات ومناكفات حدها المنبر دا ممكن السبب الوحيد الاكون ذكرت فيها جعلي
في الاخير ياخوي خلي بطنك غريقة والكلام من خلف الكي بورد دا ما بفيد وما حقوا يصل لدرجة اتهامات وحقد وغيرو انت مابتعرفني عشان تقول علي حاقد او غيره ومفروض تكون فاهم نحن بوستاتنا البتمغصكم دي بنزله عشان منو ومنو
نوم عافيه وابعد عن الناس الحاقدين عن الهلال وغيرو (البسمع حقد يقول شايلين كاسات الدنيا
رمضان كريم وكل عام وانت بخير السنة الجايه انشاء الله نبارك ليكم الكاس
ابومصطفى الجعلي 
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
..
| Quote: فقط ياحاتم ابراهيم لا ارى الاعلام الزرقاء هل هم حاقدين على المريخ بالصعود للنهائي. |
( الحقد ) ده ماركة مسجلة باسم المريخاب لاحساسهم بالدونية
عمرك سمعت بزعيم و( سيد بلد ) بيحقد ؟؟
ما طلعنا وما ابتهجنا لأننا ناس قيم ومباديء
وانتو مشواركم لغاية اللحظة دي كلو ( مخجل ) ..شراء لاعبين و شراء حكام ..
جيبو الكاس من ( الصفاقسي ) حتلقى مواكب الهلالاب مالية الشوارع
مباراة الكاس هي المقياس ..لان ( البيع والشراء ) احتمالاتو ضعيفة شديد
فضحتووووووووونا ..
.
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: hatim ibrahim)
|
وانتو مشواركم لغاية اللحظة دي كلو ( مخجل ) ..شراء لاعبين و شراء حكام ..
شراء اللاعبين والحكام وتبديل الارقام دي ماركتكم
ياخي اخجل شويه واحترم الزعيم اليوم قريت موضوع بانو الزعيم بعد ماجيب الكاس بكرم من قبل رئاسة الجمهورية للمره الرابعة يعدي عدد اربعة انجازات
كم مره دخل الوصيف قصر الرئاسة؟؟؟؟؟؟
مفروض انتو الزعيم مش تستقبلوه وبس مفروض تفرشوا ليه الارض من المطار حتى العرضة جنوب
عمرك سمعت بزعيم و( سيد بلد ) بيحقد ؟؟
صدقني لو ماحقدتكم دا كان جبتو انجاز خارجي لذلك نقول لا يغير مابقوم حتى يغيروا مابداخلهم
بس حقدنا نحن مازي حقدكم
وربنا ينصر المريخ حتى يدخل القصر الجمهورية للمره الرابعة
قووووووووووووووول امييييييييييييييين من جوووووووووووووووووه قلبك
كل سنة وانت طيب والعفو والعافية
ابومصطفى
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
لو فرضنا انو مزمل ابوالقاسم دا مثل كيقا على انجازات الهلال (الفي الاحلام) ورينا رايكم في الكاتب
وركزوا معاي على انو مافي كاتب هلالابي واحد كتب كتابة تهنئة للمريخ كانه مريخ من خارج السودان وامكن يكون مريخ تونس او سوريا.. احتمال
مواضيع مبعثرة
* بدءاًَ نرحب بزعيم البلد، كبير البلد سيد البلد وعميدها المريخ، فقد وصل في حفظ الله ورعايته مساء أمس ــ تحديداً مع أذان الإفطارــ واستقبل أحسن استقبال من قبل أعضاء المجلس والاقطاب والجماهير التي احتشدت بكل جنبات المطار وهي تحمل الأعلام الحمراء والصفراء وتردد الهتافات والأناشيد الحمراء.
* وقد تخلف عن الحضور مع البعثة كل من قريش وأتوفيستر وهوما واللاعب بهاء الدين بسبب مشكلة حدثت بين هذا الأخير وشرطي بمطار دبي (تفاصيلها بالصفحات الداخلية).
* وسيعود الرباعي اليوم بإذن الله.
* من حسن حظ المريخ أن مباراته الأولى أمام الرجاء البيضاوي في البطولة العربية بالرد كاسل ستلعب قبل مباراته الأولي في نهائي البطولة الكونفدرالية أمام الصفاقسي التونسي في الرد كاسل أيضاً.. ومباراته الثانية (الإياب) أمام الرجاء ستسبق المباراة النهائية أمام الصفاقسي في تونس.
