الأسلحة الكيميائية وحقيقة استخدامها في السودان في منتدى ميديكس للحوار
|
|
 سفارة السودان بالدوحة بلا كمبيوتر
|
المراجع للسفارة بخصوص الضرائب والاتاوات، يجد الموظف يستخرج دفاتر من عام 2000 ويبدأ بالبحث اليدوي عن اسمك!! هل فعلا انت دفعت؟
إدعى موظف السفارة واصر بانه يوجد كمبيوتر، لكن مأمور الضرائب اصطحبه معه للخرطوم!!!!!!!
موظف الحسابات يتلذذ وهو يقول لك بانه عليك اتاوات.
بقية الموظفين مشغولون بالاطلاع على الصحف.
اقترح ان تفتح السفارة باب للتبرع لشراء جهاز كمبيوتر.
اما آن لهذا العهد ان يندثر.
الله يرحم الشعب السوداني
|
|
 
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
عليك الله يا جيمس اتلموا كلكم بورداب الدوحة وأمشوا شيلوا كمبيوتر معتز القريش أدوهو ناس السفارة ونكون اصطدنا عصفورين بحجر واحد.
مشكلة السفارة اتحلت وارتحنا من بوستات القريش المخستكة دي.
وبعدين ما خسارة لمعتز إنو ناس السفارة يشيلوا كمبيوطرو.
زيتهم في بيتهم.
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
والله البركة المشيت السفارة وما لقيت كمبيوتر، عشان تعود تكتب في المنبر بعد الغيبة الطويلة دي...
يا أخي عاش من شاف ليك بوست..
ملحوظة: أن البورادبي جيمس من عواجيز البورداب، فنرجو عدم فتح بوست ترحيبي به...
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
فى إنتظار ذوى الأيادى البيضاء وفاعلى الخير!!
الدبلوماسية السودانية بكل تفاصيلها وسلوكيات
معظم أفرادها عبارة عن مهزلة كبيرة حالها كحال
باقى مرافق الدولة التى ضربها العطن والعفن!!!
عندما تدخل أى سفارة سودانية فى اى دولة تعرف تمام
المعرفة أن الحال مازال لم يراوح مكانه ومحلك سر!!
الموظفين فى حالة سبات دائم ودائما لديهم سبب وجيه
لتعطيل أمور الخلق,,,
من يوقع غير موجود والمحاسب غايب والخطاط سوف يحضر
بعد الساعة العاشرة والقنصل نايم ومساعده فى إجازة
ياهو بتاع مصلحة الضرائب ده المواعيدو مظبوطة وده
أسبابه معروفة!!!!!
قبل الكمبيوتر فليتعلمواإحترام الزمن وظروف خلق الله
الذين تدفع لهم مرتباتهم من ضرائبهم.
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: أيمن الطيب)
|
Quote: الدبلوماسية السودانية بكل تفاصيلها وسلوكيات
معظم أفرادها عبارة عن مهزلة كبيرة |
الدبلوماسية السودانية قبل حكم الكيزان للبلد كان يشار اليها بالبنان وقد انتصرت للسودان كثيييرا.
اما وقد جاء هذا العهد، فقد استوعبت كل عاطل حزبي في هذا السلك... والنتيجة.... شايفين الحاصل
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
مرحب بالاخ جيمس
انا متفق مع شماسي في موضوع معتز قريش ده وجاهز لاي خدمات (سفارة دلفري) يعني ممكن اشيل الكمبيوتر اوديهو للسفارة
ولو كمبيوتر قريش بقي تقيل
اقترح كمبيوتر شيخ الطقي 
....
السفارة مفروض تشتري اربعين كمبيوتر من (العشرة ريال ) التي تقتطع من الخدمات القنصلية تبرعا من سوداني الدوحة
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: ابوحراز)
|
حروزة... كيفك
تعرف ما اكره في الدينا الا الذهاب للسفارة.. وللاسف انتبهت انو جوازي منتهي وعاوز اسافر...
اعتقد جازما انه لاتوجد على الدنيا سفارة بعشوائية سفارتهم... مخجلة...
التيس بتاعك احسن تسكت ما يسمعوك جماعة السفارة، والا سيفضلونه على الكمبيوتر وذلك من باب العلم بالشئ ...لاني اعتقد جازما انهم يعلمون عن التيوس والخرفان اكثر من معرفتهم بالاخير.
حقيقة انا سعيد اني ذهبت للسفارة اليوم..لملاقاتك ونادوس وبقية اعضاء المنبر..........
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: عبدالكريم الامين احمد)
|
الأخ / عبد الكريم ( كيكي )
ولو كمبيوتر قريش بقي تقيل
اقترح كمبيوتر شيخ الطقي
اقتراحك جميل ، و أنا أثنيه بشدة !!
و كمان ممكن أريحك من خدمة ( الدلفري ) دي
أجيبه ليك في أجتماع الجالية الجاي ،
بس ورونا عاوزين حق البيت ولا اللابتوب ؟!
و بعدين حتى لو أديتكم الإتنين عندي لابتوب
احتياطي ، دا خلاف حق الشغل ، كله لزوم الدخول
على ( قبيلة المستنيرين ) زي موبتل في أي زمان و أي مكان !!
