|
|
 خيبة الله على الاستنارة !
|
طيب يا شباب .. شايف دعاة المنارة والاستنارة زعلانيين .. وشغالين هرش وتحريش ... يا بكرى وقف ويا بكرى امنع ويا بكرى ارفد .. ليه يا جماعة قالو قالو المنبر بقى مظنة فتنة وبيشعل فى النيران .. كيف الكلام دا يا اخوانا قالو فى عنصريين حايمين يحرشو فى الناس ويسممو الراى العام ...
والله .. نورونا الله بنوركم ...
احتمال .. نكون عنصريين وما عارفين .. نحن اصلو معقول نعرف اكتر من ناس بره ديل .... عقلهم احسن مننا وبعرفو دين واخلاق وسودانيين اكتر مننا .. هو لو نحنا كنا نافعين كان قعدنا لسة هنا فى البلد كان زماااااااااان لقينا لينا بلد خواجات و(بنى ادمين ) اتعلمنا منها الاستنارة الما خمج .
والله يقسم لينا شوية كدا من استنارة العولمة دى عشان نشوف الامور صاح ..ونقرا الاحداث تانى ونتعامل معاها صاح بدل التعامل البلدى دا .
يعنى المعنى انو الناس القامت وزعلت وخربت وضبحت دى من بعض الاخوة ناس ما قاصدة حاجة ... زعلانة بس .. زعلانة بس !!.. زول فقد عزيز عندو وعندنا زعل قال ابكى شوية واقوم انفس غضبى دا اشوف لى كم زول البعو بطوبة ولا اجزو بسكين وامشى قدام شوية احرق لى عربيتن تلاتة واغشى معاى روضة اقزقز لى بنية نهيدا طبنجة اتمسح فيها برضو اشوف استاذة واشلت لى كم شافع كدا وبعد داك ارجع بيتى .. اها المطلوب من الزول المستنير والما عنصرى فى الحالة دى انو يقطم ويشوف ليهو جحر فى محل شغلو وفى بيتو يخش الحمام ويقفلو عليهو ويقشط معاه مرتو وعيالو وضيوفو ولو عندك زول عيان فى البيت تقول ليهو (احتسب ) واصبر لغاية ما ربنا يفرجها والمسالة تتلم .. الحكومة تنزل جيش ولا شرطة ولا ناس كشافة ودا طبعا عاوز ليهو برنامج واجتماعات الشرطة ما تكون عنيفة عشان ناس حقوق الانسان ما تزعل والعساكر يفضو الشغب بتشغيل موسيقى ناعمة وبدل البمبان العساكر تشيل ليها شمع و(فرش فلور ) ولو لقو زول بينهب فى دكان ولا بقالة ولا بيحرق فى عربية يحنسوه (عليك الله باركها وامسح لينا الحصل دا فى وشنا ) وناس الاحزاب تقعد تجتمع وترى وتعتقد وتؤكد على المرحلة التاريخية ويكتبو البيان والبيان يقراه اول شى مسئول الاعلام ويمشى مسئول الاعلام يديهو للامين السياسى ( اسمع غير كلمة فقيد السلام لشهيد السلام ودقيقة العبارة دى شوف ليها مرادف اقوى ومعبر كدا واقول ليك حاجة دقيقة نخلى اجتماع المكتب السياسى يخلص عشان نشوف اخر وهمة شنو والبيان يجى متطابق ) والكلام دى والمواطن لسه مطلوب منو - عشان ما تبقى فتنة وعنصرية - يكون زى المزرور فى طاحونة ويكون مطلوب منو ينتظر لغاية ما منظمات المجتمع المدنى تقعد وتشوف الحاصل وتناشد المنظمات النظيرة ويجو كم بروف منهم يشوفو مرجعيات الضغائن التاريخية واشكالية النخب الحاكمة وجدل الهامش والمركز وترسبات الحرب وافرازاتها على الثوب الاجتماعى للمجتمعات ودا كلو واخوك ولا اختك ولا ابوك ولا امك تكون جاهزة ومحضرة نفسها لاى اعتداء ومطلوب منها انها تصبر الراجل يمد رقبتو للضبح والمره ترش على نفسها رشة عطر وتقدم شرفها للزول الغاير دعما للوحدة الوطنية ودعما للوعى الطبقى ...
