|
القصر الجمهورى نفر !
|
خلاص .... المنادى الكان بينادى (القصر الجمهورى نفر ) حيسكت لانو (الراكب جا ) والتجمع دخل الشراكة وكلنا شفنا اليوم حفل التوقيع على الاتفاق بين الحكومة والتجمع الوطني المعارض ومثلث القمة السياسي في البلد صار الحكومة والحركة الشعبية والتجمع – وبكلمة وتوصيف أدق مولانا الميرغني وحزبه – لأنو أصلا التجمع زاتو معلم الله من تنظيم كبير يحسب حسابه بالأرقام الصحيحة وان كان فيهو كمية بتاعة كسور عشرية ، طبعا الحزب الشيوعي مشارك أصيل فيهو لكن دى مشاركة رمزية من زمان وواضح وبالعربي كدا انو الحزب الشيوعي مجلى الشغلانة كلها وما ضارب في نمرتها وعندو حساب بيعرفو براه لأنو شامي الوضع ومستاء ومحبط و(الفيهو مكفهيو ) من يوم الجماعة هجموا الأستاذ نقد في (مخبئه ) وصوروه وشبكو ليك (كفارة وسلامتك يا الحافظ كرامتك ) من اليوم داك عمك نقد اقتنع وآمن انو الجماعة ديل – ناس الحكومة – شفوت ومفتحين وقادين بطن اى حزب وتجمع وعشان كدا الحزب الشيوعي جاب من الأخر ولفاها ليك مع ناس تجمع الداخل وما هبب لمفاوضات القاهرة ولا أداها نظرة ولا تحية وفى نفس الوقت ما اشتغل بالتحالف بتاع القوى الوطنية – بسموه في الخرطوم تحالف النسابة – لأنو برضو لسه متشكك انو يكون برضو عباءة حكومية البيخشها إلا يكون داقس ! وعشان كدا أتطلب الله وقال انزل الشارع برااااااااااااااااااى وادقش سوق الله اكبر دا وسجن سجن غرامة غرامة . وطبعا في شلة كدا بتاعة شخصيات وطنية وسياسية وشوية وكم حزب كدا أعضاء في التجمع وديل ما فارق معاهم الاتفاق لو مشى قدام كويس معاهم ولا ما مشى برضو ما عندهم قشة مره لأنهم في كل الظروف لا عندهم خيل ولا حضور بقواعد بالداخل وما عندهم تأثير ومؤثرات في التجمع . يبقى إذن الاتفاق دا أصلا المقصود بيهو من جانب الحكومة وحركة قرنق والمصريين – الهندسوه وعملو فيهو الإنارة ورشو ليهو الأرض – المقصود بيهو الميرغني وحزبه ... بس.. يعنى باقي الجماعة (اتلحسو ) ناس البروف تيسير – ولا هو ما بروف يا جماعة – وغالب الفصائل المسلحة المقربة من اسمرا وهى طبعا ما حتسكت وتشوف عينكم طوالى بكره تمشى تلم ليها سبع فصائل ويعلنو منبر جديد بالخارج وما عارف حيسموه شنو لأنو الأسماء زانها في البلد دى الساسة كملوها شت ما خلو فيها الحبة وحتعمل الحاجة دى بسرعة لانها لو قعدت تتجرجر حتلاقى انو مثلا اتفاق استيعاب قوات التجمع حيكون دخل حيز التنفيذ والكان مسئول عمل معنوى فى منطقة ربدة يلقى نفسو (لواء ) (وجنابو حيانى بكابو) وسوق توزيع الرتب والمناصب يسخن فيضعف النضال والغبينة امام بريق التسكين فى الرتب العسكرية المختلفة وما تلاقى اسمرا معاها زول ينفع انو يكون ( كماندور ) فى لواء السودان موديل 2006 ! طبعا السيد الصادق المهدى الشى الحصل فى القاهرة دا بيكون بامانة مسخن معاه لانو لسه ماسك فى قصة انو الحزب صاحب الاغلبية واكثر الاصوات فكيف يتم فيلم زى دا ويحمضوه ويطبعوه وينتجوه ناس اسامة انور عكاشة ديل وينسو (العمدة سليمان غانم ) مش ممكن !! وطبعا الامام حيكون مغيوظ لانو تانى عمر البشير لو فى زول شبكو انتو منفردين بالسلطة وكاشين باقى الناس قدماكم حيقول كيف الكلام كدا وطوالى يجيب ليك صور منصة اتفاق القاهرة وحفل السلام فى نيروبى والوثائق والاتفاقيات ... هاكم شوفو .. دا مش جون قرنق .. دا مش الميرغنى ... اها الاحتكار هنا وينو ؟؟؟ ... والشراكة تبقى شجرة ليها ضل يا تقعد فى ضلها يا تمشى تصنقر فى السهلة وان طقاك (ابو فرار ) تكون بظروفك فى زول قال ليك امرق من ضل السلام دا ... وطبعا دا كوم وفى كوم تانى بتاع ناس كدا عندها مشكلة انو اى اتفاق فى البلد دى ما عاجبها جون قرنق دا ابو النضال وابو الحرية والكفاح المسلح ومما خش مع الحكومة فى (خد وهات ) وبقى فى اى لقاء (يكسر ليهو لوحين ) شكر وثناء فى عمك على عثمان محمد طه طوالى الجماعة طلعوه ليك (ابو تقيلة ) وبياع وبلشفى وبتاع ثنائى العاصمة وهسة شيلو الصبر مولانا الميرغنى حيسلخوه سلخ لمن عمتو تقع منو ومولانا (باع ) القضية على وزن (حمادة باع القضية ) وغايتو البلد ليها الله ما عارفين زاتو الصح منو والعندو الحق ومعاه منو . المهم وبامانة كدا وببساطة وكدى خلو الكلام الفوق دا غادى الاتفاق حاجة كويسة ونقلة لقدام وانشاء الله تكون فى امتحانات ملاحق للمتاخرين عشان كل الناس تتنقل لقدام وما يقعد زول ورا ويحجز الضرا بالمشاكل البتجى على راس الشعب والمساكين بس .
|
|
|
|
|
|
|
|
Re: القصر الجمهورى نفر ! (Re: محمد حامد جمعه)
|
يا ابوحميد سؤال تشليعة وكده ، انت وزير الداخلية ده مالو ؟ انتو مش اهل مكة ؟ لو السبب العمارة الوقعت ديك ، والله ما مقنع ، لانو حصلت حاجات اكبر من وقوع العمارة كان مفروض الحكومة كلها تستقيل ، سؤال تاني صغيروني ، انت رجعت للمنبر العام خلاص ؟ تعرف من خلال الاجابة علي السؤال ده يمكن نقدر نفهم حاجة عن حال البلد .
| |
|
|
|
|
|
|
Re: القصر الجمهورى نفر ! (Re: فخرالدين عوض حسن)
|
وعبرك اسال لماذا خرج الميرغني ولماذا يعود؟؟؟
الاخ فخرى : اما لماذا الاولى فتلك ربما تكون انت اعلم بها منى واما لماذا الثانية فانا ارشح السيد حاتم السر للاجابة ... ولا شنو رايك
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
بصراحة شديدة .. وللاجابة علي:
لماذا "الاولي"؟؟
لقد صدقنا في بادئ الامر ان الرجل خرج من اجل الديمقراطية وحقوق الانسان
وبوصفي عضو مكتب سياسي للحزب ونائبا لرئيس التجمع في غرب اوربا
ومسئولا اعلاميا في مواقع شتي
فانني اعتذر للشعب السوداني عن " تضليل " الميرغني للجماهير
لقد صدقنا الرجل وعملنا معه لفترة حتي تبيناانناخارج اطار مطامح الرجل الذي شهدنا كيف انه لم يتوقف عن وصل النظام والتواصل معه ولم تكن قضايا الوطن وانسانه من اولوياته خلف الكواليس .. وان كان يتسوق بها
حتي اسميته الزعيم " الاعلاني"
انا امثال الميرغني لا يعرفون غير ذواتهم ..