أخوك / الطقي ،،،
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
الاخ / جيمس
مساء الخير
Quote: المراجع للسفارة بخصوص الضرائب والاتاوات، يجد الموظف يستخرج دفاتر من عام 2000 ويبدأ بالبحث اليدوي عن اسمك!! هل فعلا انت دفعت؟
إدعى موظف السفارة واصر بانه يوجد كمبيوتر، لكن مأمور الضرائب اصطحبه معه للخرطوم!!!!!!!
موظف الحسابات يتلذذ وهو يقول لك بانه عليك اتاوات.
بقية الموظفين مشغولون بالاطلاع على الصحف.
اقترح ان تفتح السفارة باب للتبرع لشراء جهاز كمبيوتر. |
طبعا انا قبل مدة راجعت السفارة السودانية بالدوحة ولقيت معاملة عكس الذي تحدثت انت عنها......وتم عمل اللازم بكل سهولة ويسر وبي كمبيوتر كمان....
ولما كان الجميع يتطلع للاحسن فقد قمت بالاتصال بسعادة الوزير المفوض السيد محمد الحسن ابراهيم وطلبت منوا الاطلاع علي البوست وانوا يورينا الحقيقة....
الراجل مشكورا ... افادني بالاتي :
ادارة الضرائب لديها ملحقيات ضرائب في كل من : الدوحة - الرياض - ابوظبي اضافة الي
الادارة العامة في الخرطوم ويوجد في كل منها كمبيوتر تحفظ فيه جميع بيانات المراجعين وارقام ايصالاتهم ومساهماتهم .... ونسبة لظروف احتياطية ليس لها توصيل بالانترنيت انما تحفظ في كمبيوتر موظف الضرائب كعهدة .... وايضا كاجراء احتياطي مع كل معاملة يكون هناك دفتر يدوي تحفظ فيه المستندات وذلك للعودة اليها في حالة فقدان البيانات من الكمبيوتر لاي سبب كان .... ويتم الرجوع ايضا للدفاتر في حالة عدم وجود موظف الضرائب في السفارة لاي سبب كان ..... علما بان موظف الضرائب يسافر الي السودان في نهائة كل عام وذلك لتزويد الكمبيوتر الرئيس في الخرطوم بجميع البيانات التي تم ادخالها في ملحقيته خلال العام ..... وايضا يقوم بتزويد كمبيوتره بالبيانات الجديدة التي يزودها به المكتب الرئيس في الخرطوم .... علما بان هناك بعض المغتربين يفضلون تسديد مساهماتهم في السودان فلا تكون المعلومات متوفرة في المكاتب الخارجية مما يستدعي تغزية اجهزة الملحقيات باي معلومات جديدة .
اضاف ايضا .....
بان اي شخص يراجع السفارة وتكون بحوزته جميع المستندات المطلوبة فان معاملته تنتهي بكل سهولة ويسر .
الرجل اضاف بان بابه مفتوح للاخ جميس ولجميع الاخوة المغتربين بالدوحة لاي استفسار او مساعدة في حدود المتاح وبذل كل الجهد لتوضيح اي استفسار وذلك من خلال هاتفه المباشر في السفارة السودانية بالدوحة:4128824 وايضا من خلال الموبايل :5235086
هذا والله من وراء القصد
اللهم هل بلغت اللهم فاشهد
نتمني ان يسخر للسودانين من يخافه ويرحمهم .
تحياتي اخي جيمس
هارون دياب
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: haroon diyab)
|
اشكرك اخ هارون على النقل الرسمي والذي يعزز ما ذهبت اليه بانه لا يوجد كمبيوتر.| Quote: ويتم الرجوع ايضا للدفاتر في حالة عدم وجود موظف الضرائب في السفارة لاي سبب كان ..... علما بان موظف الضرائب يسافر الي السودان في نهائة كل عام وذلك لتزويد الكمبيوتر الرئيس في الخرطوم بجميع البيانات التي تم ادخالها في ملحقيته خلال العام ..... وايضا يقوم بتزويد كمبيوتره بالبيانات الجديدة التي يزودها به المكتب الرئيس في الخرطوم |
وليست القضية قضية باب فاتح ولا مقفول... نحن عاوزين نحس لما ندخل السفارة انها سفارة كبقية السفارات.. موش يجيلك احساس بانه مكتب للاتاوات.
تخريمة:
بابنا فاتح لاي مساعدة للسفارة بالدوحة.
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
الاخ الفاضل / جيمس
تحياتي
| Quote: اشكرك اخ هارون على النقل الرسمي والذي يعزز ما ذهبت اليه بانه لا يوجد كمبيوتر. |
شنو ياعمك .... خلاص عملتوا.... رسمي يجوا بكره يصنفونا ......!
الحقيقة....
لانني مررت بتجربة الحاجة الي الذهاب الي السفارة وموضوعي خلص بسهولة حاولت اعرف سبب عدم تخليص معاملتك بسهولة ويمكن اوضح ليك مرة اخري انوا السفارة فيها كمبيوترات لكن كمبيوتر الضرائب مافي لانو عهدة لدي الموظف وهو الان في السودان في مهمة رسمية لذا يتم الاستعانة بالملفات الورقية ....
وهذا مااردت نقله لكي تتضح الصورة بالنسبة ليك .
بعدين الراجل قال انوا مستعد للمساعدة وخته تلفوناته .....اذن الان الكره في ملعبك .... اتصل بيه وشوف رده بكون كيف .
