|
|
 الأخ بكري .. إقتراح مهم جدا بشأن تفعيل وترقية أداء الخور ...
|
الاخ بكري
بعد التحية والسلام ..
الملاحظ أن منبر الاعضاء والذي يسمى (الخور) قد أثبت فاعليته واهليته للقيام بالمهام التي صنع من أجلها وهي حجب البوستات التي لا تصلح ليراها عامة الناس ويمكن فقط للأعضاء الإضطلاع عليها والكتابة والردود فيها ..
لفد تراءى لي مؤخرا أن بعض البوستات التي يكتبها أصحابها في المنبر العام والتي يكون القصد منها تصفية حسابات معينة أو الهجوم على بعض الشخصيات أنها غير صالحة للنشر بنظرة واحدة فقط للعنوان كما أن كاتبو أمثال تلكم البوستات يعلمون تماما أن بوستاتهم لن تعمر في المنبر وأنها ذاهبة للخور طال الزمن ام قصر ..
قد لا يخفي عليكم أن البوستات الموجودة بالخور مقروءة للأعضاء بنسبة أكثر من خمسة وتسعون بالمائة أي أنها تحظى بإهتمام اعضاء المنبر من أصحاب الشمارات والذين يبدأون يومهم المنبري بالخوض في لجج الخور لقراءة ما فات عليهم أو متابعة معركة أوتومسفيرية لا تزال رحاها تدور هناك ..
إقتراحي بكل بساطة هو جعل إمكانية فتح البوستات في الخور ممكنا طالما أنها تختص فقط بالعضوية دون غيرها من عامة الزوار وبذلك يرتاح البعض الذين يجأرون بالشكوى كل فترة ويفتحون البوستات لجمع التوقيعات ضد البوستات غير اللائقة على حد وصفهم ..
إن إضافة خاصية فتح البوستات الجديدة في الخور مباشرة عبر أيقونة (موضوع جديد) قد تكون الأنسب للكثير من الأعضاء والذين يرهقون الزوار والبقية بمواضيع طابعها الشخصنة وقد لا يستفيد منها من ليس ذو صلة ..
أرجو النظر بعين الإعتبار لهذه الإقتراح ..
ودمتم ذخراً لخدمة الوطن ..
|
|
 
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
| Quote: من دخل بوسطاطي فهو آمن |
اللووول.. 
إنت القلتا اللغز..
بس أخوكـ لقطو..
أديني عضان بريديكـ وبرسلو ليك Hot
أخوكـ أبو رزقة بعد الشافها في جلدو..
عامل حسابو رغم إنو..
صاحبكـ بكري ملحقو إنذارين بعد الحرص الشديد..
وبالحال عاملين حساب من جرة الكي بورد..
أبيـىىىىىىىىىىـت..
البباريكم إنت ونوبي بتلحقوهو إمات طه..
وتاني الخور ذاتو إلا تستعين بصديق عشان تشوفو..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
ناذر
اقتراح وجيه
وعلى كدة الواحد من يكتب البوست يختار وين مكانه ( وين مدفنه )
وبمناسبة البوست دا اقترح انه ينقل فورا الى الخور
لسبب بسيط وهو ان كل ما يتعلق بالخور يتم التناقش به بالخور ) ههههههههههههههههههه
شكرا لك وبجد اقتراح جميل وبيعمر الخور .....
وزي ماقلت ليك قبل كدة:
ماذا لو تم نقل كل المنبر الى الخور ونقل كل الخور الى المنبر
الاجابة:
سيصبح الخور منبر
ويصبح المنبر خور
ويصبح كل الاعضاء زوار
وكل الزوار اعضاء ؟؟؟
وبعدين يانادر ممكن لو سمحت سؤال بصفتك من المتابعين لحركة المنبر والخور
ممكن لو عندك معلومات تورينا من هو العضو الذي اطلق لقب الخور على المنبر الخاص
عن جد الراجل دا يستحق لقب سيد رجال الخور .....
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
أبو رزقة ..
Quote: إنت القلتا اللغز..
