|
|
 Osman M Salih التنشين قبال والصقع صنقور
|
يا شباب عثمان محمد صالح (Osman M Salih) زميلنا فى المنبر دا والعضو الاديب والقاص العلم وكلو فوق عينا وفوق راسنا ودبابيرنا ...
زول طيب ... اى ... زول سمح وحنين ..اللهم نعم ... زول كتاب .. كويس ...
اى ... دينى وايمانى منقط الكتابة وهو فيها زى هيثم مصطفى فى الهلال ... سيدا ... دا كلو ما عندنا عليهو اعتراض رغم انى وبصراحة وكان ترضو كان تابو ما شايف اى حنك بتاع قصة وابداع للزول دا لكن نسوى شنو الواحد بقى مجبور فى المنبر دا مرات يبقى زى الشيعى بتاع مبدا تقية وكدا لكن واجيب ليكم من الاخر اخونا عثمان دا بيكتب كلام يرفعو كان قصة ولا خاطرة يوم السبت عاوز ليك اسبوع عشان تهضم منو سطرين ويخشو راسك لكن غايتو مجبورين نقول اديب ومبدع وكان ما قلنا كدا بيلم فيك ناس كدا من بتاعين الحداثة والكواسة والاستنارة الخمسة نجوم يطلعوك زول حاقد وحاسد لكن خلاص فترنا عديييييييييييل والزول لا عارفنو ولا ما عارفنو بس قاعد شغال للناس مقصات تابوت ووداللحد والدافنة تقول الامين العام لمنظمة حسن الخاتمة وان مرقك من حكاية عناقريب البكا دى يلم فيك يا رعديد يا خبيث يا فعلتك يا تركتك والناس بس قاعدة تتلافى شرو وشر الناس من اتقاه الناس مخافة لسانه يا جماعة .
وعليه انا المذكور اعلاه اعلن اننى منذ اليوم ان المتر بميل والشهيد بمية فى مداخلات الزميل عثمان ولو عاوز نقاش واخذ ورد يبقى يخت لينا الكورة على الارض لكن ما يشبكنا الحنك بتاع حصص الكيمياء دى ورجاء عام يا شباب ما تجو تشبكونى الزول مبدع والزول فنان والزول شفيف ورهيف لانو يفرق كتير طعم الحلو لو يبقى مر ... وعثمان فات المرارة زاتها ...... وكترها ومسخها وبعد دا التنشين قبال والصقع صنقور
|
|
 
|
|
|
|
|
|
|
 Re: Osman M Salih التنشين قبال والصقع صنقور (Re: محمد حامد جمعه)
|
فى بداية التسعينيات وكنا حينها فى الثانوى العالى - جلك اخوكم  - كنا ننتظر عدد الثلاثاء من صحيفة السودان الحديث عارفين ليه عشان نقرأ تداعيات يحى فضل الله وقصصه وحكاياه خاصة لمن ينقل اجواء مدينة مثل كادوقلى واذكر تماما ان تداعيات يحى فضل الله والتى كانت هجين بين العامية والفصحى والردونك فى لسانيات شخوصها اذكر تماما انها كانت تجد مقروئية عالية انعكست على توزيع الصحيفة والجماهير التى كانت تنتظر صدور عدد يوم الثلاثاء لتحظى باباداع يحى فضل الله
شفتو الادب والادباء يا جماعة
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: Osman M Salih)
|
ولد دا ...
عم ستكتبون ( أعنيك + الفراش الدائر
حول سراجك ) لو مضى هذا العثمان
وأخلى لمدادكم الباهر هذا المكان؟
والله قنبلتها كبيرة خلاص يا حبة ... ومعليش على العامية واللغة البيئة لكن دا ضرورى عشان نوصل ليك الفكرة فى الطاسة وكدا
يا مان حوا والدة ...
بعدين كدى ورينى ابداعك دا وخلى مدادنا الباهر انت غايتو F.F.SH ودى بلغة الراندوق يا مان انك فاكيها فى نفسك شديد
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
يا ابو عفان
انا زول ضلامى ومجلى قصة الادب وعشان ما اظلمك - ولو انها جات متاخرة - كدى ورينا ابدعت شنو .. انا غايتو لازم الجابرة دى ولا قالت شاعر ولا بتاع طرب ولا قلت بكتب قصة زول ابيض كدا لكن بعرف اميز وكان البتكتب فيهو مرة مرة كدا دا قصة وادب سجمنا وسجم تلستوى وشو ومارك توين - شفت كيف اخوك مفتح - وسجم مكسيم غورجى - وفى رواية للاسم بحرف تانى - وكمان سجم العيون تفعل فعل المكسيم
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
| Quote: اخونا عثمان دا بيكتب كلام يرفعو كان قصة ولا خاطرة يوم السبت عاوز ليك اسبوع عشان تهضم منو سطرين ويخشو راسك لكن غايتو مجبورين نقول اديب ومبدع وكان ما قلنا كدا بيلم فيك ناس كدا من بتاعين الحداثة والكواسة والاستنارة الخمسة نجوم يطلعوك زول حاقد وحاسد لكن خلاص فترنا عديييييييييييل |
متــي كان الشـاويشية يفهمــون الادب..
