|
Re: BEST PICTURE OF THE YEAR (Re: ناذر محمد الخليفة)
|
THE followingis a picture taken directly above these camels in the desert at sun set . it is considered on of the best pictures of the year .. look closely , the camels are the little white lines in the pictures , the black you see is just the shadows ......
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
ترجمة غير رسمية للإنقليزي الفوق :
دي إعتبرت واحدة من أحسن الصور للسنة دي الصورة مأخوذة من أعلى الجمال مباشرة .. لو عاينتو كويس الضل القدامكم دا دي ما الجمال زي ما إنتو بتتخيلو .. الجمال هي الأشكال البيضاء الصغيرة الشايفنها تحت الجمال والصورة مصورة من فوق الجمال مباشرة مع غروب الشمس !!
الصورة مصورا واحد إسمو جورج ستينمتز من مجلة ناشونال جيوقرافيك سنة 2005
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
دي صورة يا ناذر فعلا فيها كلام كثير ..ونادرة حقا زاوية المصور زاوية واتجاه شعاع الشمس وحركة دوان الارض (الزمن).. مسافة المصور من الصورة.. الخلفية الارضية (الرمال).. تنسيق حركة الجمال..التي تبدو انها جات بطريقة عفوية ولن اعطت الصورة بعد اضافي.... انت عارف الخواجة الشفت ده لعب علي الحبال الفوق دي كلها وادانا صورة تبدو من الوهلة الاولي كانها (ثلاثية الابعاد) وده كلام عجيب بالجد...
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
كيفك يا كيكي ..
Quote: دي صورة يا ناذر فعلا فيها كلام كثير ..ونادرة حقا زاوية المصور زاوية واتجاه شعاع الشمس وحركة دوان الارض (الزمن).. مسافة المصور من الصورة.. الخلفية الارضية (الرمال).. تنسيق حركة الجمال..التي تبدو انها جات بطريقة عفوية ولن اعطت الصورة بعد اضافي.... انت عارف الخواجة الشفت ده لعب علي الحبال الفوق دي كلها وادانا صورة تبدو من الوهلة الاولي كانها (ثلاثية الابعاد) وده كلام عجيب بالجد... |
أي والله .. هي بالضبط زي الصورة ثلاثية الأبعاد.. زي صور ألعاب الفيديو عديييل كدة !! تتصور أنا أول مرة شفتها إفتكرت إنو الظلال دي هي الجمال الحقيقية بدون ما إنتبه لي الإضاءة التحتها بس بعد ما قريت التعليق بتاع الصورة حتين ركزت كويس وإستبعدت من راسي فكرة وجود جمال زنجية ولونا أسود بالكامل ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
كيفك يا حيدر ..
Quote: ناذر
الله يروَق بالك دائماً
مزاجك هنا رايق |
أنا والله دائما مزاجي رايق .. بس في ناس كدة (نسأل الله السلامة) لمن أشوفم قدامي في البورد دا طوالي بتشنج ومزاجي بيتعكر ويجيني طمام بطن !!
الحمد لله الليلة الجمعة قلت النرتاح شوية من عينة ديل بي بوست يوستين كدة ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
ناذر سلام وشكلي كده ح اعمل ليك وجع وش شوية كده في البوست بتاع الصورة العجيبة دي..لانها فعلا بتستحق وقفة وكلام كثير زي ما قلت ليك... بجانب الجانب الجمالي للصورة هنالك جانب فني وعلمي عميق في اجتهاد هذا المصور الخطير وبهم تماما الناس العندها اهتمام بالمساحة الجوية.. وطبعا هي من افرع هندسة المساحة التي تحتاج الي تكاليف انجاز عالية (طائرات..كاميرات خاصة خطط تصوير..خبراء )وكلام يمخول الراس...وكل الهدف هو اخذ صور بطريقة معينة ويمكن معالجتها بواسطة اجهزة مخصصة لكي تقراء ثلاثية الابعاد.... صورة الخواجة دي انا متاكد تماما انها قد تمثل فتحا جديدا في المجال واولاد جون اكيد شوية جلكسات كده حيقدموا حلول لمشاكل فنية كثيرة كانت تعيق هذا المجال ويسهلوا القصة كثير.. ونشكرك يا زول علي هذه لمساحة الجديرة بالمساسكة في المواقع ذات الاختصاص ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
Quote: كيكي
الزول ده يكون عاوز يقول "ضلَلك مابشبهك"
|
لاححححححححولا وانا من قبيل واقع في القصة تحليل وتنظير وبعدرابع وخامس...ياخ ما تقولوالينا القصة فيها ابكر..!!! انت عارف يا حيدر انا من امس شكلي كده خاشي منبر تاني شفت البوست بتاع نميري ووقعت في القصة لبع مفتكر الراجل مات..في النهاية عملت رفرش لقيت البوست مشي الخور...برضو قلت بكري ده حتي الفراش بتاع نميري داير يوديهو الخور..!!
