|
|
 الله يخيبكم
|
زرت الشمالية مؤخرا ونهر النيل ، رايت (مروى ) ... يا الهى .. تبارك الله وما شاء الله .. تطور .. بلد ماشية لقدام ..
الجنوب ورغم الجوطة الحاصلة فيهو شوية حركة وبشوية ضبط وانضباط بمشى قدام وسنة سنتين تنهض فيهو العمائر ، البلد كلها ماشية لقدام ، خطوة خطوة ولا شبر شبر ، الا دارفور ، وما تشبكونا تهميش وتهويش وبتاع ، السبب الاول والاخير والحيخلى الاقليم دا منكوب ليوم القيامة ، الناس الشالت السلاح وقسمت الناس لقبائل وخشوم بيوت وحركات وكل عشرين اتلاقو فى بيت بكا يطلعو بيان ويعلنو حركة واى عشرة عندهم بندقية ماركة اربعة وساطورين عملو معسكر ووزعو لنفسهم رتب وقعدو يخربو على الناس ، نهب طريق ، اشانة سمعة ، كلهم .. او اغلبهم كدا ،
اها يا جماعة الزعلان يشرب الخزان - فى رواية يقع - شفتو يا عيال دارفور لا تختوها فى جلابة ولا كروات ولا اسبان ، برااااااااااااااااكم .. خاربين بلدكم وحتقعدو كدا زى (العمل الردئ ) ضرر وضرار على اهلكم ، وخليل ما خسران وعبدالواحد ما خسران والقاعدين فى القصر الجمهورى ما خسرانين والشغالين مع المنظمات ما خسرانيين والقاشرين بالقضية فى المنابر ما خسرانيين كلكم كسابين والاقليم ودارفور راجع لى ورا واخير ايام زمان بتهميشو وسجمو ورمادو كان اخير من هسة ، شبكتو الناس حقنا وحقنا ، وجطتو الارض وافسدتوها وفى النهاية المحصلة شنو ولا حاجة ... الله يخيبكم
|
|
 
|
|
|
|
|
|
|
 Re: الله يخيبكم (Re: محمد حامد جمعه)
|
كافى البلا ، اليشوف عبد الواحد فى الفضائيات ولا يسمعو فى الاذاعة يقول القبة تحتها فكى ، شابكنا شعبى ، شعبى ، وهو قاعد الغدا فى شارع الشانزليه والعشاء تحت برج ايفل ، والاقامة يجددوها ليهو وتجيهو ومعاها قارورة عطر فرنسى .
وخليل يجيش الجيوش ويستعرض فى المدرعات والبنادق الالية ، وحركتو تكسر البقية الباقية من عمران فى غرب دارفور وباقى البلد الناس واولادها فى كل اقليم منجضين شغلهم وماشين لقدام ، وصدقونى طول يا زمن قصر يا زمن دارفور تبقى اكتر بقعة متخلفة فى البلد دى ، لانو مافى زول ولا استثمار ولا مشاريع حتقوم فى منطقة اهلها بخربو عليها قبال الاخرين .
عارفين مطار الشهيد صبيرة فى غرب دارفور الحركات المسلحة نهبت بعض الياتو ، وعلى ذلك قس باقى المشروعات الكبيرة ولا صغيرة كان ممكن تشكل اضافة للناس المساكين هناك .
| |
|
|
|
|
|
|
|
|
|
Re: الله يخيبكم (Re: محمد حامد جمعه)
|
المواطن محمد حامد جمعة يرد علي الكوز محمد حامد جمعة
ويقول-بتصرف-البلد ماشة للوراء مادام خدمات الصحة في الحضيض والانسان كم مهمل!!!
Quote: قضيت يوم امس الخميس باكمله متجولا بين مستشفيات ولاية الخرطوم من الثورات الى مستشفى امبده مرورا بمستشفى الخرطوم التعليمى ، حاملا على اكتافى مريض يحتاج الى عملية (باردة ) وبسيطة لاستخراج (خراج ) ، حيث تعرضت لمواقف هى هجين من الطرافة والاسى ولكنها فى النهاية رسخت عندى قناعة ان الفوضى فى مستشفيات العاصمة تجعل كل الجهود لتطوير خدمات الصحة محض هراء وترهات .