الكتابة الادبية ليست كمحاضر اقسام
الشرطة..[ قفل في تاريخه وساعتــه]
الم تجد اليوم موضوعا من موضوعات
الـ SMC فنزلت هجوما علي الاخ عثمان.
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
Dear all
I do not know the problem between you, but I think no one has the right to tell others what is good or bad, no Liberal one can do this, I know I enter myself to a sort of battle that I am not readay for it, but it is sometimes need so
Dear Osman Mohamed Salih
I hope you can accept my recommendation, stop this, you have no right to tell us who is suitable for us or not, and let us read for you, and left running after others, I think you waste your time and the time of others
(عدل بواسطة msd on 07-23-2005, 08:27 AM)
(عدل بواسطة msd on 07-23-2005, 08:29 AM)
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
ياكمدان الزول اعلاه لازمو فرش متاع وانا حالف احجز ليهو عنقريب قد"بالكسرة ياوجيه"عشان استمتع بما يهترشه من تداعيات احلام زلوط ...اصله فارقة معانا وحامينا النوم .. وقد "المرة بالفتحة يحبة"السلك فى القاموس يعنى تصرف ..طبعا اخوان اتخرت" دى بالذات ما حا اشرحها ليهو" وما فهم حاجة ..
قضى الامر ...
ستجدنى قريب منك فى كل الزقاقات الحالمة..حلوه دى يااريب اردب ارباب كش كلاش كلو ماش
عاليا ...المرة دى فى اتجاة ورشة السمكرجية"يعنى حددت اتجاهى"
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
الأخ محمد حامد جمعه سلام وتحيه لست من من يدعون الاستنارة وهم عنها بعيدين لكن حسب رأيي الخاص وبناء علي لكل واحد منا وجهة نظر عثمان محمد صالح لديه قلم من حروف بهيه انار هذا المنبر باسلوب رائع في الكتابه وب شعر و خواطر وترجمه قصصيه وغيرها فهو مبدع فلا نهضم حقه من باب المجانيه او من باب الاختلاف معه في إشكال آخر ومن هنا اقول عثمان صادق قلمه في الكتابه ولكني لا أقول ان قلمه صادق في كل كلمة يكتبها خاصه في تلك التي تتعلق بتحليله لكتابات الاخرين. اتمني من عثمان ان لا يرمي الاخرين بشئ قد لا يكون فيهم واتمني من الاخرين ان يخلصوا النيه و يحسنوا التعامل.
يقول محمد جمعه
| Quote: رغم انى وبصراحة وكان ترضو كان تابو ما شايف اى حنك بتاع قصة وابداع للزول |
طيب رائك (شنو) اقول ليك الفن والابداع هنا
| Quote: واجيب ليكم من الاخر اخونا عثمان دا بيكتب كلام يرفعو كان قصة ولا خاطرة يوم السبت عاوز ليك اسبوع عشان تهضم منو سطرين ويخشو راسك |
أنور أحمد
| |
|
|
|
|
|
|
|
|
|
Re: Osman M Salih التنشين قبال والصقع صنقور (Re: محمد حامد جمعه)
|
محمد حامد جمعه
Quote: Anwar Ahmed
اتمني من الاخرين ان يخلصوا النيه و يحسنوا التعامل
المقولة دى حقو تكرمو بيها صاحبنا الكتر السخف وبالغ كمان فى تكدير مزاج الاعضاء ودونك ملاسى وخدر والرجلين ممن نشهد لهم بطول البال والادب ... والرزانة |
يكفي انني كتبت و من دون مداراة:
| Quote: ومن هنا اقول عثمان صادق قلمه في الكتابه ولكني لا أقول ان قلمه صادق في كل كلمة يكتبها خاصه في تلك التي تتعلق بتحليله لكتابات الاخرين. |
وبنفس القدر كتبت:
| Quote: واتمني من الاخرين ان يخلصوا النيه و يحسنوا التعامل |
أنور أحمد
| |
|
|
|
|
|
|
| |
محمد حامد جمعه
ناذر محمد الخليفة
Osman M Salih
المكاشفي الخضر الطاهر
omar ali
عبداللطيف خليل محمد على
A.Razek Althalib
فيس بوك
تويتر
انستقرام
يوتيوب
بنتيريست