بس أخوكـ لقطو..
أديني عضان بريديكـ وبرسلو ليك Hot
أخوكـ أبو رزقة بعد الشافها في جلدو..
عامل حسابو رغم إنو..
صاحبكـ بكري ملحقو إنذارين بعد الحرص الشديد..
وبالحال عاملين حساب من جرة الكي بورد..
|
طيب وكت بتخاف كدة وقلت نوبة كم مرة ما في داعي تتشوبر وتقابض من طرف
أنا اساسا ناوي أكتل لي زول الايامات دي عشان كدة أعمل حسابك شديد ..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
الزيادي ...
| Quote: الله يجازيك ياود الخليفة اتاريك بتحب الحاجات دي.دائما ماتعجبني صراحتك .لكن كده اقترح لينا اسماء 10اعضاء تعتقد فيهم جازما انهم يؤيدون الفكره 1-ه 2-....10-.... |
أنا ما عارف ليه دايما لمن تعمل لي مداخلة في بوستاتي بتطلع منها نسختين ؟!! إنت مودي واحدة لضرائب القيمة المضافة ولا شنو ؟!!
عارفك بتحبني وتموت فيني لكن مداخلة واحدة كافية للتعبير عن الشعور ولا مش كدة ؟!!
شنكل :
في وصية ختيتا ليك عند أخوك أمشي ليهو وأضرب لي تلفون وبطل البتعمل فيهو دا
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
يا معاوية ...
Quote: ناذر خازن الخيران
الكلام دا ما منطقي
قول لي ليييييه
نفرض انو زول قام فتح بوست في الخور ونبز فيهو زول تاني
أو قال أي كلام فارغ يتعارض مع قوانين ولوائح المنبر
يعني بكري دا الا يقوم يعمل لينا خور تاني
وكدا بيكون عندنا خور للخور
وأي خور حينبسق منو خور تاني
والقصه بتبقي زي نظافة أم فتفت
ولا كيف!! |
الشغلة هي مش نبذ أو إساءة لا سمح الله .. الشغلة أكبر من كدة ..
يعني هسي قول مثلا انا داير أخاطب البورداب ديل لي عمل إنساني أو مناقشة لوائح المنبر أو جمع اصوات لإقالة بكري من امانة المنبر دا ..
الزوار ذنبهم شنو يعدو شهرا ما ليهم فيهو نفقة ؟!!
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
أخوى ناذر تحياتى .
الخور دا أبدا مامريت بيه إلا لما يجيبوا لنك فى المنبر العام وأكون عامل تأشيرة دخول سارية المفعول به.
المهم
أحاول أفتى شوية:ـ
إقتراحك كفكرة (تنظيرة)فيها شي من التطوير والإبداع
بغض النظر عن حسناتها أو سيئاتها
أما عن سيئاتها
وفى نظرى إنك لن تستطيع أن تلم كمية البوستات الحا تتفتح وتتعنقد من أي سجال(دواس) يدور.
لذلك هى رحمة ربك جمع الدواس فى بوست واحد.يعنى زى المصارعة أم قفص حديد.
ليحيى من حي عن بينة ويهلك من هلك عن بينة.
علا سؤالى ليك الخور فيه طرد؟ولا مسموح بالديرتى دواس؟
ولو فيه طرد حايكون فرقه شنوا من الطرد المباشر من المنبر العام أبو من غير خور؟
ولا هو يعتبر مرحلة الكرت الأصفر,ونذير الأحمر.
أها جيت أفتى طلعت بسأل فيك.
فأفتينا ياخازن الخور.
..................................................................................
بدون لخبتة:ـ
كان لقيت معاذ حسن ولا عثمان محمد صالح ولا محسن خالد فى الخور قول لينا عووووووووك
لأنو الناس دي جميلة فى آي مكان.
| |
|
|
|
|
|
|
|
|
 Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
Quote: إقتراحي بكل بساطة هو جعل إمكانية فتح البوستات في الخور ممكنا طالما أنها تختص فقط بالعضوية دون غيرها من عامة الزوار وبذلك يرتاح البعض الذين يجأرون بالشكوى .....