انه ينادي بالديمقراطية ولا يمارسها
انه كاذب كذوب وانا مسئول عن ما اقول وبالمستندات كمان
وهذه مصيبتنا في " زعماء" السودان " الشطرنج"
واحلم بسودان يغيب عنه الميرغني والمهدي والترابي ونقد.. الخ من الذين
قد حان الوقت ليترجلوا
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
حمد الله على السلامة يامحمد حامد جمعة..وأين الحاضر الغائب و الغائب الحاضر؟ وقطعا لا أقصد الشعبي..لكنني أقصد أولئك الذين يعملون في التلفزيون ويقومون بالبث بعد إنتهاء الإرسال.
أحذروا طالبان!
| |
|
|
|
|
|
|
Re: القصر الجمهورى نفر ! (Re: فخرالدين عوض حسن)
|
Quote: انه كاذب كذوب وانا مسئول عن ما اقول وبالمستندات كمان
وهذه مصيبتنا في " زعماء" السودان " الشطرنج"
واحلم بسودان يغيب عنه الميرغني والمهدي والترابي ونقد |
ويحل محلهم العبقري معلم الأجيال فخر الدين عوض حسن . يذكرني هذا بأحلام ديك اسمه ظلوط.
Quote: ويقول مبروك ان الميرغني كان يدبر لتصفيته جسديا اي اغتياله!! |
وماذا عن فخر الدين عوض حسن المناضل الجسور ألم يدبر الميرغني محاولة لاغتياله أم أنه أهون شأنا؟
عزيزي فخري أرى أن حالة الميرغنيفوبياالمزمنة عندك تتطور باضطراد إلى حالة شيزوفرينيا حادة وأتوقع أن تقول لنا في المرة القادمة أن الميرغني هو من إغتال جي إف كينيدي. عادة أكتفي بالضحك على الهذيان الذي تكتبه و لا أتجشم عناء الرد عليه لكنني عدلت عن ذلك للمرة الآولى والآخيرة لكي اتقدم لك بنصيحة أخوية : راجع طبيبا نفسيا قبل أن تتفاقم حالتك ويصبح علاجها مستحيلا.
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
الشقيق العزيز بابكر لك مودتي وتحياتي
انها يأكل منها هذه المرة وهي ساخنة
ان بردت لن يفضل منها شئ.. يجوا ناس اخونا مبروك ومحمد طاهر ودارفور
وعندها يروح مولانا شمار في مرقة
اخي محمد حامد لعلها ايضا اجابة علي الثانية
والميدان ملئ باللعبة وكمان الخبرات والمربين الاجانب
وليس المصريين والعرب
وهذه من كرامات ابوهاشم
| |
|
|
|
|
|
|
Re: القصر الجمهورى نفر ! (Re: بابكر عبدالجبار عبدالله)
|
والله يا بابكر شرق السودان اعطي الميرغني الكثير
وهو ظل ياخذ وياخذ حتي انتفخت اوداجه
وضرب الفقر المدقع والمرض ادروب الوفي
لقد حان الوقت ليرد الاتحاديين دين الشرق
ونقابل الوفاء والعطاء باكثر من مثله
ودمت شقيقي
| |
|
|
|
|
|
|
Re: القصر الجمهورى نفر ! (Re: فخرالدين عوض حسن)
|
النقر جا..
والعفو والعافية...
و انها الهزيمة اذأ اخي محمد حامد جمعة..
و .. وهنا قتلت الديمقراطية ..هل من معزيين ...
جهجهت الناس جهجهة ... يا راجل دي النقر ما بيعملها ...
وبمناسبة القصر الجمهوري نفر....هو في مكان لسع؟ ..
