|
|
 الله أكبر يا مريخاب !! .. تاج السر الحسن يتجرع من الكأس الأحمر ..!!
|
إلتقيت والاخ تاج السر الحسن في إحدى المناسبات ، ولأنني أعرف الأخ تاج السر وتعصبه الشديد لفريق الهلال وتشنجه غير المبرر ضد المريخ ولعيبته وإدارييه فقد حاولت مجادلته ومناقشته (بصفتي مريخابي قديم على المعاش !!) كي يخفف من حملاته وغاراته على فريق المريخ وذلك وسط عدد من الأصدقاء والمعارف ولما لمست فيه تخندقا في مواقفه وعدم وجود نية للمهادنة في عقله ، فقد كان لا بد من إشعاره بأن جمهور فريق المريخ ومناصريه وعملائه (أمثال شخصي الضعيف وأخرون لم تروهم) لن يسكتو لتعدياته الكثيرة فكان لا بد من توثيق كيف أن تاج السر قد إرتضى التصالح مع شعار المريخ بل والتعامل معه وشط شهود محليين وصحفيين دوليين وأجانب ..
وهذا ما سنراه في اللقطات المصورة التالية ..
صنفرة :
بشراكم يا مريخاب .. الله أكبر .. الله أكبر .. الله أكبر ولا نامت أعين تاج السر 
|
|
 
|
|
|
|
|
|
|
 Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
تاج السر الحسن والذي يريد محو اللون الأحمر من الوجود لا يدري أنه أمامه ولا مفر إلا من أن يجعله يجري في عروقه وشرايينه مثل الدم تماماً..
وقد جرت من جانبي عدة محاولات لجعله يشرب من الأحمر ولكنه أعطاني مبررات واهية ولكني عندما أدركت سر محاولته الفرار من قدره ضيقت عليه الخناق وحين أدرك أنني (ناقش الشغلانية) خرج من دبلوماسيته ورفض تجرع الكأس الذي لم يكن هنالك لون أخر عداه .. وتاج السر يريد مشروبا لونه أزرق !!
شنكل :
قلت ليهو : والله يا تاج السر غايتو مشروب بي لونك الطالبو دا أصلو ما أدونا ليهو .. ولو أنت مصر إلا غايتو أمشي البقالة أجيب ليك (محبرة) تشرب منها !!
| |
|
|
|
|
|
|
|
|
 Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
والله يا ناذر
اولا عودتك بقوة للمنتدى لوحدها مكسب لا يقدر بثمن رغم فى زمن هزائم (البعيوات) .. لكن الشئ المحيرنى طيلة هذه المدة ما قايلك من انصار (القاروره) فكتوريا .. الأدبنها (رجاء) و(صفاء)، وكنت فاكرك (مستنير) زى اخوك الكبير عضو اللجنة الثقافيه بنادى الهلال (سابقا) وبالصدفه بالأمس كنا مدعوين عشاء من قطب (هلالابى) كبير هو (عبدالرحمن ابو مرين) فى باخرة جميله جدا تحركت من كورنيش المعادى اسمها (نايل كريستال)، وكان من ضمن الحضور رئيس اللجنه الثقافيه (أحمد دولة)، والقطب المريخابى (جعفر حسين) ، والصحفى المريخابى (عبدالمجيد عبدالرزاق) والمذيع (الرشيد بدوى) والصحفيه ( اسماء الحسينى) و الصحفى (محمد ثروت) وعدد آخر من الأخوه المصريين واقطاب كرة القدم السودانيه.
تخريمه:-
نحنا بنشرب (الأحمر) .. لأنه اللون الأزرق (مر) ما بنشرب !! وكان مغالطنا اسال (العنيه) الراميه فوق بيتنا.
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: Deng)
|
دينق
كيفك يا مريخابي يا أحمر نبيذ ..
بعدين داير أقول ليك حاجة ..
تاني من هنا لي قدام لو إتداخلت معاي في أي بوست ما تجيب لي سيرة العبابير لانو ناس البيت بقو يقرو المنبر وهسسي سألوني قالو لي عبابير معناتا شنو ؟ أنا طبعا إتلفت جاي وجاي ما عرفت أقول شنو ! غايتو في النهاية قلت ليهم العبابير معناتا محبرة حمراء .. والجماعة صدقو ومشوها علي كدة ..
بس ما تزنقني بالطريقة دي المرة الجاية .
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
| Quote: تاني من هنا لي قدام لو إتداخلت معاي في أي بوست ما تجيب لي سيرة العبابير لانو ناس البيت بقو يقرو المنبر وهسسي سألوني قالو لي عبابير معناتا شنو ؟ أنا طبعا إتلفت جاي وجاي ما عرفت أقول شنو ! غايتو في النهاية قلت ليهم العبابير معناتا محبرة حمراء .. والجماعة صدقو ومشوها علي كدة .. |
نازر.
معقولة في زول ما بعرف العبابير ولا ديل ناس الشهادة العربية؟
تحياتي لناس البيت وخليهم بس يركزو في بوستاتي علشان يعرفوا معنى كلمة عبابير.