فى المستشفى الاولى بام درمان اعتذر الاطباء بان غرفة العمليات غير معقمة ، وطالبونا بالذهاب الى (الخرطوم ) وهناك رفضوا استلام المريض لان المستشفى الاول لم يقم باجراءات (التحويل ) فدلفنا الى (الحوادث ) وانجز الاجراء بالخرطوم بعد شروحات مملة ثم عدنا الى المستشفى العاصمى العريق فافاد الاطباء بان علينا الذهاب الى (امبده ) لان تلكم العملية البسيطة من الافضل القيام بها هناك !
وبالطبع وبالنسبة لمواطن مسكين مثلى فان اطاعة الحكومة ممثلة فى اطباء المستشفى الحكومى الكبير مسالة واجبة ، فلست ابن وزير ليتحلق حول مريضى الاختصاصيين ولست حفيد باشا ليتوقف عمل المستشفى لصالح مريضنا فتوكلنا على الله الواحد الاحد وتحولنا الى (امبده ) وهناك قابلنا طبيب (حدث ) اعتذر لنا بلطف بان علينا الحضور صباح الجمعه وقد تجرى العملية وقد لا تجرى وان كنت قد رجوت فى سرى ان يحولنا الى (غونتانمو ) او (ابوغريب ) فعلى الاقل هناك يمكن لمريضنا ان يموت شهيدا او يحظى ببوستر فى واجهة القنوات الفضائية وزيارة من المجلس التشريعى المركزى او كبير بالبلد يتكرم علينا بنظرة وبيان .
عدت الى منزلى ومريضى يتوجع حينا وحين يذهب عنه الالم يسب وزارة الصحة والحكومة وشرق افريقيا واشاركه بياناته المنددة لان ما راه اليوم كفيل بجعله من انصار اسرائيل والشيطان ضد السودان ولو حكمه الخلفاء الراشدين
ما هذه الفوضى ، وما هذا الاهمال وسوء التقدير لظروف الناس ، فان كان هذا هو التعامل مع عملية لا تحتاج الى اكثر من مشرط معقم وتخدير موضعى وجراح |
لاستئصال الورم كيف يكون الموقف لو ان العملية ترتبط ارتباطا مباشرا بحياة او موت انسان /QUOTE]
,,,,,,
فضيحة !!
| |
|
|
|
|
|
|
|
|
|
Re: الله يخيبكم (Re: kamalabas)
|
يا كمال : داك موقف انا كنت واضح فى نقد مظان التقصير فيهو ، لكن بامانة اسالك الحصل فى دارفور بحمل السلاح مش قضى على البقية الباقية فى الاقليم ، البلد ظروفها متباينة لكن الشوية الفى دا دارفور حتمرق منو كيت وانا وانت ربنا يطول فى عمرنا ونشوف
| |
|
|
|
|
|
|
|
|
|
Re: الله يخيبكم (Re: محمد حامد جمعه)
|
الأخ/ محمد حامد جمعه
كلام حكم. وفعلآ هذا حال أهل دارفور
فلا بدمن الجلوس لحل المشاكل.. لايخدم
حمل السلاح فى حل قضية مهما حصل وحرب
الجنوب خير مثال !!!
الحوارالحوار ثم الحوار للتوصل لحل جزري.. هذا هوالخيار الوحيد لا ثاني
له..
| |
|
|
|
|
|
|
|
|
|
Re: الله يخيبكم (Re: احمد معتصم الطيب)
|
يا ود الطيب
الناس هنا بتابى النصيحة وتقعد تقرطس فيها وتديها لون ، لمن الزول يفجر فى فهمو ويابى اى توجيه وشوف براك لمن يجى محمد سلميان بعدين ورهطه
| |
|
|
|
|
|
|
|
|
|
Re: الله يخيبكم (Re: احمد معتصم الطيب)
|
محمد حامد جمعة
عندى أسئلة لحركات دارفور اتمنى ان اجد له اجابة!
لماذا لاتجتمع الحركات الدارفورية على هدف واحد وهو مصلحة دارفور لماذا يتم شراء مناضلى دارفور بهذه السهولة!
لماذا يعول مناضلى دارفور على الدعم الخارجى بهذه الصورة المخزية التى لم نراها فى تاريخ حركة قرنق!!
