|
|
 راســـي ضـــارب !!!!!!
|
المتابع للساحة السياسية في السودان هذه الايام يجد نفسه في أشد الحيرة والتخبط مما يحدث أمامه خاصة في مسألة قرار الأمم المتحدة بالتدخل الدولي في دارفور لحماية المدنيين وتعنت الحكومة ورفضها لهذا القرار وقرارها مواجهة المجتمع الدولي وطلبها من قوات الإتحاد الافريقي الموجودة أساسا في الإقليم بمغادرته قبل حلول الثلاثين من سبتمبر القادم بما يعني فعليا أن الحكومة إتخذت قرارها بالمواجهة وقطعها لاشواط تعبوية ودبلوماسية لأجل ترسيخ هذا الخيار ..
وقد يحسب للحكومة دهاءها الشديد ومكرها اللامتناهي حين إستخدمت ألتها الاعلامية الضخمة وصوبتها نحو اذهان البسطاء من ابناء الوطن وتشبيههم غير الموفق بأن القوات الدولية ستعيث في البلاد فسادا وإفسادا كما فعلت تلكم الحشود بأفغانستان والعراق ودول اخرى ، رغم ان المتبصر والمتابع يجد الا مقارنة ووجه شبه مطلقا بين قوات الإحتلال الموجودة في تلكم الدولتين والتي لا علاقة لها بقوات الأمم المتحدة إطلاقا ً ، ولكن الإشكالية تظل في أن فهم المواطن السوداني منذ عهد (أمريكيا روسيا قد دنا عذابها) قد صار لديه خلطا وفهما يتمثل في ان قوات الامم المتحدة ما هي إلا أمريكا وبريطانيا وتوابعهما من الدول المستعمرة لأفريقيا أو الشرق الاوسط قديما وحديثاً ..
وانا في غمرة هذا التخبط أجد أن (راسي ضارب) في شأن تحديد موقف واضح من دخول القوات الدولية لجذء عزيز من بلادي !! رغم ان الكثيرين قد حددوا موقفهم بصورة قاطعة من هذه القضية ... فعدد مقدر من أبناء واهل دارفور رحبوا ترحيبا قويا بقوات الامم المتحدة للدخول لأقليمهم ومبعث ذلك انهم (أصحاب وجعة) وهم المكتويين بما يجري من احداث ومذابح في دارفور وشهدوا اهلهم وهم يخرجون من قراهم ومدنهم ليسكنوا في معسكرات بائسة بحثا عن الأمان والأمن ، ولذلك هم ينتظرون ان تتدخل اي جهة لإنقاذهم بعد أن إنقطع عشمهم في الحكومة خاصة بعد ربط عصابات الجنجويد بعناصر حكومية مما صار معه إستحالة الإطمئنان لاي جهود حكومية او وعود وتطمينات تبثها الاهالي لتجعلهم يهجروا المعسكرات ويعودوا لمناطقهم ، وانا بكل امانة لا الوم الداعين والمؤيدين للتدخل الاجنبي (من اهل دارفور) على موقفهم ذلك ، بل وحتى إن إستعانوا بالشيطان نفسه فذلك من حقهم طالما وجدوا فيه منقذا لهم مما يجري وسطهم من قتل وتشريد وتنكيل !!
|
|
 
|
|
|
|
|
|
|
 Re: راســـي ضـــارب !!!!!! (Re: ناذر محمد الخليفة)
|
المشكلة انني إكتشفت ولذهولي انني لست وحدي (راسي ضارب) من مسألة تحدييد موقف واضح من دخول القوات الدولية !! حيث أنني وجدت نفسي وسط جهات كثيرة أحزابا وتنظيمات . معارضون ومشاركون في الحكومة (راسم ضارب) أيضا في تحديد هذه المسألة !! رغم حساسيتها وإفتراض أن تتوحد الاراء في هذه المسألة الخطيرة التي تتعلق بالسيادة وبميثاق منظمة كبرى السودان عضوا فيها وملتزم بقوانينها ..
حركة تحرير السودان التي يتقلد زعيمها أركو مني مناوي منصب كبير مساعدي رئيس الجمهورية (راسا ضارب) وتتخذ الكثير من التصريحات المتناقضة والضبابية متكاً لها حيال هذه المسألة .. الحركة الشعبية بقيادة سلفاكير نائب رئيس الجمهورية لا تزال في مرحلة المكايدة والمشاكسة السياسية مع غريمها المؤتمر الوطني حيال هذه الإشكالية ، وقد حملت الانباء أن هنالك تغييرات وزارية على مستوى وزراءها الإتحاديين في الحكومة لا اشك لحظة ان اول ضحاياها هو الوزير المتميز لام اكول والذي يبدو ان صقور الحركة الشعبية والمتشددين قد نجحوا في الإيقاع به للإتهامات المتلاحقة بأنه يعمل من أجل مصلحة المؤتمر الوطني وينفذ سياساتها !! إذ أنه يتحرك من منطلق رفض لدخول القوات الدولية بينما الحركة الشعبية ترى غير ذلك !!
أما احزابنا التقليدية من امة وأتحادي وشيوعي وغيرهم فلا يزال التناقض وعدم توحيد المواقف هو المسيطر في تحركاتهم رغم انه يفترض فيهم ان يكونوا النبراس والتفسير لامثالي من (المضروب رؤوسهم) حتى يتضح لنا فائدة او عدم فائدة دخول القوات الدولية اراضينا بدلا من ان يسقط الكثيرين في شباك الإعلام الحكومي والذي لا أشك لحظة انه يمارس التضليل حيال هذه المسألة لحسابات خاصة به تتعلق بقرارات سابقة للامم المتحدة وقائمة إتهامات حكومية غير محددة الاسماء حتى الان ..