ناس نمرة تلاتة ديل زمان كان ناس العبابير زاته الحصل شنو؟
دينق.
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
تاج السر متجرع الأحمر ...
Quote: والله يا ناذر
اولا عودتك بقوة للمنتدى لوحدها مكسب لا يقدر بثمن رغم فى زمن هزائم (البعيوات) .. لكن الشئ المحيرنى طيلة هذه المدة ما قايلك من انصار (القاروره) فكتوريا .. الأدبنها (رجاء) و(صفاء)، وكنت فاكرك (مستنير) زى اخوك الكبير عضو اللجنة الثقافيه بنادى الهلال (سابقا) وبالصدفه بالأمس كنا مدعوين عشاء من قطب (هلالابى) كبير هو (عبدالرحمن ابو مرين) فى باخرة جميله جدا تحركت من كورنيش المعادى اسمها (نايل كريستال)، وكان من ضمن الحضور رئيس اللجنه الثقافيه (أحمد دولة)، والقطب المريخابى (جعفر حسين) ، والصحفى المريخابى (عبدالمجيد عبدالرزاق) والمذيع (الرشيد بدوى) والصحفيه ( اسماء الحسينى) و الصحفى (محمد ثروت) وعدد آخر من الأخوه المصريين واقطاب كرة القدم السودانيه.
|
والله أنا قبل كدة وريتك إنو زمان كنت مريخابي وإنت ما صدقت .. بس الحمد لله إعتزلت قبل ما يجو ناس صفاء ورجاء ديل
بخخخختكم والله متجدعين في النيل .. بالمناسبة في الخرطوم الصقط بقى ينزل شوية شوية والسخانة بقت تروح .. وبالله سلم لي على الأساتذة أسماء الحسيني ومحمد ثروت ..
| Quote: نحنا بنشرب (الأحمر) .. لأنه اللون الأزرق (مر) ما بنشرب !! وكان مغالطنا اسال (العنيه) الراميه فوق بيتنا |
الكلام دا والله بيجيب ليك الهوا .. هسي يجوك الجماعة بتآمن
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
دينق ...
Quote: ناس نمرة تلاتة ديل زمان كان ناس العبابير زاته الحصل شنو؟
|
الحصل إنو لمن جات حكومتنا الموقرة ضايقت أصحاب العبابير اليونان والأغاريق الكانو بيشكلو أكتر من سبعين في المية من سكان الخرطوم تلاتة والرافد الرئيسي ليها بالعبابير النضيفة ، ونحن مما كنا شفع صغار متشبعين بالجو دا وبنعرف معنى العبابير والمغاريف و (الأحمر الليبل) والحاجات دي .. فالجماعة
ديل هجو وطفشو من البلد بي حالا ونحت شفع الزمن داك إشتريتا عجلات أولادم ، وأخوانا الكبار إشترو الدواليب ومضارب التنس والتلفزيونات والفيديوهات ، وأمهاتنا وحبوباتنا إشترو منهم العدة والشمعدانات الماخمج !.. وإختفت نغمة العبابير النضيفة الكانت مسيطرة ..
شنكل :
حاليا تلاتة ما فيها غير تعابير من شاكلة (أبو حمار) و (أبو حصان) و(كرستالات البلح) و (صفي جوك)!!
نسأل الله السلامة !!!
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
يا نازر سلامك وصل وزياده لمن أهديت
لكن الأزرق مش شرابو (مر) وبس .. لحمو برضو (مر) ما بتأكل .. هسه (الذ جداد .. وأحلى جداد) مش بكون لونو (أحمر) ؟؟ تتذكر البرنس ؟؟ ما عايز اقول (حمام ميت) عشان ما اطمم بطون ناس (بنعزها) .. بالمناسبة (ارنب) عمل زى علاء الدين يوسف حول فى فك التسجيلات (للعرضة جنوب) أقصد لى قهوه موقعها من (مقر الحزب الجمالى) زى موقع (استاد شاخور) من استاد (الزعيم) .. ما عارف متابع ولا لا .. سميت الرد كسر غصبا عن اهله (أستاد شاخور)!!
صنفره:-
يا نادر الأحمر نأكلو فى (الطماطم) بالدكوه .. ونشربو زى ما شايف فى (العصير) .. لكن (الأزرق) بنلبسو .. لأنه (انيق) !!
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: نادر محمد الراضي)
|
نازر
الله يقطع شيطانك...
ذكرتنى واحد بلدياتى عمل لى قبول فى الهند,,واخوك لما جاء لناغبور تربع على عرش الشعر
اها زولى دا كل ما اعمل لى عمل يعجب الجميع يقول ليهم الزول دا انا عملت ليه قبلو تصوروا
اها اسى انت كل ما اشوف محنك اتذكر مسكنتك لما
ذكيناك اول مرة
البورد اسمك استمره
ساكى تجتوج زى الهره
وهو اسد ازرق اكفهرا
ياصديقى ناسك ديل با فضل ليهم غير الاسم اللون زاتو من العرك المتكرر
بقى اسود ينى زى لون شنو كدا ما بعرف,,,
يوم السبت اخر مسحة,,,زى اخر تشة,,,تعرفها ولا احكيها ليك فى ماسنجر ود البشرى
تسلم ياجميل
| |
|
|
|
|
|
|
|
|
 Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
حمدلله على السلامة يا عمك ..
