|
|
 بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت ..
|
بدعوة كريمة من الاستاذ عصام الخواض المدير العام لمشروع دريم لاند بالسودان ، كنا امس والأستاذ عمر صديق المدير العام لصحيفة المستقلة وعدد من الصحفين والإعلاميين بولاية الجزيرة ، حيث حضرنا الإحتفال الضخم الذي تم إعداده هناك بمناسبة تدشين وإقتتاح المرحلة الأولى من مشروع دريم لاند السودان ، وقد أحيت فرقة عقد الجلاد الحغل بالإضافة لفرق شعبية أخرى تمثل إتجاهات البلاد الثقافية وتنوعاتها وفلكلورها ..
ومبعث قبولنا للدعوة هو الوقوف بقرب عن حقيقة ما يثار عن المشروع وما تردد مؤخرا عن بيعه لأخرين ..
المهم اننا إستمعنا لجميع المسئولين عن المشروع الذين أجابوا على تساؤلاتنا بصدر رحب حول عدد من الشائعات التي أثيرت حول دريم لاند .. كما طفنا أيضا بأرض المشروع ولمسنا حجم العمل وسير مراحله عن قرب ..
الصور في الطريق ..
|
|
 
|
|
|
|
|
|
|
 Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: ناذر محمد الخليفة)
|
Quote: سلام يا نزار ..
إنتا يا زول لسع ما بنيت ؟!!!
قدر ما أكتب بوستات عن البنيان والبيوت جسمك بيقوم شوك
Quote: يا ناذر ود عمي
ما لاقاك باقي كسار طوب في المشروع دا؟
كسار طوب هناك ما قابلني ..
قابلتني دي لو لتنفع معاك :
|
بتقع وين لي بيت اللمين؟
عندنا حبوبتنا يا ناذر ربنا يطراها بالخير عندها الخرطوم
ناحية نمرة اتنين وتلاتة وبالكتير حي الزهور...ما عداها
دي مناطق مهمشة...
أها تقول ليها يا حبوبتي انا عايز ابني بيت...تقول ليك
حا تبنيه وين؟ تقول ليها مثلا في حي الدوحة...طوالي تقبل منك
غادي وتاني باقي كلامك ما بتسمعو...وان جاملتك بتقول ليك
وين لي بيت اللمين؟
دحين الفيلا دي وين لي بيت اللمين؟ وطالما جاوبت وقلت كم كيلو
بعد التفتيش...دي معناتا ولا اكلم حبوبتي...
أها من ناحية جسمي بيقوم شوك شوك كلما يجيبو سيرة البنا...دي ما فيها شك..
يا راجل دا انا طرشت عوووووووووووووووووووووووووووووووووع...من كل مرة
عايزين طوب...عايزين اسمنت...عايزين سلك رباط...عايزين سيخ سبعمية لينية
عايزين ...رملة من جنب دريم لاند..
دحين الفيلا الشافتا عيني في الصورة دي...الا يشتريها عصام الخواض براهو
والله يشتريها كفيل صلاح غريبة...لي غريبة عشان يجي ينطق ليكم من دريم لاند
والله بالجد الموكب دا فات صلاح غريبة...والحكاية كمان فيها مايكرو وكده
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: ناذر محمد الخليفة)
|
عمل مقدر ومجهود يشكر ناذر والمجموعة
يا ناذر يا أخي بدل الكتابة دي ما كان تعمل ليك بث مباشر ومن الموقع
الناس تكتب في الشات بتاع البث المباشر وأنت والمسؤولين يجاوبوا
هسّع دي ممكن تشيل لابتوبك وتمشي تعمل لينا بث مباشر وتسجلوا للما قدر يحضر البث المباشر
بس قبل ما تجاوب على أي سؤال مطروح كتابة أرجو إعادة قراءته حتى يكون مضمّن في التسجيل لما بعد
أنا عايز أشوف خرط المساكن والمرافق الأخرى بالمشروع City layout
مدارس, ملاعب, متاجر, نقاط أمن وشرطة, محطات وقود, مكاتب البلدية وهلمجرا
تحياتي كمال
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: ناذر محمد الخليفة)
|
مثلاً يعني:
1) مشروع إستثماري بالخرطوم.
2) دعوة للإستثمار بالسودان.
3) تملك منزل أحلامك بأقساط ميسرة.
4) الآن تحققت أحلامك، أرسل شهرياً فقط .... وتملك البيت الذي تحب.