* وكما هو معلوم فإن الكرة المغربية تشبه الكرة التونسية إلى حد كبير من حيث طرق وخطط اللعب والملاعب ومواهب اللاعبين والجماهيرية الشرسة و.. و.. و الخ.. مما يعني أن المريخ سيضمن إعداداً معتبراً للبطولة الكونفدرالية من خلال مباراتيه في البطولة العربية أمام الرجاء المغربي.
* فريق الرجاء فريق عريق كبير لا شك في ذلك، ويكاد يكون من أقوى فرق القارة الأفريقية بإنجازاته العربية والأفريقية الكثيرة.. وبوصفه أول فريق عربي يشارك في بطولة العالم للأندية.
* ومن هنا لو وُفق المريخ في التعامل مع مباراتيه، فلن يجد صعوبة في التعامل مع مباراتي الصفاقسي أيضاً والحصول على الكأس والذهب.
* ومع وجود المدرب الخبير أتوفيستر ينتفي الخوف على المريخ وعلى مستقبله في البطولة العربية ومصيره في البطولة الكونفدرالية.. ولولا الظروف غير الطبيعية ومشاكل التحكيم العربي والتحكيم الأفريقي والمعاملات السيئة التي تتعرض لها الفرق السوادانية في الخارج، لبصمنا بالعشرة على أن المريخ سيتخطى الرجاء المغربي ويصعد للمرحلة التالية في البطولة العربية.. وأكدنا على أنه سيجتاز الصفاقسي التونسي ويحصل على كأس الإتحاد الأفريقي... وذلك لأنه الآن فريق بطولات بحق وحقيقة.. وكل الظروف مهيأة للاعبيه ليحققوا مجداً للفريق يضاف الى أمجاده الكثيرة السابقة.
* مجلس إدارة جيد ومتجانس وفي حالة انعقاد دائم ليل نهار.
* لا ينقصه المال ولا الكفاءة ولا تعوزه الخبرة.
* تدريب عالمي يملك قراره من الألف إلى الياء.
* نجوم موهوبون مخلصون أوفياء للشعار.
* جماهير صفوة تقوم بواجبها نحو الفريق على أحسن ما يكون وزيادة.
* إعلام راشد لا يتأخر عن تقديم النصائح والتوجيهات التي تخدم المجلس والفريق والجهاز الفني.
* أقطاب ـــ أطال الله أعمارهم ـــ يحيطون بالنادي إحاطة السوار بالمعصم، ويسكبون خبراتهم وآراءهم المعتقة في خدمة المجلس والفريق.
* إذن لابد أن نتفاءل ونتوقع أن يواصل المريخ مشواره في البطولة العربية إلى النهاية، ويغنم كأس الإتحاد من بين براثن الصفاقسي، فهو مؤهل لذلك بتأريخه وحاضره ومعطياته الآنية التي أشرنا لها سلفاً.
* قولوا آآآمين يرحمكم الله.
* رغم وصول المريخ لنهائي البطولة الكونفدرالية وخروج الهلال من دور الأربعة في بطولة الأندية الأفريقية فقد نال كلٌ منهما ثلاث نقاط في تصنيف الكاف.. ولو نجح المريخ في الحصول على الكاس فسينال نقطة إضافية.. لذا لزم التنويه.
شوية ثقالة
* سألتني ابنة أختي الصغيرة التي تحب الهلال كأبيها: صحي يا عمو الهلال طار من البطولات وتاني ما حا يلعب بره؟؟!!
* آي يا بتي طار.. طار جنا الوزين وتاني ما حا يلعب برة إلا السنة الجاية لو ربنا هوّن.
* والمريخ كيف؟؟!!
* المريخ (كيف جبنة) يا بتي.. وصل النهائي في البطولة الأفريقية وإتأهل لدور الـ(16) في البطولة العربية.. وماشي تمام التمام.. وعشان كده قلت ليك أقلبي وخليك عاقلة إنتي ما سمعتي كلامي.
* لكن يا عمو لو قلبت بابا بدقني.
* دقة تفوت ولا حد يموت... مش كده واللا أنا غلطان؟؟!!
* طيب يا عمو أنا قريت قبل كده إنو الهلال ده حيشيل كأس أفريقيا السنة دي ويلعب في اليابان السنة الجاية.
* صاح يا بتي كلنا قرينا كده، لكن تقولي شنو وتقولي منو؟؟!!
* يا عمو عليك الله كلم لي بابا أنا عايزة أبقى مريخابية.
* أقول ليك حاجة، كلميهو إنتي وإحتمال تلقيهو هو ذاتو بقا مريخابي، لأنو حسب علمي كان حلف إذا الهلال السنة دي ما جاب كأس من بره إلا يخليهو.