المطلوب كمان لو انت زول (كويس ) وفاهم وموضوعى وما بتاع فتن لمن تجى تكتب تكتب بلغة كدا زى بتاعة (روايات عبير ) ما تخلع الناس فى البلد وما تعمل توتر .. لا ... لا .. تكتب كدا اول شى رمية ومدخل بيت شعر من نزار قبانى وتشوف ليك قصص وحكايا حلوة تقدم بها الحاصل بصورة ايجابية .. شنو كتلو فلانة وعملو لعلانة كيت كيت دا شنو الشمار الشين دا بعدين مالك ومال حلة حرقوها ولا جامع كسروه دا شنو الكلام المحبط دا والبيهدد السلام ... وبيسى للتعايش السلمى دا !
عشان كدا القصة مفروض تكون كالاتى .. الدكتور جون قرنق توفى فى حادث تحطم طائرة .. كويس .. اها قامو بعض الاخوة الجنوبيين زعلو وشعرو بالصدمة طوالى نزلو الشارع ضرب كسير لخبطة جوطة وحصل الحصل .. فى الخرطوم فى بحرى فى امدرمان فى سنار فى جوبا .. الرنك وغيرو ... المفروض طوالى الناس المتضررة تشيل جنايزها وتمشى تدفنها وما تفرش ولا تحد ولا تبكى .. ولا تغضب ... الغضب والحزن والانتقام حاجة خصوصية للجنوبيين بس ... جون قرنق مات .. يبقى من حق اهلو يعملو اى حاجة والناس تبرر لكن اخوى ولا ابوى ولا صحبى ديل ما ناس وما مطلوب منى ازعل عليهم وعلى الاسر المكلومة وتقعد (مدسية ) لغاية ما بيانات الشجب والادانة وكدا تمرق وبعدين الله كريم ... وبالمناسبة دا الحصل ... الضحايا واهلهم اول تبادى اكلوها ومشو احترمو نفسهم وخشو بيوتهم وقفلوها عليهم ... وبرضو الضغائن التاريخية دى كانت وراهم وراهم - بالمناسبة الغريبة كل الضحايا ما فيهم زول كان ابوهو تاجر رقيق ولا حتى فى تاريخ اسرتو كلها وزير ولا مدير - وناس تتلب فى البيوت ويكسرو بابك ويخلعو شباكك ... وشفعك جوه معاك قلبهم مخلوع والقلوب فى الحناجر ....
خيبة الله على الاستنارة .
|
|
 
|
|
|
|
|
|
|
 Re: خيبة الله على الاستنارة ! (Re: محمد حامد جمعه)
|
نعم خيبة الله على هؤلاء المستنرين الذين يرون الحقيقة ويغضون عنها الطرف أكتبوا وانتم هنالك قابضون على جمر القضية اكتبوا وانتم تشاهدون بام أعينكم الخراب والدمار قد لحق كل شيء اكتبوا وقد ثكلت اسرى ويتمت بيوت وحرقت متاجر ونهبت بنوك واغتصبت نساء اكتبوا فانتم تنقلون لنا الحقائق اكتبوا كل ما تريدون كتابته ونحن اذناً صاغية
| |
|
|
|
|
|
|
|
|
 Re: خيبة الله على الاستنارة ! (Re: Marouf Sanad)
|
معروف
تحياتى ... افتقدتك مؤخرا فى هذا المنبر
معروف
انظروا لما يجرى فى الخرطوم اليوم بشى من النزاهة فى الفصل بين مواقفكم من النظام وموقفكم من الوطن والشعب
الحاصل يا معروف حيعمل انقلاب مفاهيمى كبير فى البلد ...
