|
بهذا أعلن إنضمامي للحزب الاتي إسمه ......
|
بالرغم من قناعاتي السابقة بمقاطعة جميع الأحزاب السودانية وعدم الإنضمام إليها لخلل في فاعليتها وإدائها وتاثيرها وعدم وجود أي أثر للديمقراطية الحقة أداء وسلوك في مؤسساتها ..
إلا انني وبعد مراقبتي للأوضاع التي تمر بها البلاد عن كثب ،، وحتى لا أوصم بالسلبية ، وجدت انني بحاجة للإنضمام والعمل تحت راية تنظيم واع وقادر ، لحوجتنا جميعا في هذه المرحلة للتوحد والعمل بصورة مؤسسية لمجابهة الاخطار التي تحيط بالبلاد ..
عليه فأنا بكامل أهليتي قررت الإنضمام لحزب أعتقد واثق وأؤقن انه الأقدر على قبادة البلاد في المرحلة الحالية والقادمة ..
أما الحزب فهو (...........)
صنفرة :
أرجو ان اكون قد وفقت في الإختيار وأرجو الا يغضب مني بعض من الزملاء هنا ...
|
|
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
Quote: الإنضمام لحزب أعتقد واثق وأؤقن انه الأقدر على قبادة البلاد في المرحلة الحالية والقادمة .. |
يا ناذر أخوي غايتو إلا بلاد الواقواق
ولو عربياً مكن أقول حزب الله
أما في السودان دا الله اعلم يكون في حزب بالمواصفات دي
بس برضو ح نتظر الشمار ونشوف ح ينزل على صحن الفول ولا ح تشيلوا الرياح
كمال
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
فرانكلي ..
Quote: أما في السودان دا الله اعلم يكون في حزب بالمواصفات دي
|
إنت دلالتك ديك ما جابت ليك نتيجة ولا العطاء لسة مفتوح ..!!
هو أنا معاك قد ما يكون في مية المية لكن إنشاء الله بالتطوير وممارسة النقد الزاتي والديمقراطية الشبابي بنلقى نتيجة كويسة ..
إنت بس قول يا ريت ..
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
ناذر أنا كنت قايلك حريف.. طلعت ( علي كيشة ) ,
يعني لا سمعت عادل الصديق .. لا أديت البوست ده معني , ! so far ,
ألحق رقبتك سياسيا.. أدي دينق ده تذكرتو و أدعو لإعادة تأسيس حزب البهجة و خت الدفتر في المحطة الوسطي ! هسة شايف ليك جهة بتتكلم عن التمدين و الحداثة .. تقول لي لقيت حزب سياسي أخيرا !
تخريمة:
في آخر زيارة لي للسودان , نحو بداية 04 , حضرت حفل زواج بأبو اللمين في أمدرمان .. عمل حاجة كده بالعود و لمدة ربع ساعة و دخل بعدها في جديات العسين .. وصلة العود + جديات العسين = كل ما كتب حول التعدد الثقافي و الهوية و العدالة و الحقوق الديمقراطية,
سيبك من عوض أحمودي !
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: Elmuez)
|
الاخ ناذر ، انت فاكر الامور دى بسيطه تقول انا اعاوز انضم على كيفى ، فى حاجه فايته عليك فى حاجة اسمها بطاقة انتقال عارف موجوده عن ناس اللجان الشعبيه بتاعت الحله ، انت عندك كرت ومصنف ، وعشان تنتقل لنادى اسف حزب لابد اين يتم هذا فى ايام فك التسجيلات، وبموافقة ناديك الحزبى ، لكن عندى ليك طريقه اسهل وتدخل ليك قروش كتيره ، وهى ان تؤسس لحزب جديد، وتسجيله فى تشاد او ارتيريا، وتبدء فى شتم الحكومه وتقول ان بعض انصارك احتلوا مناطق غرب المحميه واتصال واحد مع الجزيره ، والباقى معروف ، شوف دينق يحترمك كيف.
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
المعز كيفك ..
Quote: ناذر أنا كنت قايلك حريف.. طلعت ( علي كيشة ) ,
يعني لا سمعت عادل الصديق .. لا أديت البوست ده معني , ! so far ,
|
شنو الغحباطات دي يا معز !! أنا قلت حرفنتي وتجربتي أنقلا لي الحزب الداير إنضما ليهو تقول علي كيشة !! عادل الصديق حا اسمعو عما قريب ، والبوست دا أديهو فرصة (ينجض) شوية ..