تحياتي مرة اخري
هارون دياب
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
جيمــس !
Quote: الطقي
شكرا لتوضيح رضاك التااام بعمل السفارة بالدوحة |
!!!
إنت ما قريت كلامي و لا شنو ؟!
Quote: و أتفق معك أن مستوى الخدمة الإلكترونية لا يتناسب إطلاقاً مع سفارة في بلد خليجي ، بل حتى
لا يتناسب مع المستوى الموجود في جهاز المغتربين في السودان .
|
Quote: و مما له صلة بالموضوع أن السفارة قد لا تكون ملمة بقرارت مهمة تتعلق برعاياها مثال ذلك القرارات
المتضاربة و المتخبطة التي تصدر من إدارة الجمارك وغيرها مما له صلة بموضوع الإفراج المؤقت
|
يا ناس ! ذكر المحاسن من الإنصاف ، و الما بمشي السفارة ما يتكلم ساكت !!
الطقي ،،
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
1 -
امرأة تضع مولودها عند مدخل مستشفى الخرطوم لعدم توفر نقالة!!
----------------------------------------------------------------
جميع الحقوق © 2006 لصجيفة "السودانى":
العدد رقم: 746 2007-12-12
الخرطوم: حسن أبو ضلع:
اضطرت طبيبة لإجراء عملية ولادة لامرأة عند مدخل مستشفى الخرطوم لعدم توفر عربة (نقالة) تحملها الى غرفة العمليات.
وكانت الطبيبة تدخلت بعد ان وجدت المرأة فى حالة لا تسمح لها بالدخول او الانتظار وتمكنت من اتمام العملية بنجاح. وقالت (الطبيبة) فى تصريح لـ(السودانى) انها تصرفت ازاء ذلك من صميم ما يمليه عليها العمل الطبى والانسانى، لكنها اعربت عن عميق اسفها لتعامل ادارة المستشفى مع حركة النقالات داخل المستشفى، مشيرة الى ان حالة المرأة تعثرت بسبب ان زوجها لم يكن يحمل بطاقة ليتركها كأمنية لمنحه (النقالة) وقامت الطبيبة بتسليم المولودة الى قسم الاطفال حديثى الولادة.
2 -
وفاة مريضة إيدز بعد رفض توفير جهاز تنفس لها بإحدى المستشفيات!!
-------------------------------------------------------------
جميع الحقوق © 2006 لصجيفة "السودانى":
انتقدت وزارة الصحة الاتحادية سلوك احدى المستشفيات لرفضها توفير جهاز التنفس لإحدى مريضات الايدز لاجراء عملية مستعجلة مما أدى لوفاتها بسكتة قلبية.
3 -
رحلة لا تنقصها الدموع .. مع أطفال الفشل الكلوي ببحري.
-------------------------------------------------------------
المعاناة كبيرة والأطفال يحاصرهم المرض والفقر والمجهول !
تقرير: إبتهال ادريس البشرى.
4 -
مـيزانيةالفقر والتجويع: 25 في المائة للدفاع والأمن... والتعليم والصـحة 2% في المائة فقط!!
5 -
الخـرطوم أغلي مدينة في العالـم.. وهاكم أخر أخبار الغلاء الفساد وغسـيل الأمـوال فيه!
---------------------------------------
::::::::::::::::::::::::::::
بلـد "خـربانـة ام بنايـة قـش"!!
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: بكري الصايغ)
|
Quote: عليك الله يا جيمس اتلموا كلكم بورداب الدوحة وأمشوا شيلوا كمبيوتر معتز القريش أدوهو ناس السفارة ونكون اصطدنا عصفورين بحجر واحد.
مشكلة السفارة اتحلت وارتحنا من بوستات القريش المخستكة دي.
وبعدين ما خسارة لمعتز إنو ناس السفارة يشيلوا كمبيوطرو.
زيتهم في بيتهم. |
الأخ العزيز / جميس والأخ الشماسي وعدوي اللدود كي كي اللعين وشيخنا الطقي الهرد الشيوعيين والجمهوررين والله ضحكتوني ضحك لامن جاني صداع ... الله يجازيكم وكدي النقول ليكم أنا كمبيوتري مابدي ... وقاعد ليكم كدا في نفسكم ... يعني لمن اديهم كمبيوتري اقعد بعد داك العب بلي
ثانيا نجي للمهم ... وبعيدا عن هذا الموقف والذي اوضح ملابساته الأخ الكريم هارون دياب ...
أنا مقيم ي الدوحة منذ 18 سنة تقريبا وأشهد الله انني لم اجد طاقم سفارة في الدوحة مثل هذا الطاقم الذي يعمل الآن ... وأخص السفير ونائبه والوزير المفوض
من اليمين :
سعادة السفير/ عوض حسين أحمد ـ نائب رئيس البعثة
سعادة السفير / ابراهيم فقيري ـ سفير السودان
سعادة السيد / محمد الحسن ـ الوزير المفوض
وهذا الكلام اقوله وادعمه بالأتي وهو بعض ما اعرفه :
1- كنت بالأمس في السفارة لآنجاز معاملة شهادة لاضافة ابني في جواز والدته ـ لم يستغرق الأمر اكثر من ربع ساعة وبمبلغ خمسة ريالات فقط وقوبلت بكل الترحيب والاحترام ولم يكن هنالك غياب فالكل موجود في مكانه (أقصد الموظفين) وكان سعادة الوزير المفوض على الكاونتر ويتابع سير العمل بنفسه .