إستمعت في الإذاعة لندوة أقيمت أمس حول إيجابيات وسلبيات التدخل الدولي تحدث فيها عدد من الخبراء في هذا المجال منهم سفير السودان السابق في أديس أبابا والذي بين بالشروح والتفاصيل أن مجمل عمليات الأمم المتحدة في افريقيا كان طابعها الفشل الذريع في أنجولا ورواندا وبورندي و غيرهما ، ولعل الاستثناء الوحيد كان في موزمبيق لظروف داخلية خاصة بها .. وتوقع السفير أن تفشل قوات الامم المتحدة في مهامها حال دخولها دارفور ..
صنفرة :
أما نبض الشارع العادي (الضارب رأسه دوماً) فهو حقيقة يؤيد دخول القوات الدولية لا لشي إلا لانه يظن أنها ستخلصه من براثن الحكومة الحالية التي ضيقت عليه الخناق وكتمت حريته وشردته من عمله ورفعت اسعار السكر والبنزين والجازولين لتزيد من معاناته ..
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
| Quote: أما نبض الشارع العادي (الضارب رأسه دوماً) فهو حقيقة يؤيد دخول القوات الدولية لا لشي إلا لانه يظن أنها ستخلصه من براثن الحكومة الحالية التي ضيقت عليه الخناق وكتمت حريته وشردته من عمله ورفعت اسعار السكر والبنزين والجازولين لتزيد من معاناته .. |
تحياتى لك أخي ناذر
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
| Quote: وتشبيههم غير الموفق بأن القوات الدولية ستعيث في البلاد فسادا وإفسادا كما فعلت تلكم الحشود بأفغانستان والعراق ودول اخرى ، رغم ان المتبصر والمتابع يجد الا مقارنة ووجه شبه مطلقا بين قوات الإحتلال الموجودة في تلكم الدولتين والتي لا علاقة لها بقوات الأمم المتحدة إطلاقا |
You said it all
Mahjob
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
الأخ الـحبيــب
نـاذر،
....تجـــد ناس الحـكومـة نفـسهـم حـائـريـن فـي إسـتقبال القـوات الـدوليـة بالـرياحـيـن والـورود و...بسـط البسـاط الاحـمـر مـن الـمطار وحــتي دارفـور، أم يتـكابـروا ويتشــدودون و...." ويعـملوا فيـها" مجـاهـديـن وأن القـوات اـدوليـة لـن تدخــل الا عـلي أجـسادهـم!!!.
الضـربـة الاولـي للأنقـاذ جـات مـن سـلفاكـيـر،الـذي صـرح صـراحـة انة مـع الـتدخـل الـدواـي، وبكـلامـة هـذا فتـح باب الـ.... " الـمسـكوت عـنــة فـي الـقصــر!!!!". راح كـل وزيـر ومستشــار ويعـمل حسـاب الـربـح والخـسـارة لنفـســة وتحـاشــيآ وان يفقـد رصـيدة الـمالي والعـقاري فـي وقـوفة فــي الجـانب الخـطأ ويبـقي حـالـةمثـل حـال الجالسـين مـع صـدام حسـيـن فـي قفـص الاتـهام، بلا مال ولاهيـبة!!!.
.....
النتـيـجـة: القـوات داخـلة بإتفاق الـحـكومة، وبيـني وبيـنك....كـم يـوم!!!.
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
بكري حبابك ..
Quote: ....تجـــد ناس الحـكومـة نفـسهـم حـائـريـن فـي إسـتقبال القـوات الـدوليـة بالـرياحـيـن والـورود و...بسـط البسـاط الاحـمـر مـن الـمطار وحــتي دارفـور، أم يتـكابـروا ويتشــدودون و...." ويعـملوا فيـها" مجـاهـديـن وأن القـوات اـدوليـة لـن تدخــل الا عـلي أجـسادهـم!!!.
|
إذا كان رب الدار بالدف ضارب فشيمة اهل البيت الرقص ..
يعني الحكومة راسا ذاتو ضارب رغم الاعلام المكثف دا 
| Quote: الضـربـة الاولـي للأنقـاذ جـات مـن سـلفاكـيـر،الـذي صـرح صـراحـة انة مـع الـتدخـل الـدواـي، وبكـلامـة هـذا فتـح باب الـ.... " الـمسـكوت عـنــة فـي الـقصــر!!!!". |
وبعد دا الناس بتتكلم عن حكومة وحدة وطنية وتماسك وبطيخ !!
| Quote: النتـيـجـة: القـوات داخـلة بإتفاق الـحـكومة، وبيـني وبيـنك....كـم يـوم!!!. |
قصدك بي إتفاق المؤتمر والحركة الشعبية وتحرير السودان وبقية (البلي) بتاع الزينة !!
صنفرة :
لو دخلت فهي داخلة بإتفاق الأمم المتحدة والولايات المتحدة... إنت ما سمعت الامريكان قالوا إنو موافقة الحكومة ما ضروري عشان نشر القوات الدولية ولا شنو !!
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
هاشم نوريت (الشرق اتى) ..
| Quote: بان البعض يهدف الى اسقاط الحكومة ولايهم ما يحدث بعدها |
والناس ديل لو قروا وفهموا كلام الحاج وراق عن ربط بقاء النظام ببقاء السودان ما بيعملوا كدا !! أنا بقيت ادعو ربنا إنو الحكومة دي تستمر لحدي الانتخابات المنصوص عليها في الدستور تجي ونرتاح من شغلة(كتلوك ولا جوك جوك) ..
