|
|
 يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!!
|
الواحد زمان كان متعود كل إسبوعين يشتري ليهو كيبورد جديد لانو القديم بيكون إنسحك وإتكسر من المناقرات .. اليوم كلو (طق طق طق طق طق طق) ، وهسي كيبوردي ليهو أكتر من شهر زي صحن الصيني .. لا شق لا طق ..!!
أولاد الحلال في المنبر ناس ود الزبير وهجو الأقرع وغيرم شبكوني ليك مبادرات ومصالحات ووقف إطلاق نار ومعاهدات ، ما خلوا زول ما صالحوني معاهو وقفلوا علي كل منافذ الرجعة ..
يعني عديييل كدة قلموا أظافريني ..!!
واحد من المتداخلين في بوست الصلح داك كتب :(معقول ناذر يقعد شهر بدون ما يشاكل زول ؟!) ، والناس إعتبرتو زول فتنة وأنا زاتي إعتبرتو كدة .. لكن طلع كلامو صاح وهسي قبل الشهر ما ينتهي الواحد بقى زي مدمن التمباك لمن يقيف عنو فجأة ..!!
صنفرة :
غايتو يا الاجاويد الصلح ما باباهو لكن الفيكم إتعرفت ...!!
|
|
 
|
|
|
|
|
|
|
 l;kjho (Re: ناذر محمد الخليفة)
|
ناذر الخليفة
عندي ليك حل كااارب ..
وبعدين بيجيب ليك مشاكل حقيقية ..
سيبنا من مشاكل ناس أم رشيرش والجلابة وما عارف شنو دي ..!
ببساطة تنتظر لما يجوك ناس لي حفلة عرس ..
وتقوم تشبكهم ليك ناس زاد الشجون ..
وتباريح الهوى ...
ولو كنت ناكر للهوى ..
وخاف من الله ...
والله بعد الحفلة دي تقوم إنت زاااااتك تفتش لي ناذر محمد الخليفة عشان تلومو واللا تعمل معاه شكلة ما تلقاهو ...
| |
|
|
|
|
|
|
|
|
|
Re: l;kjho (Re: عثمان دغيس)
|
ناذر
سلام
سوى الدايرو وكُتر الكلام خليهو
والشر القصدتو معاى ابقى عليهو
طير اصل السماء حتى القمر دليه
يوم نتلاقى كل واحد بعرف الليهو
جاهزيييييييين.
| |
|
|
|
|
|
|
|
|
|
Re: l;kjho (Re: الكباشى البكرى)
|
سلام سعد الدين ...
| Quote: من شدة طولنا من المشاكل لمن نسينا قصة النمر و القرد. تذكر كجامة الامين ديك؟ |
كييييييف ما بتذكر الكجامة ديك ..
البيعجبني في ود الامين لمن جا المنبر دا جا جاااهز وبي سنونو ... طوالي نصب كجامتو في نص البوستات
وصرح عديييل كدة قال الحلوف البتقبضو إلا يقول جااااااااااغ حتين يفكو :D
| |
|
|
|
|
|
|
|
|
|
Re: l;kjho (Re: الكباشى البكرى)
|
سيف اليزل ..
Quote: يا ناذر امشي البحر بتلقي حلل
يا زول ما سمعت المرحوم البروفسير عبد الله الطيب قال شنو في الفنان الكان بيغني بيقول ( يا ناس شوفو لي حلل )
|
سمعتو :D
لكن البحر دا أنا ما من ناسو ..
| |
|
|
|
|
|
|
|
|
|
Re: l;kjho (Re: الكباشى البكرى)
|
عثمان دغيس ..
Quote: ببساطة تنتظر لما يجوك ناس لي حفلة عرس ..
وتقوم تشبكهم ليك ناس زاد الشجون ..
وتباريح الهوى ...
ولو كنت ناكر للهوى ..
وخاف من الله ...
|
يا زول قلت كايس شكلة مش طريقة إنتحار .. :D
وحتى لو داير إنتحر في وسائل أرحم من كدة ..
| |
|
|
|
|
|
|
|
|
|
Re: l;kjho (Re: الكباشى البكرى)
|
الكباشي ..