| |
|
|
|
|
|
|
|
|
|
Re: خيبة الله على الاستنارة ! (Re: ودقاسم)
|
اخي محمد حامد جمعة
والله العظيم انا من يوم الحادث مستغرب في هؤلاء الشامتين الحاقدين هل هؤلاء سودانين
هل هؤلاء بشر يحملون قلوب رحيمة.؟؟؟
هل هؤلاء مسلمين؟؟؟
هل هؤلاء انسان لديهم اسر في الخرطوم وماجاورها يخافون عليها من تهجم هؤلاء الشرذمة الجنوبيين.؟؟
هذا الحدث جعلني اعرف نفسيات وحقد دفين وكشف لنا عن ضغائن
فليكن حديثنا بعيداً عن التشجنات والتعصبات
تخيلت وانا اشاهد اول يوم من الاحداث منظر لاحد من اسرتي يرقد في المستشفى مضرخ بالدماء ماذا سيكون حالي هل انتظر ..؟؟؟
اشيد بك اخي محمد جمعة و
اشد من ازرك لوقف الفتنة تضامن مع طلب الخال ودقاسم فلنتوقف عن الرد عن هؤلاء الجهلاء الحاقدين
| |
|
|
|
|
|
|
|
|
|
Re: خيبة الله على الاستنارة ! (Re: خدر)
|
Quote: باتاحة الوجود لشخص مثل السيد جمعة و منحه منبرا اضافيا حرم منه الكثيرين في الوطن
يكون السيد بكري ابوبكر قد منح الاجهزة الامنية صوتا و مساحة كبيرة لقوى متدربة
على تشويش الرأي العام و نشر الاكاذيب و انصاف الحقائق لتوجيه الرأي العام في اتجاهات معينة..
انظر اليه كيف ينتقي بعناية العناوين, بدلا ان يذهب الى عمله الذي ذكر و حماية المواطنين العزل
فانه ينتقي اي منزل يذهب لشحن قراء البورد و يذهب مثلا انتقائيا لمنزل الاخ معتز تروتسكي
و ينقل بدقة خبر موت اخو الاخ اسعد ابراهيم، انه في كل الفوضى السائدة في الخرطوم يقوم بدوره الامني المنوط به و هو تحييد المثقفين السودانيين لصالح السلطة عبر نشر معلومات دقيقية و مؤثرة لكنها موجهة توجيها دقيقا لتغيير مسار الرأي العام في البورد.. |
الحمدلله
ان مابهتتكـ
في ناس برضو شايفين الانا شايفو
دقيقه بس .. اسه بجي
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
سعادتكـ
بل قول انكـ ماكنت عارفنا بالوضوح ده
والانسجام مع افكارنا و قناعاتنا .. بنؤمن بالسلام و بندافع عنو
بنؤمن بالانسانية و بندافع عنها
يا سيدي اسهل حاجة دق الصفايح البتسوي فيهو ده
وانا خدر ده ممكن اسه اكتب ليكـ برنامج كامل لي نسف التعايش السلمي
البتتريق عليهو انت ده ايها الصُحفي المناط بيهو لم الشمل
( و تماسكـ الجبهة الداخلية  )
دي موش مفرداتكم القديتو بيها اضاننا 16 سنة
ممكن انسف ليكـ كل شي
بس انت اقنعني انو التعايش السلمي ده غلط
واقنعني انو البلد مافيها قانون
واقنعني انو لازم نبيد الجنوبيين
واقنعني انو الغي عقلي و اتابع عواطفي
واقنعني اني اطهر و انضف من الجنوبيين
| |
|
|
|
|
|
|
|
|
|
Re: خيبة الله على الاستنارة ! (Re: خدر)
|
واقنعني انو لازم نبيد الجنوبيين
يا خدر ما تحرف مقاصد البوست ...
انا لم اقل ولم يقل ان يباد الجنوبيون او غيرهم انا اتحدث عن اشياء تحدث الان وتتفاعل وكل الذى تود ان تقول به من تعايش ووحدة صار هراء !