عموما البراءة لها ثمنها ياحيدر...تاني توبة يا حبوبة ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
عبد الكريم ..
Quote: بجانب الجانب الجمالي للصورة هنالك جانب فني وعلمي عميق في اجتهاد هذا المصور الخطير وبهم تماما الناس العندها اهتمام بالمساحة الجوية.. وطبعا هي من افرع هندسة المساحة التي تحتاج الي تكاليف انجاز عالية (طائرات..كاميرات خاصة خطط تصوير..خبراء )وكلام يمخول الراس...وكل الهدف هو اخذ صور بطريقة معينة ويمكن معالجتها بواسطة اجهزة مخصصة لكي تقراء ثلاثية الابعاد.... صورة الخواجة دي انا متاكد تماما انها قد تمثل فتحا جديدا في المجال واولاد جون اكيد شوية جلكسات كده حيقدموا حلول لمشاكل فنية كثيرة كانت تعيق هذا المجال ويسهلوا القصة كثير..
|
خلعتني والله !!! إنت قريت شنو وشغال شنو هسي ؟!!
غايتو البورد دا صدق القال فيهو (الما بيعرفك بجهلك)
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
كيكي ..
Quote: لاححححححححولا وانا من قبيل واقع في القصة تحليل وتنظير وبعدرابع وخامس...ياخ ما تقولوالينا القصة فيها ابكر..!!!
|
لا لا ياخ !! ما تسمع كلام حيدر دا .. قصدي شريف والله !! الشغلة لو فيها كمين بوريك طوالي ..
ما تلاوز
Quote: عموما البراءة لها ثمنها ياحيدر...تاني توبة يا حبوبة .. |
قال براءة قال !!! الكلام دا قولو لي زول ما إندو هديدة
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
أبو حريرة ..
Quote: سمعت صوتك في موضوع بي بي سي وسودانيزأولاين وتتصور فوجئت بأنه نفس الصوت اللي تخيلتو... طبعا دي (فراسة عرب) وقالو فراسة العرب ما بتخيب (إنشاء الله دي ما يشوفها بشاشا)
|
وإنت تخيلت صوتي شنو يا زول صورتي ما تغرك أنا زول بالغ والحمد لله من سنوات طويلة
فراسة العرب ما بتخيب خاصة لو كانو عرب البطاحين الجد جد ..
ولو ما مصدق أسأل قريبك محمد علي يوسف
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
موسم الهجرة إلى الجنوب تحكيها الصورة
عندما شاهدت الصورة مررت بنفس المراحل التى مررت بها أخى ناذر وأضيف عليها(إنى كنت فاكر هناك خطأ بكلمة غروب الشمس فكيف يكون الظل تحت مباشرة ويكون غروب) لكن الحمد لله تريثت فإذا بما إعتقدته خطأ فى طباعة الصورة وهو تكرر رسم أبيض إذا بى أفاجأ بأنه كائن حي وهو محور الصورة) إذا دققت أخى ناذر ستجد أن إتجاه الجمال موحد نحو الجنوب وأقول الجنوب لأن الغروب يعني أن الشمس أسفل الصورة فيكون أعلى الصورة هو الشرق فإذا وضعت الغرب إلى يمينك والشرق إلي يسارك كما إتجاه الجمال فى الصورة تكون متجها جنوب. يعنىو ضع أمدرمان على يمينك وبحرى على يسارك بتكون متجه إلى منزلكم وهو إتجاه الجنوب وظهرك إتجاه شندى شمالاً. حاولت أن أجد جمل فى الإتجاه المعاكس لم أجد كلها تتجه جنوبا(إذن هى رحلة طويلة مكتوب على القافلة أن تنجزها لم يكن فى وسع الجمال أن تهيم يميناً أو شمالاً) كما الطير تتشكل فى رحلتها ,فهاهى خطوط ثلاثة أو أربعة تسلكها الجمال وهناك أثر مسار الجمال,لم تمحه الرياح,لماذا وهناك خطوط رفيعة من الشمال إلى الجنوب قد تحكي إتجاه الرياح) وهناك لون بنى داكن ربما كان تربة مختلفة عن الرمال باللون الفاتح هذه التربة أبانت لى إتجاه مجرى المياه من الجنوب إلى الشمال حيث تصل إلى مايشبه الدلتا شمالاً قد تكون هذه المعطيات فى الصورة صحيحة أو خطأ ولكن.. هناك بعد فني آخر هي لوحـــــــــة درجات لون الرمال كخلفية بعد التمعن وإستيعاب اللوحة كمسقط أفقي قرآءة البعيد والقريب هو سر من الأسرار ومفتاح لها. التضاريس وكأنها خامة يرسم عليها إتجاه وتكنيك التلوين .. .