يعني حالف إلا الحنة تطلع من أصابعيك
عارف الونسة في الكورة مع تاج السر لا تملها وكان في واحد مصري زملكاوي بلقاهو طوالي معاهو أها دا حكايتو حكاية متعصب شديد للزمالك وانت قاعد معاهو يقطع مصارينك من الضحك وهو كورنجي من الدرجة الأولى وأعتقد ليهو علاقة بالصحافة يا تاج أحكي لينا عن الزول دا ومغصة كورة الترجي التونسي ..
وبعدين يا عمك أشك في الكأس دا أظنو مضروب ولازم مراجعة السلطات الصحية لأنو أحمر اللون ..
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
تاج السر ....
| Quote: لكن الأزرق مش شرابو (مر) وبس .. لحمو برضو (مر) ما بتأكل .. هسه (الذ جداد .. وأحلى جداد) مش بكون لونو (أحمر) ؟؟ تتذكر البرنس ؟؟ ما عايز اقول (حمام ميت) عشان ما اطمم بطون ناس (بنعزها) .. بالمناسبة (ارنب) عمل زى علاء الدين يوسف حول فى فك التسجيلات (للعرضة جنوب) أقصد لى قهوه موقعها من (مقر الحزب الجمالى) زى موقع (استاد شاخور) من استاد (الزعيم) .. ما عارف متابع ولا لا .. |
لا والله ما متابع لكن كلامك وقع لي تب
Quote: صنفره:-
يا نادر الأحمر نأكلو فى (الطماطم) بالدكوه .. ونشربو زى ما شايف فى (العصير) .. لكن (الأزرق) بنلبسو .. لأنه (انيق) !! |
طيب في الأول أبيت تشربو مالك ؟!
يعني إلا نوثقا ليك كدة ؟
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
أبو قوتة ...
Quote: ذكرتنى واحد بلدياتى عمل لى قبول فى الهند,,واخوك لما جاء لناغبور تربع على عرش الشعر
اها زولى دا كل ما اعمل لى عمل يعجب الجميع يقول ليهم الزول دا انا عملت ليه قبلو تصوروا |
زي واحد صاحبنا فلسطيني لمن جيت الهند إشتريت منو موتر هيرو هوندا سبليندر وبعد السنين دي كلها بالصدفة إكتشفت إنو بقى مراسل لقناة الجزيرة من نيودلهي بقى كل ما يجيبوهو في التلفزيون أقول للمعاي (شوفو الزول دا !! والله العظيم أنا إشتريت منو موتر قبل كم سنة في الهند!) ..
Quote: ذكيناك اول مرة
البورد اسمك استمره
ساكى تجتوج زى الهره
وهو اسد ازرق اكفهرا
|
والله يا أبو قوتة .. تصدق وتآمن بالله .. أنا ما جيت سودانيز دي إلا بس عشان صفحة خريجي الجامعات الهندية وعندي كتاب توثيقي للأحداث داير أنشرو فيها وإنتو ومعاكم ود العباسية ما قصرتو وثنيتوني .. لكن بعد فترة لقيت إني ما قادر أتابع كويس بسبب إنو معظم الناس من الشمال وأنا ما عاصرت معظم الأحداث ..
Quote: يوم السبت اخر مسحة,,,زى اخر تشة,,,تعرفها ولا احكيها ليك فى ماسنجر ود البشرى
|
خليها مستورة
الدنيا الديا مغارس الدني أنا أووووووووووووووووب من ناااس الدنيا
| |
|
|
|
|
|
|
|
|
|
Re: الله أكبر يا مريخاب !! .. تاج السر الحسن يتجرع من الكأس الأحمر ..!! (Re: ناذر محمد الخليفة)
|
كتب (نادر) مش (نازر) .. يعنى (كيت) ما (كيت) !!
مايلى:-
Quote: يا تااج السر ...
لا تكابر الدم الأحمر يسري في عروقك
شئت أم ابيت .... |
يا نادر .. والدى الله يرحمو كان (مريخابى) موت .. وأبن اختى لعب للمريخ الكبير فى (ام درمان) والمريخ الصغير فى (بورتسودان) وسالت دماؤه من أجل المريخ مش (شرب) لونو .. لكن برضو ده ما بقطعكم (الكبرى) وما بحلكم منى .. وما بغير حقيقة انكم (فرعنا الصغير) .. وهلالاب زعلانين !!!!!
| |
|
|
|
|
|
|
| |
ناذر محمد الخليفة
حسين يوسف احمد
طارق جبريل
nazar hussien
نادر محمد الراضي
Deng
محمد المختار الزيادى
abuguta
أبوالزفت
معتصم دفع الله
فيس بوك
تويتر
انستقرام
يوتيوب
بنتيريست