هذا الحديث لم يعد له مكان ومقبولية فى نفوس الناس
دا الحاصل اى كلام غير كدا كلام فارغ وتضييع زمن وغش ... كويس
بعدين يا خدر مباشرة الاحداث - ودا الحاصل معانا - مرات بديك قرايات اوضح من البتكون مع زول بيناقش فى المسالة والازمة من مداخل البحوث وطق الحنك والورق
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
خيبة الله عليك و على نظامك و على قادتك سبب و ناشر الفتنة
اذهب الى موقعك الطبيعي و دع التنميق و اللف والدوران
هذا صوتكم الحقيقي النازى علاء ، ولان كلامه يعبر عنك ويسعدك لم تنبس بكلمة لنصحه لا باسم الاسلام لا العقل لا الانسانية و لا الاخلاق، اذهب اليه و ارقص على انغام فاشيتك، هذا ما غذته ايدلوجيتك لاعوام (و لهذا لم يوجد لدى حكومتك اسرى من الجنوبيين، ولهذا تغتصب نساء دارفور) اتعلم لماذا؟ لانكم تعتبرونهم مثلما يقول النازى علاء
دع الاستنارة و ابحث عما يغطى عورة اسلام نظامك المفضوح
واى رب رحيم هذا يا ايها النازى،؟ الرب يتوارى خجلا لانه خلق مثلك ايها الفاشى الوضيع
Quote: جميع أولاد العرب الاسياد
سلام قول من رب رحيم
جميع عبد و خادم مرّ من هنا ولو للقراءة
العصا لمن عصا
طائراتنا جاهزة
و كل عب ليهو طيارتو
|
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
لن اصمت وساظل اكتب .... كفاية .... قرفنا وزهجنا وبطنا طمت من اللميس والتلطف والتادب ...
الواحد عشان بيكره الحكومة مستعد يعلق الحرائر والصغار على مشانق التبرير السخيفة ...
توعية شنو ... وحكمة شنو وبلد شنو العاوزين تعرفو صالحو وعاوزين ليهو الخير ....
البلد الناس العاوزين ليها خير وعاوزين ليها سلام نزلو امبارح الشوارع ... ما عشان يطاردو زول ولا يقتلو زول لكن عشان يحمو عيالهم واموالهم ....
عنصريين ودعاة فتنة ... والله مافى اكبر بائع فتنة منكم ...
عاوزين زى كل مرة تخمو الناس .... عشان ما عندكم فيها مكسب ...
ليه ما قلتو الكلام دا يوم فى عشرين شخص قتلو فى بورسودان ... ما سودتو المنبر ونحتو ... طيب المية وعشرين ديل ما زى ناس بورسودان فرقهم شنو ...
المية وعشرين شهيد الماتو فى الخرطوم الضلامية دى ما فيها شفع وناس صغار وعجزة وعجائز ...
امشو امبده شوفو عملو شنو وامشو الكلالكة ... اضربو تلفونات .... نحن ما عاوزين الناس تنتقم لكن بردو قلب الناس انشاء الله بكلمة مواساة وتعزية بدون استدراكات وتوضيحات ....
خيبة الله على الاستنارة ...
حوادث عارضة .... وطارئة ... كل مرة كدا ...
قرنق يصل الخرطوم الجنوبيين يخشو المطاعم ويدقو الناس ويخربو ... معليش نمشى الحال .... قرنق يموت .. يضبحو الناس ... وبكره سلفا كير يجى برضو ننضرب ... سلفا كير .. يصاب بانفلونزا يكون علينا ان نرقد على الارض ونمد مؤخراتنا لنيل ما تيسر من الجزاءات والعقوبات ... تف
| |
|
|
|
|
|
|
|
|
|
Re: خيبة الله على الاستنارة ! (Re: Hatim Elhassan)
|
| Quote: خيبة الله على الاستنارة . |
من بعد الإذن...
وقد صدق صاحب البوست..
خيبة الله على الإستنارة...
البتخليكم ظهير مساند للباطل..
على الدوام..
محل ما لقيتو...
محمدين إسحاق..
| Quote: هذه دعوة فتنة ..وشر مستطر ... |
وعرب دارفور.. السميتوهم جنجويد.. فتنة ولا ما فتنة...
معروف سند...
| Quote: كيف تصف الله بالخيبة ??? |
كلام العرب قاسي...
ود قاسم..
لامن قلت العرب وسخين ما بستحمو..
كان.. ياتو نوع من الفتنة.. الما مزكية..
keiga2000
Quote: هل هؤلاء بشر يحملون قلوب رحيمة.؟؟؟
هل هؤلاء مسلمين؟؟؟ |
أسئلة مشروعة..
لناس رمدانة..
عندها إجابات جاهزة ومغلفة...
صنعت خصيصاً.. لكبح الجماح..
من عينة..
جنجويد..
عرب..
جلابة..
شمال..
خدر..
| Quote: دقيقه بس .. اسه بجي |
ما تبقي فراملة..
في ناس بتموت..
وناس عايزة ترصف الطريق إلى القصر..
بجماجم الأبرياء...
