شايف العنوان ده مكتوب أكتر من مرة ومن شخصيات مختلفة فقلت إمكن ده نوع العنواوين اللي لوكتبتها وأرسلتها لعشرة من الأصدقاء دخلت الجنة في هذا الشهر الكريم .. عشان كده انا بقول ليكم : طلال عفيفي وليزا شاكر في لندن ..
تخريمة : من لم يكتب هذا العنوان ويرسله لخمسين صديق كمن لم يقاطع المنتجات الدنماركية ..
09-22-2007, 11:20 AM
humida humida
تاريخ التسجيل: 11-06-2003
مجموع المشاركات: 9807
طيب لو رددتها ( مية ) مرة .. بتكون لي ( كفارة ) ولا لازم اطعم ( ستين ) مسكين .. .. .. غايتو ( طلال عفيفي ) .. عرفناهو .. ( رغم استغرابي انه وصل السوق العربي كيف ناهيك عن لندن ) .. بس ( ليزا ) دي منو .. وهل عندها علاقة بـ( زيت عافية ) .. وجزاكم الله خيرا .. يا شيخ عمر ..
شكرا ( MBC ) ..
09-22-2007, 08:12 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
عمر الفاروق رمضان كريم وتصوم وتفطر على خير باخي انا عملت البوست ده واماتو ما سمعوا بيهو من وين جبت انو لاقاك اكتر من مرة وانا ما بحب الموضوع البفتحو فيهو الف بوست عشان كده قلت لي كل الناس من اول البوست نظموا صوركم ومداخلاتكم هنا في بوست واحد تجي تفتح لينا طاقة للتعدد والفرقة ولا انت زعلان مننا وعايز تفورنا ما سامعك ؟
09-22-2007, 08:49 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
السنّي السمح فات الكبار والقدرو .. رمضانك كريم يا حبيب ... مشتاقون لمن غلط ..
يا زول انت البيزعل منك منو الغريبة انت البقيت تزعل!!!!! اليوم داك في سهرة أصحاب أصحاب كنت حلو شديد وفجأة كده لمن جات سيرة إهمال المسرحيين والممثلين ودعم الدولة شفتك زعلت لمن انا خفت ووطّيت التلفزيون وشلت هم لمبة الصوت والله قلت السني ده حا يدي مقدمة البرنامج كف وينط على المخرجين ويقول ليهم فكوني ..فكوني لي عمر البشير ده ..
ياخي ده معانا ده اسماعيل محمد الحسن المخرج التلفزيزني المشهور وهوفي لندن ودي مداخلة في بوستيني اوع تقراها حاجة تانية بعدين كنا بنمني النفس نجي عليكم عومره ما عندي تشكيل احسن اكتبها كده ولا في مانع قالو لينا قفلت نمشي دبي ؟ بعدين ياخي مافي انفعال ولا حاجة والله ياعمر السهرة بعد شفتها خليني اشكره ليك ما عشان نحن فيها لكن كانت جميلة وعبدالحكيم بدع وموسى والشعر كان روعة انا الكنت مسكين وكلامي شوية عشان خايف عليكم من البري شوق لي الشباب من دكين لي ابوجهينة ومن معتصم لي تمبس بالمناسبة صلاح شتات لاقيتو في السودان ومرة في بيت بكري ابوبكر لاقينا مجموعة من ناس الرياض الحلوين دعواتك نلقى طريقة نجيكم ودعمك للهلال دعم لينا ودعمك لليزا وطلال دعم للفنون السودانية مودتي
09-22-2007, 09:34 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا اخوي يا السني ..يا السني طمني .. ده مش كانت سهرة جميلة بس دي كانت متعة المتعة وسحور مجاني .. حكاوي الماضي عندكم أجمل من جميلة ..شهيتونا في الزمن الجميل .. قصتك مع الراحل العميري لذيذة لمن بهناك .. عفوية المداخلات .. أول مرة أعرف عبد الحكيم الطاهر ظريف خاريجياً كما في المسرح ... موسى الأمير طلع "أمير الشعراء " وانا لو محلو كنت مشيت أخدت ال200 الف درهم من روضة الحاج .. أما إنت زي ما إنت ..شفتك وإبتهجت ويييين يا غالي إنت ..
09-22-2007, 10:54 PM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
humida
محمد سنى دفع الله
Hussein Mallasi
فيس بوك
تويتر
انستقرام
يوتيوب
بنتيريست