|
فى غياب الابطال .. يتحول اللص الى بطل قومى
|
قبيل الانتفاضة تعذر علينا الوصول الى بحرى كل الكبارى مغلقة بالناس والزحام كبير.. كبير... لا تجد لك موطئ قدم الاعمى شايل المكسر كما يقول الناس بدل ان يستخدموا عبارة عن بكرة ابيهم الضجيج... والصراخ ..والاحتياطى المركزى تملكنا فزعا كبيرا ....وفضولا اكبر لاستجلاء ما يحدث وسألنا عرفنا ان هناك من اسمه الواثق صباح الخير تم اعدامه ثم صلبه تملكتنا الدهشة ماذا فعل قالوا انه كان لصا ظريفا مشى على خطى روبن هود وارسين لوبين يسرق من الاغنياء ويعطى الفقراء وبعد ان عقدت الدهشة لساننا الحفنا فى السؤال قيل انه سرق الاسواق الحرة وحاول الهروب من السجن وعندما تبعه رجال الشرطة فقأ عين احدهم وقتل احدهم واعدم ثم صلب وخرجت الخرطوم تشيعه وتعلن رفضها لقتله والان قرابة العشرين عاما طويت ها هو بكرى سيد الحوش فى راس البيت يضع اسمه مسبوقا بالثائر ويمجده فى متاهة الخواء يصبح اللص بطلا ثائرا والثائر رجل مغبون وحاقد دنيا....
|
|
|
|
|
|
|
|
Re: فى غياب الابطال .. يتحول اللص الى بطل قومى (Re: kamalabas)
|
تبلدينا ما دى العوجة ذاتها نحنا بكينا واتنخجنا زين لكن بعد الزول كبر شاف خطل الفكرة يمكن عشان حاكموه بقوانين سبتمبر ويمكن عشان رفضنا لنميرى لكن بطلا قطعا لا فكيف بالبواليس الماتو وخلو اهلهم وراهم يعانون اليتم
كمال ايه يعنى بقيت جد رباطية ايوة صاح انا يتخيل فكرة الصلب نفسها كانت مزعجة وحنن الناس وطبعا الناس كان شامة نميرى شديد
| |
|
|
|
|
|
|
Re: فى غياب الابطال .. يتحول اللص الى بطل قومى (Re: DKEEN)
|
كدا يا دكين حلاتك مؤدب و بتسأل بصورة كويسة عشان كدا عايزة اجاوبك يا افاكاتو يا عظيم لانى اصلا لو فى زول سأل بطريقة كويسة ما قاعدة اتجاهلو التِّيهQuote: : مصـ. - الصلف والكِبرُ؛ ترى التّيهَ في مشيه. -: الضلال؛ ما أَشَقَّ التيهَ في الصحراء. - والتَّيْهاءُ: المَفَازة لا يُهتدى فيها؛ ساروا في التيه ولم يهتدوا إلى واحة ظليلة / ضاعَ الناسُ في تيه الفوضى. -: مجموعة من الممرّات بعضُها مغلق وبعضها مفتوح تُستَخدم لقياس قدرة الإنسان أو الحيوان على الاستفادة من الاختبار، ويسمى كذلك المتاه والمتاهة. -: في التشريح هو ما تحيّر من التجاويف؛ تيه الأذن / أرضٌ تيهٌ، أي مُضِلَّةٌ. |
Quote: . عُرُوشِهَا أَي خاليةٌ , وقيل : ساقِطةٌ على سُقُوفها . و خَوَّتِ الدارُ و خَوِيَتْ خَيّاً و خُوِيّاً و خَواءً و خَوَايَةً أَقْوَتْ وخَلَتْ من أَهلها . وأَرضٌ خاويةٌ خالِيةٌ من أَهلها , وقد تكون خاويةً من المطر . وخَوَى البيتُ إذا انْهَدَمَ ; ومنه قول خَنْساء : كان أَبو حَسّانَ عَرْشاً خَوَى مما بَناهُ الدهرُ دانٍ ظَلِيلْ |
هذا بعد الرجوع لقواميس المحيط
ما تكون افتكرتا ديك شعر حداسى وبقيت انا استخدم عبارات المثقفاتية لع والف لع
| |
|
|
|
|
|
|