Quote: ألحق رقبتك سياسيا..
|
ما عشان كدة انا قررت إنضم لي حزب !!
Quote: هسة شايف ليك جهة بتتكلم عن التمدين و الحداثة .. تقول لي لقيت حزب سياسي أخيرا !
|
واله ياخ أنا شاهر إنو الساحة مهيأة لي انا المضبلن القدامك دا عشان إتكلم عن التمدين والحداثة !!
Quote: في آخر زيارة لي للسودان , نحو بداية 04 , حضرت حفل زواج بأبو اللمين في أمدرمان .. عمل حاجة كده بالعود و لمدة ربع ساعة و دخل بعدها في جديات العسين .. وصلة العود + جديات العسين = كل ما كتب حول التعدد الثقافي و الهوية و العدالة و الحقوق الديمقراطية,
سيبك من عوض أحمودي ! |
معز برضو ما تستعجل وتتشنج زي اب كدوس دينق .. أمكن الحزب يكون عندو علاقة بي عوض أحمودي .. لوك الصبر !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
هجو سلامات ..
Quote: انت عندك كرت ومصنف ، وعشان تنتقل لنادى اسف حزب لابد اين يتم هذا فى ايام فك التسجيلات، وبموافقة ناديك الحزبى |
يا زول ما تلخبط !! دا منو الصنفني دا !! أخوك ليهو مدة حايم ولايص بدون اي بطاقة إنضمام لحدي ما ربنا هداني !!
Quote: لكن عندى ليك طريقه اسهل وتدخل ليك قروش كتيره ، وهى ان تؤسس لحزب جديد، وتسجيله فى تشاد او ارتيريا، وتبدء فى شتم الحكومه وتقول ان بعض انصارك احتلوا مناطق غرب المحميه واتصال واحد مع الجزيره ، والباقى معروف ، |
يا هجو إنت الظاهر موضوع البوست ما وقع ليك !! أنا ما محتاج لي حزب جديد أعملو من الاول .. والساحة زاتة ما محتاجة لي حزب جديد وأنا خلاص بعد إستقراري الأسري فكرت استقر سياسيا بدل التخريمات البعملا كل مرة وبدل ما الناس تنظر تقول ناذر كوز ، ناذر بعثي ، ناذر شيوعي ، ناذر بطيخي .. أها اخيرا لقيت لي حزب إتلميت عليهو أو هو إتلما علي !! المهم إتلمينا على بعض !!
Quote: شوف دينق يحترمك كيف.
|
أب كدوس دا غايتو ربنا يهديو ساي !! الزول دا هو بيحترمني جدا وانا واثق من كدة .. بس مرات لمن تقفل معاهو بيحب يقفلا معاي برضو .. يعني نظام مكاجرات وكدة !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
ابو الريش سلامات ..
Quote: مبروك يا ناذر لإنضمامك لحزب ........ وبالإنجليزى 00000000
فى الحقيقـة كل الأحزاب الســودانيـة عبارة عن ........ |
يا ابو الريش أوعا يكون كلامك دا إساءة مبطنة لي حزبي الجديد ؟!! لانو طبعا حزبي واحد من الاحزاب السودانية والعريقة كمان !! وأنا من هسي ما برضى فيهو !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
Quote: الحزب دا حزب إفتراضي ساكت !! |
هو في حزب ما " افتراضي ساكت " ...؟؟
احزابنا كلها " افتراضية ساكت " ..!!
واحسن ليك " البهجة و المسرة " المعترف بانو هو " افتراضي ساكت " ...
ما حتلقي حزب غيرو بيعترف بحقيقة انو هو " افتراضي ساكت " .. !!
تحياتي
بالمناسبة ..
انت عرست ولا لسع بتجهز ..؟؟
شايف الناس شابكنك عريس ... عريس ...من زمن " ابوجا الاولى " ...!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الطاهر سلامات ..
Quote: هو في حزب ما " افتراضي ساكت " ...؟؟
احزابنا كلها " افتراضية ساكت " ..!!
واحسن ليك " البهجة و المسرة " المعترف بانو هو " افتراضي ساكت " ...
ما حتلقي حزب غيرو بيعترف بحقيقة انو هو " افتراضي ساكت " .. !!
|
يا زوووووووووول !! مالك داير تغلط معاي من اولا كدي !! أنا معاك أحزابنا بتعاني من مشاكل لكن بنلقى ليها حل لو قعدنا في واطات الله دي !! أها انا بس قلت النخش لي في حزب نظام (التغيير من الداخل) وكدة !! وما تنسى انا (لبثت) في حزب البهجة والمسرة بضع سنين !! فالتغيير ضروري الأن ..