2- ذهبت في شهر اغسطس لتجديد جواز سفري وكنت قد حملت معي جميع ايصالاتى واوراقي الخاصة بالضرائب والزكاة مرتبة في ملف نظيف وأبرزت الملف للكاشير الذي استلم مني الرسوم مباشرة ولم اراجع موظف الضرائب .... وعدت في آخر اليوم واستلمت جواز سفر جديد .
3- عند دخولك للسفارة خصوصا القسم القنصلي تجد أن الكراسي خالية وليس بها غير ثلاثة أو أربعة اشخاص ينتظرون استلام معاملاتهم ، بغير الحالة التي كانت عليها في السابق مما يدل على سرعة انجاز المعاملات ...
4- أول مرة اسمع عن انتخابات للجالية السودانية في قطر كانت في عهد هذا الطاقم .....
5- قام هذا الطاقم وبالتعاون مع مجلس الجالية باقامة حفل ترفيهي للجالية السودانية بدولة قطر وتكريم المتفوقين من الطلاب والطالبات وكان حدثا مميزا لم نشهده إلا في عهد هذا الطاقم ....
احتفال الجالية السودانية في قطر بعيد الفطر ... كان قمة ...والجمال (صور وفيديو)
6- أقام هذا الطاقم اسبوعا ثقافيا سودانيا كان من أروع ما رأيت في الأسابيع الثقافية السودانية في الدوحة
الأسبوع الثقافي السوداني في الدوحة ... كان ختامه مسك ... صور وفيديو
7- وأهم انجاز تم في عهد هذا الطاقم منذ أن اسست سفارة السودان في قطر هو (المركز الثقافي السوداني) الذي أشاد به الأعداء قبل الأصدقاء
Re: مبروك ،،،افتتاح المركز الثقافى السودانى بالدوحه/قطر ،صور تحكى التفاصيل
هذا ما عرفته أنا كمواطن عادي .... وأتمنى أن تزودنا السفارة بالأعمال التي قامت بها (غير الجباية) والتي ألغيت أو خفضت اصلا
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: معتز القريش)
|
قريش.. احترامي
اقامة حفلات ترفيهية..اسبوع ثقافي.. هذه اشياء كنا نقوم بها في تجمعاتنا الشبابية.. انا لا ابخس الناس اشياءهم ولكن من المفترض ان يكون هنالك عمل يتناسب والسفارة.. مثلا هل عند السفارة اي علم بعدد الذين في السجون؟ هل نظمت برنامج لمحاولة اطلاق عدد منهم بمناسبة العيد؟؟ هل سعت في توفير قطع اراضي للافراد داخل قطر؟؟؟ وهناك الكثر من مثل هذه البرامج والنشاطات التي تناسب السفارة.
احترامي
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: بكري الصايغ)
|
يا جماعة الخير..كمبيوتر الضرائب ذهب في مهمة رسمية للخرطوم لتزويده بمعلومات!!!!!!
طيب نحن معشر فريق السفارة نقعد مربيعين ايادينا الى ان ياتي السيد الكمبيوتر من الخرطوم؟؟؟ الا توجد حلول؟؟
سبحان الله
سبحان الله العظيم
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
ياجيمس
Quote: يا جماعة الخير..كمبيوتر الضرائب ذهب في مهمة رسمية للخرطوم لتزويده بمعلومات!!!!!!
طيب نحن معشر فريق السفارة نقعد مربيعين ايادينا الى ان ياتي السيد الكمبيوتر من الخرطوم؟؟؟ الا توجد حلول؟؟ |
كمبيوتر الضرائب مشي الخرطوم ....لكن هل عمل السفارة فقط الضرائب....؟
هناك استخراج جنسيات لابناء المغتربين وهناك اضافة اطفال وتجديد جوازات الزوجات وتوثيق الشهادات وعمل توكيلات......
حسب علمي اغلب هذه الخدمات ليس لها علاقة بالضرائب .....
اذا فريق عمل الجوازات عنده مهام يقوم بيها غير الضرائب .
وبعدين مسئول الضرائب ده حيرجع .... لكن العنده مستندات تثبت خلو طرفه من الضرائب فما بيحتاج لموظف الضرائب اصلا.......
لكن ....
هناك بعض المغتربين لم يدفع ضرائب ليه اكتر من عشره سنوات وعاوز يجي في اي لحظة عشان يجدد جوازه ويمشي....
وبرضو ....
هناك بعض المغتربين الواحد من اغترب حتي اتلغت الضرائب ماحصل اتأخر عن السداد ولا يوم .... اها ياجيمس الاثنين ديل يعاملوهم معاملة واحدة في تخليص المعاملات ...؟
تحياتي
هارون دياب
| |
|
|
|
|
|
|
|
|
 Re: سفارة السودان بالدوحة بلا كمبيوتر (Re: james)
|
الأخ/ جيمس (james) لك التحية و التقدير ...
السفارة بالدوحة = موقع جميل على ضفاف الخليج العربى وعبارة عن:
مجمع يضم الردهة الدبلوماسية + الملحقية القنصلية + منزل السفير ،،،
مبنى حديث فى التصميم و تنفيذ البناء وإختيار الأثاث ...