البسطاء..
عاكف مختار..
الله لا جاب يوم شكرك..
Hatim Elhassan
.
تاريخ التسجيل: 11-05-2005
مجموع المشاركات: 121
| Quote: الرب يتوارى خجلا لانه خلق مثلك ايها الفاشى الوضيع |
لسع بدري عليك..
وأم درمان تشتعل..
ما ترفع كورنر فشنك..
ساكت..
أرخي النفس شوية يا مان..
ودع عنك وهج الاستنارة وابحث عما يغطى عورة خيبتك المفضوحة..
فالاسلام لم يكن يوماً ملك نظام دولة حتى ينفضح ..
فدع عنك هذه البلادة..
والبلاهة..
و خيبة الله على الاستنارة !
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
الحبيب محمد حامد
لا فض فوك يا اخوي
ناس الاستناره والعولمه ديل حيرونا الواحد زي ما قلت الا يقدم اختو ولا مرتو حتين يقولو عليه مستنير
سجم الاستناره وسجم السودان اكان راجي من ناس زي ديل قلبهم ميت لو راجي عمار وربنا يرفع السودان
قال مستنير قال
| |
|
|
|
|
|
|
|
|
|
Re: خيبة الله على الاستنارة ! (Re: Elmosley)
|
Dear Mohamed
What you see below is a great valuable contribution, by Mr. Omer
in your last post before this worst one please read it carefully and do not ignore it.
Sincerely
Yousif Elmosly
========================================================
Mr. Mohamed, I wish you well
This is the first time to interact with you because these are very difficult times and it need very responsible people especially journalists
I have known you through this board to be responsible most of the time but lately I have noticed that your pen has been sucked into unnecessary rhetoric
In my mind a post you have started mainly to rough talk and belittle Osman Mohamed Salih I did not see any good reason as to why that post was started. I did not appreciate that at all and it was out of character
But the most shocking is your uncontrolled emotion you have deployed in the last two days. It was very irresponsible to say the least. We expected from some body "politically disciplined" to have more control on your feeling or also as a journalist. I think you suppose to be objective in covering the news and to see these events as a tragedy to the whole country and instead strongly criticize the government insufficiency. I found your pen the last two days to be provocative and it mostly lacked diplomacy and common sense. I am glad to see you clamed down today. So please keep your clamness at all time because That is how the great leaders and journalists, for that mater, behave. By the way I apologize for not having the Arabic software or the skills to use it
Thanks for your time
Omer Omer
| |
|
|
|
|
|
|
|
|
|
Re: خيبة الله على الاستنارة ! (Re: Elmosley)
|
تأمـروا على الزبيـر و إبراهيم شمس الدين وغيرهـم.. بنفس الأسلوب، ولكن لم يكن هناك تحقيق، لأن القاتل والمقتول منهـم (زيتهـم فى بيتهـم)، ولكنهـم الأن يولولون، لأن المقتول له ناس، يريـدون كشف الحقائق، فى زمن يستطيـع علماؤه من إستنطـاق الحجـر الأصـم فى التحقيقـات. هم الأن مرعوبون وخائفـون من كشف الحقيقـة.. لقـد سمعت خطاب البشيـر، تحدث عن لجنـة وطنيـة للتحقيق، ب(التعاون) مع الحركـة ولم يقل ب(مشـاركـة) الحركـة.. وشتأن ما بين القولين.. ولكن التحقيق سيتـم من لجنـة دوليـة رغـم أنفهـم، وسيكون شـاملا.. وسـوف تتكشف الحقيقـة.
لقـد صـرح على عثمان محمـد طـه، هـذا الرجل الفتنـة، أن ما عرف بإتفاقيـة السـلام ليس إلا حبـر على ورق.. نعـم قال هـذا فى عزاء الشيـخ حسن الفاتح قريب الله.. وما يحدث ليس إلا تفسيـر عملى لهـذا.
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
| Quote: انظروا لما يجرى فى الخرطوم اليوم بشى من النزاهة |
اهـــلا بنـــزية افنـــدي
كويـس احداث واحد اغسطس المحزنة المؤسفة
علمتك النزاهة وفكرتك انو في كلمة اسمها
نزاهة.