Quote: انت عرست ولا لسع بتجهز ..؟؟
شايف الناس شابكنك عريس ... عريس ...من زمن " ابوجا الاولى " ...!! |
الناس دي متشنجة ... أنا لسه (خطيب) يعني شغال بجهز .. بس الجماعة بيتكلموا معاي (بإعتبار ما سيكون) !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
Quote: طيب انت ليه منتمي لحزب مؤتمر الاجماع الساكت |
ما اسمو مؤتمر الاجماع الساكت .. اسمو مؤتمر " الاجماع السكوتي " .. في فرق بين الساكت و السكوتي .. الساكت بيكون دائما عن الحق وده طبعا اسمو الشيطان الاخرس .. اما السكوتي بيكون دائما عن الحقيقة و ده طبعا اسمو الشيطان الابكم ... !! و ما تسألني عن الفرق بين الحق و الحقيقة ...!!
Quote: مش كان احسن ليك تقعد ساكت ؟؟ |
بالضبط كدة .. كان احسن لي اقعد ساكت .. عشان كدة انا قاعد ساكت .. زي " شوكة حوت " .. انت عارف طبعا قعدت شوكة الحوت الساكت اخير منها حركتها ...!!
تحياتي
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الطاهر ومعروف ..
أنا ما عارف السر في إنكم بتحبوا تتناقروا زي الوكت دا شنو ؟ إنتو قاعدين تعملوا لي بعض مسكولات حتين تخشوا المنبر ؟!!
دايما زي الوكت دا (بتوقيت السودان) بلقاكم متناقرين في بوست من البوستات ؟!!
بعدين تعالوا هنا ياخ !...
مش أمكن حزبي الجديد هو حزب المؤتمر الوطني .!! موقفكم حا يكون شنو لو دا طلع حزبي الانا إقتنعت بيهو !!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الاخ الـحبـوب نــاذر،
تحــية الـود والاعــزاز،
.....كتـبت إختيــارك باللــون الاحـــمـر!!!، ودي مـافاتـت عـلي ناس كتيــرين!!!. ااـف مـبـروك والـطبقــةالـعاملــة الـمسـحوقــة يشــرفهـــا إتضــمام مـسـحـوق جــديـد،ولانــامـت أعـيـن الجــبناء !!!!.
......مـاتنســـي تـدفــع الاشــتـراك!!!!.
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
بكري كيفك ..
غليتو لو ما بشاشا كرهكم في بوستك بتاع زينب السودانية داك و(جوبك) ليكم البوست كان في احتمال كبير اكون معاكم في كيان النوبة !!
كمان صحبي ناصر لمن كجنكم وعمل بوست (يا نوبة يا وهم) .. برضو مسخ علي القصة !!
Quote: .....كتـبت إختيــارك باللــون الاحـــمـر!!!، ودي مـافاتـت عـلي ناس كتيــرين!!!.
|
ممكن تكتب لي أسامي الناس الكتيرين ديل هنا لو سمحت !!
Quote: ااـف مـبـروك والـطبقــةالـعاملــة الـمسـحوقــة يشــرفهـــا إتضــمام مـسـحـوق جــديـد،ولانــامـت أعـيـن الجــبناء !!!!.
|
شنو شبكتني مسحوقة ومسحوق !!
حزب هو ولا صابون بدرة (قمر 14) !!
Quote: ......مـاتنســـي تـدفــع الاشــتـراك!!!!. |
لي المسحوق ولا في رحلة جبل اولياء حا نمشيها قريبات دي ؟!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
محمد هارون سلامات .
Quote: فأرجو أن تنتمي إلى حزب (أحباب الوطن) .... أيه رأيك؟؟
|
إنت لسة من زمن (أرجو) !!! أنا إنتميت وخلاس .. بس بحاول أبلعا للناس حتة حتة مراعاة لي شهرتي الاوتومسفيرية وخوفا على ناس كتار من الصدمة ومن عبارة (كنا قايلينك) الحا يكتبوها لي في البوستات كل ما إختلف معاهم !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
Quote: بالرغم من قناعاتي السابقة بمقاطعة جميع الأحزاب السودانية وعدم الإنضمام إليها لخلل في فاعليتها وإدائها وتاثيرها وعدم وجود أي أثر للديمقراطية الحقة أداء وسلوك في مؤسساتها ..