* خلاص يا عمو إذا أبوي وافق اكتبني في الجريدة وقول أنا بقيت مريخابية.
آخر السطور
* للأسف الشديد لم يتكرم علينا صحفي من صحفيي الهلال بتهنئة ولو عابرة بصعودنا لنهائي البطولة الأفريقية.. بل وأن بعضهم وصفه بأنه صعود باهت لا يستحق الهلولة الحمراء التي أعقبته.. ورجع بعضهم لعادته القديمة ووصف البطولة الكونفدرالية بأنها بطولة ضعيفة لا ترقي لمستوى البطولة التي يشارك فيها الهلال.
* والغريب أن الهلال شارك في هذه البطولة الضعيفة مرتين ولم يعد منها بغير الخيبة والخسران.
* طيب عرفنا بطولة الأندية أقوى من الكونفدرالية، البطولة العربية كيف؟؟!!
* ولماذا خرج الهلال من دورها الأول على يدي فريق لم نسمع به من قبل؟؟!!
* أخوتي إعلاميي الهلال.. دعوا المريخ في حاله وتفرغوا لفريقكم الذي يعج بمشاكل يمكن أن يكفيكم الحديث عنها لمدة شهرين أو أكثر.
* ناقشوا أسباب الخروج من البطولة العربية ومن البطولة الأفريقية.. وشوفوا المعز ما لعب ليه.. وهل تم إبعاده بأمر المدرب أم غيره.. وشوفوا الفريق ما عندو إحتياطي ليه.. ومجلسو متنافر ليه.... وشوفوا وشوفوا.
* الإساءة للمريخ إذا لم تضركم فلن تفيدكم.
* وعلى ما أظن ضرتكم الآن.
* وكفى.
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
.
الأخ كيقا 2000
كل عام وأنت بخير والعفو والعافية ..
نصيحة لوجه الله
أبعد عن كتابات الحاقد مزمل أبو القاسم
لا فائدة منها سوى أنها تفذف بدواخلك ( الحقد ) تجاه كل ما هو جميل
المريخ لا يستفيد من كتاباته فهي ( غزل )
والهلال لن يهتز بكتاباته لأنه ( جبل )
ضحت جدا حين قرأت
| Quote: أخوتي إعلاميي الهلال.. دعوا المريخ في حاله وتفرغوا لفريقكم الذي يعج بمشاكل يمكن أن يكفيكم الحديث عنها لمدة شهرين أو أكثر. |
ربما مصاب بالشيزوفرينيا هذا المزمل ..
فهو بدون ( شتم ) الهلال لا يستطيع كتابة جملة مفيدة ..
بخصوص كأس الكونفدرالية من حسع بقول ليك هاردكم
حظا أوفر في السنوات القادمة ان شاء الله ..
* اما بخصوص مباراة الرجاء
فخدها ضمانة من عندي
ستجتازون الرجاء حتى لو استمرت عروضكم الباهتة
* الرجاء البيضاوي يعيش منذ نهاية العام الماضي أسوأ حالاته منذ انشائه
* في الدوري الماضي هرب من الهبوط للدرجة الثانية في آخر اسبوعين فقط
*هذا العام تقريبا الفريق كله جديد ..لم يقم بتسجيل لاعبين معروفين ولجأوا للشباب ..يمكن اكبر واحد في الفريق مواليد 1986
* لعبوا حتى الآن ثلاث مباريات في الدوري وترتيبهم الـ 13
* لأنني من عشاق الرجاء أتابع مبارياته في الدوري . وصراحة المستوى الذي ظهر به حتى الآن منذ بداية الدوري مستوى مهزوز جدا وممكن الأمل عطبرة يغلبوا بكل سهولة
* الحاجة المخيفة اكتر ( بقول مخيفة لاني طبعا حأشجع الرجاء رغم اني عارفو حيتغلب ) انو ناس الرجاء ( خايفين ) جدا من المريخ ..على مستوى النادي وعلى مستوى الجماهير...
* حتكونوا محظوظين اكتر لو مركب محمد الخامس ما اكتملت الصيانة فيهو قبل مباراة الرد ( الملعب مقفول منذ أشهر )..والرجاء حين ينتقل من الدار البيضاء للرباط او لأي مدينة تانية بيلقى جماهير بتشجع ضدو حتى لو كان لاعب مع اسرائيل .. ودي من الاسباب الخلتو في الدوري يخسر ..
