|
ربنا ستر ..!! بورتسودان كادت تشهد سقوط طائرة أخرى يوم الخميس الفائت ..!
|
والطائرة هذه المرة من شركة صن أير ..!
إتصل بي الصديق النشط من بورتسودان مصطفى الزبير والذي يداوم على متابعة المنبر ومده بالأخبار الطارئة أول بأول وحكى لي الواقعة التالية :
Quote:
الأخ ناذر سلام كتير يوم الخميس الموافق 3/7 كنت في وداع وفد من رئاسه الشركه قادمين من دبي في زياره عمل لمده أسبوع المهم قمت بالحجز لهم على متن خطوط شركه صن آير وذلك هروباً من سودانير أو الخطوط التي تستخدم طائرات صغيره المهم وصلنا المطار عند الساعه التاسعه مساءً وأكملنا لهم إجرائتهم وغادروا في التاسعه والنصف عند الساعه الثانيه عشر والثلث بعد منتصف الليل تلقيت إتصالاً من زميلنا السوداني المصاحب للوفد وعلمت منه برجوعهم لبوسودان لسوء الأحوال الجويه عند وصولي المطار تفأجات بالحال التي عليها الركاب والهياج والمشاكل علمت بعد ذلك من أعضاء الوفد والمرافق السوداني أن الله قد نجاهم من موت محقق حيث أن الطائره وبعد أن أنزلت العجلات للهبوط أقلعت مره أخرى لأن الطيار لم يكن يري المدرج ولم يقم برج المراقبه بتنبيه لسؤ الأحوال عمليه الإقلاع المفاجاه خلقت ذعر كبير بين الركاب وشاهدت بعيني عدد من الركاب لم يرغبوا بالسفر وفضلوا السفر تاني يوم بالبصات كان المطار في حاله من الفوضى والصياح من الجميع . غادر الرحله في حوالي الساعه الثانيه والنصف صباحاً وبحمد الله وصلت بالسلامه ملحوظه شركه صن اير هي الإسم الجديد لشركه إير ويست لانها تستخدم نفس المكاتب وبنفس الموظفين ببورسودان
|
نسأل الله السلامة ...!
|
|
|
|
|
|
|
|
Re: ربنا ستر ..!! بورتسودان كادت تشهد سقوط طائرة أخرى يوم الخميس الفائت ..! (Re: ناذر محمد الخليفة)
|
سلامات يا ناذر,,
شركه صن اير هي الإسم الجديد لشركه إير ويست لانها تستخدم نفس المكاتب وبنفس الموظفين ببورسودان
فى اللقاء الذلى أجرته قناة العربية مع أحد خبراء الطيران يوم الجمعة أو ليل الخميس لست متأكدا تهرب الخبير بصورة قبيحة ورفض الإجابة على الأسئلة الموجهة له بصورة أقبح وكان كل تركيزه على أن يوضح أن الرئيس تسرع بجظر الطائرات والشركات وأن قراره ليس قاطعا!!!!!!!!!!!!!!!!!!
وأن السودان وأجواءه ومطاراته الصغيرة لا يصلح معها إلا إستعمال هذه الطائرات!!!!!!!!!!!
الرسالة والمغزى كانا واضحين,,,,,
كل أو أغلب هذه الشركات مملوكة لمتنفذين فى الدولة وسنعمل على مواصلتها رحلاتها وطيرانها!!! والسيد الرئيس قراراته ليست ملزمة ولا نافذه!!!!!!!!
هو الإنسان السودانى دا كم سعره!!!!
وما الفرق بين أن تموت بسبب ناموسة أو طلقة أو HIV أو طائرة تسقط هنا أو هناك,,,,
الموت واحد وإن تعددت الأسباب وكلو موت!!!!1
8 حوادث طيران فى سنة 2008 !!!!!!
ياخ السودان دا فات مثلث برمودا زاتو!!!!
| |
|
|
|
|
|
|
Re: ربنا ستر ..!! بورتسودان كادت تشهد سقوط طائرة أخرى يوم الخميس الفائت ..! (Re: ناذر محمد الخليفة)
|
امبارح وانا راجعه من نيالا الي الخرطوم علي متن صن اير (وفعلا هي ايروست) وعندما نبه طاقم الطائره ان الطائره في مرحلة الهبوط لمطار الخرطوم والناس استعدت إذ بالطائره تدور حوالي الخمسه دورات ولا تنزل والله والله العظيم في طائره أخري تدور كمان بتحت الطائره الأنا ركبت فيها والناس بدات تخاف وبدوا يقولوا رجعونا نيالا وراي في واحدين قاعدين قال ليهم ما قلت ليكم اخير القطر ولا اللواري موت السما دا ما بنقدر عليهو والطاقم ما اعتزر ولا ورونا الحاصل قعدنا علي اعصابنا وفب الآخر الحمد لله وصلنا بي سلام
| |
|
|
|
|
|
|
Re: ربنا ستر ..!! بورتسودان كادت تشهد سقوط طائرة أخرى يوم الخميس الفائت ..! (Re: ناذر محمد الخليفة)
|
Quote: وبدوا يقولوا رجعونا نيالا وراي في واحدين قاعدين قال ليهم ما قلت ليكم اخير القطر ولا اللواري موت السما دا ما بنقدر عليهو |
الاخت هويدا
اولا حمدا لله علي السلامة. فعلا الامر صعب في هذه الحالات ونحن السودانيين لا نتحرك الا بعد فوات الاون مسئولين او مواطنيين ولو ان الركاب قاطعوا هذه الشركات لكانت النتيجة افضل وبذلك تعمل هذه الشركات علي تغير اسطولها بطائرات افضل وطاقم يتمتع بكفاءة جيدة.
بعد هبوط الطائرة الكلام المقتبس أعلاه ح يكون ذكري ونكته في المجالس..
نسأل الله التوفيق للجميع
| |
|
|
|
|
|
|
|