إلا انني وبعد مراقبتي للأوضاع التي تمر بها البلاد عن كثب ،، وحتى لا أوصم بالسلبية ، وجدت انني بحاجة للإنضمام والعمل تحت راية تنظيم واع وقادر ، لحوجتنا جميعا في هذه المرحلة للتوحد والعمل بصورة مؤسسية لمجابهة الاخطار التي تحيط بالبلاد ..
عليه فأنا بكامل أهليتي قررت الإنضمام لحزب أعتقد واثق وأؤقن انه الأقدر على قبادة البلاد في المرحلة الحالية والقادمة .. |
والله يا ناذر عندك حنك سنين ... المقدمة دي بتدل علي خبرة سياسية ... ولو واصلت بالصورة دي مش تنضم لي حزب انت ممكن تعمل حزب براك
بالله شوف الجملة دي Quote: إلا انني وبعد مراقبتي للأوضاع التي تمر بها البلاد عن كثب |
ده كلام بتاع زول رئيس حزب عديل كده
بالله لم تتم عملية انشاء الحزب قدم لينا دعوة يمكن نفك التسجيلات...
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
(الحبيب ) والي الدين ..
Quote: والله يا ناذر عندك حنك سنين ... المقدمة دي بتدل علي خبرة سياسية ... ولو واصلت بالصورة دي مش تنضم لي حزب انت ممكن تعمل حزب براك
|
الحمد لله الخبرة موجودة والتراكم التنظيمي برضو موجود بس كان مجمد .. هسي قلت النخش لي حزب وبعد داك في إحتمال إتمرد وإنشق أعمل لي حزب براي لو الامور ما ظبطت معاي !!
مالك ما إتكهنت بي إسم حزبي ؟ إحتمال أكون إخترت حزب الامة ولا ما دايريني ؟!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الزميل محمد مصطفى..
Quote: طيب ما تضوقنا معاك من حلاوة ثقتك في الحزيب ده، يمكن تعجبنا ونتيقن معاك نحن برضو، وكده تكون جريتنا معاك كلنا لحزبك الجديد دا بدل ما تخش براك، وبرضو يكافئوك على نشاطك التجنيدي/ الإستقطابي ده وتتصعد سريع فيهو..
|
والله شوف .. أنا يا دوووبك داخل على الجزب يعني ما ظريفة اعمل فيها سيدا من قولة تيت وامشي إستقطب في الناس واخش LEFT .. كدا ما حلو ..
لكن أصبر لي شوية خليني النثبت روحي أول ..
Quote: والله أكمل ليك العضوية ستات شاي وكماسرة ومهمشين و...(هلم جرا)!!
|
ليه ياخ ؟!! هو قالولك حزب ولا محطة في سوق العشرة !!
Quote: والله عجبتني ليك الخطوبة، وربنا يتمم على خير... العقد وين علشان نجي (نهتف ليك)، قصدي نبارك ليك!!
|
العقد قرب إنشاء الله ولمن تجي حا تلقى زعماء الحزب موجودين وقاعدين والوكت داك اوعك تطير عيونك وتنخلع !!
وأوعك من الهتافات والفضايح !! تجي تتعشى وتشرب ميرندا حمرا وتتخارج بس ّّ!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
العزيز ناذر،
شنو يا جكسا كده طوالي تزملني.. الزميل دي شنو كمان؟؟ ياخوي الزمالة دي خليها لناس الزمالة.. أنا زماتي زمالة الكلية الملكية للجراحين!!
Quote: العقد قرب إنشاء الله ولمن تجي حا تلقى زعماء الحزب موجودين وقاعدين والوكت داك اوعك تطير عيونك وتنخلع !!
وأوعك من الهتافات والفضايح !! تجي تتعشى وتشرب ميرندا حمرا وتتخارج بس ّّ!! |
ميرندا حمرا، ليه جاي أبارك في عقد ولا أخلط في جامعة؟؟
عموما وبصراحة أقولا ليك في وشك عديييييييييييييييييييييل: حرقت روحنا ياخي.. هو إنت داخل حزب ولا البنتاغون، تلفلف لينا في الكلام وتهلوس بينا..
عموما أخي أرجو أن توفق في الإختيار، بس ما تكون عن طريق لجنة الإختيار عشان حقك بروح وكدا!!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
(الشقيق) الشايقي ..