Quote: سوى الدايرو وكُتر الكلام خليهو
والشر القصدتو معاى ابقى عليهو
طير اصل السماء حتى القمر دليه
يوم نتلاقى كل واحد بعرف الليهو
جاهزيييييييين. |
علا اب درقا تكاكبي أكل الجدري البعادي
للخصيم قلبو يادي سيفو المر الحجازي ..
| |
|
|
|
|
|
|
|
|
|
Re: l;kjho (Re: ناذر محمد الخليفة)
|
ياناذر
اليومين ديل الموضة في المنبر هنا ِشبك بس
الحمدلله انا بررررررررررة منها
لو عندك طريقة للشبك انا بساعدك جدا
زاتو الواحد ياخد ليهم يومين
يرفه بيهم بالشِبك دي
| |
|
|
|
|
|
|
|
|
|
Re: l;kjho (Re: SHIBKA)
|
ســـلام يا ناذر يا وجيه
والله كل ما أمر على بوست مولع .. أقول الله يستر
ما القى أسمى مكتـــوب ..
المهم بقينا نصنف برانا وأنت أنا لما فابلتك بالحلفايا
أول مـــرة ... سجلتك مع الحمائم.. عايزنا نغير رأينا فيك مالك
| |
|
|
|
|
|
|
|
|
|
Re: l;kjho (Re: طه كروم)
|
بيلو ..
Quote:
أول حاجة قول:
شوفوا لي حل
ولا تقل حلل
لأن (حلل) هو ذكر التمساح (بتاعو يعني)
|
نسأل الله السلامة ..!!!!
يا راجل ما تصعب من اللغة ما سهلها الله ..!
| |
|
|
|
|
|
|
|
|
|
Re: l;kjho (Re: طه كروم)
|
شبكة ..
Quote: ياناذر
اليومين ديل الموضة في المنبر هنا ِشبك بس
الحمدلله انا بررررررررررة منها
|
غايتو إسمك دا فيهو حلاة شكلة ..!!
أي واحد مفتكرك راجل .. مني ومنك اليغلط غلطة زي دي طوالي إنشبك فيهو بي بوستات ما يحلنا إلا كهربة المنبر تقطع ..!!
| |
|
|
|
|
|
|
|
|
|
Re: l;kjho (Re: ناذر محمد الخليفة)
|
| Quote: أي واحد مفتكرك راجل .. مني ومنك اليغلط غلطة زي دي طوالي إنشبك فيهو بي بوستات ما يحلنا إلا كهربة المنبر تقطع ..!! |
اتفقنا ياناذر
لكن حكاية الكهرباء تقطع في المنبر دي ما بتوقفنا لانو القطع هنا كتير خلاص
| |
|
|
|
|
|
|
|
|
|
Re: l;kjho (Re: طه كروم)
|
كيفك يا طه ..
Quote: المهم بقينا نصنف برانا وأنت أنا لما فابلتك بالحلفايا
أول مـــرة ... سجلتك مع الحمائم.. عايزنا نغير رأينا فيك مالك |
يا زول مقابلتي ليك كانت لزوم المجاملة واول مرة وكدة ..
بعدين برة المنبر دا بنكون كويسين لكن الزول يقعد قدام الكيبورد دا بس إلا تسأل الله السلامة ..
| Quote: سجلتك مع الحمائم.. |
لا لا إنت غلطان ..
أخوك بدون فخر من فريق الصقور ..!!
وبرضو نسأل الله السلامة ..!!
| |
|
|
|
|
|
|
|
|
|
Re: l;kjho (Re: ناذر محمد الخليفة)
|
| Quote: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!! |
خش في عمك مالو كدى عيبو لى
والله اهو مقضينا كلنا زي العحب
| |
|
|
|
|
|
|
|
|
|
Re: l;kjho (Re: عبدالوهاب علي الحاج)
|
| Quote: إشتقت للمشاكل وكيبوردي ماكلني .. شوفوا لي حلل ..!! |
سلام ناذر .. ..
قول بسم الله مالك يا اخوي .. علي العموم رسلت ليكي ايميل
ممكن تفش فيهو زي ما داير وترد علي بعد داك وماتطنش .. ..
| |
|
|
|
|
|
|
|
|
|
Re: l;kjho (Re: عبدالوهاب علي الحاج)
|
وهبة ..!!
Quote: خش في عمك مالو كدى عيبو لى
والله اهو مقضينا كلنا زي العحب |
كلو إلا عمكم داك :D
أحسن لي أشاكل عمك سيد الشي زاااتو ولا عمكم دا :D:D:D:D
| |
|
|
|
|
|
|
|
|
|
Re: l;kjho (Re: عبدالوهاب علي الحاج)
|
سلام بهاء
Quote: سلام ناذر .. ..