صنفرة :
غايتو لو سقط النظام دا في المرحلة دي .. السودان دا ربنا يكون في عونو ساكت !!! وما معروف مصير الاتفاقيات الكتيرة دي حا يكون شنو او الحا يخلف النظام منو وشايت علي ياتو إتجاه!!
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
سلامات الفحل ..
Quote: بدون زعل...راسك ضارب معناتا ما عندك مانع....
اما لو كان راسك مضروب....معناتا رافض...
|
والله كلامك العامل زي الغلوتية دا خلى راسي يضرب زيادة 
تعرف يا حبيب ..
أنا هسي لو جا نفر وجراني على جنبة وغشاني بي كلمتين حلوين عشان أقول ما عندي مانع بفتنع طوالي ، ولو جا واحد تاني وجراني على الجنبة التانية عشان أطلع معاو في مسيرة ترفض القوات الدولية برضو بمشي معاو !! ودي أكعب (الضربات الراسية) وممانعتي أو موافقتي مرهونة بي موقفي من الحكومة ما بي قضية سيادة وطنية ولا كدا !!
تحياتي
| |
|
|
|
|
|
|
|
|
|
Re: راســـي ضـــارب !!!!!! (Re: محمد الأمين موسى)
|
أخي ناذر لا تندهش من ضربة راسك لأنو ما قام به هذا الراس لازم يخليه يضرب بس ما زي ضربة زيدان لأنو القصيدة العصماء التي أهديتها الدكتور لازم تخلي راسك يضرب ( لا فض فوك ) لله درك يا فتى .
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
كيفك يا حنين ...
Quote:
شفت رأسك الضارب دا لمو عليك ..
الأيام الشغل بقي ضبح ..
يجيك واحد مهووس وشايلو فتوي من مهووس
ورأسك الضارب دا ما تلقاهو ظاتووو |
والله لو جاني مهووس أو جهوي أو اي بطيخ احمر وشايل ليهو سكين بقول ليهو يا زول قرصة !! داير تسوي شنو ؟ رويسي دا والله كان قلعتو من حتتو بطرشق فيك لانو فتيل الأمان الفيهو منزوع
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
الاخ ناذر
حقيقة بوستك غاية في المنطقية و المباشرة .
تعرف البشير زاتو راسو ضارب , خايف يوافق و الجماعة يلحقوه لاهاي , و خايف يرفض يقوموا يقبضوه جوه حفرة , زى حقت صدام ديك
صنفرة على قولك :
و لا خليها بصنفرك مرة تانية
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
محمد الامين موسى ..
سلامات يا عريس ..
| Quote: أخي ناذر.. أنا دخلت البوست فرحان افتكرت راسك ضارب ترطيبة!!! |
تعرف يا حبيب .. أنا قلت راس حكومتنا ضارب حيال القضية دي .. وراس معارضتنا برضو ضارب وما قادرة تتخذ موقف والشعب السوداني راسو ضارب ديمة .. أنا عولت على ناس المنبر ديل قلت ديل ناس الريسان الماكنة الما بتضرب .. لكن إكتشفت أنو والله اخير راسي انا
صنفرة :
للأسف فكرت أمشي هسي اضرب لي حاجة مراعاة لجو (الضرب) العام (وجه ضارب) !!
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
مجاهد سلامات ..
| Quote: أخي ناذر لا تندهش من ضربة راسك لأنو ما قام به هذا الراس لازم يخليه يضرب بس ما زي ضربة زيدان لأنو القصيدة العصماء التي أهديتها الدكتور لازم تخلي راسك يضرب ( لا فض فوك ) لله درك يا فتى . |
أها أنا لمن أشوف مداخلات دكتورنا دا راسي بضرب ضربة أخير منها ضربتو بتاعت عدم تحديد موقف من القوات الدولية
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
كيفك يا عصام ..
Quote: حقيقة بوستك غاية في المنطقية و المباشرة .
تعرف البشير زاتو راسو ضارب , خايف يوافق و الجماعة يلحقوه لاهاي , و خايف يرفض يقوموا يقبضوه جوه حفرة , زى حقت صدام ديك |
طيب والله ما دام كدا .. حقو امريكا برضو راسا يضرب وتقعد تفكر .. يا ربي نايد جية القوات الدولية ولا لا ؟؟!!
هسي باقيلك البيت الابيض ناس بوش وكوندي وفريزر راس كل واحد بيكون ضارب في جهة براهو ولا موقفم واحد زيهم زي الامم (المنضربة) !!
صنفرة :
Quote: صنفرة على قولك :
و لا خليها بصنفرك مرة تانية |
أنا غايتو بصنفرك هسي بالسؤال دا :
بما أنك من اصحاب الرأي والنفوذ عن ناسكم عليك الله وريني بي امانة ..
راسكم برضو ضارب ولا (مضروب) !!!!
تحياتي
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
سلام اخ نازر
تعرف خيارات مع وضد
نعم ل..... ولا ل .....
بذكرنى بكوره هلال مريخ
ولكن هناك كثيرون يدخلون المباره
وهم مع البلعب احسن وهم عشاق الكوره
وعشاق الكوره شكلهم في المباره دي راسم ضارب
والحل الوحيد ان الكوره تطلع درون
----
كنت اتمني ان نعطي خيارات اخري
او ان يتم تغيير السوال
مثلا
انت مع حل وطنى محلى الصنع (ماركه موتمر او خلافه)
او
مع حل اجنبى مفروض بعصايه او جزره (حتى ماركه شيطان)
فالكل صار يتاجر بمعاناه المساكين
لعن الله السياسه وتجارها ووصوليها
الخلو روسينا تضرب
| |
|
|
|
|
|
|
|
|
|
Re: راســـي ضـــارب !!!!!! (Re: عبد المنعم عبدالله)
|
ود الخليفة كيفك يا بن عمى
تعرف يا حبيب
القوات الاممية ما دايرنها فى دارفور براها، دايرنها تمسك البلد من نمولى لى حلفا.. وزى ما انت قلت انو الحصل فى العراق وافغانستان ابدا ما مقياس يخوف العامة من القوات الاممية...