Re: فى غياب الابطال .. يتحول اللص الى بطل قومى (Re: DKEEN)
|
شوف تذكر زمان لما كنت صغير وتتجرح ويقبضوك ناس البيت يكمدو ليك الملح فى الجرحة وانت تصرخ وبعدين مش الشمس دائما توصف بها الحقيقة اها كدا بقت الملح والحقيقة = الالم والالم يخلق الوعى
اها كيف دى
Quote: وما تستهتري بي مشاعري |
انا ادفن قبل استهتر بمشاعر زول عسل ومؤدب زيك الليلة عاد يا وليدى الله فوقك
| |
|
|
|
|
|
|
Re: فى غياب الابطال .. يتحول اللص الى بطل قومى (Re: bayan)
|
طيب ممكن اعرف وبي كل ادب برضو انتي القال ليك انو محمد قاصد الملح وجرحتي لامن كنتا صغير منو؟؟؟
انتي كنتي معاي لامن اجرحتا والشمس طلعت؟؟ ولا كنتي مع محمد وهو بكتب ولقيتي المعاني بتاعتو في مسودة خارجية
هذا مع احترامي وعظيم مودتي دكين عشا البايتات
| |
|
|
|
|
|
|
Re: فى غياب الابطال .. يتحول اللص الى بطل قومى (Re: DKEEN)
|
شوفتا يا وليدى تأويل النص دا عايز ليهو بورد بحالو لكن هو مرة قال لى شوفتى جرحة دكين وكمد الملح فيها وصريخو الكتير اوحى ليهو بالصورة الشعرية دى عشان يورى السارى بتاعو نجض واتعذب كيف عشان يصل للحقيقة طبعا القصيدة نفسها فى بحار او شخص مطلوق السراح فى التأريخ واتعذب واضهب شديد لمان وصل لحقيقة هويتنا الاسع لو قلتها تجيب لى هواء يطير جنى ودومة برضو بدور السجن فى المديدة حرقتنى التى برعت فيها واسع ضيعتو على قضية الواثق
| |
|
|
|
|
|
|
Re: فى غياب الابطال .. يتحول اللص الى بطل قومى (Re: bayan)
|
ناسف للمنصة ونبلغهم عميق اعتذرانا اذا كانت اسئلتنا
leading quistion
قد تسببت في حرج ما
يعلم الشاهد يقينا ان القصد لم يكن للتجريح او الاساءة او التقليل من شان احدهم
ولكن يبدو ان الشك قد تسرب الى يقين
القاضي ومتلقي السوال
المعذرة مرة اخرى ولانامت اعين
من تصنف شهادتها بنصف شهادتي
| |
|
|
|
|
|
|
Re: فى غياب الابطال .. يتحول اللص الى بطل قومى (Re: دورنقاس)
|
الاخ دورنقاس الهمباتة ديل لما كنت صغيرة كنت مكسرة فيهم شديد وعاجبنى شديد لدرجة حفظ اشعارهم وحضور اى برنامج اذاعى عنهم و وكنتا قايلاهم ذى جيفارا ابطال اممين لكن لص يقتل افراد من الشرطة وهم يأدون واجبهم ويتحول الى بطل قومى الا فى السودان لغياب الابطال وقرضتهم فى كررى يا حليلنا و يا حليل بلدنا يا دور نقاس كنت فاكرة حوة والدة الا انها اصيبت بالعقم فى بلادى
| |
|
|
|
|
|
|
Re: فى غياب الابطال .. يتحول اللص الى بطل قومى (Re: دورنقاس)
|
الاخ دورنقاس الهمباتة ديل لما كنت صغيرة كنت مكسرة فيهم شديد وعاجبنى شديد لدرجة حفظ اشعارهم وحضور اى برنامج اذاعى عنهم و وكنتا قايلاهم ذى جيفارا ابطال اممين لكن لص يقتل افراد من الشرطة وهم يأدون واجبهم ويتحول الى بطل قومى الا فى السودان لغياب الابطال وقرضتهم فى كررى يا حليلنا و يا حليل بلدنا يا دور نقاس كنت فاكرة حوة والدة الا انها اصيبت بالعقم فى بلادى
| |
|
|
|
|
|
|
|