تجربتى (ذات الـ 3 أعوام) مع الطاقم مع السيد السفير و وزيريه المفوضين و موظفى القنصلية يسودها الإحترام المتبادل و الترحيب السودانى الأصيل سواء فى داخل عقرهم أو فى الملمات الأخرى وأسجل صوت شكر لهم بإعتبارى مواطن سودانى ذو 23 سنة خبرة غربة و مرمطة مع السفارات السودانية ...
إن أعبت فلى أن أشير بان التعيين و الإستحقاق الوظيفى للمناصب
و ما يوافيها و يلازمها من الإمتيازات ( و الذى منه)
و التى تدفع من أموال الشعب السودانى،
تعينات سياسية تقصى الآخرين وتمت على أساس تصفية مقننة لكوادر دبلوماسية ذات تأريخ مشهود له...
وهناينقلب الموقف عاليه من أعلى التميز الى حضيض التصنيف ...
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: شكرى سليمان ماطوس)
|
الأخ الكريم جيمس لك التحايا
لست من الميالين للتطبيل والمدح لكن للتاريخ أقول وبعد أكثر من ثلاين سنة هي عمر تواجدي في قطر إن الطاقم الحالي للسفارة موفق ومخلص ومهذب .
* في الأفراح مبشرين ، عند الأتراح مشمرين ، في التواصل مبالغين ، لأبواب الخير فاتحين.
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
Quote: السفارة مفروض تشتري اربعين كمبيوتر من (العشرة ريال )
التي تقتطع من الخدمات القنصلية تبرعا من سوداني الدوحة
|
تمام يا كيكي
ومفروض من عائد ذلك الإقتطاع
أن توفر السفارة لكل سوداني بالغ راشد مقيم في الدوحة
جهاز كمبيوتر وآخر لاب توب
وبرضو ح يكون في وفر
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: أبو ساندرا)
|
سلام
Quote: كإفراج مؤقت بحجة أنها لا ندكروزر2007 ! ، و الشاهد من القصة - و هي طويلة مؤسفة - أن السفارة
زودتني بصورة من قرار صادر من الجما رك بالسماح بدخول السيارات موديل العام إذا كانت قاطعة عشرة
آلاف كيلو فأكثر ، و لكن فوجئنا بقرار جديد صادر في شهر يونيو 2007 يمنع اللاندكروزر منعاً باتاً
الشاهد أن السفارة مغيبة عن أمور تمس رعاياها بشدة . |
افردت بوستاً كاملاً لهذه القضية ويتضمن وجود حلقة مفقودة مابين السفارات هنا والسلطات بالسودان
أتمنى من كل قلبي أن تقوم السفارات باداء هذا الدور
يعني ما المانع ان اقوم بدفع كل الرسوم المتعلقة بالجمارك والافراج في القنصلية هنا
وبالتالي حينما اذهب الى السودان استلم سيارتي وأغادر الميناء
وعادي يمكن أن يكون هناك وعاء بالسفارة لوضع الرسوم سواء للولاية أو وزارة المالية
يعني هنا تقرا منشور بان هناك اعفاء على العفش والخروج النهائي
تمشي هناك يقول ليك الضابط في سواكن { خلي الزول الأداك المنشور يجي يطلع ليك عفشك }
لماذا لانقوم بتسديد كل ماعلينا هنا حتى لانتفاجأ بأشياء لاتخطر لنا على بال
اعرف الكثيرين ممن تركوا سياراتهم بسواكن
ولدي صديقي مشى خروج نهائي وأخذ معه حافلة باعتبار أن لاجمارك عليها
أخيراً تم بيعها بالمزاد العلني
الان يوجد في مستشفى التجاني الماحي !!!
حاينط واحد يقول لي الزول دا ايمانو ضعيف
والله أنا السنة الفاتت قربت أمشي ليهو
لكن بس ساكت كنت اليوم كلو اقول سبحان الله والله أكبر
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
سلامات الأخ جيمس,
القصد من البوست كان بعض الإنتقادات للسفارة والدبلوماسية السودانية عامة,
بقدرة قادر القصة قلبت وهاك يا تلميع وورنيش والكمبيوتر طلع مشى فى
مهمة رسمية وبرجع بعد العيد!!!!!!!!!!!!!!!!!!!!!!!!!!!!إستغفر الله العظيم,,,
وناس السفارة فردا فردا ودون فرز أصبحوا ضحايا فهم المغتربين الخاطئ لماهية
الدور الذى يجب أن تلعبه السفارات والقنصليات,,,,,
فهم البعض ان النقد موجه لشخص بعينه والحقيقة أن الأداء كان هو المقصود!!!
# لوح التلج فى الدوحة بي كم ياخوانا
دمتم جميعا بخير .