قول بسم الله مالك يا اخوي .. علي العموم رسلت ليكي ايميل
ممكن تفش فيهو زي ما داير وترد علي بعد داك وماتطنش .. .. |
راجع إيميلك يا مان ..
عشان ما تقول بطنشك .. شفت أبو السريع دا كيف .؟!
| |
|
|
|
|
|
|
|
|
 هوي انت.... (Re: ناذر محمد الخليفة)
|
ناذر
تعال اتشبك في رقبتي دي...والله يحلك الله مني...
اصلي الأيام دي متحججة ومتلقية حجج...
تعرف انا اصلا الدراما بتاعت الصلح ديك ماخالت علي ...قال حرسوا الثعلب قفص الجداد ...لا بالله .."اها ده خيط امسك في قوي"..
وبالمناسبة ما تستهون بي... والله اجيد الكر والفر "والزوغان وفك البيرق" يعني الشبكة حتكون مسلية وممتعة...
انت زاتك بعد الزواج بقيت مسااالم كدة وماعاجبني "انشاء الله خير"
بالمناسبة بالجد لو مشتهي الحنيطير امسك قوي في نصيحة راوية وقبل على واشنطن...الخيط ده شكله حيستمر للمائة ربع القادمة...
يااخي قوم شوف مسؤولياتك بلا شبك بلا عدم موضوع معاك الظاهر عليك روقت يامان...."خت ليك وشوش ضاحكة من خيالك"
| |
|
|
|
|
|
|
|
|
|
Re: هوي انت.... (Re: محمد عبد الماجد الصايم)
|
حنين ..
Quote: تعرف انا اصلا الدراما بتاعت الصلح ديك ماخالت علي ...قال حرسوا الثعلب قفص الجداد ...لا بالله .."اها ده خيط امسك في قوي"..
|
كتاااااار ما خالت عليهم ..
ما المهم ما تخيل عليك .. المهم تتعاملي مع الواقع الجديد دا ...:D
Quote: انت زاتك بعد الزواج بقيت مسااالم كدة وماعاجبني "انشاء الله خير"
|
تكون مرتي بتهرشني ولا شنو قصدك ؟!!
| Quote: يااخي قوم شوف مسؤولياتك بلا شبك بلا عدم موضوع معاك الظاهر عليك روقت يامان |
الظاهر كدة ..
زمان الواحد يكتب بوست ولا مداخلة ينهيها بي عبارات من شاكلة (السما التنقد) و (جاييك ولأرجاني كان راجل) و (أكرب نصك لمن أرجع) .. هسي الواحد بقى ينهي مداخلاتو بي (مؤونة طن من المودة ) و (لك الود أجله) و (مؤونة عشرة بطيخات جروف) !!
معقولة ياخ !!
| |
|
|
|
|
|
|
|
|
|
Re: هوي انت.... (Re: ناذر محمد الخليفة)
|
والله يامان انت مكنتك خلاص عاوزه ليها شنبر عند يس
وياحليل ودالخليفه الكان بوقف ناس ....طابور .
بالمناسبه واضاحه بتقول ليك زمان شن قولنا .
بالمناسبه كبر لى صورتى ده شويه
لى قدام
| |
|
|
|
|
|
|
|
|
|
>>>> (Re: ناذر محمد الخليفة)
|
ناذر ود الخليفة سلامات
ما لك قايم سداري الحلل تلقاه عند التمساح واليومين الدنيا كلها صلح واجاويد بس عشان حق الوليد وامه ما يضيع ساكت فى الكيبوردات فتش ليك لكيبورد بتاع بلاستيك وتعال داخل توش ما تخلى زول فى البورت وزع و اصرف دون حساب فى الالقاب والاسماء العجبيبة وارفع شعار من اراد ان يثكله كيبورده فليدخل هذا البوست وتقوم على طول فاكبه بالكيبورد ونعته بعديم المعرفة بالسايبر والسيريفر والباندوث
شكلك اليومين ديل رايق شديد ومقرش كمان لمن غلط
اخوك الزمان
| |
|
|
|
|
|
|
|
|
|
Re: >>>> (Re: Elsiddig A. Ahmed)
|
عبد المحسن ..