........................................................................... سورة البقرة آية 127 «بديع السماوات والأرض» صدق الله العظيم.
.................................................................................. من موقع المصور وجدت الآتي:ـ
Quote: Taken in February 2004 on assignment for National Geographic, this photograph shows a unique aerial perspective of The Empty Quarter, the world’s largest sand desert.
George Steinmetz took the picture looking straight down while piloting his motorized paraglider near Wadi Mitan, a remote part of Oman close to where Saudi Arabia, Oman, and Yemen meet.
Since it first appeared in National Geographic, it has been included in numerous additional publications and exhibitions |
http://www.georgesteinmetz.com/
| |
|
|
|
|
|
|
Re: BEST PICTURE OF THE YEAR (Re: عزان سعيد)
|
ناذر تحياتي،
الزول المصور بتاعك ده ربط ليك مكنة و قسمت فيك، ممكن توريني وين ظل الطيارة الصور منها، و بعدين الجمال ليه ما جفلت من صوت الطيارة، ولا يكون طاير علي ارتفاع الف قدم و عامل زوومينغ؟؟
و بعدين ليه يصور ابو سنام و ما يصور ابو سنامين، هسه واحد يجي يقول ليك ده عامل تفرقة سنامية، او علي الاقل متحيز لي عبد المنعم سليمان.
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
باش مهندس محمد .
Quote: عندما شاهدت الصورة مررت بنفس المراحل التى مررت بها أخى ناذر وأضيف عليها(إنى كنت فاكر هناك خطأ بكلمة غروب الشمس فكيف يكون الظل تحت مباشرة ويكون غروب) لكن الحمد لله تريثت فإذا بما إعتقدته خطأ فى طباعة الصورة وهو تكرر رسم أبيض إذا بى أفاجأ بأنه كائن حي وهو محور الصورة) إذا دققت أخى ناذر ستجد أن إتجاه الجمال موحد نحو الجنوب وأقول الجنوب لأن الغروب يعني أن الشمس أسفل الصورة فيكون أعلى الصورة هو الشرق فإذا وضعت الغرب إلى يمينك والشرق إلي يسارك كما إتجاه الجمال فى الصورة تكون متجها جنوب. يعنىو ضع أمدرمان على يمينك وبحرى على يسارك بتكون متجه إلى منزلكم وهو إتجاه الجنوب وظهرك إتجاه شندى شمالاً. حاولت أن أجد جمل فى الإتجاه المعاكس لم أجد كلها تتجه جنوبا(إذن هى رحلة طويلة مكتوب على القافلة أن تنجزها لم يكن فى وسع الجمال أن تهيم يميناً أو شمالاً) كما الطير تتشكل فى رحلتها ,فهاهى خطوط ثلاثة أو أربعة تسلكها الجمال وهناك أثر مسار الجمال,لم تمحه الرياح,لماذا وهناك خطوط رفيعة من الشمال إلى الجنوب قد تحكي إتجاه الرياح) وهناك لون بنى داكن ربما كان تربة مختلفة عن الرمال باللون الفاتح هذه التربة أبانت لى إتجاه مجرى المياه من الجنوب إلى الشمال حيث تصل إلى مايشبه الدلتا شمالاً قد تكون هذه المعطيات فى الصورة صحيحة أو خطأ ولكن.. هناك بعد فني آخر هي لوحـــــــــة درجات لون الرمال كخلفية بعد التمعن وإستيعاب اللوحة كمسقط أفقي قرآءة البعيد والقريب هو سر من الأسرار ومفتاح لها. التضاريس وكأنها خامة يرسم عليها إتجاه وتكنيك التلوين
|
كلامك جميل وما محتاج لي أي تعليق من جانبي ..