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: أيمن الطيب)
|
الموضوع اخد اكبر من حجمة هل المشكلة في عدم وجود كمبيوتر بالسفارة ؟ ام هو موضوع الاتاوات ؟ ام هو موضوع تصفية حسابات واحقاد مع السفارة؟
مع اختلافي مع من هم موجودين بالسفارة بالدوحة الا انهم يمثلوننا ويمثلون وطننا الغالي واذا كان هناك من شي ناقص يجب علينا ان نتمة او نلزم الصمت مش نعري بعضنا والعايز ينفض او يصفي حسابات مع الاشخاص داخل السفارة فلة ذلك وليتوجة لهم مباشرة ولا يمس السفارة السودانية ككيان
عندما ناقشنا في هذا المنبر مشاكل وهموم الشعب السوداني لم نجد هذا الاهتمام وعندما ناقشنا موضوع اربعة مليون من كفيف وضعاف البصر لم يجدوا منكم هذا الاهتمام
فقط نحن ممتازون في الشتم والتعرية والتصفيات السياسية اما نمد يد العون او نفكر ان ننتج ونرفع من راية بلدنا ونساعد اخواننا المحتاجين للمساعدة تجد الناس تتراجع
من اراد ان يقل خيرا قليقل او فاليصمت
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: Elsheikh Mohd Aboidris)
|
الشيخ.. اولا اربأ عن حمل احقاد شخصية لاي كان..
Quote: يجب علينا ان نتمة او نلزم الصمت مش نعري بعضنا والعايز ينفض او يصفي حسابات مع الاشخاص داخل السفارة فلة ذلك وليتوجة لهم مباشرة ولا يمس السفارة السودانية ككيان
|
ان نلتزم الصمت!!!! غريب ان اسمع هذا الكلام... اما سمعت بمقولة ( ان يقوم بعضنا بعضا ) كيف يكون اصلاح الوطن من غير نقد يا شيخ؟...
تعرف انو المضيع السودالن هو هذه المقولة... نلزم الصمت!!!!!!!!!!!!!!!!!!11
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: نادر)
|
http://www.alahdathonline.com/Ar/ViewContent/tabid/76/C...ID/4203/Default.aspx
سفير دولة قطر بالسودان قربة الوجدان وإلفة التعامل السودانيون اكثر تمسكاً بالشهامة و اقرب إليها من كل الشعوب
حوار : محمدعبد الماجد - يوسف الجلال
السيد على بن حسن الحمادي سفير دولة قطر بالسودان وبصفته المهنية يقرب من ان يكون سفير السودان لدى قطر فهو قد ازال الفواصل بين الجنسيتين، تجده يمشي بين ا
لناس فى السودان ويفاصلهم بحديث العارف والخبير عن الدامر وكسلا والابيض وجوبا، ويبدو حبه للسودان كبيراً تحس بذلك فى كلامه وفى تقديره لانسان هذه الارض، انه يشهد للسودانيين بالطيبة والمروءة والمعرفة، ونشهد له بمحبة السودانيين لدولة قطر وتقديرهم لهذه الدولة القريبة جداً من الوجدان السوداني وان بعدت بحسبة الجغرافيا.
فى حضور الاستاذ عبدالمحمود الكرنكي ومداخلاته جلسنا نحاور السفير فى محاولات لتصفح الجانب الآخر الذي يبعد عن سلك الوظيفة.
·سيادة السفير كيف كنت ترى السودان قبل ان تعمل فيه؟ هل كانت (المخاوف) موجودة بطبيعة ما يشاع عن السودان ؟
- قبل ان آتي للسودان كنت أحمل له محبة خاصة والمجتمع القطري عامة يحب السودانيين كثيراً، سماحة الطيبة عند السودانيين لا يغفلها أحد، وقد عرفنا السودانيين قبل ان نأتي لبلادهم ووجدناهم في المراكز والمساجد، نحن نحب ان نتعامل معهم واحرص على ان يتواجدوا معي حتى وأنا أعمل خارج السودان لما عرف منهم من إجادة واخلاص وامانة، ولابد من القول ان القطريين يحفظون للسودانيين الكثير فقد كانت مساهماتهم فى نهضة قطر وتقدمها ملحوظة، نحن اخوان وقد احسست حقاً انني جزء من المجتمع السوداني، التقاليد والاعراف والطباع واحدة وهذا لاننا خرجنا من جذور واحدة، ولابد من القول ان السودانيين اكثر تمسكاً من كل العرب بالتقاليد العربية وفيهم الشهامة والمروءة والكرم وقد عايشت ذلك عندهم بنفسي.
مع هذا لا انكر (مخاوفي) قبل ان آتي الى السودان وقد كانت اسرتي متوجسة ولكن كل هذه المخاوف زالت عندما وصلت للسودان وكان قلبي اكثر اطمئناناً فى هذه البلد.
واتمنى من اعماق قلبي ان يحل السودانيون مشاكلهم وان تفسح المزيد من الفرص للاستثمار العربي والاجنبي فى السودان. وقطر الآن تتجه نحو الاقتصاد والتجارة والزراعة فى السودان ولنا الكثير من المشاريع فى كردفان وفى الشرق والآن نرتب لمجمع ضخم على نهر النيل فى الخرطوم سوف يكون من اكبر المجمعات فى المنطقة كلها، هنا يجب ان نترك (العاطفة) جانباً ونغلب (المصلحة) لمنفعة البلدين فالاقتصاد والتجارة ركائز تعتمد على (الارقام) والشفافية.
