|
حبيبي ماتزود همومي حر ألطريق صحر زماني
|
الطريق ===== شفتك في طريق في وقت محتاج صديق إتشابت ليك عيوني وتاهت فيك شجوني دابت في بحر عميق وتشابيت غريق ................... يوم ما شفتك ياحبيبي برقك سحاب خضر زماني ورد الهوي عطر شجوني وكل الحنان كان من نصيبي ..................... حبيبي ما تزود همومي حر الطريق صحر زماني غربة وسفر ما برحموني حضنك أمان أمسح دموعي ...........................
|
|
|
|
|
|
|
|
Re: حبيبي ماتزود همومي حر ألطريق صحر زماني (Re: نادر السوداني)
|
كم هوة جميل ان يتقابل كل منا بانسان جميل في طريق غربتة تستكين مشاعرة تحت حدائقة الظليلة الندية بعد ما تكعبلت احاسيسة وخطواتة في دروب الغربة الغاسية فيجد زهرة ندية يفوح عطرها من حول احزانة الدفينة فتخضر وديانة اللتي تصحرت وجار الزمان علية
| |
|
|
|
|
|
|
Re: حبيبي ماتزود همومي حر ألطريق صحر زماني (Re: محمد سنى دفع الله)
|
السني صاحبي سلام انت وين ليك فترة ضارب الزوقان انشاء اللة خير تعرف يالسني الغنية دي لها حالة خاصة جداً بعد ما انفرط عقد فرقة السودانيين وهم كانوا اخوان واصدقاء من قبل ما تجمعنا الفرقة والعمل كمعترفين للموسيقي وجت نفسي في هذة الطريق الشائك وحيدا تتقازفني اموج الغربة فوجت أمامي من اغني لها هذة الغنية تاخزني من يدي لبر الامان فتجدني أكن لها كل احترام وتقدير
| |
|
|
|
|
|
|
Re: حبيبي ماتزود همومي حر ألطريق صحر زماني (Re: Deng)
|
جورج أزيك لو كنت عارف من زمان زي نوع الغناء دة بخليك تجينة بي جاي كنت نزلت مية غنية البركة في الشوفة والحفلة الجاية حيكون الغنا كلة زي نوع الغنية دي جقلرة ==== يا جورج انا في انتظار شريط فرقة ديفد قروب المعاك في أحر من ألجمر لك مني كل الود نادر السوداني
| |
|
|
|
|
|
|
Re: حبيبي ماتزود همومي حر ألطريق صحر زماني (Re: نادر السوداني)
|
Quote: تتقازفني امواج الغربة فوجدت أمامي من اغني لها هذة الغنية تاخزني من يدي لبر الامان فتجدني أكن لها كل احترام وتقدير |
وانا بدورى اكن لك كل الوفاء والتقدير احييك صديقى ودالريف على جهودك المضنية العذبة فى ظل حياة الغربة المتعبة ... تسلم ياحبيب.. ********
همسة: لو انا انت, كنت نفذت الاعمال دى مع الشباب الحلوين بطرفكم وطلعتها فى اجمل سي دى
| |
|
|
|
|
|
|
Re: حبيبي ماتزود همومي حر ألطريق صحر زماني (Re: سمندلاوى)
|
يا بكوري سلامات يا اخوي انت دايما ناسي الشين البعد اللام قصدك تقول/ ود الشريف / وبعدين ناس الخرطوم وناس امدور من بتين كانو ريافة يا حبة العتب علي النظر [ لو انا انت كنت نفزت الاعمال دي مع الشباب الحلوين بطرفكم وطلعتها في اجمل سي دي]
يابكوري انت زول متفائل الناس ديل نحنا نلقاهم وين مرة مرة بالتلفون اللة يديهم العافية .....................................................الشوق نغم كمجة سمندلاوي ....نادر السوداني
| |
|
|
|
|
|
|
Re: حبيبي ماتزود همومي حر ألطريق صحر زماني (Re: Amir Omer)
|
أمير عمر الجميل / كلنا في الهوة سوي يا صديقي مافي تقصير ولا خجل الظاهر انت لسة جديد علي عزاب الغربة وحياة الشلهتة وزكرتني بغنية بتقول كل زول بي حالو يدور يلملم في ألشقي ألمشرور ألوجع في ألجيب مصرور لا بسد لا بيبل ألزور [ إنتظرني كم يوم احتمال تجيني الشجاعة انزل ليك شقل متواضع بالتاكيد مابرقي لشقلك لكن اهي محاولة بسيطة] يا أمير ياخوي كلنا بنحاول والكمال للة وحدة انت نزل محاولاتك واكيد بتكون جميلة زي إحاسيسك الجميلة دي ونحن في الانتظار لسماع ماعندكم بفارق الصبر
| |
|
|
|
|
|
|
Re: حبيبي ماتزود همومي حر ألطريق صحر زماني (Re: محمد سنى دفع الله)
|
المبدع ود محمد دفع اللة كل سنة وانت طيب يا فنان وانشاء الكريم السنة الجاية يكون عندك مسرحك الخاص
[ ربنا يبعد عنك هم الطريق ] نتمني ان يبعد اللة هم الطريق من كل سودانيي الشتات أما [الزحف الصحراوي ] دة مقدور علية بعد شهر ولا شهرين حنرجع التفة بتاعة زمان .........ها ها ها.... لك كل الود
| |
|
|
|
|
|
|
|