يا راجل سفينة نوح بتاعتكم دي فيها فجة لابو هاشم يخت رجلو ...
| |
|
|
|
|
|
|
Re: القصر الجمهورى نفر ! (Re: محمدين محمد اسحق)
|
من يرش الخصمين بالتراب قائلا : " المديدة حرقتني " ليس طرفاً في " الدوسة " لكنه مجرد حكّامة ، والحكامات غيروا ليهم " السوفت وير " من زمان !! ماذا يا تري يكون المحرش ـ بكسر الراء ـ يا تري ؟!
| |
|
|
|
|
|
|
Re: القصر الجمهورى نفر ! (Re: merfi)
|
اوامر شنو يا ميرفى يا حليلك انت من زمن (صفا انتباه ) الطب اتطور يا استاذ .... بالمناسبة اهو الميرغنى راجع الخرطوم ... ماترجع (جوبا ) المدينة ولا الجامعة على كيفك
| |
|
|
|
|
|
|
Re: القصر الجمهورى نفر ! (Re: merfi)
|
Quote: فخر الدين :
يا راجل براااحة ... وللمجالس اسرارها برضو |
العزيز/ محمد حامد جمعة
الحمد لله بالشوفة يا زول ... و لكن يا ود جمعة اسمح لي ان اقول لك يبدو ان الحكاية حلت ليك و جرت في ضروسك (تحت ضروسك) .
عموما يا ود جمعة لعلك تتفق معي بان لا احد من الناس يرفض ان يكون السودان موحد وفق معطيات جديدة و ارجو منك ان تضع خطا عريضا تحت مفردة جديدة هذه... و اسمح لي ايضا ان اقول لك بان القراءة الاولية لما يدور الان في السودان لا تبشر بواقع جديد ... بمعني اخر لا تبشر بعدم عودة الناس في السودان الي المربع الاول المحفوظ لكل من له قلب سليم... و اذا ما اثبتت الايام عدم صحة قراءتنا سوف نعتذر عن هذا الخطأ مع انه الاخرين لا يعتذرون حتي عن امهات الجرائم ... لذلك تجدهم فرحين لما يجري الان في السودان من توقيعات شكلية لا يسألون فيها عن ما عملت ايديهم و ارجلهم و اعينهم من افعال تحسب في مصاف الجرائم ضد الانسانية وفق معايير القانون الدولي... و لكن قطع شك هنالك يوم اخر للحساب غير اليوم الذي صافح فيه طه قرنق او صافح فيه طه الميرغني... فحواء السودان والدة يا عزيزنا يا ود جمعة و لك حبال الود ممدودة يا زول.
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
الاخ محمد حامد جمعه...تحياتى و حمدله علي السلامه...قد تكون هذه هي اول مداخله لي معك سواء كان فى بوستاتك او البوستات التي دارت حولك عندما كنت معنا او بعد خروجك المجلجل الكثيرين قبلك اتوا و تعاركوا (و تداوسوا) بعضهم اساء الادب و فصل و بعضهم حريف في المكاواه و المطاعنات و بيضرب تحت الحزام من طرف خفي و لذلك امن جبروت الائحه ...و بعضهم حارب بشرف و آثر ان لا يخوض في الوحل و العفن فإنزوي و ابتعد انت في كل البوستات التي قرأتها لك حاربت بشرف ...الا ان خروجك اختلف عن خروج الآخرين ...ففي ذلك أنك ذكرت ان خروجك كان بسبب تعرضك او اسرتك للتهديد...دا كان نوع جديد من الفجور في الخصومه...لم يشهده المنبر من قبل علي حسب علمي...و قد حز ذلك في نفسي و في نفس الكثيرين و منهم الاخت نهال كرار التى افردت بوستآ في ذلك حتى انها طلبت منك الرحول حفاظا علي اسرتك...و قد اثار ذلك الامر الكثير من علامات الاستفهام...و قد كتب في ذلك الاخ محمدين مستفسرا عن حيثيات ما حدث...رجوعك الان يثير علامات استفهام اكثر علي شاكلة هل سبب الخروج انتفي الآن...و هل الذين هددوك ادوك الأمان...لو حبيت جاوب و كان حبيت طنش مع تحياتي ناصر
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
سعادتو مرحب بيك من جديد تخيل ان الكثيرين يصفون التجمع بانه كان السبب الاساسي في مد عمر الانقاذ الى السنة السادسة عشر طبعاً دي ذاتها فيها لعبة من اولاد بمبة ( يحضنو الحكومة والتجمع ) عليه قد تكون هذه بداية لنهاية بداية شنو؟ ونهاية منو؟ قد تكون لديك المعلومة من قبلنا وعلى كل هي خطوة متاخرة للغاية
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
اخي محمد جمعة
الآن لا بد ان يفهم الجميع بانه يوجد واقع جديد وقراءات للاحداث جديدة وعلينا ان نوائم انفسنا مع هذا الواقع الجديد وان لا نجلس نتفرج على الاحداث ونباكي على مولانا او على التجمع او على الزمن الذي مضى او الشيب الذي نمى على الراس
| |
|
|
|
|
|
|
Re: القصر الجمهورى نفر ! (Re: ghariba)
|
اخيرا اتفقوا فيما كانوا مختلفين فيه ـ السلطـة !!