الشعب السودانى بى حالتو دى أوعى من الشعوب أعلاه
__
ما تنسى لاهااااااى أهم من الطواقى (لزرق)
تحياتى
| |
|
|
|
|
|
|
|
|
|
Re: راســـي ضـــارب !!!!!! (Re: Yassir Tayfour)
|
Yassir Tayfour قال
Quote: القوات الاممية ما دايرنها فى دارفور براها، دايرنها تمسك البلد من نمولى لى حلفا.. وزى ما انت قلت انو الحصل فى العراق وافغانستان ابدا ما مقياس يخوف العامة من القوات الاممية...
الشعب السودانى بى حالتو دى أوعى من الشعوب أعلاه |
أو طيب ..ما قلتو نوبا....البيقول البقلة في الإبريق منو؟ أو البيقول لمولانا كلامك ده منو؟
ناذر وصلتني أخبارك......أنا جاي السودان قريب -بعد القوات الدولية ما تدخل طبعا عشان الزول ما إينضبح خروف ضحية-جهز العدة و الشية علينا... و الغنا عليكم ولا علينا...عشان نفهم بس...
مرتضى جعفر
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
الاخ ناذر
تعرف ناس كوندي و سيد بشبش ( بوش ) و جنداى ديل عارفين هم بسوا في شنو , وزي ما قالوا الجماعة بيكونوا حسبوها قبيل في الكمبيوتر و انتهوا .
Quote: أنا غايتو بصنفرك هسي بالسؤال دا :
بما أنك من اصحاب الرأي والنفوذ عن ناسكم عليك الله وريني بي امانة ..
راسكم برضو ضارب ولا (مضروب) !!!! |
تعرف نحن الضارب راسنا كلام الحكومة المرات تلقاهو معسل جدا جدا , و اليوم التالي تلقي طيران شغال فينا و أهلنا قصف , و عشان نوزن الراس ده قلنا تاني ما نصدق كلام الحكومة , وطالما هي بدأت الضرب , ح نستمر لحدي واحد فينا يقول كفاني , و بصراحة شديدة احنا ما عندنا شيتن نخسرو , أهلنا قتلو منهم اكثر من 400000 , الباقي لجأ لتشاد او اتشرد في باقي السودان , وجزء نزح بداخل دارفور , و موضوع القوات الدولية ده حسمناهو من زمان , احنا بهمنا الامان لأهلنا , يوفره من يوفره لا يهم المهم الامان , والله لو كان الحكومة بتجي عشان تقاتلنا نحنا ما عندنا مشكلة , لكن ما ممكن تخلى الناس الشايلة السلاح , وتمشى تهاجم المدنيين , غايتو الكلام ده لو في الاسلام في , الليلة دى بنفض يدي منو .
وكده تعال براحة كده , الحكومة دي كان فيها حبة نصاح , ما ممكن تقعد تقول جية الناس ديل معناهو نقصان سيادتها , وكان الموضوع كدي سيادتها دي ما نقصت من زمن نيفاشا و ليه ما وجعها الوقت داك , هسع الوجيعة بقت فينا نحنا ؟ تعرف الحكومة دي عندها حاجات كتيرة داساها في دارفور علها ده ما محلها .
باقي صنفرة من ناذر :
جهزتوا القرقوش و لا لسه ؟
الكلام ده خدو جد جد
مع الود
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
عبد المنعم سلامات ..
تعرف يا حبيب كلامك التحت دا :
Quote: سلام اخ نازر
تعرف خيارات مع وضد
نعم ل..... ولا ل .....
بذكرنى بكوره هلال مريخ
ولكن هناك كثيرون يدخلون المباره
وهم مع البلعب احسن وهم عشاق الكوره
وعشاق الكوره شكلهم في المباره دي راسم ضارب
والحل الوحيد ان الكوره تطلع درون
----
كنت اتمني ان نعطي خيارات اخري
او ان يتم تغيير السوال
مثلا
انت مع حل وطنى محلى الصنع (ماركه موتمر او خلافه)
او
مع حل اجنبى مفروض بعصايه او جزره (حتى ماركه شيطان)
فالكل صار يتاجر بمعاناه المساكين
لعن الله السياسه وتجارها ووصوليها
الخلو روسينا تضرب |
كلو بيدل إنو راسي الضارب دا أخير من راسك على الاقل راسي ممكن اغير ليهو فيوز 60 واط ويتصلح لكن إنت من شدة (ضربة راسك) دخلت في الشغلة هلال ومريخ وبطيخ
لكن ما مشكلة اها النفلفل كلامك دا ..
Quote: ولكن هناك كثيرون يدخلون المباره
وهم مع البلعب احسن وهم عشاق الكوره
وعشاق الكوره شكلهم في المباره دي راسم ضارب
والحل الوحيد ان الكوره تطلع درون |
كلامك جميل لكن هسي موضوع جية القوت الدولية دي نطلعا درون كيفن !!
لو قلنا نطعما بي قوات أفريقية حكومتنا (طفشتم) بدري بدري .. ولو قلنا نجيب القوات من دول إسلامية او أسيوية .. يا دوب الجو وتاني ما حا يطلعوا لي يوم الدين !!