Quote: George Steinmetz took the picture looking straight down while piloting his motorized paraglider near Wadi Mitan, a remote part of Oman close to where Saudi Arabia, Oman, and Yemen meet |
كنت متأكد إنو الصورة دي ما خاتية اليمن !!
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
عزان ...
Quote: هذه الصورة , والتى تمثل معتقلين عراقيين يقودهم جندى أمريكى , فاز مصورها بإحدى الجوائز الصحفية :
|
لا حول ولا قوة إلا بالله !!
فك الله أسر العراق من أيدي المحتلين .. إذلال ما بعده إذلال وهذا الجندي يقودهم كما القطيع !!
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
أنور ..
Quote: ممكن توريني وين ظل الطيارة الصور منها، |
طيارتو أمريكية من نوع الشبح ودي زي ما إنت عارف ما عندها ضل !!
Quote: و بعدين الجمال ليه ما جفلت من صوت الطيارة، ولا يكون طاير علي ارتفاع الف قدم و عامل زوومينغ؟؟
|
أمكن كان راكب برشوت كاتم صوت عشان كدة الجمال ما جفلت !!
Quote: و بعدين ليه يصور ابو سنام و ما يصور ابو سنامين، هسه واحد يجي يقول ليك ده عامل تفرقة سنامية، |
دي دردقة الكلام الما بتنفع معانا زاتو
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
ناذر،
Quote: دي دردقة الكلام الما بتنفع معانا زاتو |
عشان تعرف انو انا ما سيء الظن و مدافع عن حقوق السنامين، و احتمال اعمل جمعية للموضوع ده. تفتكر الصورة دي ماخدنها من وين او من شنو يا الاخوان رايت؟؟
شنكل: لو الصورة ما ظهرت شوف صورة البروفايل بتاع الاخ محمد مختار الزيادي، اناسارقا من هناك، و احتمال حق الحرام ما ينفع.
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
سعد الدين ...
Quote: يا ابو النيذ صورة الجمال و الصور التانية سمحة لكن كان تشيـل فيديو اسامة و الحلوة دي تفتح بيهو بوست تاني:.. اقترح تسميه (لا لا أنا دا)
|
صدق كنت داير أنزل لي أغنية جميلة مع البوست دا لكن لمحت الفيديو دا وعجبتني البنية الشعنونة دي .. وعكلتتا مع أسامة الشيخ .. فقلت انزلو هنا بدل الغنية
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
سلامات الدوداخوي يسعلوني من شنو ؟؟؟؟؟ باقي اليومين ديل الدنيا برد والقصة صعبة وجمالك المصورة دي براك عارفة وما داير احرش ليك بكري والخور للرجالة والا شنو يا نااااااااذر بعدين انت داير تقول انو الناس عينها في الجمل وبيعاينو في ضلو مع الاعتذار للافيال وقاعد معاك
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
أنور ..
Quote: تفتكر الصورة دي ماخدنها من وين او من شنو يا الاخوان رايت؟؟
|
بما إنك جايبا من بروفايل الزيادي فاكيد ديل جمال النهب المسلح والتهريب البيستخدموها الزيادية فالجمال البي سنامين ديل (دبل قبينة) بيستحملو العطش والمشاوير الحارة في الصحراء العلى الحدود مع ليبيا!!
أما الصورة مأخوذة من وين .. فأكيد الزول الملتقطة بيكون طالع ليهو في جمل تاني (عندو سنامين برضو) ! ولو ما مصدقني ممكن تسأل محمد الأمين محمد عشان قبل كدة بقال عصرو في الموضوع دا !!
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
محمد علي يوسف ..
وينك يا راجل ووين أراضيك ؟!!
Quote: والخور للرجالة والا شنو يا نااااااااذر بعدين انت داير تقول انو الناس عينها في الجمل وبيعاينو في ضلو
|
المشكلة هم ما شايفين الجمل زاااتو إلا وريتو ليهم أنا دا !! جارين يعاينو للضل بس !!
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
أنور ...
Quote: ناذر، اها امشي اتشالق تاني. جاوب علي السؤال ده كان راجل و انا بره. |
يا زول الرجالة ملحوقة .. بلا رجالة بلا بطيخ معاكم
شنكل :
السؤال محول لي محمد مختار الزيادي بما إنو عندو صورة جمال في البروفايل بتاعو
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
السيد ناذر حقيقه الصوره مبالغه وحاجه غريبه جداً وفعلاً التصوير يعتبر فن صعب جداً جداً وأتمنى أن يفتتح معهد أوقسم بكلية الفنون لتعلم هذا الفن الذي يعتقد الكثيرون أنه مجرد إلتقاط صوره وبس ..