5) لا مستحيل بعض اليوم.
6) مطلوب فقط كشف حساب 6 شهور من البنك ووقع عقد بيتط.
7) فقط صورة جوازك مع شهادة راتب لا تقل عن 3000$ وتملك حلمك.
8) فقط البطاقة الصحية (سارية المفعول) وتملك ...
9) عقد الإيجار مع التوقيع على الأوراق لدى مندوبنا الذي سيزوركم.
10) بس رقم تلفونكم
11) وقعوا هسة وبعدين نتفاهم
12) يا خي غلبني والله
| |
|
|
|
|
|
|
|
|
 Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: ناذر محمد الخليفة)
|
Quote: الاخ ناذر
الشئ دي ثلاثة فلل بس ولا التصوير ما غطى المنطقة كلها
ناذر:
الفلل الجاهزة تقريبا حوالي عشرة ..
وشاهدت أكثر من عشرة تانيين تحت الإنشاء ..
بس الموقع كبير جدا .. 2000 فدان عشان يغطى بالتصوير لدرجة إنو إدارة المشروع وفرت لينا بص عشان نتجول فيهو |
تمخض الجبل فولد فأراَ
ادارة المشروع وفرت باصا ورحلة للاعلامييين وبعض منتسبي تكسير التلج في عز الشتاء لمشاهدة عشرة فلل متناثرة يبدو ان وعثاء الرحلة اتعبت كاميرات التصوير فاكتفت بعرض ثلاث فلل
كنت في دريم لاند قبل الافتتاح بشهرين حقيقه النماذج التي اكتملت كانت متواضعه للغاية قادر اي مقاول نفر على انجاز افضل منهامن حيث التصميم والتشطيب ولكن الدعاية والسمعه التي صاحبت مشروع دريم لاند كانت اكبر من حجم العمل
يبدو ان ادارة المشروع استعجلت الافتتاح بسبب تعثر التمويل بعد ان تردد ان هنالك مستثمر قطري قد اشترى المشروع بالكامل .
على العموم الوقت مبكر للحكم على التجربة ولكن انتهى عهد الانبهار باي مستثمر تصاحبه ضجة اعلامية تقول اسمعو الضجه ومافي داعي للطحن
تخريمه :
انتو ياجماعه لوح التلج بقى بكم؟؟؟؟
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: Mahathir)
|
| Quote: قادر اي مقاول نفر على انجاز افضل منها |
(الأن) قادرين طبعـاً...
طيب يا إبن العم، وكت قادرين ما ســووها ليه؟
دا زى الزول الشـاف إختراع العجل، قال بالله دا هسى إختراع، ما أى زول قادر
يلف حديدة فى شكل دائرة، وبطريقة أحسن من كدا.
ويا أخى الســودان مليون ميل مربع وخليهم يحوشوا ليهم حتة يعملوا فيها قرية تانية.
لكن ما دام التسويق أو الدعاية أونلاين، فنسـأل برضو أونلاين، الأرضيـة هلى هى صبـة
خرسانيـة أم طوب؟ والجدران خشب أم طوب أم ماذا؟ ديل النقطتين المهمـات.
والســؤال موجـه لزميل البورد الأخ الخواض.
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: Abureesh)
|
Quote: الأن) قادرين طبعـاً...
طيب يا إبن العم، وكت قادرين ما ســووها ليه؟
|
قاعدين يعملو بس انت الظاهر بعيد عن السودان ودونك ساريا والياسمين وعشرات الفلل بس الفرق ديلك بيعملوها بدون تكسير تلج
Quote:
دا زى الزول الشـاف إختراع العجل، قال بالله دا هسى إختراع، ما أى زول قادر
يلف حديدة فى شكل دائرة، وبطريقة أحسن من كدا. |
اي زول قادر يلف حديده بس ما اي زول قادر يلف عقول الناس
Quote:
ويا أخى الســودان مليون ميل مربع وخليهم يحوشوا ليهم حتة يعملوا فيها قرية تانية. |
ما دايره توصيه منك بس اي زول بدوهو ساكت كده لولا المنافع والمصالح وتكسير التلج لصار السودان جنه بحق وحقيقه مش دريم 3 فلل
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: Osama Ahmed)
|
| Quote: لكن حا يرجع ويرد على كل الإستفسارات .. |
يا ريت يا ناذر، وخصوصا أستفسارى عن الصبـة الأرضيـة.. خرسانة واللا طوب؟
بعدين برضو سؤال تانى: هل فى مقابر ملحقة بالمشروع؟ وهل خصصت مساحـة من أرض المشروع
للمقابر، أم الناس تمشى تتدفن برة؟
وناس المشروع لازم يعرفوا المقابر طبعا تمليك، ما إيجار.. يعنى ينسـو إنه عندهم الأرض
الى الأبد.