Quote: انت مع حل وطنى محلى الصنع (ماركه موتمر او خلافه)
او
مع حل اجنبى مفروض بعصايه او جزره (حتى ماركه شيطان)
|
قووووول كدي أنا مع حل وطني !!
يعني هسي إنت شايف رموز حكومتنا ومعارضتنا متفقين علي موقف موحد عشان انا اعول عليهم ؟ ما براك شايف راسم ضارب كيف ؟ يعني أحسن لي تجيني تلتين دولة بي قوات دولية وهي متفقة ومقتنعة ولا أنتظر حل وطني من ناس ما قادرين يحلوا أزمات احزابم ناهيك عن ازمات البلد .!!
صنفرة :
| Quote: والحل الوحيد ان الكوره تطلع درون |
تطلع درون معناها نوافق على دخول القوات الدولية ..
الصومال ما السودان !!
تحياتي ليك ..
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
يا سر طيفور ..
حبابك يا ود الخالة ..
Quote: ود الخليفة كيفك يا بن عمى
تعرف يا حبيب
القوات الاممية ما دايرنها فى دارفور براها، دايرنها تمسك البلد من نمولى لى حلفا.. وزى ما انت قلت انو الحصل فى العراق وافغانستان ابدا ما مقياس يخوف العامة من القوات الاممية...
الشعب السودانى بى حالتو دى أوعى من الشعوب أعلاه
|
إنت كمان راسك دا اخير منو راس عبد المنعم داك قال درون وانت قلت البلد يمسكوها من نمولي لي حلفا
شنكل :
ما عندك فيوزات ألمانية تغير بيها التوصيلات بتاعت الراس
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
اوووووووو مرتضى جعفر
حا تشرف بلاد المريخ والذبيح والبطيخ بعد طول غياب ..
Quote: ناذر وصلتني أخبارك......أنا جاي السودان قريب -بعد القوات الدولية ما تدخل طبعا عشان الزول ما إينضبح خروف ضحية-جهز العدة و الشية علينا... و الغنا عليكم ولا علينا...عشان نفهم بس...
|
قلت لي شنو ..
| Quote: ناذر وصلتني أخبارك |
يا تو اخبار دي عارفو ما بيقصر صحبي داك ..
حقو الواحد يكتلو ليك بي صنفرة خشنة من هنا
شنكل :
بس ما يكون اسهب معاك في التفاصيل
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
سلام ناذر
درون ما عاجب ناس لا ونعم مفهومه
بس انحنا والجماعه الراسه ضارب لاذم ارضينا
والدرون يا اخي هو حل بين بين
برضي ناس لا ونعم والراس الضارب
كيف ؟ شرحها بطول
بس بكره او بعد بعد بكره
حا نلقي الموضوع اتحلا
زمان بقولو علي مثل هذا الحل بركه الاسياد
ولكن هذا ذمن التجليات
فلا نتوقع ان يخرج مهزوم من المعركه
فصدقني ستنتهي المعركه لا ونعم
وكل الاطراف منتصره
حتي الخسران
حا اعملها ليك حساب ربح وخساره بحساب الربح المركب
فهو منتصر بحساباته
حا تغاطم ؟ وعندها حا اجيك بلاوي
فانت لا تفهم فن الحرب (المعارك)
فخساره معركه هي انحناءه للريح
وكثيرا من البطيخ والشمام والتبش
كلها بتروى بس انت مصر علي البطيخ
| |
|
|
|
|
|
|
|
|
 Re: راســـي ضـــارب !!!!!! (Re: ناذر محمد الخليفة)
|
| Quote: أما نبض الشارع العادي (الضارب رأسه دوماً) فهو حقيقة يؤيد دخول القوات الدولية لا لشي إلا لانه يظن أنها ستخلصه من براثن الحكومة الحالية التي ضيقت عليه الخناق وكتمت حريته وشردته من عمله ورفعت اسعار السكر والبنزين والجازولين لتزيد من معاناته .. |
يا نَذُورا خُد بالكْ ! الأمم المُتَحِده ذاتَها راسها ضَارِبْ وإلا لِماذا تَتَأخر عَن الدِخول.. الشَعبْ لَما بَحَ صوتَه بِصرخَاتْ الإستِغاثَه!
صَنفَره:
أبَدِرْ لِيّك:
مُشْ نَاسِيّكْ
البِتَاعْ فِي بِالِي.
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
كيف يا عبد المنعم ..
Quote: فلا نتوقع ان يخرج مهزوم من المعركه
فصدقني ستنتهي المعركه لا ونعم
وكل الاطراف منتصره
حتي الخسران
حا اعملها ليك حساب ربح وخساره بحساب الربح المركب
فهو منتصر بحساباته
حا تغاطم ؟ وعندها حا اجيك بلاوي
فانت لا تفهم فن الحرب (المعارك)
فخساره معركه هي انحناءه للريح
وكثيرا من البطيخ والشمام والتبش
كلها بتروى بس انت مصر علي البطيخ |
يا ريت والله ما يكون في مهزوم ..
أنحنا الفينا نكفينا ..
ما دايرين السودان يضيع عشان شوية مصالح كان من ناسنا كان من الامريكان ..
Quote: وكثيرا من البطيخ والشمام والتبش
كلها بتروى بس انت مصر علي البطيخ |
لإنو البطيخ دا هو السبب الرئيسي لي كل بلاوينا يا أبو حميد
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
| Quote: أفهم إنو راسك ضارب برضو ولا شنو !! |
ابدا والله و حياة البيناتنا راسي ثااابت البطل
لكن بوستكـ جميل لانو بناقش في قضيه مهمه بي صراحه خجل منها الكثيرين هنا
ولانكـ بتناقش فيهو روحكـ بمستوي جميل و راقي و برضو .. شجاع
ياريت الكتيرين هنا يكونوا في شجاعتكـ دي و يقولوا ماعارفين
عرفتو جميل ليه!!