لدي صور جميله جداً سأقوم برفد هذا البوست بها إنشاء الله
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
محمد فرح ..
Quote: السيد ناذر حقيقه الصوره مبالغه وحاجه غريبه جداً وفعلاً التصوير يعتبر فن صعب جداً جداً وأتمنى أن يفتتح معهد أوقسم بكلية الفنون لتعلم هذا الفن الذي يعتقد الكثيرون أنه مجرد إلتقاط صوره وبس ..
|
أعتقد إنو كابة الفنون الجميلة فيها قسم زي دا بس ما متاكد .. فعلا عملية التصوير دي عملية صعبة جدا الناس مفتكراها بس تدوس وتصور لكن بكل تأكيد التصوير علم قائم بي زاتو ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
يا فيصل ..
Quote: جاوب عليهو بالحبر السري
|
بللاي ما تغير لينا مسار البوست وتقعد تجيب الكورة من الاوت !!
شنكل :
Quote: جاوب علي السؤال ده كان راجل و انا بره. |
وفهم أنور دا معاك إنو الرجال ماتو في كرري !!
| |
|
|
|
|
|
|
Re: BEST PICTURE OF THE YEAR (Re: Adil Osman)
|
الاخ الكريم عادل عثمان، تحياتي دحين الداهية الرابطه في ضهرو دي مو مروحة طربيزة ساي.
ناذر، كده انت و عادل عثمان بقيتو الاخوان رايت
فعلاً يا ناذر التصوير علم راقي و يحتاج للمسات الفنان الموهوب سواء كان مصور من طيارة ولا من جمل ابو سنامين.
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
سلامات العزيز ناذر كل سنة وانت كما تشاء انا الحقيقة علاقتي بي التصوير الفوتوغرافي ضعيفة وبالجمال كمان بككسر الجيم لكن علاقتي بالجيم مفتوحة فباموت فيهوا المهم انو جمالك دي ما فهمتي ليها حاجة ولي هسع انا ما مقتنع انو البيوض ديل جمال وانا مقتنع تماما انهم سحالي ومحاضرات التصوير القلتوها دي كلها ما فهمت منها حاجة ويا زول ما يهمك اصلو انا تخصصي جمال بشر سااااااااااااااااااااااي لكن على العموم كان صحي الحاجات الصفر صفر التحت ديل جمال والجمال الكبارا دي ضللة فصدقني لوحتك مية مية وتستاهل التنظير الخطير داك كله بعدين ما وريتني يسعلوووووووووني من شنو؟؟؟؟ باقي البرد والكوراك ما بيتلمو وقاعد معاك
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
عادل عثمان ..
بما إنو الجمال ما جفلت والصورة واضحة فإحتمال كبير كلامك يكون صح ..
صنفرة :
لكن الحاجة السايقة دي دايرا يستعملو ليها اليدين الإتنين ! المصور صور الصورة دي كيف ولا فكا الدركسون ؟!
أنا متاكد الصورة دي المصور عشان يطلعا بالروعة دي إحتاج على الأقل لي تلت ساعة من التنشين والمحاولات ..
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
Quote: أنا ما خبير تصوير ولا فني تصوير وما داير أفتي ساي لكن ..
صراحة الصورة دي زي الماحقيقية أو حقيقية وملعوب فيها حبتين ..
مش كدة ؟! |
الغالي ناذر والله أنا مامتأكد لأنو الصور دي أداني ليها واحد صديقي وهي مجموعه من عدة صور أديك منها دي برضو جميله جداً
| |
|
|
|
|
|
|
Re: BEST PICTURE OF THE YEAR (Re: ناذر محمد الخليفة)
|
صن رايس ..
Quote: رائعة وجميلة يا رائع إنت ،، لكن قايتو المصور دا إلا كان بيتصقع قايتو ،، |
تسلم
دقيقة دقيقة !!!
Quote: لكن قايتو المصور دا إلا كان بيتصقع قايتو |
في زول بيتصقع في السخانة دي وقدام النوق ديل !!؟
والله دا إلا زول ما نصيح !!
| |
|
|
|
|
|
|
|