·الدور الثقافي والرياضي بين السودان وقطر فيه الكثير من التواصل؟
- الثقافة والرياضة لا أحد يجهل دورهما وهى قد قربت بين البلدين ولكن يجب ان نتحرك نحو الاقتصاد والاستثمار لأن النفع منهما يكون اكبر ولان الاقتصاد هو الذي يبني البنية التحتية وقطر تملك الامكانيات الكبيرة للاستثمار والسودان يملك مقومات نجاحات هذه الاستثمارات، وعلينا ان نوجه الاقتصاد العربي لتنتفع منه المنطقة العربية كلها بدلاً من ان نكون بعيداً من هذا المسرح.
·اذا اتجهنا نحو طبيعة (المطبخ ) في السودان وقطر عند أي شئ تقف؟
- لا يوجد اختلاف فى الطبايخ هنا وهناك، الاختلاف قد يكون فقط فى (الاسماء)، مثلاً نحن عندنا (السريد) وعندكم (القراصة) وهي شئ واحد، وانتو تقولوا (الملاح) ونحن نقول (المرق) .
·الفن السوداني كيف تجده ؟
- الفن السوداني فن محترم وجميل وراقي والاغنية السودانية والشعر العربي في السودان اكثر تمسكاً بالجوهر والمضمون ولعل الادب العربي يحتفظ بكينونته في السودان وهو يعبر عن الواقع السوداني بصدق، والسودانيون توفرت لهم بيئة مساعدة على الابداع وانتم تتمتعون بثقافة مزدوجة لم تتوفر لسواكم لانكم تجمعون بين الثقافة العربية والثقافة الافريقية العظيمة وبهذا انتم اقدر على ان تلعبوا دوراً كبيراً للربط بين الثقافتين وتملكون القدرة على ان تكونوا حلقة وصل بين افريقيا والعرب.
من الفنانين استمع لمحمد وردي وهو صديق شخصي لي وكنا سعداء بان علاجه كان فى قطر، كذلك اجد عند عبدالكريم الكابلي الابداع كاملاً وهو يغني بثقافته العالية واغنياته الرائعات.
·ما الذي يجمع بين السودان وقطر فى وحدة الاشياء ؟
- الطباع قريبة جداً وتكاد ان لا تجد فارقاً ولابد من القول ان هنالك أشياء عربية خالصة توجد فى السودان بصورة اكبر من تواجدها في الدول العربية الاخرى، أنا اعرف المسلمية والحوش والدويم وهي مناطق ومدن ذات اسماء ودلالات اكثر بلاغة واوضح بياناً.
فهنالك تطابق حتى فى الاسماء، فى شمال قطر عندنا (الحويلة) وعندكم فى الجزيرة قرية بهذا الاسم، ولي ان اوصى هنا بالتقرب للحضارات الاخرى وعلينا ان نلتفت الى محاولة الغير لوضع عزلة بيننا والثقافات الاخرى حتى نبدو فى صراع وخلافات مع الثقافات والحضارات الاخرى، رغم ان الدين الاسلامي دين حوار وشورى وهو قد جاء باحترامه للديانات السابقة.
·ما الذي توقفت فيه مؤخراً ؟
- عندما زرت الدامر وجدت شاب نحيل الجسم ادهشني عندما قرأ لي احدى قصائده البليغة جداً وقد وجدته يتحدث عن قطر وأحياء فيها رغم انه لم ير قطر من قبل، هذا الشئ أكد لى ثقافة السودانيين وبلاغتهم.
·الدوحة لماذا هي دون غيرها بذلك الانفتاح الاعلامي الكبير؟
- القيادة القطرية عندها نوع من الوعي، اتركوا الشعوب تعبر عن آرائها، من يريد ان يتكلم فليتكلم ومن يريد ان يكتب فليكتب. اقف بالتحديد عند قناة الجزيرة التى أدت الى تطور القنوات الاخرى، التلفزيونات العربية انفكت جميعاً من الدوران حول محيط الدولة والقيادة، كفى ان نقف عند التلفزيون السوداني الذى اجده تطور كثيراً واصبح يقدم برامج جميلة وقوية وحدثت نقلة حتي فى طريقة تقديم الاخبار وكيفية الاخراج والتناول
صحيفة الاحداث
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: james)
|
| Quote: مع اختلافي مع من هم موجودين بالسفارة بالدوحة الا انهم يمثلوننا ويمثلون وطننا الغالي واذا كان هناك من شي ناقص يجب علينا ان نتمة او نلزم الصمت مش نعري بعضنا والعايز ينفض او يصفي حسابات مع الاشخاص داخل السفارة فلة ذلك وليتوجة لهم مباشرة ولا يمس السفارة السودانية ككيان |
بهذا المنطق تسقط فكرة النقد من اساسها !!! ومن منّا تعتقد أن لديه حسابات شخصية يريد أن يصفيها مع أحد موظفى السفارة يا دكتور!!!
| Quote: عندما ناقشنا في هذا المنبر مشاكل وهموم الشعب السوداني لم نجد هذا الاهتمام وعندما ناقشنا موضوع اربعة مليون من كفيف وضعاف البصر لم يجدوا منكم هذا الاهتمام |
برّد نفسك يا دكتور ولا تخلط الكيمان !!! كل قضية تطرح هنا تجد من يهتم بها ويقدم ما عنده وأضعف الأيمان يدلى بدلوه وإذا حدث تقصير
كما تعتقد فمن السهولة أن تجد الأسباب أيضا لهذا التقصير واضعين فى الإعتبار حدود إمكانية تقديم أى نوع من الدعم أو المساهمة فهذه
أيضا تخضع لإمكانيات الأخوة الأعضاء أو بورداب بلد بعينه وليس من حقك أن تقرر أن الموضوع لم يجد الإهتمام هكذا ودون أدلّة وعن نفسى لم
أقرأ أى موضوع يتعلق بمكفوفى السودان فى هذا المنبر وقد يكون ذلك مرده عدم متابعتى اللصيقة أو الإنشغال بأمور أخرى غير المنبر فى
بعض الأوقات.