Quote: وياحليل ودالخليفه الكان بوقف ناس ....طابور .
بالمناسبه واضاحه بتقول ليك زمان شن قولنا .
|
يا حليلو هو ..
ويين وضاحة ؟!!
Quote: بالمناسبه كبر لى صورتى ده شويه
|
حاولت أكبرا لكن بتظهر مشوشة وما واضحة ..
رسل لي الأصلية الكبيرة وأنا أصغرا ليك شوية ..
| |
|
|
|
|
|
|
|
|
|
Re: >>>> (Re: Elsiddig A. Ahmed)
|
سيف مساعد ..
Quote: شوفو الزول ده كتب لي حواء سليمان شنو
يا حواء لاتثقي فيهم كلهم واحد لبراليون تقدميون سلفيه |
الظاهر البوست مشى الخور قبل ما نقرا فيهو حاجة ...
| |
|
|
|
|
|
|
|
|
|
Re: >>>> (Re: Elsiddig A. Ahmed)
|
سلام الصديق ..
Quote: واليومين الدنيا كلها صلح واجاويد بس عشان حق الوليد وامه ما يضيع ساكت فى الكيبوردات فتش ليك لكيبورد بتاع بلاستيك وتعال داخل توش ما تخلى زول فى البورت وزع و اصرف دون حساب فى الالقاب والاسماء العجبيبة وارفع شعار من اراد ان يثكله كيبورده فليدخل هذا البوست وتقوم على طول فاكبه بالكيبورد ونعته بعديم المعرفة بالسايبر والسيريفر والباندوث
|
والله مع الصلح القايم على الناس الأيامات دي .. شكلو الواحد كان إشترة كيبورد قزاز ما حا تجيهو حاجة ..
Quote: شكلك اليومين ديل رايق شديد ومقرش كمان لمن غلط
|
يا أخوانا علاقة الزول المقرش بالكايس المشاكل شنو ؟!!
| |
|
|
|
|
|
|
|
|
|
00 (Re: ناذر محمد الخليفة)
|
كدى ما دام فاضى كده ، ورينى اول شئ معنى الكلام الفى صورة حقتك دى (جرادية فى سروال ... الخ) و بيستعمل متين ؟
و بعدين سؤال بموضوع قديم كتبتو هنا بخصوص البيوت قليلة التكلفة ، هل مازال الامر ناجحا و البيوت ماشه كويس، و هل فى عليها اقبال ؟؟
| |
|
|
|
|
|
|
|
|
|
Re: 00 (Re: محمد الامين احمد)
|
سلام محمد الامين ..
| Quote: و بعدين سؤال بموضوع قديم كتبتو هنا بخصوص البيوت قليلة التكلفة ، هل مازال الامر ناجحا و البيوت ماشه كويس، و هل فى عليها اقبال ؟؟ |
إنت تسأل والناس تبني ..؟!!
بعد شهر أو أقل إنشاء الله سيتم إفتتاح منزل لاحد البورداب بيناه بتقنية البانيل ..
والإسبوع القادم بإذن الله سيشهد ضربة البداية لبناء منزل بوردابي أخر ..
| |
|
|
|
|
|
|
|
|
|
Re: 00 (Re: ناذر محمد الخليفة)
|
| Quote: Quote: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!! |
ناذر الخليفة
تحياتي
أنت عارف يا ناذر نحن ذاتنا فقدنا عامل التسلية
أظرف حاجة تكون في شكلة مولعة في المنبر وأنت تجيب ليك كباية شاي
وتخلف كراعك وتتفرج على الفيلم الدرامي ولو حبيت تعمل مداخلة تعملها عشان
تزيد النار حطب شوية عشان الوضع أسخن ههههههههههههههه
فمن هذا اليوم لا وألف لا للأجاويد
تخريمة :::
وضاحة بت حامد أب عصا أخبارها شنو يا نذوري هههههههههه
| |
|
|
|
|
|
|
|
|
|
Re: 00 (Re: حسن مضوي)
|
حسن مضوي ..
زميلنا تبارك شيخ الدين لمن جا المنبر اي مداخلة ليهو عبارة عن شكلة في حد زاتا ..
يوم دخل بوست الشكلة فيها مدورة لي رب السما وهو يدو ما كلاو وبس داير يشاكل .. دخل كتب في البوست : هسي أنبذ منو وأخلي منو ؟!