* طبعا انتو المريخاب ( الحاقدين ) بالنسبة لمشجعي ( الوداد ) ممكن نعتبركم ( ملائكة ) ..لانو مشجعي ( الوداد ) لما الرجاء يكون لاعب بيدخلوا ويشجعوا الفريق المنافس بشكل ( رسمي ) ... الظاهر انو الحاجة دي عند كل الناس البتشجع فرق بتلبس أحمر ..
| |
|
|
|
|
|
|
|
|
|
Re: وسام الإنجاز من الدرجة الاولى للمدرب مازدا الذي قاد المريخ والمريخ القومي السوداني للنهائي. (Re: keiga2000)
|
الخرطوم تحتضن النجوم
* خرجت جماهير المريخ أمس لاستقبال الزعيم العائد ببطاقة التأهل الذهبية إلى نهائي الكونفدرالية.
* المريخ رصع جبين الكرة السودانية بماسة جديدة.. وحلق فوق هامة الزمن بعد أن صنف نفسه مع صفوة الصفوة.. وخلاصة الخلاصة من بين فرق القارة السمراء.
* الأهلي المصري.. النجم الساحلي والصفاقسي التونسيين.. والمريخ السوداني ارتقوا مرتقىً استحال على غيرهم.. وأعجز سواهم.
* الأربعة الكبار.. بطلان من تونس الخضراء.. وبطلان من وادي النيل الجميل.
* خرجت الخرطوم لتحيي أبطال العبور.. وتعلي شأن النجوم.. وتقدر صنيعهم.. وتثمن فتحهم.. وتشيد بهم.. وتنتظر منهم الأفضل!
* حضرت الجماهير المحبة للمطار في وقت الإفطار.. وأفطرت على ماء الحب ليدفعوا ضريبة الحب الصافي.
* العودة لمطار المريخ ستكرر الشهر المقبل عندما يعود الزعيم متأبطاً كأس إفريقيا وبطاقة الترقي للدور الثاني في دوري أبطال العرب بعون الله.
* صدق من قال: المريخ مكتشف الذهب.. وأفضل منقب عن المعدن الأصفر في تاريخ السودان!
بوليس الكاف
* قبل أن نعلق على التصريحات التي أدلى بها قرن شطة لإحدى الزميلات أمس لا بد أن نسأله أولاً عن مصير الدعوى القضائية التي زعموا أن الكاف سيرفعها ضد (الصدى) بعد أن اتهمت الكاف صراحة بتزوير القرعة.
* قرن شطة مجرد موظف في الكاف لا يملك حق التحدث باسمه لأنه ليس الناطق الرسمي للاتحاد.. كما أن أنديتنا ومنتخباتنا لم تستفد شيئاً يذكر من وجوده في الكاف!
* ما حدث في أمر قرعة بطولتي الأندية الإفريقية من تضارب وتحوير وتغيير مخجل ولا يليق بأحد أكبر الاتحادات القارية في العالم!
* وما حدث للمريخ من ظلم في مباراة نيجيريا يؤكد أن وجود السودان في أجهزة الكاف يساوي صفراً!
* لا نستغرب من الكاف التعامل بردود الأفعال.. لأنه تعودنا على فشله وتخبطه بدليل أنه اختار قرن شطة الذي لم يلعب أية مباراة دولية مع منتخب السودان ضمن أفضل لاعبي القارة عبر التاريخ على حساب نجوم كبار أمثال برعي ومنزول كمال عبد الوهاب وبشارة وعلي قاقارين والدحيش وبريمة والنقر وطارق!
* وكان الاختيار مثيراً للسخرية!
برامج باقة قنوات الزعيم في العيد
* على القناة الأولى: متابعة للقاء القمة العربية بين الزعيم السوداني والصفاقسي التونسي.
* على القناة الثانية: استعراض أحداث مباراة المريخ السوداني والرجاء المغربي في الدور الثاني لمسابقة دوري أبطال العرب.. مع عرض كامل لأحداث الدور الأول ببرنامج يحمل عنوان (شلقبان في أم درمان)!
* على قناة المستقبل: برنامج (نجوم الغد).. عنتر والأمير وناتالي وسعيد السعودي وخميس مارتن ومحمد فيصل والتعايشة وزغبير ودقاشية!
* على قناة الموج (الخندق): في تمام الساعة (الثانية) ظهراً حلقة جديدة من المسلسل (السوري) الشهير: (الهوبا المقلوبة) بطولة علي الرفاعي وريكاردو أرضية.
* على قناة الزعيم الثالثة: وفي تمام (الثالثة) بتوقيت سوسة إعادة لفيلم (طار فوق عش المجانين) بطولة الشريف والشرميطي.. أعد الموسيقي التصويرية للفيلم الحزين الملحن الكبير علي أحمد.
