عفوا ان قاطعت سردكما الموجع فمالي حرف جبار كالذي عندكما ولكنكما افصحتما عما في نفسي و ربما نفوس ملايين من ملح الارض السودانية ...فلتغشاكما سحابة افراح للعيد ينسجها اهلنا التعابة من امل في باكر بخروف او بدون خروف...
والليله جانا العيد .. من بعد تعب وشقـا عنـيد .. مع الضل الوقف ياعيد والكل لملم وفات ياعيد .. لى أهلو يضحى وللذكرى والحنيه يعيد وحليلكم يا طافشين فى الغربه بعيد هل من عوده هل يا عيـــد ..
تهنئات كتار بالعيد يا منعم ويا خطاب وحنتلاقي، منتصرين أكيد بس خاطر الزمن لو طاب بناكل لحم صحي وبنشرب الشربوت وبنكتب بالفحم علي الباب جينا ولقيناكم وما لقينا أعداكم بس لازم نلف علي شلة الأصحاب أصحاب بعدد أشخاص الوطن ووطن مشرع الأبواب
,.,.,.,.,
كل سنة والجميع (شعراء وغنايين) بخير
12-18-2007, 07:23 PM
Gazaloat Gazaloat
تاريخ التسجيل: 05-14-2003
مجموع المشاركات: 891
اهايا منعم ياخوي خليك كدة في السليم .. خبر مهم : قبل شوية وفي احدي الفضائيات السودانية اياها جلس اربعة منهم بروفات وواحد منهم كان المهم الاهم وافتي في امر الضحية بان الامر بسيط ولا يحتاج الي هلولة ولا طبيب بيطري ولا يحزنون بس كل واحد يعمل كشف علي الخروف ولو شاف انو مزكوم وانفو جاري يقوم جاري و يحاول الي ان يجد الما مزكوم ولا انفو جاري .. اها يانعام يابتي ياكي الماشة الزريبة دغش ومعاكي كرتونة كلينكس ... اهم حاجةشخصية في هذه الكارثة النزفية والضحية انو انا واسرتي الصغيرة اها تاثرنا باجناس حولنا كتيرة وبقينا فيجيي vegie من زمان ..ولا نزفية ولا انفلونزا طيور بتهمنا .. ولينا كدة عقود من الزمان ما حضرنا عيد في السودان لكننا والله قلوبنا معكم (اضعف الايمان)
12-18-2007, 09:36 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
ياحليلو مسعود المسكين قهرهو قهر السنين وناس الدقون ركروا على سياسة التمكين عشرة فى المية كبرت كروشهم والباقى مهمشين فى مشاكل الدنيا العويصة تايهين والثورة ابت تطلع مالناس جعانين النيل جارى فى بلادهم وهم عطشانين قوتهم كملت وبقوا مشلهتين ياحليلنا وحليل مسعود المسكين
وكل سنة ياعبدالمنعم واسرتك وضيفوك وكل آل مسعود بخير
اشراقة بت عشة بت ناس مسعود المسكين
12-18-2007, 10:09 PM
khatab khatab
تاريخ التسجيل: 09-29-2007
مجموع المشاركات: 3433
يا منعم الجزار الليلة بات مهموم ما جهز السكين فلسان جفاه النوم لا نفخة فى بمبار لا شم ريحة التوم ما شاف عطية عيد ما ادوهو منها كوم لا باع جلد فى السوق جلد الضحية هدوم يا شلة الأنقاذ و الله عيب الشوم
الملك
12-18-2007, 11:23 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
يا سلام يا عبدالمنعم يا خي نعم ضبح الخروف ابودقن الملوث بالنزقية مسعود..!! حتي الخراف في زمن الفجيعة جعلت لجسدها الذي كان فداء جعلت له مكانا للنزقية في زمن الطفابيع وحكم الكروش ... عيد سعيد وعام جديد ومسعود يحلم بوطن بلا سلطة ذات كرش ولا خروف به نزقية
12-18-2007, 11:49 PM
نادر السوداني نادر السوداني
تاريخ التسجيل: 08-21-2006
مجموع المشاركات: 1374
_ كان اللحم بالطش وفتيل فلير للرش والحالة كانت تش دهب المطامير داك بينور الشباك يوم عمتك تلقاك العيد بخيت وسعيد انشاء الله يابه عريس و يجى جردل الشربوت كبنلو يا البنوت .. كان البلد شبعان قبال يجو الكيزان والجيب فرح مليان .. باكر يعود مسعود بنشده وتر العود يرجع بلد للجود بلدا كبير ورحيم شبعنا اكل النيم .. .. كل عام والشعب السودانى الجميل الى حد الا موت بخير وعافيه وامان ..
..
12-19-2007, 00:21 AM
Gazaloat Gazaloat
تاريخ التسجيل: 05-14-2003
مجموع المشاركات: 891
زمن الرغبف شمسى و الفسحة فى التكسى زمن الخبيز مرصوص و الكفته و المحشى زمن الحلو المخلوط بالسكر المحروق و الدكوه و الطرشى ناكل لحم كيمان و نهضمو بالببسى زمن الغنى و مستور زمن الفقير مكسى زمن الحيط نفاج و البنبر الكرسى توب الزراق و فراد و ( الجيبة) و ( الماكسى) فى ( البورمان) السيرة و الشلة فى ( البوكسى) الحفلة بى ترباس يوم مرقة الجكسى .........
تاج الملك يرسم .. لون مدخل الخرطوم زمن الزمان كان زين .. قبال دخول الشوم زمن الكباب بريال والبامية بالشوال والجر ملان بارد والكسرة فى البرتال والمادح المداح مسح الدموع بالشال مسعود بعود يا تاج وبنلبس الشوتال خرطوم سلام وسلام بيحلها الحلال وبحلها الحلال .. يا جماعه العيد مبارك عليكم والعفو
12-19-2007, 05:46 AM
abubakr abubakr
تاريخ التسجيل: 04-22-2002
مجموع المشاركات: 16044
..عيد بأي حال عدت (من) عيد بما مضى أم بخراف لذبح المساعيد؟ . .يا جماعه مسعود ده من ام بارح ..!! ..هنا وقال الكلام ..الفوق ده.. .لاكين اي زول عندو ..قافيه طاشه ..طلعا..فى العيد ده.. . .فمسعود معانا . .ولا شنو يا عمى مسعود .. . !! .غايتو . .
12-19-2007, 09:05 PM
abubakr abubakr
تاريخ التسجيل: 04-22-2002
مجموع المشاركات: 16044
ياحليل زمان الناس والدين سلوك عادى فى البيت وجوة البص فى السوق وفى النادى فى المدرسة التعليم فتنا الخلق غادى وبى سلوكنا العام يترنم الشادى لا السينما كانت عيب لابنقفل الرادى لاقلنا داك كافر نادولو جهَّـادى لاقلنا داك فاسق لامفسدا بادى رغم الجراح فى الجوف كان البلد هادى وكان الامل فى الايد نيلا سقى ولادى ربـَّى الامل جنحات وفرَّ لى غادى وبقت البلد سجنا مساحتو حدادى واتحكم الطاغوت والمجرم السادى عسكر بنى لادن استعمروا الوادى
12-20-2007, 03:42 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Gazaloat
khatab
abubakr
محمد سنى دفع الله
محمد مختار جعفر
Nasr
انعام حيمورة
Ishraga Mustafa
Tagelsir Elmelik
عبدالكريم الامين احمد
نادر السوداني
Osman Musa
محمد مكى محمد
اساسي
Elbagir Osman
Emad Abdulla
فيس بوك
تويتر
انستقرام
يوتيوب
بنتيريست