جاي اليوم تثير الفتن العنصرية باسم النزاهة
وكلامك قلوا لسة قاعد عن نكرانك انو في حاجات زي
الحصلت في الخرطوم بتحصل علي امتداد عامين في
دارفور..ومع انو دي منطقتك كان يفترض ان تكون اكثر
نزاهة في نشر الحقائق حول ما يجري فيها مـش
الترويج لاكاذيب من يدفع راتبك الشهري.
اتكلـــم عن اي حاجة الا النزاهـــة
| |
|
|
|
|
|
|
|
|
|
Re: خيبة الله على الاستنارة ! (Re: Haydar Badawi Sadig)
|
ادناه مقال الأستاذ عثمان ميرغني المشار إليه بعاليه.
**********
عثمان ميرغني
(جريدة الراي العام)
الاربعاء 3 أغسطس
بعد أن هدأت النفوس والأحوال قليلا من حقنا أن نطرح بكل هدوء هذه الأسئلة الحيرى .. في زحمة وغبار الـ ''تسنامي'' الذي بدأ منذ فقدان طائرة النائب الأول للرئيس إلى توابعه من تراجيديا العنف المرير في العاصمة ومدن أخرى.
منذ البيان الأول للحكومة ذكرت أنها علمت بالحادث عن طريق الرئيس اليوغندي موسيفني الذي أبلغ حكومتنا بأنه (فقد الإتصال بطائرة جون قرنق) .. وهذه العبارة تصلح للاستعمال إذا كان (فقدان الاتصال) لساعة أو نحوها لكن في تلك اللحظة كان عمر (فقدان الاتصال) 24 ساعة كاملة .. تصوروا أربعة وعشرين ساعة والحكومة السودانية لا تعرف أين نائبها الاول ؟؟.. وجاءت أول اشارة فقدان إتصال من الرئيس اليوغندي.. بعد 24 ساعة كاملة من الحادث الأليم ..!!
على كل حال تفاصيل الحادث ربما ستظهر أكثر بمضى الوقت والتحريات .. لكن الفاجعة الأكبر ما تلى ذلك .. منذ الثلث الأول من ليلة الأحد ظل التلفزيون والسيد وزير الإعلام عبر قناة الجزيرة يضخان أخبارا متناقضة .... كان واضحا أن الحكومة متيقنة حينها من مقتل السيد النائب الأول د. جون قرنق.. وكنا ندرك ذلك بين سطور الإفادات التي يدلي بها وزير الإعلام واستبطنا النية الحسنة وقلنا حسناً فعلت الحكومة بتأجيل الإعلان لأنها تريد الاستعداد لما بعد الإعلان وأخذ الحيطة ... حتى تواجه رد الفعل في الشارع .. لكن الذي حدث كان غاية في الإثارة والغرابة ..
رغم علم الحكومة مسبقا بسيناريو الغضب والفوضى .. إلا أنها لم تعلن الحداد وحظر التجول صباح الاثنين ..أذاعت نبأ مقتل جون قرنق وتركت الجميع يتوجهون إلى مكاتبهم والصغار إلى مدارسهم ليندلع العنف ويكتظ الشارع بالأبرياء الذين إما قتلوا أو جرحوا أو أحرقت ممتلكاتهم وسياراتهم أو على أقل تقدير ساروا على أرجلهم ساعات طويلة عندما انقطعت وسائل المواصلات العامة ..
كل الذين قتلوا أو جرحوا أو دمرت ممتلكاتهم أو احرقت سيارتهم ذنبهم على الحكومة التي لم تحسن التصرف فتركت الأبرياء من شعبها يذهبون إلى عملهم كالمعتاد فوجد المجرمون فرصة غافلة فأحرقوا السيارات وتحركوا في وسط الناس متخذين منهم دروعا بشرية تحميهم من الشرطة.. ولو أعلنت الحكومة الحداد وتعطيل الأعمال منذ الصباح الباكر وأصدرت أمرا بمنع التجول .. لما وجدت في الشارع إلا المجرمين الذين يمكن بسهولة حصارهم طالما أنهم مكشوفين بلا غطاء .