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
مجمد ادم سلامات ..
Quote: يا نَذُورا خُد بالكْ ! الأمم المُتَحِده ذاتَها راسها ضَارِبْ وإلا لِماذا تَتَأخر عَن الدِخول.. الشَعبْ لَما بَحَ صوتَه بِصرخَاتْ الإستِغاثَه!
|
والله دي مصيبة دي !!
طيب الحاصل شنو والراسو سليم منو !!
صنفرة :
Quote: صَنفَره:
أبَدِرْ لِيّك:
مُشْ نَاسِيّكْ
البِتَاعْ فِي بِالِي. |
بس خلي الوكت المناسب يجي وعارفك حريف !!
| |
|
|
|
|
|
|
|
|
|
Re: راســـي ضـــارب !!!!!! (Re: محمد الأمين موسى)
|
عريسنا محمد الامين ..
| Quote: الحمد لله يا ناذر اطمأنيت أنو راسك ما ضارب لمبة! ولكنو ضارب (موبيتيل أو سوداني أو أريبا) وكم كنت أتمنى أنو راسك يكون ضارب كورة في العارضة! |
يا زول راسي دا لو إتجاوز ضربتو الحالية الباقيات هينات
| |
|
|
|
|
|
|
|
|
|
Re: راســـي ضـــارب !!!!!! (Re: hatim ibrahim)
|
سلام ناذر
---------------
قال حاتم ابراهيم
-----------------------------------------------------------------------
وصفت المعارضون لدخول القوات الغازية بـ " البسطاء "
في حين وصفت الذي يطبل لدخولها بـ " المتبصر والمتابع " ً ؟؟
وإذا كان هذا التوصيف ( محسوم) لديك وبهذا الوضوح....راسك ده ضارب لي شنو ؟ أنا لو مكانك بخت نفسي مع(المتبصرين المتابعين) وليس مع ( البسطاء )
----------------------------------------------------------------------
المعارضون والله يا اخ حاتم بسطاء
والمطبلون رغم بصيرتهم برضو بسطاء
فحل المشكله صار ما في ايدين البسطاء
لا في ايد المعارض ولا المطبل
وولو عندك سوال ,اولي بيه الحكومه والمعارضه.
وبعد ده كلو ان محسوم لدي دخول القوات؟
كيف و ..... كده وريني انت
وفي الحالتين انا ضايع
بس يا اخ حاتم مشكلتك مع ناس نعم ل........ ول القوات
الناس الراسها ضارب دي مالك معاها
ضائعون بين نارين
والعندو حل الحق بيه الناس المشرده
والحل لو عندك انت او الطرف الاخر
| |
|
|
|
|
|
|
|
|
|
Re: راســـي ضـــارب !!!!!! (Re: hatim ibrahim)
|
وقال حاتم
----------------------------------------------------------
وسؤال تاني من أحد البسطاء
تكلفة القوات الأممية ستبلغ 1.7 مليار دولار شهريا- حسب تقديرات كوفي انان -
هب أن الأمم المتحدة يهمها فعلا إنسان دارفور كما يعتقد (المتبصرون المتابعون )----------- هذه الجملة تضحكني ..
وهب أنها ستبقى فقط لمدة عام واحد لـ ( تحمي ) انسان درافور .. ثم ترحل إلى بلدانها وهي مسرورة ..
كم مدرسة ..وكم مستشفى.. وكم طريق مسفلت ..وكم بستان ...وكم .. وكم .. كان من الممكن أن تقوم في دارفور فيما لو ( تبرعت ) الامم المتحدة بما ستصرفه على قواتها طوال العام ( 20.4 مليار دولار ) ؟؟
----------------------------------------------
اخي حاتم
بسيط افهم في لغه العشرات مفهومه
بس البسيط لغه المليونات دى كتيره عليه
ولو المبلغ وصل مليارات ,فموكد دي لغه تماسيح
ونحن بنعرف تماسيح الحكومه والمعارضه
بس ناس راسه ضارب هم البسطاء ,فخلوهم في حالم يا اخ
ومين منع االحكومه او المعارضه من
انجاز طريق الانقاز الغربي او خلافه
ومن منعها من بناء المستشيفات والمدارس
فهذه لعلمك مطالب البسطاء , الراسها ضارب
ويا اخي البسطاء بسالو اين تزهب ملايين البترول
فهي لم تزهب للطرق ولا للمستشفيات ولا للبسطاء
فورينا وين بتمشى , عشان نزعل انها حا تمشى ل....و ل...
شى ما شفناه ولا سمعنا بيه او سمع بيه البسطاء
ما حا ازعلو حا امشى لي منو
فياخي رايك شنو في الزيادات الاخيره دي؟
وانت الزيك ده ما مفروض انط
ولا الطرف الاخر
قال الراسم ضارب
البسطاء
مش الوكلاء
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
أخي عبد المنعم
ســــــــــــــــــلام
Quote: مين منع االحكومه او المعارضه من
انجاز طريق الانقاز الغربي او خلافه
ومن منعها من بناء المستشيفات والمدارس
.... ويا اخي البسطاء بسالو اين تزهب ملايين البترول
فهي لم تزهب للطرق ولا للمستشفيات ولا للبسطاء..