بعض الناس قد لا يفهم طبيعة هـذا الســؤال، وديل حيفهموا كلامى دا لما يموتوا، ويضطروا
يرحلوا.
أقترح تخصص مساحة للمقابر، وتكون لكل صاحب بيت (نمرة) معروفة ومحجوزة لأى واحـد يتوفى من
ناس بيتهم.
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: Abureesh)
|
كتب الامين صديق
ساكني هذه القرية لم يطردوا احداً سكن قبلهم تلك المنطقة .. وجدوها خلاءاً فعمروها
ولا يوجد أحد من جيرانهم في المنطقة ينازعهم ملكيتها
في يوم حالك قررت حكومة تحالف الحرامية و متملقيهم و المتمسحين بهم أن ( تقلع ) هذه الأرض و (تديها ) لناس كده بتعرفهم
| Quote: وتترك أصحاب الحق في العراء ، لتقيم مشروع مدينة الأحلام على أنقاض كوابيس أطفال و عمال و نساء عاملات قضوا الليالي اللاحقة في العراء |
بالله يا ابوالنيذ مدام ما كلفت نفسك وفتحت بوست لهكذا مشروع
صنفر الموضوع و انفض لينا الغبار عن ملفات ما قبل المدينة الحالمة
و مصير المدينة القابرة.
مع تحياتي
| |
|
|
|
|
|
|
|
|
|
Re: بالصور ..إفتتاح المرحلة الاولى من مشروع دريم لاند بحضور عصام الخواض وأحمد بهجت .. (Re: ناذر محمد الخليفة)
|
تحياتى ياناذر,
كتب أمين صديق:
Quote: 6 أغسطس 2006
قوات حكومية مدججة بالسلاح و البلدوزرات تحاصر قرية دار السلام ، شمال ولاية الجزيرة
يتم تهديم القرية في نفس اليوم .. جميع سكانها يتم إخلاءهم إلى ( الخلا ) بقوة السلاح الناري
كانوا يسكنون في هذه الأرض منذ الثمانينات
تقوم البلدوزرات بتهديم القرية تماماً
ساكني هذه القرية لم يطردوا احداً سكن قبلهم تلك المنطقة .. وجدوها خلاءاً فعمروها
ولا يوجد أحد من جيرانهم في المنطقة ينازعهم ملكيتها
في يوم حالك قررت حكومة تحالف الحرامية و متملقيهم و المتمسحين بهم أن ( تقلع ) هذه الأرض و (تديها ) لناس كده بتعرفهم
وتترك أصحاب الحق في العراء ، لتقيم مشروع مدينة الأحلام على أنقاض كوابيس أطفال و عمال و نساء عاملات قضوا الليالي اللاحقة في العراء
إمعاناً في طغيان المجموعة الحاكمة و طفيلييها من دون كل الأراضي الخالية المحيطة بمدينة الخرطوم لم يرق لها إلا هذه المنطقة المأهولة
فقط للتذكير |
لم يعلق أحد على هذا الحديث الهام,
فإذا كان حديث أمين صديق عاليه قد حدث
كما وصفه , فهذه كارثة..
| |
|
|
|
|
|
|
| |
ناذر محمد الخليفة
أبو الحسين
nazar hussien
محمد عثمان محمد طه
baha eassa
طارق جبريل
بشير أحمد
محمد الشيخ أرباب
Mustafa Satti
Abureesh
معتصم محمد صالح
عماد الشبلي
هجو الأقرع
ASHRAF TAHA
طارق عبد اللطيف نقد
Frankly
شهاب الفاتح عثمان
ابو جهينة
Napta king
هاشم نوريت
سيف الدين حسن العوض
Mahathir
المسافر
اسامة كمال الخولي
Nazik Eltayeb
Elmosley
Osama Ahmed
عبد العظيم احمد
فيصل محمد خليل
الجيلى أحمد
Hadeer Alzain
فيس بوك
تويتر
انستقرام
يوتيوب
بنتيريست