|
Re: حـمـار في حـديـقـة أوزون .!!! (Re: حمور زيادة)
|
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان للدرجة التي جعلتني أهرع فورا لكاميرتي لأخذ لقطات لذلك الحمار في أثناء وجبته (الاوزونية) الشهية ، ولم يتسن لي سوى أخذ فقط ثلاث لقطات لاغير لأن الحمار لم يصبر ولم (يبتسم) أمام كاميرتي وفضل الهروب من امامها ، ولعله لا يريد أن يتورط في مسألة سياسية قد تجلب له النفي في غوانتناموا ما تبقى له من حشائش وأزهار العمر .!! |
عيييييييييييييييك ياوهبه
حصل اخوك
جاءه في شكل حمار
اسع يجي يقول دي دعواتي
ده سفلي عديل
| |
|
|
|
|
|
|
Re: حـمـار في حـديـقـة أوزون .!!! (Re: mohamed osman bakry)
|
قبل إسبوعين
كنت راجع البيت عبر شارع النيل
وبالقرب من وزارة العدل لفتت نظري اللافتة التي البتمنع ناس الامجاد والهايس والروزا و الدفارات والمواتر من المرور بشارع النيل
واللفت نظري اكتر
عمو سيد الجركانات
راكب حمارو
وماشغال باليافطة (طبعا هو ما مخاطب بالمنع)
فتشت الكاميرا لقيت اني خاتيها بعيد خلاص
وخفت كمان يقوموا يقولو داسوس و بيصور مناطق (حيوية)
غايتو أسامه داؤود لو شاف صورتك دي ياناذر
!
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
نادية عثمان ..
حمدلا على السلامة يا زولة ..!
وكلنا كويسين وبنسلم عليك ..
Quote: عاين
الحمار ده بيكون سيدو بيتعشى جوة أوزون وهو إنتهز فرصة وقال يتعشى بزهور أوزون موش فكرة |
بيكون سيدو عزمو جاتوه جوة اوزون لكن الحمار قال الأزهار طعمها طيب ..
| |
|
|
|
|
|
|
Re: حـمـار في حـديـقـة أوزون .!!! (Re: حسين محي الدين)
|
ناذر ...سلام وتحايا
تعرف والله ذكرتني البوست بتاع (الحمار) الرئاسي العائم ... اقصد القصر العائم
إحتمال كبير تكون (اوزون) هي الاتحركت ومشت حي (الحمير) ... يازول انت متاكد انك مريت بالخرطوم 2 ؟؟؟ إحتمال كبير يكون الحمار ده بتاع ناس الهلال ...
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا |
جاي من وين ماشي وين ؟؟
Quote: وقد زاد في شهرة أوزون إصدار السفارة الامريكية قبل عدة أيام لبيان تحذر فيه رعاياها من إرتياد تلك الحديقة لأسباب امنية !!! |
اووع يكون الحمار ده مفخخ ؟؟؟
.
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
ناذر كيفنك ...
لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم..
عليك الله الموبايل في الخاص ..الهكر لحس الرقم..
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
.. . يا ناذر خلينا من حمار أوزون دا
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا |
الساعة واحدة براكـ ولا فى مرافق !!؟ ولو مافى مرافق البخليك تتحاوم .. والناس حارسنك شنو ؟؟
__________
غايتو حمارك دا لو مر الساعة 10:45pm ورفع اضنينو ونهق بهناكـ والله اوزون كلها تقوم جارية بما فيهم ناس FBI
| |
|
|
|
|
|
|
Re: حـمـار في حـديـقـة أوزون .!!! (Re: طارق ميرغني)
|
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان للدرجة التي جعلتني أهرع فورا لكاميرتي لأخذ لقطات لذلك الحمار في أثناء وجبته (الاوزونية) الشهية ، ولم يتسن لي سوى أخذ فقط ثلاث لقطات لاغير لأن الحمار لم يصبر ولم (يبتسم) أمام كاميرتي وفضل الهروب من امامها ، ولعله لا يريد أن يتورط في مسألة سياسية قد تجلب له النفي في غوانتناموا ما تبقى له من حشائش وأزهار العمر .!!