إن إضافة خاصية فتح البوستات الجديدة في الخور مباشرة عبر أيقونة (موضوع جديد) قد تكون الأنسب للكثير من الأعضاء والذين يرهقون الزوار والبقية بمواضيع طابعها الشخصنة وقد لا يستفيد منها من ليس ذو صلة ..
أرجو النظر بعين الإعتبار لهذه الإقتراح .. |
ناذر أخوي كِدا حتحرم الزوار من أقلام جريئه!!!.
في ناس حتاخذ بطانياتها وتسكن الخور
البيخسر الوطن براهو بهكذا إقتراح
تكويعه:
علي أساس نثني هذا الإقتراح دع
يكون العمر الإفتراضي للبوست
"الخورِي"إسبوع واحد!
ومن ثم "يتزبلح" أي يتلحس
وإلا ستتحمل "الكنسِكوينسِسْ"
لو الكتاحه وقفت علي حيلها!
"المرحوم غلطان"
ديا دقه قديمه
..
.
| |
|
|
|
|
|
|
|
|
 Re: الأخ بكري .. إقتراح مهم جدا بشأن تفعيل وترقية أداء الخور ... (Re: Mohamed Adam)
|
ناذر..
صباح الخير..
| Quote: عشان كدة أعمل حسابك شديد .. |
ما تخاف على أخوكـ أصلو مصير الحبي بيلاقي ..
أسمعني؛
| Quote: قد أثبت فاعليته واهليته للقيام بالمهام التي صنع من أجلها وهي حجب البوستات التي لا تصلح ليراها عامة الناس ويمكن فقط للأعضاء الإضطلاع عليها والكتابة والردود فيها .. |
أخير إنتو بحجبو ليكم بوستاتكم..
أنا بكري شغال معاي حذف..
تعرف بعمل مداخلة بجي ألف وأجي ألقاهي ليكـ سيد الحوش جاب أجلها..
ومحقها ونذر للريح الإوتمسفيري جلد إيهابها..
زمان كان بدخل في بوستاتي وبلقي ليكـ آثاره كريعاتو تكريعاتو..
(عدل بواسطة بكرى ابوبكر on 01-03-1884, 10:23 م)
ولا درب ولا دريبات..
وآخرها مداخلة لي مع إحداهن [مسجلة في فريق الإستنارة إياهو]..
جيت الصباح لقيت ليكـ ماسنجر داخلي..
قلنا خير اللهم أجعلو خير..
المرسل بكري..
بيورور لي بعين حمرة وشرارة.. قال بلكنة إنجليزية غير جيدة:
STAY AWAY FROM SO & SO
بالله عليكـ ده ما الإرهاب الفكري البيقولوهو..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
نادر حسب وصيتك انا مشيت للبوست دا :
بكري بوسطيني دا من هسي ماصالح للنشر ..عليك الله وديهو لي بي هناك !!
ولقيت انو البوست باسمك واول مداخلة لك هي
Quote: جادي معاك والله !!
دا بوست لي ناس معينين في البورد دا وما داير اليسوى والمايسواش يقراو ويتابعو ...
حاولت أكتب البوست بي هناك وأبت تلفق معاي ..
أها إنت قوم اعمل فيني خير ووديهو بيهناك قبل ما ابداو !!
صنفرة :
ومن أراد أن تثكله امه وييتم أطفاله ويشوف المكشن البلا بصل ، اليلحقني ورا الخور داك !
|
يعني ياناذر
انت اول من حاول انو يكتب بوست في الخور مباشرة ....
واول من اطلق لقب الخور
وبالتالي تستحق لقب ( العضو المنتدب رئيس مجلس ادارة الخور )
غايته بالجد اول مرة اشوف البوست دا وبصراحة قعدت اقرا فيه اكثر من ساعة
ومصاريني اتقطعت بالضحك
شكرا ياناذر
وتضحك ايامك....
