|
Re: مشجعة مريخابية تثير فوضى بسوق السجانة (صور) ..! (Re: محمد عبد الماجد الصايم)
|
انت الوداك السجانة شنو؟ غايتو عالم؟ اوعى تقول لي المدام رسلتني اشتري حاجة؟ ما لقيتلك جواز واقع؟ بعدين تعال هنا انت زول غنا ولا كورة ولا جامع المجد من طرفيه وتعال انت اتجاهك الكروي شنو؟ قطع شك ما مريخابي. لكن البنت عجبتني ركزت للتصوير. عفارم عليك (حاصرها) واي صورة مطبوع فيها اسمك يعني لو ناس جريدة المريخ نشروا صورة باكر بنلقى قضيتكم في الدار.
Quote: ويبدو أن الغرض من الاصل لم يكن إستفزاز جمهور الفريق المنافس بل أتت تلك المشعة للتسوق |
يشع اشعاعاً فهو مشعة!!!!
والله والله هضربة هلالاب
| |
|
|
|
|
|
|
Re: مشجعة مريخابية تثير فوضى بسوق السجانة (صور) ..! (Re: محمد عمر الفكي)
|
سلام أندرية ..
Quote: شيخ ناذر... دحين انت بالعربي كده مريخابي ..... يعني مع الصهاينه الفضيحه ديل.... لو بقيت منهم الكلام ده بيصل الارباب ويوم البطان.... ينزيد العيار حبه وحبتين ... من نوع ابوقطران تقيل
|
صدقني ما عندي علاقة بالكورة نهائيا .. أمكن كان زمان لكن هسي طارت من الراس ..
طيب ما الوالي برضو قالوا من محبي البطان .. الحل كيف عاد
| |
|
|
|
|
|
|
Re: مشجعة مريخابية تثير فوضى بسوق السجانة (صور) ..! (Re: محمد عمر الفكي)
|
محمد عمر الفكي ,,
Quote: انت الوداك السجانة شنو؟ غايتو عالم؟ اوعى تقول لي المدام رسلتني اشتري حاجة؟ ما لقيتلك جواز واقع؟ بعدين تعال هنا انت زول غنا ولا كورة ولا جامع المجد من طرفيه وتعال انت اتجاهك الكروي شنو؟ قطع شك ما مريخابي. |
مشيت أطبع ليك فاتورتك المبدئية بتاعت البضاعة الدايرا ..!!
تعبتنا ساي معاك المرة الفاتت بلا فائدة ياخ !!
| |
|
|
|
|
|
|
Re: مشجعة مريخابية تثير فوضى بسوق السجانة (صور) ..! (Re: ناذر محمد الخليفة)
|
Quote: لدرجة أن أحد مشجعي فريق الهلال إقتحم سيارة تلك المشجعة وكاد بقية المريخاب ان يفتكوا به |
زمان يا ناذر (زي سنة 89 كده)، المباراة كانت بين الهلال وأمدوم، النتيجة كانت صفر/صفر والكورة كانت قريبة من خط 18 الهلال.
واحد من الجمهور صفـّـر زي صفارة الحكم، فأمسك أحد مدافعي الهلال -أعتقد إنو كان مجدي كسلا- الكرة بيده (ظن إنها صفارة الحكم)؛ فاحتسب الحكم مخالفة خطيرة على الهلال لكنها مرت بسلام...
وكدنـــا أن نفتك بالمشجع
| |
|
|
|
|
|
|
Re: مشجعة مريخابية تثير فوضى بسوق السجانة (صور) ..! (Re: بكري اسماعيل)
|
أحمد الريح ...
Quote: واحد من الجمهور صفـّـر زي صفارة الحكم، فأمسك أحد مدافعي الهلال -أعتقد إنو كان مجدي كسلا- الكرة بيده (ظن إنها صفارة الحكم)؛ فاحتسب الحكم مخالفة خطيرة على الهلال لكنها مرت بسلام...
وكدنـــا أن نفتك بالمشجع
|
غايتو ناس المريخ والهلال ديل بيجيبو لي بعضم (فتاك) بالطريقة دي ..
| |
|
|
|
|
|
|
Re: مشجعة مريخابية تثير فوضى بسوق السجانة (صور) ..! (Re: ناذر محمد الخليفة)
|
الزميل ناذر
يبدو إننا ماشين للسودان الرياضي الجديد بقوة..والله يستر من الجلد والخلايا النايمة! يا ناذر زمان كان عندنا سارة جادة الله وهنادي علي طه ورائدات السلة، وبنات سلة الهلال اللائي تقودهن الراحلة ليلى المغربي، وكانت لدينا منى محمد الحسن، والصحفية الرياضية المتخصصة هويدا محمد الماحي، وغيرهن كثر. كان هناك فعلا سودان جديد رياضي ونأمل أن تبشروا بذلك السودان المتسامح، والذي هو عظم البلد. أما قلادة الإعجاب لهذه المريخية المتوثبة على جنح التشجيع وهي التي ذكرتنا بتمساح وبدر الدين ابو رفاس ومحمد عبدالله أميقو..والحاج ابوسوط، وهو الصديق الذي إشتاقه وآمل أن تبلغه سلامي متى ما وجدته، ومن غير المريخ يعطي التشجيع معنى أن يلفت الأنظار ويرقق الممارسة الرياضية. أما نوبة تمساح التي كانت تئن وترجحن فتلك صوفية رياضية.
| |
|
|
|
|
|
|
|