|
ماتتفولح وتمشي تجدد جوازك قبل ماينتهي ....
|
كنت مسافر وقلت الواحد يمشي السفارة يجدد جوازو رغم انو لسة باقي فيو ٣ شهور لكن قلت عشان الظروف مامعروفه..anyhow مشيت وفوجئت لما فتحت الجواز بانو التجديد عاملينو من تارخ اليوم ولمدة سنتين ..يعني خسرت ٣ شهور كنت قايل ح تضاف للسنتين ..لكن طبعا دايما سفاراتنا عندها قوانينها ومنطقها المشاتر ...
|
|
|
|
|
|
|
|
Re: ماتتفولح وتمشي تجدد جوازك قبل ماينتهي .... (Re: Mohd Ibrahim)
|
سلامات يا محمد إبراهيم خليهم يسوهو 5 سنوات وحلال عليهم 6 شهورنا البسرقوها دي، هم السرقوهو شوية، مش كفاية عمرنا الضاع هدر في جهجهة الغربة وسنينها المرة دي؟ تعرف إنو السودان هو الدولة الوحيدة في العالم صلاحية جواز مواطنيها سنتين!! أنظمة الحكم المتعاقبة في السودان، وعلى رأسها نظام الجبهة الإسلامية الفاشستي - طبعاً باستثناء فترات الديمقراطية القلية المتقطعة- كلها كانت ولا تزال تعامل المواطن السوداني باعتباره آخر أولويات اهتماماتها، أنا ما عارف الأولوية تكون شنو لو ما المواطن،، غايتو عمرنا عشناهو معاناه وتيه وجهجهة وضياع .... تصبحون على وطن
| |
|
|
|
|
|
|
|