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ايوب عبدالرحيم)
|
ناذر سلامات
ياخي داير اسألك سؤال بسيط كده
انت القال ليك منو الناس البتتحامر زي الديوك
كل يوم ديل عندهم ادنى تفكير ان كلامهم ده مافي
محله او عيب وخطاء؟
بالعكس كل واحد مفتكر ان ده عين الصاح ويزعل
كمان لوالبوست مشى الخور .
عشان كده خلينا في الاول نقنع الديك لو اقتنع صدقني
الخور البتنطط فيه كل يوم ده زاتو ما حتلقاه.
يعني بختصار لو كل واحد عرف ادب الاختلاف وانه الكلام
المكتوب ده عيب في حق نفسه والآخرين صدقني نكون خلصنا
من موضوع الخور بلا رجعة...... لكن.....
ناذر بتقدر تقنع الديك
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
Quote: كدي ياناذر قبل الخور وما ادراك ما الخور كلم لينا الاخ الامين ده
يفرز لينا الزولين ديل (اي واحد يديهو لينا لون مختلف)
|
عبد الكريم الامين
الامين يحيك
شي جميل ياخي تلقى في البورد المليان تناقضات دا زول فيهو شي منك حتى لو اسمك
ياحبيب هسه الونهم ليك يجوا الجماعة والولوله تقوم
اسمع كلام ناذر الخصوم كلهم واحد
الا كمان في واحدين سوبر
بستعملوا منشطات
| Quote: الرجاء من الأخ بكري أبو بكر أو أحد أركان حربه العديدين تثبيت هذا البوست في واجهة المنبر (جمب بوست الحنجرة الذهبية بتاع معاوية) حتى يبت في أمره .. |
ابو النيز
لحدي ما يجي بكري او احد من اركان حربه
انا متبرع ليك
كل ما القى وقت اعتل ليك البوست
لحدي ما الصقو جمب موقع الزين عمارة او حافظ للسفر والسياحة
اها اها
اها
اوب بااااااااح
فوق
لكن انا خايف بي الطريقة (المانيوال ) دي يقوم يقع بي غادي
او يقع في احد المنابر المجاورة 
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: على محمد على بشير)
|
| Quote: لفد تراءى لي مؤخرا أن بعض البوستات التي يكتبها أصحابها في المنبر العام والتي يكون القصد منها تصفية حسابات معينة أو الهجوم على بعض الشخصيات أنها غير صالحة للنشر بنظرة واحدة فقط للعنوان كما أن كاتبو أمثال تلكم البوستات يعلمون تماما أن بوستاتهم لن تعمر في المنبر وأنها ذاهبة للخور طال الزمن ام قصر .. |
ناذر ده كلام مايطلع إلأ من زول فنان وحساس وربنا يكتر من أمثالك .
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
كيفك يا باش مهندس ..
Quote: وفى نظرى إنك لن تستطيع أن تلم كمية البوستات الحا تتفتح وتتعنقد من أي سجال(دواس) يدور.
لذلك هى رحمة ربك جمع الدواس فى بوست واحد.يعنى زى المصارعة أم قفص حديد.
ليحيى من حي عن بينة ويهلك من هلك عن بينة.
|
بالضبط هي زي المصارعة أم قفص حديد ..
تحصل فيها عكة لي رب السما زول يحلك مافي ..
Quote: علا سؤالى ليك الخور فيه طرد؟ولا مسموح بالديرتى دواس؟
ولو فيه طرد حايكون فرقه شنوا من الطرد المباشر من المنبر العام أبو من غير خور؟
ولا هو يعتبر مرحلة الكرت الأصفر,ونذير الأحمر.
|
غايتو مع إقتراحي الجديد دا بفتكر يكون ما فيهو طرد حتى لو عملت أو كتبت السبعة وزمتا طالما إنو إنت وناس المنبر لامين عفشكم عليكم ..
Quote: كان لقيت معاذ حسن ولا عثمان محمد صالح ولا محسن خالد فى الخور قول لينا عووووووووك
لأنو الناس دي جميلة فى آي مكان. |
بالمناسبة انا متأكد إنهم لو جو الخور الخور بيزدان عارف لييه ؟!!