|
الأخ ناذر والله موضوع ظريف وكما يقال A picture is worth a thousand words والصورة دي يا ناذر عجيبة وممكن يجيك ينظروا ناس كثيرين فيها زي الجماعة أخوانا الفوق ديل ولكن أنا أقول والله المستعان ... أولا الحمار دة كان مربوط والدليل الحبل الطويل الجاري دة وتاني كان مرتاح في مكان مكنون ومأمون وربما أتى واحد من زوار الليل حلال والله حرام قام بإزعاج الحمار دة وبعدين فك القيد وجاء للأوزون ويحمد ربو ما مشى لثاني أكسيد الكربون والله المنطقة الصناعية وإلا كان في خبر كان ، المهم الحمار دة ما أنا عارف نسميهو حمار شنو!!!!! وبعدين الحمار دة بتاع كارو وممكن يكون كارو موية ولو كان كارو موية دي مشكلة لانو كيف كارو موية أو قد يكون الكارو دة بتاع الفواكه والخضر البيلف بين الأحياء الراقية ويبيع المانجو والـــ انجو وبعدين برضو يا بتاع الاميبكلوكس انت الحمار دة حمار ضكر وفي حتة شوية محيراني إنت وقفت الحمار دة عشان تصوروا والله هو وقف براهو عشان حرف ال e ظابط زي الكرفتة ما شاء الله ولو دي عملتة إنت ما في داعي تصور بعد كدة لأنو وصلت وخلي اللي يصورو ناس تانيين ... وال O مع ال Z ضابطة يمين والe شمال بسم الله ما شاء الله وطيب سؤال تاني الزول بتاع الحمار دة وين !!!! لو ساكن في المنطقة دي حا يغير في الأنماط الجغرافية ولو ساكن في حتة تانية حا يغير في الأنماط ... والله يا ناذر إنت حا تودينا في داهية أحسن نقيف هنا ... والله يحفظك واعمل حسابك ما تجي بالليل في حتات زي دي والله غيرها واسمع كلام الحكومة ..
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
Quote: عيييييييييييييييك ياوهبه
حصل اخوك
جاءه في شكل حمار |
يامجدي
حمار في اوزون ووسط الزهور متصور ومتعشي كمان دي قوية يا ناذر
حمار مضروب فلاشات الساعة واحدة ونص صباحا
انا اقترح على الاخ ناذر
بتغيير موضوع البوست دا ونطالب بعضوية للحمار دا
انا غايتو بثني ودا البروفايل بتاعو
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
Quote: المهم أنني مررت قبل قليل بتلك الحديقة وقد كانت الساعة تمام الواحدة صباحا وهالني منظر حمار (يسترزق) من زهور الحديقة وأشجارها الخارجية بكل إطمئنان |
محل ما يسري يمري انت (اسياد الشي زاااااااتا) ما حزروكم من المناطق دي بن لادن وكده
الليله كيف؟
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
جمال ..
Quote: إحتمال كبير تكون (اوزون) هي الاتحركت ومشت حي (الحمير) ... يازول انت متاكد انك مريت بالخرطوم 2 ؟؟؟ |
وين أخونا محمد الامين موسى صاحب الصلعة الفسفورية التي تحل جميع المشكلات المستعصية
Quote: إحتمال كبير يكون الحمار ده بتاع ناس الهلال |
الحمار ما عندهم لاكن
Quote: اووع يكون الحمار ده مفخخ ؟؟؟
|
صدق لمن عيونو ولعت في الصورة الاولى طوالي خفت وإتشهدت ..
لكن الحمد لله طلع مفخخ بي (عليقة) بس في ضهرو
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
كيف يا نوباتيا ..
Quote: لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم.. |
مش كدة بالله .!!
سمعت بي جمعية الحمير المصرية ؟ أعضاءها كلهم من المثقفين والفاهمين في المجتمع المصري وأعضاء الجمعية عندهم ألقاب تمنح لهم زي بردعة و لجام و سرج وحاجات زي دي ..
Quote: عليك الله الموبايل في الخاص ..الهكر لحس الرقم.. |
هو بكري خلا فيها خاص !! سحب الماسنجر وحيرنا والله ..!
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
كيف يا نوباتيا ..
Quote: لكن حمارك ده مااكتر "زول" مرتاح في السودان لا اسعار طلعت لا بنزين نزل ياكل في اجعظ حتة في السودان مع الطبقة الارستقراطية و" يبعر" قي انضف شارع و ينوم في اجمل حديقة فندق ..يااااااااه اريتو حالي.. بس من غير عكاكيز و جرجرت براميل موية وشواويل فحم.. |
مش كدة بالله .!!
سمعت بي جمعية الحمير المصرية ؟ أعضاءها كلهم من المثقفين والفاهمين في المجتمع المصري وأعضاء الجمعية عندهم ألقاب تمنح لهم زي بردعة و لجام و سرج وحاجات زي دي ..
Quote: عليك الله الموبايل في الخاص ..الهكر لحس الرقم.. |
هو بكري خلا فيها خاص !! سحب الماسنجر وحيرنا والله ..!
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
طارق ميرغني ..
Quote: يعني نحن ناقصين .تعودنا في الحدائق جلب حيوانات نادره كاللاما والدب الصيني الباندا وغيره . |
يا زول إنت حداثي خالص
بعد ما الجماعة شلعوا جنينة الحيوانات وباعوها بقوا الاطفال ما بيشوفوا أي حيوانات إلا حمار اللبن وغنم الحلة وكلاب الجيران وحصين الكارو
وضع الحمار في اوزون أظنو كان لاسباب سياحية والله وأسامة داؤود اعلم ..!!