شفتو كيف متلقي حجج ؟!
| Quote: وضاحة بت حامد أب عصا أخبارها شنو يا نذوري هههههههههه |
والله أنا من بوست المناحة داك الرثتني فيهو قبال يومي تاني ما شفتها !!
غايتو !!
ذكرتني بي (الخنساء ترثي أخاها صخراً) الزمان ديك ..!!
| |
|
|
|
|
|
|
|
|
|
Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!! (Re: ناذر محمد الخليفة)
|
| Quote: تذكر كجامة الامين ديك؟ |
ابو السعوود يا عسللي
بالله لي هسه متذكر الكجامة
والله ايام يا كجامات
انت بس اقعد لي الهلط في عسل المنوكا
وخلي اخوك مرمي بي هنوكا
رسل لي كرتونة ياخ
Quote: كييييييف ما بتذكر الكجامة ديك ..
البيعجبني في ود الامين لمن جا المنبر دا جا جاااهز وبي سنونو ... طوالي نصب كجامتو في نص البوستات
وصرح عديييل كدة قال الحلوف البتقبضو إلا يقول جااااااااااغ حتين يفكو |
ابو النيذ يا لذيذ
المرة دي الكجامة سننتها مظبوط وركبت فيها عدة انظمة
وعملت ليها ريموت للتحكم من بعد كدا
اجربها ليك هنا وللا بلاش
| |
|
|
|
|
|
|
|
|
 Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!! (Re: الأمين عثمان صديق محمد)
|
.
.
ناذر ود عمي
الحل الوحيد لي مشكلتك دي إنك تشوف ليك طريقة تنقض بيهاإتفاقية الصلح (المطعمية) مع أم رشيرش :)
فكر في طريقة تنقض بيها الهدنة :)
أديك فكرة كويسة :
شوف ليك موضوع كده يجيب ليك آمنة مختار وبعدين طوالي ومية في المية مادام الموضوع فيه أمونة حايجي ياسر طيفور :) وبعدها تراجي بتجي شايتة ضفاري عشان تشد من عضد صديقتها أمونة واكيد حاتصيبك السهام الرشيرشية، وبعد داك مابغلبك تلقى ليك عذر لنقض معاهدة الصلح ، وترجع حليمة لي عادتها القديمة وتبرد بطنك بالمشاكل لمن تآمن زاتو :)
شفت الفكرة الجلابية دي خطيرة كيف ؟
بالمناسبة وين تراجي مختفية؟
أتمنى ان تكون بخير .
تحياتي وتقديري
.
.
| |
|
|
|
|
|
|
|
|
|
Re: يا جماعة والله وما طالبيني حليفة ، إشتقت للمشاكل وكيبوردي ماكلني .. شوفوا لي حلل ..!! (Re: ALazhary2)
|
الأزهري ..
Quote:
ناذر ود عمي
الحل الوحيد لي مشكلتك دي إنك تشوف ليك طريقة تنقض بيهاإتفاقية الصلح (المطعمية) مع أم رشيرش :)
|
حلوة المطعمية دي ..!!
ما كان فيها صحن شوربة ولا شنو ؟!!
Quote: شوف ليك موضوع كده يجيب ليك آمنة مختار وبعدين طوالي ومية في المية مادام الموضوع فيه أمونة حايجي ياسر طيفور :) وبعدها تراجي بتجي شايتة ضفاري عشان تشد من عضد صديقتها أمونة واكيد حاتصيبك السهام الرشيرشية، وبعد داك مابغلبك تلقى ليك عذر لنقض معاهدة الصلح ، وترجع حليمة لي عادتها القديمة وتبرد بطنك بالمشاكل لمن تآمن زاتو :)
|
يا معلم بالطريقة دي حا يتلمو كل أعدائي التقليديين وما اعرف أمسك في منو وأخلي منو ..!!
| |
|
|
|
|
|
|
| |
ناذر محمد الخليفة
saif massad ali
Rawia
Adil Hamza
saadeldin abdelrahman
سيف اليزل جعفر عبد الرحمن
عز الدين بيلو
SHIBKA
عبدالوهاب علي الحاج
baha eassa
محمد عبد الماجد الصايم
Hassan Makkawi
Abdelmuhsin Said
Elsiddig A. Ahmed
محمد الامين احمد
ALazhary2
Magdi Ahmed Elsheikh
فيس بوك
تويتر
انستقرام
يوتيوب
بنتيريست