|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: علوبه)
|
الأخ علوبة ...
حصان السواري الان يعاني الهزل والضعف ودوره تقلص تقريبا
ولكن لا بأس من ذكره هنا من باب عدم نكران الجميل ...
الاخ سيف مساعد ...
بلا شك حصان موسى هو الأشهر ولا يضانيه إلا الحصين التي غزا بعانخي مصر بسببها ..
صنفرة :
ترى هل إستمعت إلى مناحة حليل موسى بصوت حسين شندي ؟؟!!
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
نفرق بين سلالات الخيل انطلاقاً من المعايير التالية: 1- درجة الأصالة: هناك السلالات البدائية، والسلالات المحسنة والمنتخبة، والسلالات المؤصلة. 2- طريقة الاستخدام في العمل: سلالات خيول السباق والفروسية، خيول الخبب (الترويض)، خيول الجر، الخيول المشتركة الفائدة والتي تستخدم لأكثر من عرض واحد. 3- الانتشار والتوزيع الجغرافي: سلالات سهـبـية، سلالات جبلية، سلالات شمالية، سلالات الصحاري الجنوبية. 4- بلد المنشأ: سلالات إنجليزية، وفرنسية، وألمانية، وروسية، وأمريكية، ومجرية، وبولونية و .... 5- الأصل وشكل الجمجمة: سلالات سهبية، وشرقية، وغربية، وشمالية. إن أقدم تقسيم لسلالات الخيول وضعه العالم الألماني فرانكFrank . فقد قسم الخيول إلى مجموعتين نسبة لأصلها وبلد منشأها، وهي سلالات شرقية، وسلالات غربية. أما العالم الروسي سيتيغستافو Settegastovo. فقد قسم الخيول نسبة إلى عصبيتها ومزاجها إلى سلالات ذوات دم حار وأخرى ذوات دم بارد، أما العالم نانيسيافو Nathusiovo فقد قسمها إلى خيول بطيئة وأخرى سريعة، وأما الفرنسي سانسون Sanson فقد قسمها نسبة إلى تكوين الجمجمة إلى قسمين: خيول ذوات جمجمة قصيرة وأخرى ذوات جمجمة طويلة. وأما العالم النمساوي أنطونيوس Antonius، فقد قسم سلالات الخيول على أساس من الدراسات التي تناولت شكل الرأس والجمجمة، إلى ثلاث مجموعات: 1- مجموعة السلالات السهبية أو المنغولية. 2- مجموعة السلالات الشرقية. 3- مجموعة السلالات الغربية.
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
ناذر محمد الخليفة ازيك يازول .. حصان الكاوبوي .. وذلكم هو الحصان الذى يحمل الكاوبوي الي الحبيبة بعد اصابتة تلك المميتة.. فتقوم باسعا فة وتعود لة الحياة بعد ان خالها المشاهدين قد بلغت الحلقوم.. ان شاء اللة البطل ما بيموت ..البطل منتصر ..الفيلم ده انا شفتو في كوستى.. واللة الصور ة بتاعت البروفايل بتاعتك دى رائعة من اين لك هذا..
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: بلدى يا حبوب)
|
تحياتي للجميع وإيقاع البوست السريع يمنعني من أن ارد عليكم واحدا واحدا ..
بلدي يا حبوب دائما ما تنفحني بمعلومات ثرة ..
Quote: ومن الاشياء التى لفتت نظرى فى جنوب السودان عدم وجود الحصان فى منطقة واو تحياتى |
لماذا يا ترى ؟؟؟؟ هل لديك إجابة !!!
صنفرة :
إسماعيل حميم .. حقك محفوظ ما تشيل هم ..
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
ييييييااااااااخخخخخخخخخ وانا اقدر رسلت ليك رساله بريدية بعنوانك الجديد ولم ترد معليش اخوك ناذر دا خالينا نعيش حالة عدم تركيز واخر حاجة طلع بتاع زرايب ,....يعنى لقى الركوب لذيذ ولمان نزلوه حلف يشرد كل الحيوانات الاليفة والمنقرضة واسع بدا بالحصين وبكرة على العتان وبعدها الخرفان وحا يفط الغزلان وتووووش على السخلان ..وهاك ياحملان فى الحيشان ...يامغيث اسسسفين يانوبى وياناذر ركز
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
Quote: ييييييااااااااخخخخخخخخخ وانا اقدر رسلت ليك رساله بريدية بعنوانك الجديد ولم ترد معليش اخوك ناذر دا خالينا نعيش حالة عدم تركيز واخر حاجة طلع بتاع زرايب ,....يعنى لقى الركوب لذيذ ولمان نزلوه حلف يشرد كل الحيوانات الاليفة والمنقرضة واسع بدا بالحصين وبكرة على العتان وبعدها الخرفان وحا يفط الغزلان وتووووش على السخلان ..وهاك ياحملان فى الحيشان ...يامغيث اسسسفين يانوبى وياناذر ركز |
ود عكر انت مسخن كده مالك ؟ بايت وين و جايي من وين ؟ حفلاتكم رابه ؟
تهريجه :
الغزلان دي كان ما فطاها بيكون في دموم اها اخد لي لفه و اجيك راجع (سمح) !