| Quote: فقط نحن ممتازون في الشتم والتعرية والتصفيات السياسية اما نمد يد العون او نفكر ان ننتج ونرفع من راية بلدنا ونساعد اخواننا المحتاجين للمساعدة تجد الناس تتراجع |
كلامك أعلاه يحتاج قليل من المراجعة ولا داعى لكل هذا الغضب والحنق فى موضوع عادى وبسيط فلم تحكم على كل الناس بهذا الحكم القاسى
وإذا كنت ترى أن البعض يستحق (فى نظرك) هذا الحكم فقطعا ليس كل الناس وليس كل البورداب فالبعض هنّا قد سبقت أعماله أقواله وبياض
أياديهم وقلوبهم ليس قابلا لأى تأويل أو راى خاصة أن يكون راىا فيه إجحاف أو خطأ من أصله,
تحياتى
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: أيمن الطيب)
|
الاستاذ ايمن الطيب
اولاً اشكرك علي الرد علي مداخلتي
انا لم اريد بمداخلتي فكرة النقد والراي الاخر بل اردت ان ننقى انفسنا من الاحقاد الشخصية
ولم اقصد ان اكمم الافواءة بل بالعكس ولكني اردت ان نتناول مواضيع تهمنا وتهم بناء البلد وابناء شعبنا المحرومين المشردين واصحاب الحالات الخاصة كالمكفوفين والصم والبكم وغيرهم من المنسيين
المتتبع لحالنا نجدنا نشتم هذا ونسب ذلك ولا نرضاء باحد ولانرضاء ببعضنا البعض هذا ما اردت توضيحة وشكرا مرة اخرى لمداخلتك
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: Rawia)
|
| Quote: عليكم الله شيلوا لينا البوست دا لي السنة الجديدة |
خطفتي الكلام من كيبوردي يا راوية
والبوست ده مهم جد واساسي في مناقشة قضايا الاسرة السودانية وعلاقتها بالسفارات في عهد يفترض ان تقتلع وتنتزع فيه الشفافية انتزاع..
ولسع عندنا كلام كثير
مع التحايا للاخ جيمس الذي خلق لنا من الكمبيوتر الذي سافر الي السودان تاركا سفارتنا بدونه
خلق لنا مساحة وريفة تمكن ان نتدوال امر السفارة وخدماتها دون تحيز هلالي مريخي....
....
اعتقد ان الهم الاساسي يجب ان يكون تجويد الخدمات والمهام القنصلية وانجاز المهمة التي ارسل من اجلها هولا الاداريين من موراد الشعب السوداني لاداء هذه المهمة..خصما علي فلان زول كويس وعلان زول ما كويس...
| |
|
|
|
|
|
|
|
|
|
Re: سفارة السودان بالدوحة بلا كمبيوتر (Re: عبدالكريم الامين احمد)
|
الحبيب جيمس
يا اخي دفع الرسوم وقطع الإيصال ما بيحتاجوا ليهم لكمبيوتر..
مع احترامنا الكامل لكل السفارات والقنصليات السودانية، لكنها
عبارة عن مكتب لتحصيل الضرائب والرسوم.. ولديها أعمال أخرى
تتمثل في مرافقة الرئيس والوزراء عند زيارة البلد الذي توجد به
السفارة أو القنصلية وكذلك الاحتفال بعيد (الاستغلال) في شهر
أبريل من كل سنة والاحتفال بذكرى الانقلابات العسكرية..
مرة بكل حماس وعوارة مني مشيت أحضر الاحتفال بعيد (الاستغلال)
مع المقيمين السودانيين في دبي وأراد واحد من الشباب المطربين
الذي شاركوا في هذه المناسبة السعيدة أن يشارك بني شعبه بهذا
اليوم المشهود فغنى لهم
(الجلابية بيضاء مكوية يا حمادة بسحروك لي).. فانسحبت برااااحة
وكانت هذه آخر مرة أدخل فيها النادي السوداني بدبي..
الكلام عن السفارات والقنصليات السودانية بيهري المصارين
وما في داعي لنبش المرارات خاصة وعيد الأضحى على الأبواب..
وكل عام وأنتم بخير..
| |
|
|
|
|
|
|
| |
james
nadus2000
أيمن الطيب
عبدالكريم الامين احمد
.. الوظف يقول لك جيب ( خمسة ريال ) حق الفايل... اها زي الخمسة ريالات ديه بتمشي وين؟
ابوحراز
عبد الرحمن الطقي
haroon diyab
محمد الكاب
معتز القريش
Faisal Al Zubeir
keiga2000
شكرى سليمان ماطوس
عبدالرحمن عبدالله أبوشيبة
أبو ساندرا
wadalzain
حسين محي الدين
Rawia
Nasruddin Al Basheer
فيس بوك
تويتر
انستقرام
يوتيوب
بنتيريست