* على قناة المصائب الدولية: أغنية (برشا برشا يا مدلل).. أداء الشاب خالد.. وفرقة النجوم بقيادة الفنانين الشرميطي ورجاء لافح!
* على قناة الزعيم الرابعة: إعادة لفيلم (العذاب فوق شفاه تبتسم)!
* قناة الزعيم الخامسة: عرض أول لفيلم (دمي ودموعي وابتسامتي).. يليه فيلم (الصعود إلى الهاوية).. ثم فيلم (سلام يا صاحبي).. وفيلم (طيور الظلام).. ومسرحية (طار فوق حي المطار) وفيلم (المعذبون في الأرض) بطولة الفنانة فاتن (حمامة)!
* القناة السادسة ستكتفي بإعادة عرض فيلم (الهروب الكبير) بطولة المعز قروشي.. وأبو مرين الحل الدين!
* في الانتظار على المدار.. الفيلم السوداني الشهير: (عمدة خالي أطيان.. في اليابان)!
* تررررررم ترم ترم.. طيروا معنا.. وسنطير كالعادة بعد قليل!
المختصر المفيد
* أعداء الزعيم.. في وضع أليم!
* لا لقيناك وفرحنا.. لا نسيناك واسترحنا!
* تبخيس إنجازات نجوم الذهب.. صعب!
* حبيبة قلبك يا ولدي.. حائرة ما بين النجمة والأهلي!
* تبخر الحلم الإفريقي في سوسة.. وفي دمشق ظلت الآمال محبوسة!
* للزعيم.. العيدين (عيدين).. ولغيره: لا تجعل سقف طموحاتك أعلى من إمكاناتك!
* لا سيكافا.. لا كؤوس.. لا كونفدرالية؟ معقول من العدم.. للبرجوازية؟
آخر الحقائق
* غياب المعز وريكاردو أرضية.. سبب الأذية!
* فقدوا المعز.. ففقدوا العز!
* المريخ قوي وعابث ويابس.. يا صفاقس.
* قبل ما تعتمدوهم مصدر.. ورونا.. بوليس الكاف جايي يقبضنا متين؟
* للاتصال بالشقيقة سوريا يرجى طلب الرقم (بالشقلوب)!
* وللاتصال بتونس الرجاء إضافة الرقم 3 بجوار الصفر الدولي الكبير!
* لكل امرئ من دهره ما تعودا.. وعادة (المريخ) الطعن في العدا.
* يا زعيم هذي عاداتك.
* المريخ في نهائي الكونفدرالية.. هذا هو المهم.. رفعت الأقلام وجفت الصحف!
* منظر مطار المريخ أمس كان في غاية الروعة!
* لون النار أحمر وأصفر.. ويا مريخ نغمك سكر!
* صدق من قال: أعطوا الأجير أجره.. قبل أن يجف عرقه!
* مريخنا يا مطر الرشاش.. العيد كده يا بلاش!
* عمت بشايرنا ودام الفرح لينا ضاءت ليالينا.. أصبحنا في فرحة وقلوبنا منشرحة!
* شيوخ الخليج يهنئون الزعيم.. وبعض مواطنيه يسعون لتبخيس إنجازه.. ولكن هيهات!
* بعض الكتاب أفقدهم تأهل المريخ للنهائي الإفريقي اتزانهم.
* سودن شبكتك.. وخليك سوداني!
* رباعي الذهب الإفريقي.. جوز من تونس.. وجوز من وادي النيل الجميل!
* حرب النجوم اقتربت.. في كأس السوبر!
* يا صفاقس انكمش.. مريخنا ما بنهبش!
* السوبر.. للنادي السوبر!
* مريخنا ما بنقدر.. سيل الوادي المنحدر.. ويا الوالي تيمك سمح!
* قوات الملك فيصل والسلطان عبد الحميد احتلت شرق وغرب ووسط إفريقيا.. وتتجه للشمال بغزوتين!
* من النجم للنجم.. سمح الرجم!
* قسم عائس قال زعلان عشان فريقه طار.. هو متين ما طار؟
* لا تجهل صفرهم.. في أم در مقرهم!
| |
|
|
|
|
|
|
| |
keiga2000
Faisal Al Zubeir
على محمد على بشير
عمر الفاروق
ALGARADABI
أبو عبيدة البصاص
Rakoba
نادر محمد الراضي
عز الدين بيلو
khalid abuahmed
فيس بوك
تويتر
انستقرام
يوتيوب
بنتيريست