فورينا وين بتمشى , عشان نزعل انها حا تمشى ل....و ل... |
Quote: وانت الزيك ده ما مفروض انط
ولا الطرف الاخر
قال الراسم ضارب
البسطاء
مش الوكلاء[/B] |
| Quote: فياخي رايك شنو في الزيادات الاخيره دي؟ |
ياخي عندي سؤال محيرني : هل (الوطن ) هو ( الحكومة) ؟؟
.
| |
|
|
|
|
|
|
|
|
|
Re: راســـي ضـــارب !!!!!! (Re: hatim ibrahim)
|
سلام اخ حاتم
سالت
---------------------
ياخي عندي سؤال محيرني : هل (الوطن ) هو ( الحكومة) ؟؟
------------------------------------------------------------
ده واحد من الاسئله البتخلي الراس أضرب
فعن الحكومه حدث ولا حرج
فحكومه الموتمر الوطنى : هناك من مع دخول القوات وكذلك ضد
اما حكومه الوحده الوطنيه
موكد النائب الاول وكبير المساعدين مع الدخول
وهناك كلام تحت تحت انو النائب الثانى اعطى كلمته للاوربيون مع الدخول وفق شزوط
واحزاب المعارضه المشاركه في الحكومه نص مع ونص ضد
راس الحكومه ضد ضد
اما الشعب يلعب دور الكومبارس فلم يسال بعد
اها ما لينا حق راسنا اضرب
حكومه ده حالها تغنيك عن تصور حال الوطن
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
عصام سلامات ..
| Quote: تعرف نحن الضارب راسنا كلام الحكومة المرات تلقاهو معسل جدا جدا , و اليوم التالي تلقي طيران شغال فينا و أهلنا قصف , و عشان نوزن الراس ده قلنا تاني ما نصدق كلام الحكومة , وطالما هي بدأت الضرب , ح نستمر لحدي واحد فينا يقول كفاني |
طبعا دي إسمها سياسة التخدير كان من جانبكم كان من جانب الحكومة والسياسة كلها مكر وخداع وما اظن دا نوع من انوع ضرب الراس ..
Quote: و موضوع القوات الدولية ده حسمناهو من زمان , احنا بهمنا الامان لأهلنا , يوفره من يوفره لا يهم المهم الامان , والله لو كان الحكومة بتجي عشان تقاتلنا نحنا ما عندنا مشكلة , لكن ما ممكن تخلى الناس الشايلة السلاح , وتمشى تهاجم المدنيين , غايتو الكلام ده لو في الاسلام في , الليلة دى بنفض يدي منو .
|
وزي ما قلت انا فوق ..
أهل دارفور هم اصحاب الوجعة الحقيقيين وانا ما بلومم لو إستعانوا بالشيطان نفسو لحمايتم ودا ما عندو علاقة بالمثل البيقول (الرايح يدخل إيدو في خشم البقرة) ..
لكن هل موضوع القوات الدولية حسمتوهو وإنتو مقتنعين إنو دا الحل الافضل لأهل دارفور ولا مجرد مكايدة وضغوطات عشان تلقوا اكبر تنازل ممكن ؟!!
صنفرة :
Quote: جهزتوا القرقوش و لا لسه ؟
الكلام ده خدو جد جد
|
وافيني بالماسنجر D
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
سلام اخي عبد المنعم
سؤال هل الوطن هو الحكومة قصدتو يكون ( استنكاري ) وليس (استفهامي )،
قطعا الوطن (الباقي ما بقيت الحياة على وجه الأرض ) ليس هو الحكومات التي تتغير ...
قصدت اقول ليك انو كل الكلام القلتو أنت عن فساد وطغيان الحكومة انا بوافقك عليهو
لكن ده ما بيعني أبدا إني أطبل للقوات الأممية
لأن الضحية سيكون الوطن كله وليست الحكومة فحسب ..
وأنا حسع ضد دخول القوات الأممية مش عشان الحكومة ضدو
ولكن لاقتناعي التام بأن لتلك القوات أجندة لا علاقة لها البتة بانسان درافور ....
خليك من كده ..عدم ثقتي في الحكومة دي بيخليني شبه متأكد انها - حفاظا على استمرارها- ستوافق في نهاية المطاف على دخول تلك القوات ...
وإن صدق توقعي ..برضو حأكون ضد القوات العازية .. وبطبيعة الحال ضد قرار الحكومة القاضي بالموافقة على دخولها ..
يعني الحكاية (مبدأ ) و ( قناعات ) .. ما ليهو علاقة من قريب أو بعيد بالحكومة..
الحاجة الغريبة انو غالبية محسني الظن بالقوات الأممية والموافقين على دخولها لانقاذ انسان دارفور ما بيترددوا في إلصاق صفة ( الكوز ) أو ( الموالي ) للحكومة في كل من يقف ضد تلك القوات ..
أنت فعلت ذلك دون تشنج .. وخاطبتني كما لو كنت مدافعا عن النظام
وغيرك كثيرين فعلوهاوهم ( متشنجون )..
بالله عليك يا منعم ما علاقة رأيي في الزيادات الأخيرة في أسعار السكر والمحروقات بموضوع دخول قوات اممية؟؟ .
يعني انت عاوز تقول لي لانك ضد الزيادات الأخيرة بتوافق على دخول قوات غازية للبلد ؟؟
طيب أيه رأيك أنا مش ضد الزيادات الأخيرة بس ..
انا أصلا ضد ( الانقلابات العسكرية )كوسيلة للوصول للسلطة.. والحكومة دي جات عن طريقها ..
وضد الفصل التعسفي في بداية حكمهم والنتج عنو إفراغ القوات المسلحة من خيرة ضباطها
وضد ( الصالح العام ) الاتذرعت بيهو الحكومة عشان ما تخلي ليها موظف ( صالح ) في الخدمة المدنية
ضد إعدام الضباط الذين اتهموا بمحاولة انقلابية دون محاكمات وفي الشهر الفضيل ..