شخصيا انا محتار
| |
|
|
|
|
|
|
|
|
|
Re: الله يخيبكم (Re: jini)
|
يا جنى افتكر الناس كلها حقو تسال اسئلة كتيرة ، الشغلة دى واضح انها لا عندها علاقة بدارفور ولا سودان ،
| |
|
|
|
|
|
|
|
|
|
Re: الله يخيبكم (Re: fadlabi)
|
Quote: لماذا يعول مناضلى دارفور على الدعم الخارجى بهذه الصورة
المخزية التى لم نراها فى تاريخ حركة قرنق!!
|
يا جني
ولماذا لم يتاح للجنوبين مناقشتك بمثل ما يفعل الدرافورين هذه الايام؟؟؟
يبقى دخول الانترنت غير الحال ووصل قضية دارفور للعالميه.
وماهو الدعم الذي تتحدث عنه؟؟؟؟
انا لا ارى الا دعم اعلامي...لو عندك خبر سلاح سلمه الغربين لاهل درافور كمان كلمنا.
| |
|
|
|
|
|
|
|
|
|
Re: الله يخيبكم (Re: Hadia Mohamed)
|
Quote: لماذا لاتجتمع الحركات الدارفورية على هدف واحد وهو مصلحة دارفور
لماذا يتم شراء مناضلى دارفور بهذه السهولة!
|
ويا جني
لانه انشأت شعبة خاصه اسمها شعبة القبائل لاول مرة بجهاز الاستخبارات السودانيه
القذارات و التكتيكات التي لجأت اليها حكوة الخرطوم الآن مختلفه.
معك ندعو لوحدة الحركات.
الا عندي لك سؤال خليك من الحركات
انت ناس المعارضة الشماليه ليه ما قادرين يتوحدوا؟؟؟؟
مش كده وبس ليه اي حزب انقسم لمية حته؟؟؟؟
ليه يتم شراء المعارضين الشمالين بمعدلات اعلى من الدارفورين؟؟؟؟
(ولا نسيت صفة مبارك الفاضل لعضو الجاز لما قال ليه قروش البترول تمشوا بيها وين
فرد عليه بنشتري بيها الزيك؟؟؟!!!) نحن لم ننسى.
يا جني كل ساسة السودان بقوا في ساحة البيع والشراء وكمان توجد اعلانات عن التنزيلات
فلماذا الحديث بسلبيه عن قيادات دارفور؟؟؟
هم صحيح بعضهم فاقعين مرارتنا لكن برضوا تقويمهم لن يكون بتجريمهم جميعا.
معزتي.
| |
|
|
|
|
|
|
|
|
|
Re: الله يخيبكم (Re: Hadia Mohamed)
|
Quote:
زرت الشمالية مؤخرا ونهر النيل ، رايت (مروى ) ... يا الهى .. تبارك الله وما شاء الله
.. تطور .. بلد ماشية لقدام .. |
بالله !!
قربوا قلت لي بيقوا زي ابو ظبي؟؟؟؟مبروك عليهم.
اها يا محمد حامد اهلنا الشايقيه لسه ما لبسوا عقالات؟؟؟؟
| |
|
|
|
|
|
|
|
|
|
Re: الله يخيبكم (Re: saadeldin abdelrahman)
|
اللهم انى اسألك بعزك وجلالك وبأسمك الاعظم
أن تحصى الكيزان وانصارهم عددا وتقتلهم بددا ولاتبقى منهم احدا
اللهم اجعل عيشهم ضنكا
اللهم ابتليهم كما ابتليتنا بهم
اللهم نحن عبادك السودانيين قد مسنا الضر والبلاء الكيزانى فارفعه عنا فانت ارحم الراحمين
امين يارب العالمين
نداء لكل الشرفاء لحماية الممنبر من عصابةالإنقاذ
الزملاء الأفاضل
ومعا لكشف عصابة مافيا الانقاذ وجميع المأجورين
ولا نامت أعين الجبناء والعار للذين ينشرون أكاذيب الكيزان في
هذا المنبر
حسبى الله ونعم الوكيل
حسبى الله ونعم الوكيل
حسبى الله ونعم الوكيل
| |
|
|
|
|
|
|
| |
محمد حامد جمعه
kamalabas
احمد معتصم الطيب
jini
العوض المسلمي
fadlabi
Tragie Mustafa
saadeldin abdelrahman
Mustafa Mahmoud
مجاهد عبد الرحمن
محمد على حسن
فيس بوك
تويتر
انستقرام
يوتيوب
بنتيريست