لانو عدد قراءم حا يزيد ولو ما مصدقني أسأل محمد الحبشي لأنو مرة لاحظ إنو بوستاتو الفي الخور معدل القراءة ليها في إذدياد ومشهورة جدا أكتر مما كانت في المنبر ..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
محمد أدم ..
| Quote: ناذر أخوي كِدا حتحرم الزوار من أقلام جريئه!!!. |
الداير الأقلام الجريئة دي من الزوار يعمل ليهو منبر براهو ويشركم فيهو !!
ما بتخارج معانا الأقلام الجريئة دي إلا في الخور ..
Quote: علي أساس نثني هذا الإقتراح دع
يكون العمر الإفتراضي للبوست
"الخورِي"إسبوع واحد!
ومن ثم "يتزبلح" أي يتلحس |
موافق .. وفي أثناء الإسبوع دا لناس تخفظ البوستات في أجهزتا ..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
أبو رزقة ..
Quote: أخير إنتو بحجبو ليكم بوستاتكم..
أنا بكري شغال معاي حذف..
تعرف بعمل مداخلة بجي ألف وأجي ألقاهي ليكـ سيد الحوش جاب أجلها..
ومحقها ونذر للريح الإوتمسفيري جلد إيهابها..
|
أنا لاحظت إنو بكري دخل تعديلين جديدين على السستم بتاع المنبر زمان ما كاننو في ..
الاول زي ما قلت بقى يسحب المداخلة بدل تعديلا ودا غلط للأمانة لانو بيخل بي ترتيب البوست وتسلسلو وكان من الأفضل أثار كريعاتو الزمان ..
والتاني تعديل العنوان بتاع البوستات ودا ما كان في طريقة ليو ودا كويس مع ناس كتيرين ..
| Quote: بالله عليكـ ده ما الإرهاب الفكري البيقولوهو.. |
يا هو زااتو .. عشان أريحك
أقعد أتفلهم لي كدة لمن يفصلوك مرة تانية ..
شنكل:
الكويسة فيك لمن يفصلوك ما قاعد تمشي تدق جرس في منابر تانية زي ناس كدة بتاكلا في حنانك وتسكت لحدي ما يجي أول عيد تسامح ويرجعوك تاني ...
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
أيوب ..
Quote: يعني ياناذر
انت اول من حاول انو يكتب بوست في الخور مباشرة ....
واول من اطلق لقب الخور
|
حاولت وفشلت لأنو صراحة البوست داك كتبتو بعد يوم أو يومين من إنشاء الخور وكنت داير أصفي لي حساب عسير مع وةاحد من اعضاء المنبر فطلبت من بكري يحول البوست الخور لكن بكري رفض
Quote: وبالتالي تستحق لقب ( العضو المنتدب رئيس مجلس ادارة الخور )
|
كفاي لقب الأب الروحي .. رئيس مجلس الغدارة دي كبيرة شوية
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
الشيخ ..
Quote:
انت القال ليك منو الناس البتتحامر زي الديوك
كل يوم ديل عندهم ادنى تفكير ان كلامهم ده مافي
محله او عيب وخطاء؟
|
والله كلامك صاح بس في ناس عارفا روحا غلطانة من قولة تيت بس بتحاول تفشي غبينتا ..
Quote: يعني بختصار لو كل واحد عرف ادب الاختلاف وانه الكلام
المكتوب ده عيب في حق نفسه والآخرين صدقني نكون خلصنا
من موضوع الخور بلا رجعة...... لكن.....
|
أنا إتخايلي الخور ضروري خاصة لمناقشة القضايا الداخلية بالمنبر زي موضوع المشرفين (إن وجدو) أو أي مواضيع عندها طابع خاص بالأعضاء ..