Quote: يا أخ ناذر
منتظرينك تعمل فرقـة وتوزع ألبومات غنا ومديـح بالاوركسترا,
|
هي لاكن في جنس الظروف دي .. الواحد يلقى نفسيات وين عشان يعمل دا !!
Quote: أنصحك يا صديقي , لا تفعـل ...
الشغلانة دي ما فيها ( فايدة ) ,
|
إنت طبعا زول مجرب وكلامك أمكن فيهو حقيقة .. لكن كدي النجرب أنا بي ذات نفسي ..
Quote: فيما عدا ما لو سمعت نصـيحـة أخونا ( دينـق )
|
أخونا دينق نصيحتو دي قالا لي أمبارح يوم الجمعة ، إنت ما عارف برنامجو شنو يوم الجمعة !! لكن الليلة السبت هسي لو جا راجع بيغير كلامو ...
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: شهاب الفاتح عثمان)
|
شهاب ..
Quote: انت سياسي بارع ذهبت بنا كل هذا المشوار على امل ولم نخرج بمعلومة واحدة. ونظن كل الوقت اننا فاهمين كل شيء.
|
يعني تفتكر ممكن انفع بدخولي للحزب دا !!
Quote: انضم لاي حزب كان و ستنجح. فلديك المهارة المطلوبة. |
قلت كدي !!!
أهو أنا إتبلبلتا وبقيت على العوم !! نسأل الله السلامة بس !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
محمد مصطفى ..
Quote: ميرندا حمرا، ليه جاي أبارك في عقد ولا أخلط في جامعة؟؟
|
بالغت في دي ... رباطابي إنت :
Quote: عموما وبصراحة أقولا ليك في وشك عديييييييييييييييييييييل: حرقت روحنا ياخي.. هو إنت داخل حزب ولا البنتاغون، تلفلف لينا في الكلام وتهلوس بينا..
|
يا زول مستعجلها في شنو ؟ لوك الصبر ..
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: الصادق صديق سلمان)
|
أبو فتحية سلامات ..
Quote: دي احسن حاجة حا تعملها, اتخيل عندي نفس المشكلة حددت الحزب بتاعي العاوز انضم ليهو لكن ماقادر اعلنها في البورد دا بالذات ماعارف ليه؟؟؟؟!!!!!! عموماً انا منتظرك تعلن عشان احتمال اعلن هنا في بوستك دا زاتو (طبعاً لو سمحت لي انت)
|
مشكلتك تحلها زي ما انا بعمل هسي .. يعني ما تكبها في الناس رب كدة تقوم تخلعم وتنخلع معاهم !! الشغلانة تهيئم نفسيا لي تقبل الإنضمام وبعد داك تعلن حزبك في بوست منفصل ودا الحا اعملو انا لكن بعد ما الناس تجهز ..
صنفرة :
طبعا ما حا اسمح ليك تعلن هنا !! إنت مت تعلن براك .. ما عندط باصويرد !!
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الامين مشتاقين والله ...
Quote: ناذر كيفك ((حقيقة دينق دي شايت دائما الكره من الاويت))،،،،،، حلوه منك
|
أب كدوس دا أنا والله بدعو لهو بالهداية يوماتي بس هو نافد فيهو قدر الله !!
Quote: كدي شوف حزب اخوك عبدالباسط عمر امكن انفع معاك
|
لكن أنا فارقت الهند بدري !! وهنا ما لامي فيهو أخر عهدي بيو كان في (الكونتونمينت) !!
صنفرة :
كدة كويس !! أها جرجرتني في الكلام وحا تجيب لي المشاكل لنا مهدي وين
| |
|
|
|
|
|
|
Re: بهذا أعلن إنضمامي للحزب الاتي إسمه ...... (Re: ناذر محمد الخليفة)
|
الصادق .
Quote: بس اعمل حسابك وتقوم تندم بعدين خاصةً لو كان التنظيم الحا اعلن انضمامي ليهو يكون نفس بتاعك؟؟!!
|
الله اكبر ولله الحمد ..
لو كدة حا أسمح ليك بالإعلان طوالي ..
صنفرة :
سمعت بالغنيةالنهايتا بتقول :
لو كان بالمراد واليمين مطلوب * ما كان بتشنق ود اب كجيك في السوق .. ؟
تعرف دي تسمعا من علي إبراهيم اللحو تنسى الدنيا وما فيها !!
| |
|
|
|
|
|
|
|