|
|
 مساعدة تقنية يا جماعة .. تم حظر حسابي في الهوت ميل ..!!
|
فوجئت دون سابق إنذار قبل فترة عند محاولة استخدام بريدي الألكتروني بأنه قد تم حظره لشكوك في ان شخصا غيري يستخدم الحساب وأتتني هذه الرسالة :
Quote: تم حظر الحساب الخاص بك
لماذا تشاهد هذا؟
من المحتمل أن شخصاً ما قد قام باستخدام حسابك لإرسال رسائل غير هامة (أو أي شيء آخر من شأنه مخالفة شروط خدمة Windows Live).
نحن هنا لمساعدتك على استعادة الحساب الخاص بك.
ما الذي تحتاج إلى فعله؟
سنطلعك على خطوات قليلة للتحقق من امتلاكك للحساب، ثم سنطلب منك تغيير كلمة المرور في حالة وصول شخص آخر إلى حسابك. ولا يستغرق الأمر سوى بضع دقائق ليتم إلغاء حظرك وإفساح الطريق أمامك.
لقد قمنا بمسح إعدادات حسابك
غالبًا ما يصل العملاء إلى هنا نظرًا لوصول شخص ما إلى حسابك واستخدامه دون علمك لإرسال بريد عشوائي. ولحمايتك أنت وجهات الاتصال الخاصة بك، قمنا بإزالة أية ردود تلقائية من Hotmail أو الحسابات المرتبطة التي ربما كانت متوفرة لديك.
|
وعند متابعتي لخطوات اعادة الحساب وصلت مرحلة كتبوا لي أنهم قد بعثوا كودا في الإيميل البديل وعلي جلب ذلك الكود ووضغه في خانة معينة ..
لحدي هنا كويسين ..
مشيت عنواني التاني لقيت برضو تم حظره وجاتني نفس الرسالة الفوق . وتابعت الخطوات برضوا قالوا رسلوا لي كود في الإيميل الأول المحظور ! .. (شفتوا بلادة اليانكي !!) ..! وقالوا امشي جيب الكود من هناك وتعال لصقوا في دا ..!!
طيب دي يحلوها كيف ؟ الإيميلين محظورين .. والإيميلين مفروض يفعلوا بعض ..!!
دقيت جرس ورسلت ليهم كمية من الايميلات في كم عنوان بريد قابلتوا قدامي .. ولا اشتغلوا بي الشغلة ..!!
المهم يا جماعة الإيميلات دي انا بحتفظ فيها بي وثائق مهمة وكمية من البتاعات المفيدة .. يكفي أنو واحد من الأيميلات دي أنا عملتو سنة 1998 وشغال بيهو من الزمن داك .. فتخيلوا حجم المراسلات والبيانات الفيهو ..
ادونا حل سريع يا أخوانا لأني جربت كل الحلول والشغلة غلبتني ..
مشكورين مقدما ..
|
|
 
|
|
|
|
|
|
|
 Re: مساعدة تقنية يا جماعة .. تم حظر حسابي في الهوت ميل ..!! (Re: ناذر محمد الخليفة)
|
الموضوع بسيط جداً يا أستاذ ناذر .. وبيتحلي في يومين بالكثير .. والمشكلة دي Very common عشان كدا ناس هوتميل كاتبين بالذات للحالة الإنت ذكرتها التالي:
Quote: To help protect our customers and our system from fraud or abuse, we temporarily block Windows Live accounts when we detect spam-like activity. This activity could be in email, instant messages, or friend invitations.
If you receive a message saying that your account is temporarily blocked, you can unblock it by using your mobile phone number to verify your account. To enter your mobile phone number, go to the Add a phone page. (You might be asked to sign in first.)
After you enter your phone number, we’ll send a text message with a verification code that you can use to unblock your account. This helps us verify that you're the owner of the account and not a spammer.
If you can't verify your account using your mobile phone number, go to the forums for help |
وغالباً حتكون ما رابط حسابك بالتلفون بتاعك زي ما كلنا ما رابطين ..
عموماً الحل التاني، هو إنك تراسل ناس هوتميل زاتهم في الفورم بتاعهم في الرابط دا
http://answers.microsoft.com/en-us/windowsliv...forum/hotmail?auth=1
بعد ما تخش في الرابط تخش تسألهم Ask Question .. وقول ليهم مشكلتك، بعدها حيردوا عليك يسألوك بعض الأسئلة for verification غالباً نوع الأسئلة حتكون الباسوردات الكنت مستعملها في حسابك قبل كدا شنو .. وبعض المعلومات الهم حيتأكدوا بيها بإنك صاحب الحساب ..
وبعد كدا مباشرة حيفتحوا ليك الحساب بتاعك .. وحيدوك الباسورد الجديد..
جرّب وأدينا خبر ..
تقديري،
| |
|
|
|
|
|
|
|
|
|
Re: مساعدة تقنية يا جماعة .. تم حظر حسابي في الهوت ميل ..!! (Re: عبداللطيف محجوب)
|
سلام للمتداخلين دون فرز .. النيت أو الموقع بطي جدا زحاولت أرسال كم رد ولم أفلح ..
عموما شكرا للمحبطين المتداخلين الأوائل يستثنى منهم أحمد موسى هههههههههههه
عبد اللطيف محجوب ..
Quote: وغالباً حتكون ما رابط حسابك بالتلفون بتاعك زي ما كلنا ما رابطين ..
|
للأسف أنا مربوط في السودان .. لا تلفون لا بطيخ ..! هههههههه
حسابي مربوط فقط بالحساب التاني والإتنين مربوطين مع بعض خلف خلاف ..!!
الطريقة التانية جربتها وفي سؤال سألوني ليهو قالوا لي أكلتك المفضلة شنو ؟! يعني الحساب من سنة 98 معقولة أكلتي المفضلة أكون ما غيرتها أو أكون متذكرا لحدي هسي مع كمية الدول الزرتها والعضات العضيتا ؟؟!!
غايتو جربت قريب 50 أكلة مفضلة وكلهم ما لفقوا ؟!!
شفت بلادة اليانكي ؟!
| |
|
|
|
|
|
|
| |
ناذر محمد الخليفة
النذير حجازي
مزمل خيرى
Ahmed musa
عبداللطيف محجوب
فيس بوك
تويتر
انستقرام
يوتيوب
بنتيريست