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
العزيز ناذر
تحية طيبة
| Quote: إن إضافة خاصية فتح البوستات الجديدة في الخور مباشرة عبر أيقونة (موضوع جديد) قد تكون الأنسب للكثير من الأعضاء والذين يرهقون الزوار والبقية بمواضيع طابعها الشخصنة وقد لا يستفيد منها من ليس ذو صلة .. |
يا ناذر ما "الدواس" كدا بكون راس براس ،
طيب الحجازين وناس المديدة حرقتني موقعهم وييييييين
كسرة:
لكن والله الفكرة جهنمية
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
| Quote: إقتراحي بكل بساطة هو جعل إمكانية فتح البوستات في الخور ممكنا طالما أنها تختص فقط بالعضوية دون غيرها من عامة الزوار وبذلك يرتاح البعض الذين يجأرون بالشكوى كل فترة ويفتحون البوستات لجمع التوقيعات ضد البوستات غير اللائقة على حد وصفهم .. |
أبو النيذ
قبل كم إسبوع كده
كنت داير أعمل لي بوست خوري
وقلت عشان ما أتعب بكري بالترحيل
وأشحتف القارئ بالشمار..
أها دخلت الخور
لمان نقرت علي(موضوع جديد)
جاتني ليك الرسالة
Access denied
____
المهم يا فردة، طالما الزول ممكن يعمل مداخلة خورية،
مفروض تكون عندو صلاحيات موضوع خوري
والله من وراء القصد
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: معتز القريش)
|
الاخ / خازن الخيران
ناذر الخليفة ...
السلام عليك و بعد .....
نعلم يا عزيزي مهمتكم العسيرة و الشاقة
في تنمية منطقة الخور و ازدهارها .. و عليه
اثني اقتراحك الجميل و أضيف عليه الاتي :-
انشاء مكتبة خورية تكريما لسيدته الاولى
و مكافأتها على وجودها الدائم في وحل الخور
العتيق مؤدية مهامها الخورية باقندار تحسد عليه ..
وفقكم الله و سدد خطاكم
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
صباح حسين ...
Quote: لاوحـبك مافى ليها داعى فى النقاشات الخـوريه
انسب اغنيه هى الكنداكه
بعـد اخلص شويه مهام تجسسيه كده
ح افتح بوست عن الـحب يدك معانا بالاغانى المعبره
|
أتا البوست دا اساسا كنت داير انزل فيهو أغنية (الناس تسوي الشمشرة والدنيا تبقى حلوة حلا) بي صوت سعدية تيكو لكن علي بشير سبقني ونزل الغنية دي ...
بعدين دي برضو حلوة ..
شنكل :
عملتي لي شنو في موضوعي داك ؟
| |
|
|
|
|
|
|
|
|
|
Re: الأخ بكري .. إقتراح مهم جدا بشأن تفعيل وترقية أداء الخور ... (Re: ناذر محمد الخليفة)
|
معتز القريش بطل سكلبة
أنا بوستك دا للأمانة قريتو قبل ما يمشي الخور لكن ما حبيت أتداخل فيهو في وكتها لأني كنت متأكد راس مالو بكري يرجع من الشغل ويفتح اللاب توب ويرسلو الخور .. فقلت إنتظر لحدي ما يجي الخور وبعد داك أرد ..
لكن بكري خيب ظني وفتح اللاب توب قبل ما يرجع من الشغل ولمن مشى بي هناك أنا رديت عليهو ..
يعني ما تحملني المسئولية ساكت تبوظ لي سمعتي
| |
|
|
|
|
|
|
| |
ناذر محمد الخليفة
معروف حمدين
حيدر حسن ميرغني
A.Razek Althalib
أبو عبيدة البصاص
ايوب عبدالرحيم
محمد المختار الزيادى
Moawia Mohammed
عبدالكريم الامين احمد
altahir_2
Mohamed Adam
الشيخ إبراهيم الشيخ
على محمد على بشير
هاشم أحمد خلف الله
تبارك شيخ الدين جبريل
Yassir Tayfour
معتز القريش
Ahmed Abdallah
القلب النابض
Sabah Hussein
osly2
ناصر محمد خليل
طارق جبريل
فيس بوك
تويتر
انستقرام
يوتيوب
بنتيريست