كثيرون فقدوا أرواحهم بلا ذنب إلا لأنهم ذهبوا لإنتشال أولادهم من المدارس بعد أن استشرى العنف .. أو لأنهم حاولوا منع إحراق سياراتهم أو محلاتهم أو في طريق عودتهم الإضطرارية من مقار العمل بعد أقل من ساعتين من وصولهم إلى أعمالهم ..تعددت الأسباب والظلم واحد .. فقط لو أعلنت الحكومة عن تعطيل العمل لما كانوا خرجوا أو سمحوا لأبنائهم بالذهاب إلى المدارس.. ولما ضاعت الأرواح ولما أتلفت الممتلكات.
أثبتت التراجيديا أن لجنة أمن ولاية الخرطوم تغط في سبات عميق .. حتى حظر التجول أعلنته قبيل زمن قليل جدا من ميقات سريانه فأربكت المواطنين الذين لم يستعدوا للأمر .. ومع ذلك أجد نفسي أسأل بكل براءة .. ماهو الفرق بين مواطن جنوبي بسيط اندفع بجهالة الى الشارع فأحرق ودمر .. وبين رجل آخر عاقل راشد اندفع الى داخل جامعة أمدرمان الأهلية وأحرق ودمر الأجهزة والمكاتب وقاعات المحاضرات ..؟؟.. وأقدم الإجابة أن الاول فعل بجهالة .. والأخير بكامل علمه ورشده .. كيف يتأتى الأمن إذن ؟؟
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
الرؤية واضحة
ليدافع من يُهاجم من قبل المعتدين عن نفسه فذلك فِعلٌ مشروع، لكن يجب أن لا نُُحرّض على القتال والعداء وسفك الدماء ... هذا الشعب واعي بما يكفي لدحر الأصوات التي كانت تشعل فتيل التمزق والتفرقة والعنصرية البغيضة من أمثال صوتك أخي الكريم ...
أرجو أن تعود إلى رشدك فها هو الشعب المعلم ينتبه لمخططاتكم الماكرة ويركن للسلام والحمد لله أن عم السلام ربوع البلاد بعد أيام كالحة ...
كن معنا في خندق النضال الواعي فأنت قلم يرجى منك الكثير ... ليس من العيب أن نخطئ لكن العيب أن نستمر في الخطأ ...
تقديري وخالص تحياتي ...
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
الاستاذ/ محمد
لماذا تفتح بوستات جديدة لنفس الموضوع؟ موضوعك واحد وفكرتك واحدة فالتزم ببوست واحد وخلي عندك صبر الصحفي في التدقيق والبحث والمناقشة لان المتداخلين معك لازالو ينتظرون ردودك هناك.
للفائدة اورد هنا كلمات جميلة للاستاذ لؤي في هذا البوست : شيعوا/ن الفقيد بالورود و الشموع و الطبول
Quote: أدعو معك لمزيد من التسامح والهدوء وضبط النفس ..
ان فقد هذا الرجل خسارة كبيرة ..لكل اهل السودان ...
والحزن عليه يكون بالتمسك بمبادئه ..وشعاراته واهدافه كما قالت زوجته ..والتي تتلخص في السلام والوئام والتنمية والعدالة والمساواة ...
وكما قالت العديد من قيادات الحركة الشعبية على شاشات التلفزة ..
وهي قيادات اثبتت مسؤوليتها وجدارتها وحنكتها وحكمتها في هذه الازمة ..
ان ما حدث من احداث أمر مؤسف ..لكن يمكن تجنبه من اجل السودان ..ومن اجل
اطفال السودان ..ومن اجل بريق الامل الذي علا الجميع ..منذ ان وقفت الة الحرب في الجنوب .
ان مقتل دكتور قرنق خسارة كبيرة لكل اهل السودان ..لكنه القدر المسطر الذي لا فكاك منه
ويجب ان لا تتعطل او تتوقف المسيرة ..برحيله ..او رحيل غيرة في اي لحظة ...
لذا لتمضي المسيرة في هذه القاطرة الكبيرة المسماة السودان ..نحو اهدافها
من اجل اهل السودان جميعا ... |
| |
|
|
|
|
|
|
|
|
|
Re: خيبة الله على الاستنارة ! (Re: محمد حامد جمعه)
|
شكرا د حيدر
الغريبة يا دكتور حيدر أن البشير تبني نفس خطاب جماعة الأستنارة
هذه ودعا للتحلي بضبط النفس وعدم الأنتقام والتشفي وأخذ القانون باليد
والحفاظ علي النسيج الأجتماعي للبلاد وأدان الأصوات التي تشعل الفتن
العرقية...ومشي في نفس الخط بعض الأعلاميين المحسوبيين علي السلطة
مثل عثمان ميرغني الذي تبني موقف أكثر تقدما من السلطة...