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
أنور الطيب ..
Quote: أولا الحمار دة كان مربوط والدليل الحبل الطويل الجاري دة وتاني كان مرتاح في مكان مكنون ومأمون وربما أتى واحد من زوار الليل حلال والله حرام قام بإزعاج الحمار دة وبعدين فك القيد وجاء للأوزون ويحمد ربو ما مشى لثاني أكسيد الكربون والله المنطقة الصناعية وإلا كان في خبر كان ، المهم الحمار دة ما أنا عارف نسميهو حمار شنو!!!!!
|
نظرية منطقية برضو ..
Quote: المهم الحمار دة ما أنا عارف نسميهو حمار شنو!!!!! |
سميهو حمار معقم بي الاوزون
Quote: وبعدين الحمار دة بتاع كارو وممكن يكون كارو موية |
يا أنور دي نمرة إتنين ياخ ما امبدة
كارو موية شنو البيجي هناك
Quote: وبعدين برضو يا بتاع الاميبكلوكس انت الحمار دة حمار ضكر وفي حتة شوية محيراني إنت وقفت الحمار دة عشان تصوروا والله هو وقف براهو |
أول مرة أسمع بي امبلكسات حمارية يا زول مالك داير تجيب لينا الشبهة ؟!
أنا جيت طالع من اللفة جهة مقابر فاروق وفجأة لقيت الحمار الاوزوني دا بيرعى من خشاش أسامة داوود طوالي وقفت وطلعت الكاميرا وصورتو .. الكاميرا طبعا قريبة لي ... في الجهة الجمب الطبنجة طوالي
Quote: عشان حرف ال e ظابط زي الكرفتة ما شاء الله ولو دي عملتة إنت ما في داعي تصور بعد كدة لأنو وصلت وخلي اللي يصورو ناس تانيين |
لا والله ما انا .. البركة في الحمار هو الإتخذ (البوظيشن) الصاح
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
وائل فحل ..
Quote: يا ناذر انت جيت ماري بي اوزون بدري شوية ..
يعني الساعة واحدة صباحاً ..
المصادفة انو انا جيت بعدك بي ساعتين بس ..
تخيل لقيت شنو ؟
عاين معاي الصورة ... برضي كنت شايل كاميرا !
|
دا نا بخاف من حمار يطلعلي أسد ؟
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
تعرف ياناذر امبارح كنت فى الموردة قريبا من (كافى ) وكافى مشهور بصناعة الزبادى البلدى المخصوص.. كنت فى حالة انس شجية مع بعض الاصدقاء وخرجت قريبا من الواحدة صباحا وحينها( طقش) وجهى هواء باااارد والنيل على بعدفرسخ.. احساس عجيب وانا اشق طريقى من بوابة عبدالقيوم عبر مسجد الادارسه وبيوت العمراب ومنزل معاويه نور وحيشان الهاشماب وصديق مدثر يتلو(ياضنين الوعد) متل التراتيل والترانيم فى كنيسة الشهيدين .. تعرف ياناذر امدرمان دى حبى ليها من حب عمنا الهادى نصرالدين.. حب لاحد له.. ولكن مع ذلك للخرطوم..فى شرق واتنين وتلاته موقع فى القلب والفؤاد .. ماتقلب علينا المواجع ياشاب
| |
|
|
|
|
|
|
Re: حـمـار في حـديـقـة أوزون .!!! (Re: ناذر محمد الخليفة)
|
يا عكاشة ...
Quote: تعرف ياناذر امدرمان دى حبى ليها من حب عمنا الهادى نصرالدين.. حب لاحد له.. ولكن مع ذلك للخرطوم..فى شرق واتنين وتلاته موقع فى القلب والفؤاد .. ماتقلب علينا المواجع ياشاب |
أمدرمان دي الزول بيشم فيها ريحة البلد ..
والخرطوم بنشم فيها ريحة العراقة والحضارة ..
| |
|
|
|
|
|
|
Re: حـمـار في حـديـقـة أوزون .!!! (Re: محمد عكاشة)
|
الصديق ناذر ..تحياتي قانونيا:- اللافتة التي تقول ممنوع دخول عربات الكارو (وبالتالي الحمير حيث لا يتصور دخول كارو بدون حمار او حصان) هذه اللافتة موضوعة في شارع المستشفى والمنع المشار اليه يبدأ من شارع المستشفى وانت ماشي شمال يبقى الحمار بتجوله في منطقة الخرطوم 2 الواقعة جنوب المستشفى كان يمارس حق دستوري مكفول بموجب دستور السودان المؤقت المنبثق عن اتفاقية نيفاشا.
| |
|
|
|
|
|
|
|