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
دا شنو البتعملوا فيهو دا يا ناصر وود عكر وروميو !!!!!
البوست دا قالولكم انا فاتحو ليكم ماسنجر ولا شنو
بالله موضوعنا عن الحصين يا ركزوا معانا يا نضيفكم للحصين الهنا
ناصر البطل !!!!!!!!!
مكلفني صفحتين فلوسكاب فاضيات في بوستي وبعد دا ما داير تتكلم !
لو عارف انواع تانية من النياق خليها للبوست الجايي سمح !!!
الحبيب صلاح الدين ..
Quote: اخى ناذر احييك فى اول مداخله لى معك
ثم
|
شرفت البوست والله وإنشالله ماتكون الاخيرة ليك
مالك مستغرب في حصان تراجي !!!!
ود عكر :
Quote: ابو الحـصين"بكسر الحاء وتشديد الصاد" الحصان البلغارى... |
أبو الحصين عرفتو .. علا الحصان البلغاري دا ما وقع لي في رويسي !
كدي النشوف الشباب الدرسوا في بلغاريا لو كانوا شافوهو هناك
ود عكر ما تتصلح معانا شوية !!!!
Quote: ييييييااااااااخخخخخخخخخ وانا اقدر |
الولد دا كتل قلبك ولا شنو !!!
ياخي دا ما نور كامل الزمان .. دا فيصل نوبي !!
إنتا لسة عايش على إنو نور دا بنية ولا شنو !!
صنفرة :
خلو بالكم في أنواع الحصين وما تقلبوا موضوع البوست بالله
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
ذهبت اليوم للسوق لشراء كوالين من أجل تجهيز بعض الشقق وهناك إكتشفت بوجود كالون صيني أراه لأول مرة وبه صورة حصان كبير في حالة قفز أو ما شابه !! تفحصته فوجدته من النوع الجيد (الكالون وليس الحصان) !!! زسعره كان معقولا بالنسبة لبقية الكوالين فإخترته دون ادنى تردد !!!!!
صنفرة :
بعد رجوعي شكيت في نفسي إن كنت قد إشتريت الكالون لإعجابي به ام لاعجابي بالحصان !!
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: فيصل نوبي)
|
كيفك يا روميو ...
هل تعلم انني لا احب الحصين إطلاقا ولا أطيق رؤيتها ولا ادري حتى (الدقسني شنو المرة الفاتت) عندما رضيت بركوب ذاك الحصان !!!
لسبب منطقي جدا وهو ان أحد أصدقاء طفولتي الاعزاء لقى مصرعه أمام ناظري (رفسا) من رجل حصان الفحم عندما كان صاحبه يهم بتفريغ الفحم أمام الدكان !!
صنفرة :
حاول صاحبي العبث مع الحصان فرفسه رفسة واحدة كانت كفيلة بقتله في التو واللحظة .. ومنذ ذلك اليوم قبل أكثر من سبعة عشر عاما وانا اكره الحصين !!!
| |
|
|
|
|
|
|
Re: أنواع الحصين ثلاثة .... في زول بيعرف غيرا ؟؟؟؟!!!!! (Re: ناذر محمد الخليفة)
|
زمان فى قزازة .......... مشهورة ب.......... ابو حصان! اما قصة الحصان البلغارى فيحكى ان لى زميل دراسة ايام الدراسة الجامعية فى المغرب وكان مكسر فى مغربية سمراء فارعة الطول ولهل جسم مجرد النظر الية تمشى للقاضى وتقوليهو يامولانا لو سمحت اجلدنى مية جلدة ...ونحن خروج من المدرج اشوف البرلوم يتلفت زى مروحة الطربيزة وطوالى يسال ما شوفتو الحصان البلغارى ما شوفتو الحصان البلغارى وطبعا نحن ما كنا فاهمين ولا شايفين ولا عارفين الاسم ولا الوصف اهه بعد فترة اكان صاحبنا جانا قايد الحاجة وبدون ما نسال عرفنا المقصود بالحصان البلغارى ... ضفرة انت شفته الحصان البلغارى السودانى؟
| |
|
|
|
|
|
|
|