أذا كان هذا موقف قمة الانقاذيين فلماذا ينعي البعض هذا علي قوي
الأستنارة أو علي بعض الأصوات العاقلة التي أنطلقت من المعسكر الاخر????
حقيقة يجب الأن - وفي هذه اللحظات المفصلية من تاريخ بلادنا -أن تقوم
الأنقاذ بفرز عيشها وحسم أمرها مع بعض الشيفونيين والعنصريين المحسوبيين علي السلطة مثل الطيب مصطفي ومن هم علي شاكلته
فالواضح أن هذه الجماعة تسمم النسيج الأجتماعي لبلادنا..وتناقض الخطاب
الرسمي للأنقاذ وتهدمه لأنها تنطلق من ذات مواقع الأنقاذ..
000 قد ألحق يونس محمود وأسحاق فضل الله ضررا بليغا بالانقاذ يفوق ضرر
خصومها الأعلامي لأنهم محسوبون علي الانقاذ وينطلقون من مؤسساتها الأعلامية
الأنقاذ تحتاج الان لمن ينقدها أكثر من حوجتها للتطبيل ولمن يضر حيث
يريد النفع...!!!!
المثقف والأعلامي يجب وفي هذه الظروف أن يقود ويصيغ الرأي العام
أيجابا بدلا عن ينساق سلبا للعواطف والتشنجات والأنفعالات
ويركب موجة ردود الأفعال
كمال
| |
|
|
|
|
|
|
|
|
|
Re: خيبة الله على الاستنارة ! (Re: kamalabas)
|
عزيزي كمال،
من المؤسف أن من يلعنون الاستنارة، يلعنون مثل صوتك هذا الحكيم، المتعقل، المتزن. صحيح أن هناك من معارضي الانقاذ من يسئ للاستنارة وحملة مشاعلها. وذلك بتبني أسلوب من الخطاب المشحون بالسباب، الذي لا يناقش لب القضايا. مبادلة سباب الانقاذ بالسباب ليس من الاستنارة في شئ. وربما كان ذلك ما يريد أن يقوله الأخ محمد حامد وخانه طريقة تفكيره وأسلوب خطابه في قوله.
من يسيئون للاستنارة قلة، لا يجب أن تطلق التعميمات بسببهم. معظم معارضي الانقاذ مسؤولون، متعمقون، في نقدهم، ومعظم مؤيديها مغرضون لهم مصلحة في استمرارية النظام. لهذا تجد هذا القبيل الأخير يبرر للنظام ما لايمكن تبريره لا منطقياً ولا أخلاقيا. النظام نفسه، كما تفضلت أنت، أصبح النظام نفسه لا يقبل تبرير ما لا يعقل تبريره، لا عن أخلاق وسعة ولكن عن اضطرار. ذلك بأن الخطاب المغاير لخطاب الانقاذ قد فرض نفسه منذ أواخر التسعينات فاضطر النظام لتبنيه ليضمن استمراريته. ويوم تبنى النظام خطاب معارضيه فقد إنهزم بتخليه عن مشروعه المتمثل في الخطاب المتهوس. وماهي إلا مسألة وقت حتى ينهزم ذلك المشروع هزيمةً تامة في ظل تنامي انتزاع الشعب للحريات الأساسية المستحقة بكافة وسائل النضال ضد القهر.
سلمت، يا عزيزي، وسلمت الاستنارة التي تعبر عنها كلماتك المضيئة دوماَ!
| |
|
|
|
|
|
|
| |
محمد حامد جمعه
ebrahim_ali
محمدين محمد اسحق
Marouf Sanad
ودقاسم
keiga2000
خدر
A.Razek Althalib
abas
زول ساكت
Elmosley
Abureesh
omar ali
Bashasha
Haydar Badawi Sadig
alfazia3
kamalabas
لؤى
المكاشفي الخضر الطاهر
فيس بوك
تويتر
انستقرام
يوتيوب
بنتيريست