ضد سرقة المال العام الكان تتيجتو انقراض الطبقة الوسطي فأصبحت الغالبية تعاني الفقر المدقع وقلة من تجار الدين تنعم بالثراء الفاحش
ضد الضرائب التي اثقلت كاهل المواطنين سبعة عشر عاما دون أن يروا ثمارها ..
ضد ... وضد ..
ومع ذلك
وحين يتعلق الأمر بالـ ( وطن )
أقف - بما استطيع - ضد دخول قوات أجنبية لبلادنا
وضد أن ( يستقوي ) البعض بقرار مجلس الأمن ليثير البلبلة في وقت أحوج ما يكون فيه الوطن لاطصفاف كل ابناءه المخلصين لمواجهة الاحتلال الوشيك ..
ولك التحايا مجددا
| |
|
|
|
|
|
|
|
|
|
Re: راســـي ضـــارب !!!!!! (Re: hatim ibrahim)
|
سلام أخ حاتم
شكلنا ما مختلفين
وبرضو ما متفقين
بس يا اخ حاتم القوات الامميه
موجوده الان بالسودان
موجوده في الجنوب وجبال النوبه والخرطوم
وكانت بالامس القريب فى الشرق
والقوات الاجنبيه برضو موجوده الان في دارفور
هي طبعا ما امميه بس برضو قوات اجنبيه
لذلك انا وغيري كثر وجدنا روسينا ضاربه
ضاربه من ناس لا ونعم
وانا لم اقل ان دخول القوات (الموجوده اصلا)
هو النهايه والحل للمشكله
ولم اقل عدم دخول القوات (الموجوده اصلا) حل
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
| Quote: الحاجة الغريبة انو غالبية محسني الظن بالقوات الأممية والموافقين على دخولها لانقاذ انسان دارفور ما بيترددوا في إلصاق صفة ( الكوز ) أو ( الموالي ) للحكومة في كل من يقف ضد تلك القوات .. |
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
أبو وشاح ...
Quote: راسك لا يضرب ولا شي
شيل عكازك وخت ليك كرسي قدام باب بيتكم
والبجيك كسر ليهو كرعيه |
إصلو وكت البلد كلها راسا ضارب وما قادرا تتخذ قرار ..
أظني حا أعمل بي كلامك واحافظ على وطني الصغير (بيتي) ..
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
عبد المطلب حبابك ..
Quote: لانو الحكومه القرارات فيها تجي ..
لا من معاهد دراسات استراتيجيه..
ولا من مجالس استشاريه اكاديميه..
ولا من مستشارين متخصصين ومؤهلين ..
لا من مجالس تشريعيه..
... القرارات تجي فيها من ( حلايف ) الرئيس |
والغريب القصر مليان مستشارين لمن مدفق بي هناك !!!
Quote: الحاله دي .. جد.. بتذكرني بي مجتمع القريه البدائي الصغير..
الما بوقعو كلمة عمدتم ولا شيخم ولا زعيمم.. الواطه..!
وكان وقع النار يقعو وراء !
|
أي والله كلام سليم زدا زاتو البيخلي الزول راسو يضرب !!
Quote: انا غايتو مع القوات الدوليه لحماية البسطاء في دارفور ..
ومع انو الحكومه تتفاوض مع الامم المتحده وتحاول
تقلل من السلبيات الحاتجي للبلد من دخول هذه القوات .. |
يا زول مبروك عليك الموق الإتخذتو نحن خلينا لايصين وحايمين كدة نشوف البلد دي موديانا على وين !!
| |
|
|
|
|
|
|
|
|
|
Re: راســـي ضـــارب !!!!!! (Re: Ahmed Abdallah)
|
أخ ناذر
لك التحايا والود
أنا زاتي راسي كان ضارب في البداية لكن مع تعنت النظام وعدم جديته في إيجاد حلول للأزمة أقول بكل حسرة نعم لدخول القوات الدولية لإنقاذ ما يمكن إنقاذه بدارفور .. زي ما قال أخونا عصام الدين أهل دارفور في الحالين ضايعين يعني ما في إيدم حاجةً يخسروها ..
تحياتي
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
بكري إسماعيل ..
| Quote: أنا زاتي راسي كان ضارب في البداية لكن مع تعنت النظام وعدم جديته في إيجاد حلول للأزمة أقول بكل حسرة نعم لدخول القوات الدولية لإنقاذ ما يمكن إنقاذه بدارفور |
يا زول مبروك عليك راسك فكاك وقدرت تتخذ موقف !!
أها ادعوا لي أنا أكان ربنا يحلني !!
| |
|
|
|
|
|
|
|
|
|
Re: راســـي ضـــارب !!!!!! (Re: ناذر محمد الخليفة)
|
محمد أبو القاسم كيفك ..
Quote: ما براك راسك ضارب
كلنا معاك
واقول ليك حاجة غريبة جدا
مش موقف دارفور انما السودان جميعا
|
والله دي مصيبة دي !!
طيب الروسين دي وكت ضاربة كدة ما تخسرو فيها تعمروها شوية !!
| |
|
|
|
|
|
|
| |
ناذر محمد الخليفة
Munir
saif massad ali
هاشم نوريت
ahmed haneen
محمد الأمين موسى
مجاهد عبد الرحمن
عبد المنعم عبدالله
Yassir Tayfour
Murtada Gafar
خدر
Mohamed Adam
عبد المطلب خضر عبد المطلب
Ahmed Abdallah
محمد ابو القاسم
ASAAD IBRAHIM
فيس بوك
تويتر
انستقرام
يوتيوب
بنتيريست