محمد حامد جمعة، بلغ هذا التحذير لمن تطبل لهم من مجرمى الحركة الاسلامية: ارفعوا ايديكم عن الشرفاء من ابناء وبنات البجا، ولو قمتم باعتقال امنة ضـرار مرة اخرى فلن تجدوا صفحـة تقلبوا عليها.. دعوا هذه الدعايات الجوفـاء و توقفوا عن تضييع وقت الشرفاء بالاستدعاءات والابتزاز.. هذه هى صورتكم الحقيقية القبيحة، فلا تحاول تجميلها بالاتفاق مع اشباهكم..
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
أستاذ محمد حامد حمد الله على السلامة نورت البورد .. وخليك دايماً كما عهدناك ( خريف خير ) ينزل على الأرض برداً وسلاماً- لكنه يخرج منها الهوام التى لا تحب البشر .. مش كده يا عمار
| |
|
|
|
|
|
|
Re: القصر الجمهورى نفر ! (Re: abookyassarra)
|
محمد حامد جمعة
بركة الحردة فكت.....
تعرف يا محمد المنبر دا كلو عورا" جميع عوير"
عوير حردان
عوير زهجان
عوير تنتان...... تنتان يعني نقناق
عوير هطلة..... انا بكل فخر انتمي الي هذه القبيلة.. بل انا شيخ القبيلة
بالمناسبة... انا مبسوط منك... لي الله دا بس...وانا بسطي قااااااسي...
| |
|
|
|
|
|
|
Re: القصر الجمهورى نفر ! (Re: محمد حامد جمعه)
|
حمد لله على سلامة العودة والعود احمد وليس احمر ياكمدان... تعرف رجوعك دا خلانى اعرف ولاول مرة انو ابوهاشم بتاع تصفيات جسدية ؟1 معقولة زول جدو الرسول"ص" يطلع كتال كتلة دى تنهضم كيف طيب فى الحاله دى ناس الانقاذ يمكن يطلع جدهم ابو الهول والا ابو ال.... والا مافى داعى والزمن بقى زمن وفاق ... مكرر ..هلا بيك
| |
|
|
|
|
|
|
Re: القصر الجمهورى نفر ! (Re: WadAker)
|
معقولة زول جدو الرسول"ص" يطلع كتال كتلة دى تنهضم كيف طيب فى الحاله دى ناس الانقاذ يمكن يطلع جدهم ابو الهول
ود عكر هم ما طلعوها فى العلالى والكان كان وهسة بقو فى البحلهم منها انشاء الله بتخميسة معاها
| |
|
|
|
|
|
|
Re: القصر الجمهورى نفر ! (Re: munswor almophtah)
|
( منصور )
ياخ اسفى العميق والله لم امر عليك تجاوزا تقليلا او تجاهلا وحسنا انك صوبتنى ولكن لتعلم انك قد اتيت بالمفيد فياود جمعه دعونا نصبح حزمه فقد سئمنا المهازل فإن ذلك الشاعر له أفق أخطر من كل فلاسفة السياسه فى السودان...فلا تمنوا الموت بصدق....... والبوست هذا عينا اعنى من يريدون ان يجعلوا من اتفاق القاهرة عربة فى مركبة الخيانة والردة عن النضال ويتغاضون عن ايجابياته ويطعنون فى ذمة اطرافه ولهذا لم اجد بدا من دلق هذه السخرية الحاضمة لكن عد واقرا خاتمة البوست ...
| |
|
|
|
|
|
|
|